امير يوحنا - Dr Amir Yohana

امير يوحنا - Dr Amir Yohana مركز الدكتور امير يوحنا للعلاج النفسي والادمان وتعديل السلوك

04/12/2025

لو عرفوا انت رايح فين مش هتوصل سيبهم فكرينك تايه

04/12/2025

يارب لو في يوم ضعفت روحي قويني 🥹🥹

04/12/2025

الزعل مش ضعف…
الزعل صوت جواك بيقولك: أنا اتجرحت… اسمعني.

كلنا لينا لحظات بنقف فيها قدام وجع مش عارفين نشرحه، ولا نعرف نخبيه… فبنزعل.

بس الجميل في الزعل إنه مش نهاية…
ده بداية فهم. بداية صلح حلو بينك وبين نفسك.
اللحظة اللي تقول فيها:
“آه، أنا موجوع… بس هعدّي.”

الزعل بيكشف لك مين اللي قلبه معاك ومين اللي وجوده كان صدفة.
وبيفهمك قد إيه أنت محتاج تهوّن على نفسك قبل ما تطلب من حد يهوّن عليك.

جرب تسمح لنفسك تزعل…
جرب تسمح لنفسك تتوجع …
وجرب كمان تسيب الباب مفتوح للضحكة اللي هترجع، يمكن أبسط من اللي كنت متوقعه.

لأن في الآخر…
الحياة مش واقفة على لحظة الوجع،
لكنها واقفة على قدرتك إنك تقوم بعدها وانت أحن على نفسك وأقوى

الصبح دايمًا بييجي ومعاه نداء صغير كده، يقولك:“إنت لسه هنا… ولسه ربنا مديّك فرصة تانية.”مديّك نَفَس، وصحة، وشوية نور يكف...
04/12/2025

الصبح دايمًا بييجي ومعاه نداء صغير كده، يقولك:
“إنت لسه هنا… ولسه ربنا مديّك فرصة تانية.”
مديّك نَفَس، وصحة، وشوية نور يكفوك إنك تقوم وتكمل.

ولو قلبك مضايق ومش قادر يفرح…
فكرّه بالشكر.
عد نِعم بسيطة… نَفَس بيدخل ويطلع ، جسم واقف معاك، ناس بتحبك، وربّ واقف جنبك.
وساعتها… هتلاقي القلب بيرتاح لوحده. ❤️

03/12/2025

السنين اللي أكلها الجراد…
مش بس الوقت اللي راح…
دي سنين الخيبة والصدمة والغدر والخداع…
سنين ضاعت من عمرنا من غير ما نلمس فيها طعم الأمان ولا الفرح.

بس اللي قال “هعوضكم”… هو اللي يقدر…
يعوّضنا عن كل دمعة، عن كل ألم، عن كل وجع، عن كل ضياع…
ويخلي الأيام اللي جاية أحلى من اللي راحت،
ويزرع في قلوبنا أمل ما يعرفش الهزيمة…

ده وعده… ووعد ربنا ما بيتكسّرش،
واللي بيوعدنا… أكيد هيعوضنا.

أحبك يا الله…لأنك الوحيد اللي شايف جوّا قلبي،الوحيد اللي بيطبطب من غير ما أطلب،وبيصلّح الطرق اللي أنا مش شايف نهايتها.أح...
03/12/2025

أحبك يا الله…
لأنك الوحيد اللي شايف جوّا قلبي،
الوحيد اللي بيطبطب من غير ما أطلب،
وبيصلّح الطرق اللي أنا مش شايف نهايتها.

أحبك…
لأنك ماسك إيدي وأنا تايه،
وبتحميني من حاجات معرفش عنها حاجة،
وبتحفظ اللي بخاف عليه… قبل ما حتى أتخيل خوفه.

أحبك…
لأنك رغم ضعفي وتقصيري…
لسه بتفتحلي بابك،
ولسه بترحمني رحمة تكسفني قدّام نفسي ❤

03/12/2025

الناس من كتر التعب بقيت محتاجة اللي يديها بالأمل علي وشها 😊😀

03/12/2025

**العلاقة مش فرد بيحب ويستحمل…
العلاقة طرفين بيشيلوا بعض، ويحترموا بعض.**

طلبات الإنسان قليلة…هو مش محتاج قصور ولا احتفالات كبيرة…هو محتاج حضن أمان، وناس قلبها طيب، وكلمتين حلوين يفوق بيهم يومه....
03/12/2025

طلبات الإنسان قليلة…
هو مش محتاج قصور ولا احتفالات كبيرة…
هو محتاج حضن أمان، وناس قلبها طيب، وكلمتين حلوين يفوق بيهم يومه.
محتاج اللي يفهمه من غير ما يعقّد الدنيا…
واللي يحس بيه من غير ما يشرح.

وقتها… يبقى أجمل نسخة من نفسه،
وهيعرف يدي حب لكل اللي حواليه.

🌹😊ما احلي صباحك يارب😊🌹حين يبدأ بالقوة والفرح والسلام ❣️ صباح الخير مبكرا ويوم كله فرح وبركه روحيه وبركه مادي...
03/12/2025

🌹😊ما احلي صباحك يارب😊🌹
حين يبدأ بالقوة والفرح والسلام ❣️

صباح الخير مبكرا ويوم كله فرح وبركه روحيه وبركه ماديه لكل اللي مستني رزق في يومه 💕💕

صباح الحب المتجدد 🍒
صباحكم كله هادى ونادى 💕💕
صباحكم سكر زيادة 💕💕

في الوقت اللي بنقعد نفكّر فيه في حياتنا،ونحط خطط، ونتوقع سيناريوهات…يكون ربنا شغال في السِر،بيرتب خطوات،وبيظبط تفاصيل إح...
02/12/2025

في الوقت اللي بنقعد نفكّر فيه في حياتنا،
ونحط خطط، ونتوقع سيناريوهات…
يكون ربنا شغال في السِر،
بيرتب خطوات،
وبيظبط تفاصيل إحنا أصلًا ماخطرش في بالنا إنها تتحل.

إحنا بنحسبها بعقلنا…
بس ربنا بيدبّرها بحكمة أعلى،
وبطريقة أوسع بكتير من اللي نقدر نتخيله.

فـكن متطمن…
طالما ربنا في الصورة،
عمرك ما هتقع لوحدك،
ولا هتدخل حاجة إلا وهو شايف فيها خير ليك،
حتى لو لسه مش باين. ❤️🙏

الناس الحساسة؟دول مش ناس بتحب الدراما… ولا ناس “مكبرة الموضوع”.دول قلوب ماشية على الأرض من غير حصانة…كل حاجة حواليهم بتت...
02/12/2025

الناس الحساسة؟
دول مش ناس بتحب الدراما… ولا ناس “مكبرة الموضوع”.
دول قلوب ماشية على الأرض من غير حصانة…
كل حاجة حواليهم بتتعبهم وبيكون ليهم صوت عالي، وكل كلمة بتعمل علامة.

يفرحوا بسرعة… من لمسة، من كلمة، من موقف صغير محدش ياخد باله منه…
وتلاقيهم طايرين من الفرح كأن الدنيا بتبدأ من جديد.
ويزعلوا بسرعة… آه، بس مش عشان هما ضعاف…
عشان هما صادقين… والصدق دايمًا بيكشف كل حاجة جوه.

الناس دي زي الأطفال…
دمعة قريبة… وابتسامة أسرع…
يزعلوا دلوقتي ويضحكوا بعد 5 دقايق كأن ماحصلش حاجة.
روحهم نقية… وقلوبهم بتتسع لكل الناس حتى لو هما اللي موجوعين.

ضحكتهم؟
ضحكة من جوه قوي…
ضحكة تدي أمل…
ضحكة تقولك إن رغم التعب… القلب لسه أبيض ومفتوح للحياة.

الناس الحساسة مش محتاجة كتير…
مش محتاجة شرح… ولا تبرير…
كل اللي محتاجينه حد يفهمهم…
حد يطمنهم إن مشاعرهم دي مش عيب…
وإن اللي معاهم لازم يكون رحيم زيهم… بس كده.
🌹💞

Address

٤ شارع محمود ناشد متفرع من هارون الرشيد _ بجوار مترو هارون _ مصر الجديدة
Cairo
11757

Telephone

+201205281178

Website

Alerts

Be the first to know and let us send you an email when امير يوحنا - Dr Amir Yohana posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to امير يوحنا - Dr Amir Yohana:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category