آية عطا - Aya Atta

آية عطا - Aya Atta Contact information, map and directions, contact form, opening hours, services, ratings, photos, videos and announcements from آية عطا - Aya Atta, Mental Health Service, Cairo.

🎓للمهتمين بعلم النفس.. واللي بيحبوا يفهموا نفسهم أكتر❤️وأنا بذاكر اليومين دول قررت اني هبدأ رحلتي للمرة الثانية مع الكتا...
21/11/2025

🎓للمهتمين بعلم النفس.. واللي بيحبوا يفهموا نفسهم أكتر❤️

وأنا بذاكر اليومين دول قررت اني هبدأ رحلتي للمرة الثانية مع الكتاب المهم ده في العلاج المعرفي السلوكي CBT

رحلتي المرة ده هتكون مختلفة لأني هشاركها معاكوا بحيث نمشي في الكتاب علي مهلنا ونهضمه ونطلع منه عارفين يعني CBT وإزاي نطبقه على نفسنا قبل ما يكون علي اي حد تاني 😍

هشارك معاكوا:
💡أهم الأفكار.
💡النماذج اللي تستحق تتشرح.
💡الخطوات اللي تتطبق في الحياة.
💡والحِتت اللي بتلمس القلب قبل العقل.

مين حابة تبدأ الرحلة معايا؟ اكتبي Flow في التعليقات وخلي البداية تكون مع بعض.

فيه حاجات بسيطة في الكتاب هتخليكي تكتشفي نفسك بطريقة مذهلة ❤️


دلوقتي أنا كل لما افتكر اللي حصل ازعل..بقالك قد ايه بتفتكري اللي حصل؟يعني من حوالي سنة ونص..من ساعة ما حصل اللي حصل، حيا...
02/11/2025

دلوقتي أنا كل لما افتكر اللي حصل ازعل..
بقالك قد ايه بتفتكري اللي حصل؟
يعني من حوالي سنة ونص..

من ساعة ما حصل اللي حصل، حياتك ماشية إزاي؟
لا مش ماشية، هي واقفة.

تحبي حياتك تكون عاملة إزاي؟
ارجع زي الأول كأن اللي حصل ده محصلش.

شايفة أن طريقة تفكيرك ده مساعدكي؟
لا.

تعالي ناخد مثال بسيط يوضح لك الصورة.
لما واحد يتعور تعويرة جامدة وبدلا ما يتعامل مع التعويرة ويتعالج فضل يفكر نفسه كل يوم،،
ليه ده حصل ،،اشمعنا أنا،، ويلوم في نفسه..وبعد عن الناس...

شايفة أن طريقة معاملته لنفسه وقت الألم شكلها ايه؟
صعبة اوووي..

ليه شايفها صعبة؟
لأن المفروض يحترم ألمه ويعامل نفسه بشوية رحمة.

بالضبط الرحمة ده اللي محتاجة الفترة ده انك تتعاملي مع نفسك بشوية رحمة.

رحمة من اللوم
رحمة أن اللي حصل حصل قدر الله ماشاء فعل.
رحمة من الصورة المثالية اللي ماخدها عن الناس والحياة ونفسك.
رحمة من جلد الذات.
رحمة للألم
رحمة للمشاعر وانك تديها وقتها تعبر عن وجودها.

جربي تفعلي الرحمة في كل تفصيلة في حياتك، من اسم الله الرحيم🩵

وهتشوفي الفرق وتحسيه بقلبك.

هتلاقي نفسك اخدتي اللي حصل من نظرة التعلم مش من نظرة جلد وتأنيب. .

في وقت كنت حاسة إني تعبت من كل حاجة…من التفكير، من المحاولات، من إحساسي الدائم إني مش كفاية.كنت بصحى الصبح على دوشة الأف...
01/11/2025

في وقت كنت حاسة إني تعبت من كل حاجة…
من التفكير، من المحاولات، من إحساسي الدائم إني مش كفاية.

كنت بصحى الصبح على دوشة الأفكار،
وأنام وجوايا ألف صوت بيحاسبني.

وفي يوم، بالصدفة، فتحت كتاب.
كنت بدور على أي حاجة تخليني أهدى.

أول صفحة كانت بتتكلم عن الألم والمعاناة والفرق بينهم..
و إزاي عدم الوعي بالفرق بينهم ممكن يخلي الشخص مانع نفسه عن خير كتير جدااا.
حسيت الكلام اتحفر جوايا لأن كنت بمر بمرحلة تقيلة...
حسيت وقتها كأن حد أخيراً فهمني من غير ما أشرح.

ساعتها فكرت…
ليه مانخلقش مساحة صغيرة كده؟
نهدى فيها مع بعض،
نسمع نفسنا بدل ما نحاكمها،
ونتعلم نكون طيبين معاها.

ومن هنا بدأت "ونس" 🍃
مش مشروع، ولا قناة.
مكان بسيط،
أقرأ فيه كتاب كل شهر وأشاركك اللي لمسني منه.

مش علشان نصلح نفسنا،
لكن علشان نسمعها، ونفهمها، ونطبطب عليها شوية.

أول كتاب هنتكلم عنه عن تنظيم المشاعر وهدوء النفس.
لو حسيتي الكلام ده ليكي…
يبقى مكانك معانا في ونس 🩵

لو نفسك في مساحة آمنة تهدي فيها صوت الوحدة وتحسي بالأمان وتبدأي رحلة تغييرك أو تكلميها وأنتي ثابته من جوا🩵

ابعتلي وهرد عليكي علطول🩵

بما أننا الجو قلب شتوي من ساعة ما التوقيت الشتوي بدأ..وأنا عاشقة للجو ده 😍فالأوقات اللي زي كده بنكون محتاجين مساحة صغيرة...
31/10/2025

بما أننا الجو قلب شتوي من ساعة ما التوقيت الشتوي بدأ..

وأنا عاشقة للجو ده 😍

فالأوقات اللي زي كده بنكون محتاجين مساحة صغيرة نرتاح فيها،
نسمع نفسنا من غير جلد ولا ضغط ولا خوف.
نتعلّم نهدى وسط الزحمة ونفهم نفسنا بدل ما نحاربها.

عشان كده بدأت “ونس” 🍃
مساحة وعي ونَفَس هادي…
هنمشي فيها مع بعض خطوة بخطوة،
نفهم مشاعرنا، ونتعامل معاها بلُطف،
ونتعلّم مهارات تساعدنا نعيش بسلام أكتر.
مساحة مدفوعة للوعي والنَفَس الهادي،
نتعلم فيها مهارات نفسية تساعدك تعيشي بسلام أكتر

لو قلبك بيحنّ للونس الحقيقي،
انضمي معانا.

الرحلة هتكون في جروب علي التليجرام.
بأشتراك شهري

📘أول شهر:
مهارات العلاج الجدلي السلوكي – DBT Skills
رحلة لتنظيم المشاعر والتوازن النفسي.

📍الاشتراك الشهري: 250 جنيه
⚠️ العدد محدود علشان التجربة تفضل قريبة وإنسانية.
للحجز واتس آب
01015353345

07/09/2025

فيه لحظات كتير حسيت فيها إني مش "أنثى كفاية" عشان بغضب.
كنت بقول لنفسي: يمكن لو كنت أهدى، أروق، أساير أكتر… كنت هبقى مقبولة.

بس الحقيقة إن غضبي كان بيصرخ في وشي ويقول: أنا مش ضدك… أنا معاكي. أنا بحميكي.
اكتشفت إن الأنوثة مش إنكار مشاعري ولا ابتسامتي المزيفة.

الأنوثة الحقيقية إني أسمح لنفسي أكون إنسانة كاملة:
أحب، أغضب، أتألم، وأقوم تاني.

أنا مش جاية أديكي دروس من فوق…
أنا زيك، جربت المرارة دي… واللي بيخليني أشاركك النهاردة هو إني عرفت إن الغضب مش عدوك،
الغضب ممكن يكون بوابتك لفهم نفسك أكتر…
واستعادة ثقتك في إنك ست حقيقية وكاملة زي ما أنتي.


حكاية بر الأمان بدأت من هنا....بدأت أن في واحدة قاعدة في البيت مش عارفة هي عايزة ايه ولا بتحب ايه لا وكمان معندهاش ثقة ب...
24/08/2025

حكاية بر الأمان بدأت من هنا....

بدأت أن في واحدة قاعدة في البيت مش عارفة هي عايزة ايه ولا بتحب ايه لا وكمان معندهاش ثقة بنفسها.

كل اللي تملكه هي الصوت اللي جواها اللي بيقولها اتحركي أنتي جواكي حاجة مميزة ومختلفة.

لكن الصوت ده بسبب قلة ثقتها بنفسها والخوف والأصوات السلبية اللي حواليها كان مش مسموع..

فكانت بتهرب منه أنها تسمع وتصدق كلام اللي حواليا اللي مش بيخرجها بره الدايرة

تعرفي كانت المنقذ ليها ايه؟
الساعة اللي قبل النوم، هي الساعة اللي بتخرج كل الطاقات المكبوته والتوهان اللي جواها والأصوات المحبطة في شكل عياط..

تبان ليكي سلبية بس ده كانت المنقذ اللي بساعدها تستقبل اليوم اللي بعده بطاقة...

إلي أن حصل موقف واقف عليه مستقبلها كله، لكن الموقف ده معرفتش تتعامل معاه بسبب الخوف.

وقتها الخوف بدأ يكبر وياخد مكان أكبر بكتييير لحد لما سيطر علي كل تفكيرها..

مبقتش عارفه تعمل ايه وهنا حست انها خذلت نفسها واللي حواليها..

وتقوقعت جوا دايرة الخوف اللي سابت نفسها ليه..

وبدأت تلوم نفسها علي كل يوم يعدي وهي واقفة مكانها ومش عارفة تعمل ايه حاسة بعجز رهيب.

عدت سنة اتنين وهي لسه برضو في نفس مكانها بالعكس حالتها النفسية بينها وبين نفسها ابدااا مش مرتاحة، لكن من بره بتحاول تبين أنها متماسكة:

زي أنها تبقي شبه اللي حواليها علشان تهون علي نفسها احساسها بالغربة وسطهم.

بس برضو في جزء جواها بيقاوم أنها تبقي شبه حد.

هنا قررت انها تمسك طرف الخيط من الأول.

وتبني نفسها من جوا، تراجع مفاهيمها عن نفسها والناس والحياة..

هي حلمها كان توصل لبر أمان مع نفسها الأول قبل ما تدخل في علاقة مع شخص وقبل ما تكون أسرة فيها أطفال.

والحمدلله قطعت شوط كبير جدااا في أحساسها ببر الأمان مع نفسها ومازالت بتطور وبتتعلم لكن فيه حاجة جواها هديت لقت بر الأمان اللي بتدور عليه.

فلما جت ترتبط لقيت فيه بر أمان تاني لأن هي عندها الأساس فهما الاتنين مرايا لبعض.

واتطور الأمر وبقي فيه أطفال فبقوا عائلة هما بر أمان لبعض.

علشان كده بقول وهفضل اقول طول عمري لأني مؤمنة بالمبدأ ده جداااا

أنتي الأساس 💛
أنتي بر الأمان اللي كله هيجري عليه وقت ضعفهم ووقت قوتهم.
أنتي الحب اللي هيبنوا عليه حبهم لنفسهم.
أنتي السعادة اللي ضحكتك بالنسبة ليهم طاقة حلوة يشحنوا منها يومهم.

اهتمي بنفسك.
سيبك من الناس وأفكارهم وكلامهم وخدي هدنة كده مع نفسك اتصالحي عليها واعرفي هي بتحب ايه وبتخاف من ايه وليه.

ابني ثقتها بنفسها واتعلمي لغة المشاعر، خليها تشوف أن في شخص بيهتم بيها من جوا مش مستني شوية اهتمام من بره.

وبكده أنتي هتكون فعلاً بر أمان لنفسك وللي بتحبيهم❤️🫶💛


20/08/2025

عارفة إن في حلم جواكي.. بس كل مرة تقولي لنفسك: لازم حد يوافق، لازم حد يشجعني، لازم حد يقول لي يلا.

الإحساس إنك محتاجة إذن من حد بيخلي عمرك واقف. الحقيقة إن مفيش حد هيديك التصريح ده.. غيرك -أنتي."

ابدأي من دلوقتي.. الإذن عندك. لو استنيتي، عمرك هيجري وحلمك هيستناكي. وإنتي تستاهلي تعيشيه دلوقتي.

صباحك جميل🫶💛


19/08/2025

طول ما أنتي مش فاهمه نفسك، هتبقي علاقتك باللي حواليكي كلها لوم وعتاب ونقد ومش حاسة براحة...

18/08/2025

السبب اللي مخليكي مش عارفة تحبي نفسك؟
مش انك معنديكش إمكانيات زيها أو ظروف مختلفة تساعدك.

ابدااااا الكلام ده مش صح.

الفكرة كلها إنك بتعملي خدعة علي اساس انك بتحفيزها.

تروح تشوفي الناس اللي حابة تكوني زيهم أو تحققي أهداف شبه أهدافهم.

هنا عقلك يخدعك ويقولك بصي هما حياتهم فين وأنتي حياتك فين.
بصي ده زوجها مدلعها وبيشتري ليها هدايا وأنتي لا.
بصي اولادها بتعملهم ايه ماشاء الله وأنتي فين.
بصي شكلها وجسمها بتهتم بيه وأنتي مش عارفة.

ده كله بيحصل وأنتي مش واعية ليه.

وتقفلي السيوشال ميديا.
صوتك يعلي مش مستحملة كلمة من حد.
عايزة تهربي من المشاعر ده
فتنامي أو تأكلي...

أنتي كده مش بتساعدي نفسك بالتحفيز أنتي بتزودي عجزها.

ليه؟
لأنك أنتي عجبك الشكل من بره وعايزه منه ومتعرفيش اي تفاصيل جواه.

وبتقارني مقارنه غير عادلة بالمرة في حق نفسك.

فممكن ترحمي نفسك من المقارنة اللي تعبت أعصابك وتركزي في حياتك.

استمتاعك هيزيد الضعف وهتلاقي حاجات حلوة كتير احمدي ربنا عليها ، حياتك محتاجة شوية تركيز منك.

فركزي في ورقتك ومتضعيش وقتك الغالي في اللاشئ.


17/08/2025

علشان تلاقي الحب بره.
حبي الطفلة اللي جواكي الأول بدون شروط💞

17/08/2025

التغيير الحقيقي بيحصل لما نكون قابلين نفسنا قبل التغيير.
بالضبط زي طفل بتقولي ليه أنا مش هحبك إلا لما تبقي شاطر ...
لو بقي شاطر علشانك مش علشانه.
الدافع براه فلما يكبر هيدور علي اي حاجة يحركه من بره..
كلمة حلوة، تشجيع، تصفيق...
فاقبلي نفسك قبل التغيير هتهون عليكي كتيير رحلة التغيير نفسها والمقاومة اللي فيها.
لأنك حاطة الأساسيات صح💛🫶


Address

Cairo
18020

Telephone

+201015353345

Website

Alerts

Be the first to know and let us send you an email when آية عطا - Aya Atta posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to آية عطا - Aya Atta:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category