سامح علام أستاذ أمراض القلب

06/11/2025

القلب فيه 4 صمامات كل واحد فيهم له مهمة دقيقة جدًا
زي تنظيم حركة الدم، ويمنع رجوعه في الاتجاه العكسي
لكن لما واحد منهم يتأثر بسبب تكلّس، التهاب، أو تضيق
الدم ما يتحركش بالشكل الطبيعي، وده يخلي القلب يشتغل بمجهود أكبر.
مع الوقت، ممكن ده يسبب فشل في عضلة القلب أو ضيق في التنفس أو دوخة مستمرة.
تابعنا عشان تعرف إزاي تحافظ على صحة قلبك خطوة بخطوة

04/11/2025

القسطرة القلبية تعتبر المفتاح لحل أمراض كتير من أمراض القلب❤️‍🩹
لأنها مش بس وسيلة لتشخيص مشاكل الشرايين ومعرفة إذا كان في انسداد أو ضيق بس لكن كمان بتشتغل كعلاج في بعض الحالات

02/11/2025

بعض أمراض القلب بتتنقل في العيلة من جيل للتاني، وممكن تظهر في أي وقت بدون إنذار❗
علشان كده مهم تعرف تاريخ العيلة المرضي وتتابع بشكل دوري مع طبيب القلب، خصوصًا لو في حالات شبيهة عند الأقارب.

31/10/2025

لو عاوز تفهم كل شيئ عن الشريان التاجي والقسطرة والدعامة
لو أنت أو أحد أفراد أسرتك أو صديق عزيز لديك عمل قسطرة ودعامات
لو عندك آلام في الصدر والدكتور نصحك بعمل قسطرة أو تركيب دعامات
لو عندك وقت للفيس وعاوز تعرف معلومة تنفعك وتنفع بها الناس

لازم تتفرج علي الفيديو دا للنهاية ويكون معك ورقة وقلم تكتب ملاحظات

Enjoy the videos and music you love, upload original content, and share it all with friends, family, and the world on YouTube.

30/10/2025

فيه ناس بتفتكر إن أول ما حد في العيلة عنده مشكلة في القلب يبقى الكل هيورثها، لكن الحقيقة إن مش دايمًا كده.
فيه أمراض وراثية فعلاً بتتنقل جينيًا، بس في نفس الوقت فيه أمراض قلب تانية بتظهر بسبب أسلوب الحياة غير الصحى

29/10/2025

تحليل الهولتر يساعد الطبيب انه يتابع نشاط القلب على مدار 24–48 ساعة، ويكشف عن امراض كتير زي
❤️‍🩹 اضطراب في كهرباء القلب
❤️‍🩹عدم انتظام في ضربات القلب
❤️‍🩹 ضعف عضلة القلب
عشان كدة المتابعة المستمرة مهمة لأن الكشف المبكر بيحمي قلبك ويخليك تعيش حياتك بأمان.

28/10/2025

مهما تطوّر الذكاء الاصطناعي، عمره ما هيعرف ياخد مكان الدكتور.🩺
الدكتور هو اللي بيربط بين الأعراض والتاريخ المرضي والتحاليل
وبيفهم الصورة الكاملة عشان يوصل لتشخيص مظبوط يناسب كل حالة.✔️

23/10/2025

كتير من الناس فاكرين إن قسطرة القلب دورها يقتصر على إنها وسيلة تشخيصية لكن الحقيقة إن القسطرة بتستخدم في العلاج كمان لانه من خلال القسطرة يقدر الطبيب يوسع الشرايين الضيقة بالبالون.❤️‍🩹
أو بتساعد في حالات تركيب الدعامات عشان تمنع انسداد الشرايين مرة تانية وده بيساعد على تحسين تدفق الدم لعضلة القلب وتقليل الأعراض زي الذبحة الصدرية وضيق النفس.

21/10/2025

القسطرة القلبية مش لعبة ⚠️
القسطرة القلبية ليها استخدامات مهمة جدًا أولًا بتكشف لو فيه ضيق أو انسداد في الشرايين. وثانيًا بتستخدم كعلاج لتوسيع الشريان أو تركيب دعامة تحافظ على تدفق الدم الطبيعي. وكمان بتساعد في تقييم قوة عضلة القلب وضغط الدم جواها.
ولكن ده مش معناه اننا نهمل في صحتنا و تتدهور و نضطر نلجألها لاكتر من مره عشان كده مهم ناخد بالنا من صحة قلبنا

20/10/2025

https://youtu.be/lawb2pzyNC8?si=dDs6Sx1-gP-i-i_D
يعني أيه التهاب عضلة القلب وأسبابها أيه وأعراضه وعلاجه؟ ويعني أيه ميه حول القلب والتهاب التامور؟

أعراض التهاب عضلة القلب خطيرة ومميتة، عشان كدا دكتور سامح علام بيشرح في قناته كل ما يخص عضلة القلب https://bit.ly/Dr_Sameh_Allam 00:00 شرح آلية عمل عضلة ال...

19/10/2025

وده بيحصل عن طريق ان الالتهابات البكتيرية في اللثة والأسنان ممكن تنتشر عن طريق الدم وتوصل لبطانة الأوعية الدموية أو صمامات القلب، وده يزيد خطر الإصابة بالتهابات خطيرة زي التهاب شغاف القلب 💔
اهتم دايما بصحة قلبك و سنانك عشان تبعد عنك مشاكل كتير

16/10/2025

رسم القلب الطبيعي مش دليل على أن قلبك طبيعي ❗
صحيح أن رسم القلب بيوضح كهرباء القلب لكن في مشاكل كتير ممكن ميوضحهاش رسم القلب زي ضعف العضلة أو مشاكل الصمامات عشان كدة الدكتور ممكن يطلب منك فحوصات إضافية عشان يتأكد انه قلبك سليم فعلا
اتفرج على الفيديو عشان تعرف اكتر عن الموضوع