Dr.Amira Sabry

18/03/2026

مبروكً عليكً النجاح نزول الوزن 55كيلو….نجاح #احمدالعوضي
ديما فنجاح وتكسر الدنيا ❤️❤️

#دكتورةاميرةصبري

14/03/2026

حسيت قبل كدا انك خربتي الدايت لمجرد انك كلتي حاجة حلوة ؟ 🤔❌
دا لأنك واقعةفي فخ عقلية كل او لاشيء🆘

الخبر الحلو ❤️5 خطوات بسيطة هتساعدك تتخلصي من التفكير دا ✌️

١/خد بالك الدايت مش حرب و جسمك مش آلة حاسبة.
٢/سيبك من فكرة 'هبدا بكرة ' وكملي يومك عادي .
٣/حطي لنفسك قواعد مرنة مش قيود
٤/التغير مش بيحصل في يوم وليلة …خطوة خطوة.
٥/احتفلي بكل إنجاز صغير لان التراكم هو اللي بيعمل الفرق .

💡التقدم البسيط احسن مليون مرة من المثالية المزيفة !❤️

#دكتورةاميرةصبري
#دايت

12/03/2026

⁨ فهم الجسم مش بيبدأ من الدايت …. بيبدأ من فك الشفرة الداخلية ✌️⛔️🔅 كتير مننا بيشوف مشكلة السمنة حاجات منفصلة….
عندي دهون..يبقي عندي مشكلة هرمونات …'يمكن وراثة؟!
لكن الحقيقة ان جسمك بيشتغل كدايرة واحدة ،معادلة معقدة شوية تبدأ من جينات وتتغذي عالالتهابات ، وتدوخك بلخبطة الهرمونات 🆘❌

جينات معينة زي (fto) ممكن تخلي جسمك اكثر قابلية للتخزين ..وأقل احساس بالشبع
لما نضيف اكل مليان سكر /دهون مصنعة+سهر+توتر…
يبدأ الالتهاب المزمن يعلي⏫️
ودا يأثر علي هرمونات زي :-
اللبتين (هرمون الشبع )
الأنسولين ( تخزين الدهون)
الجريلين ( هرمون الجوع)

😡🤬النتيجة ؟حلقة مفرغة:جينات نشطة+هرمونات ملخبطة+التهابات اعلي =ضغط اكتر علي الجينات😱

🤔طب نكسر الدايرة دي ازاي ؟؟..
5خطوات بسيطة أبدا دور العجلة بالعكس 😑🔄
١نحاول ناخد نوم عميق —النوم المتقطع بيزود هرمون الجوع ويقلل الشبع.
٢/وجبات هادية يعني —قللي السكريات والمقليات وزودي ألياف وبروتين .
٣/مشي خفيف٢٠ دقيقة مرتين فالأسبوع .
٤:مكملات ذكية (حسب تحاليلك)-أوميغا ٣ -ماغنيسيوم فيتامين D.
٥/وعي بمشاعرك —التوتر ببرود الالتهاب اكتر من السكر.

💡جسمك مش ضدك —جسمك اكتر حد فاهمك. هو بيترجم ال انتي فيه.
ايه الخطوة ال حسيتي انك هتقدري تبدأي بيها ؟؟ اكتبيلي فالكومنت❤️
#دكتورةاميرةصبري
#دايت ⁩

09/03/2026

ليه الميزان ثابت يا دكتوره مع ان هدومي وسعت وكل اللي بيشوفني بيقولولي شكلك خاسس... بس الميزان عاملي إحباط😥😥

الجمله دي باسمعها كثييير جدا و بأفرح جدا لما باسمع (هدومي وسعت )و باطمئن ان احنا ماشيين صح👌

تعالوا نفهم ايه الاسباب اللي ممكن تخلي الميزان يثبت رغم اننا فعلا بنخس؟!!!
◾️ اعاده تشكيل الجسم
لو بتاكل بروتين كويس او بتلعب تمارين مقاومه
بيحصل فقدان للدهون ⬇️مع زياده في الكتله العضليه⬆️... ده بيخلي الميزان ثابت بس الشكل بيتغير تماما و ده افضل حاجه ممكن تحصل لك في رحله نزول الوزن

◾️فقدان الدهون الحشويه اولا
الدهون اللي حوالين الأعضاء داخل البطن ممكن تقل فتحس ان بطنك نزلت ومقاس الوسط نقص قبل ما يظهر فرق واضح في الميزان و نزول الدهون الحشويه ده مفيد جدا صحيا بس مش بيظهر اوي علي الميزان

◾️تغير مخزون الجليكوجين
الجليكوجين هو مخزون الكربوهيدرات في العضلات والكبد و كل جرام منه يرتبط بحوالي٣_٤ جرام ماء
زياده الكربوهيدرات في نظامك الغذائي ممكن يثبت او يزود الميزان مؤقتا

◾️احتباس السوائل
احيانا احتباس السوائل بسبب التوتر او قله النوم او زياده الملح او تغيرات هرمونيه يسبب ثبات الوزن علي الميزان رغم انك خسرت دهون

◾️الامساك
الامساك ممكن يضيف من نص الي كيلو ونص وزن زياده بسبب محتوي الامعاء ومع تحسن حركه الامعاء يحدث نزول مفاجئ في الوزن

💡مش كل ثبات في الوزن معناه ان الدايت مش شغال
طول ما هدومك بتوسع✅️ و محيط الوسط بيصغر ✅️و شكل الجسم بيتحسن ✅️... يبقي انت فعلا بتخس و بتفقد دهون💪

#دكتورةاميرةصبري #دايت

25/02/2026

🛑 صيام 16 ساعة “يتخنك” مش يخسسك! 🛑

كتير مننا فاكر إن الصيام المتقطع أو صيام رمضان هو “مفتاح الحرق الأوتوماتيك”.. يعني جَوّع نفسك طول النهار وافتح في الأكل بالليل وبراحتك! 🤦‍♂️

الحقيقة اللي جسمك مش هيقولها لك:

لو فطرت غلط، أنت مش بس بتبوظ حرق اليوم.. أنت بتقفل “ زرار “ الحرق لليوم اللي بعده كمان!

⚠️ ليه الصيام لوحده مش كفاية؟

بعد ساعات صيام طويلة، جسمك بيبقى في حالة “امتصاص عالية .. يعني أول لقمة بتدخل بوقك، جسمك بيتعامل معاها بامتصاص شديد

👈 لو بدأت بعصير وسكريات ونشويات: الأنسولين (هرمون تخزين الدهون) بيعلى في السماء 🚀.

👈 النتيجة: جسمك بياخد السكر ده وييخزنة في الخلايا الدهنية، وتدخل في دوامة
“مقاومة الأنسولين”.

👈 الخلاصة: ممكن تصوم 20 ساعة وتطلع من رمضان وزنك زايد ودهونك أكتر!

💡 السر مش في “ساعات الجوع”.. السر في “طريقة شغل جسمك” وقت الفطار

الحل الحقيقي مش إنك تحسب بالساعة، الحل إنك تتحكم في هرمون الأنسولين.
الصيام بيجهز الأرضية، لكن “نوع الأكل” هو اللي بيبني النتيجة.

عايز صيامك يجيب نتيجة بجد؟

1️⃣ اكسر الصيام صح: ابدأ بالمية او الشوربة ، الألياف (سلطة)، والبروتين..
بلاش صدمة السكر المفاجئة.

2️⃣ ابعد عن “الثلاثي المرعب”: (قطايف، محشي، عصائر مركزة) بكميات كبيرة في بداية الفطار.. دي وصفة سريعة لتخزين الدهون.

3️⃣ الانضباط هو المكسب: رمضان بيعلمنا الانتظام، ما تبوظش مجهود 16 ساعة تعب في 10 دقائق “لخبطة”.

📢 نصيحة أخيرة:

لو فاكر إن الصيام “تصريح” عشان تاكل براحتك، فأنت بتضيع وقتك ومجهودك ع الفاضي.

الحرق بيبدأ من أول لقمة بتكسر بيها صيامك، مش من عدد الساعات اللي قضيتها وأنت جعان.

📌 شير البوست ده وفوق غيرك.. الصيام عبادة و صحة بذكاء مش مجرد جوع!

رمضان كريم عليكم 🌙

صباحكم كلة سعادة ورزق ❤️❤️❤️

✅ قوتك فى الاستمرار والدايت هو افضل استثمار _ #دكتورةاميرةصبري للحجز والاستفسار 01117779456

18/02/2026

كل عام والأمة الإسلامية بخير…رمضان كريم
#عساكم-من-عواده
#رمضان
#دكتورةاميرةصبري #دايت

17/02/2026

عشان عايزين ديما نكون حواليكم🌏 قررنا نفتح فرعنا الثالث 📍😉✌️…وكون من اول الفائزين بجوايز الافتتاح 🌹🎊
للحجز والاستفسار
واتس اب ٠١١١٧٧٧٩٤٥٦
العنوان:-the strip mall __beverlyhills واصلة دهشور
#دكتورةاميرةصبري #دايت

10/02/2026

29/01/2026

#دايت #تخسيس #سناك-الشتاء #دكتورةاميرةصبري .