04/11/2025
تتخيل تعيش حياتك ومش شايف غير نص متر قدامك؟!
دي كانت حالة "افتكار" من اليمن ، واحدة من الحالات اللي فعلاً بتفكرني ليه اخترت أكون دكتور عيون.
افتكار كانت مصابة بمرض وراثي في القرنية، سبب لها عتامة كاملة في عيونها — كانت رؤيتها محدودة جدًا، ومحتاجة دايمًا حد يمشيها علشان تقدر تتحرك.
بعد الفحوصات، اكتشفنا إن كل طبقات القرنية متأثرة، وقررنا نعملها زرع قرنية ثاقب لأن كل طبقات القرنية كانت متأثرة.
الحمد لله، بعد أسبوع واحد من العملية بدأت تشوف كويس جدًا ✨
الفرحة اللي في عينيها أول مرة شافت بوضوح كانت لا توصف❤️
افتكار رجعت بعد أسبوعين وهي متحمسة تعمل عينها التانية، لكن لازم ننتظر حوالي ٦ شهور بين العمليتين علشان نقلل احتمالية رفض القرنية المزروعة.
اللي حابب أوصله من القصة دي:
مش لازم تيأس.. طول ما في أمل، في خطوة ممكن تتاخد 🙏
الطب بيتطور، وربنا دايمًا بيكرم اللي يسعى.
#قرنية
