د.عمر البراشي-ماجستير التغذية العلاجية

26/08/2025

سمعت قبل كدا عن
The Disease of the the 4 Ds

خلينا نحكي الحكايه من الاول:
فيتامين B3 المعروف ب نياسين بيتحول في الجسم لمركبات مهمه زي NAD و NADP وال ليهم دور اساسي في تفاعلات الاكسده والاختزال وانتاج الطاقه.
لو حصل نقص في فيتامين B3 بيخلي الانزيمات المعتمده على NAD/NADP متشتغلش بكفاءه وبينتج عنها ان الخلايا مش بتعرف تنتج الطاقه بشكل كافي.
اكتر اعضاء بتتأثر هي ال استهلاكها في الطاقه عالي:
الجلد - الجهاز الهضمي - الجهاز العصبي
وبينتج ما يعرف ب Pellagra وال بتظهر بالثلاثي المعروف :
Dermatitis - Diarrhea - Dementia
ولو النقص استمر ممكن يسبب الوفاه Death
عشان كدا اتسمت 4Ds

العلاج بسيط جدا/ عوض نقص فيتامين B3
موجود في البروتين الحيواني زي الدجاج خصوصا الصدر والتونه
موجود في الحبوب الكامله بس مش الذره لأنه بيولوجيا غير متاح

25/08/2025

زمان كان في نظريه اسمها (acid-ash)
واللي قالت إن اللبن يعمل حموضة والجسم يسحب كالسيوم من العظم عشان يعادل الحموضه دي.
اتثبت بعد كدا نظريا انها غلط ولكنها فعلا مش غلط, خلينا نفهم ليه.
اولا ايه الفرق بين اللاكتوز واللاكتيز
اللبن فيه سكر اللاكتوز، وده محتاج إنزيم اسمه لاكتيز عشان يكسره.
بعد الطفولة، في معظم سكان العالم (وخاصة مصر وأفريقيا) إنزيم اللاكتيز بيقل, فيحصل عدم تحمّل اللاكتوز ونسبه الناس ال عندهم بتوصل ل
70–75% من المصريين.
بتظهر على شكل: انتفاخ، مغص، إسهال عند شرب اللبن الصافي.
(وفي الغالب المريض مبيكونش عارف ايه مشكلته)
مع العلم ان منتجات زي الزبادي والجبنة أقل كتير لأن فيها لاكتوز أقل.
يوصل اللاكتوز ال مش مهضوم للبكتيريا تخمره وتحوله ل Lactic acid
وعشان الجسم يقلل الحموضه دي من ضمن الميكانيزمات هي سحب الكالسيوم من العظم, ومن هنا جت النظريه ان مع ان اللبن غني بالكالسيوم لكنه عمليا بيقلل كالسيوم العظم.
اللبن مش ضروري، لكنه مش مضر لو بتستحمله كويس.
في مصر وأفريقيا، أغلب الناس عندهم صعوبة مع اللبن, الأفضل يعتمدوا أكتر على بدائل زي الطحينة، الزبادي، الخضار.
المهم مش اللبن نفسه، المهم: الكالسيوم + فيتامين D + رياضة + تقليل العوامل اللي تضيّع الكالسيوم (سكر، ملح، قهوة كتير).
بس لازم تهتم كمان مع الحاله بـ فيتامين D + رياضة حمل وزن + مغنيسيوم + فيتامين K2 علشان الكالسيوم يتثبت في العظم.

24/08/2025

من الحالات ال بتقابلنا ومبنخدش بالنا منها Delayed Food Sensitivity

او ما يعرف بحساسيه الغذاء المتأخره:

بتظهر بعد ساعات او حتى ايام من اكله معينه ودي من اول النقط ال بتفرقها عن الحساسيه الفوريه ال بتحصل بسبب IgE انما المتأخره مرتبطه اكتر ب IgG antibodies
اشهر الاعراض:

-انتفاخات او غازات او اسهال او امساك مزمن مع عدم وضوح السبب

-صداع متكرر مع تقلبات في المزاج

-الام مزمنه في المفاصل او العضلات بدون سبب واضح

-ارهاق عام او كسل

بشكل عام بيكون من الصعب اكتشافها بتحليل معين بشكل دقيق وعشان كدا افضل طريقه بتكون عن طريق اننا نبدأ ب Food elimination diet لأي اكل شاكين فيه ومن اشهر الانواع ال ممكن نشك فيها (لبن - جلوتين - الصويا - البيض) بنشيلهم من النظام لمده من 3 ل 4 اسابيع ونتابع تحسن الاعراض.

وخلال الفتره دي نشتغل على Gut health عن طريق البروبيوتيك.

ناخد بالنا ان احيان كتير بيتشخص غلط انها قولون عصبي.
واحيانا كتير بيكون دا من ضمن اسباب عدم ثبات نزول وزن الميزان.

28/07/2025

18/03/2025

📌 5 أخطاء في التغذية ممكن تكون السبب في عدم نزول وزنك!

1️⃣ بتاكل أكل صحي بس بكميات كبيرة!
✅ الأكل الصحي مش معناه إنك تاكل منه براحتك، السعرات برضو بتفرق.

2️⃣ بتعتمد على الدايت بس ومبتتحركش!
✅ النشاط البدني بيساعدك تحرق أكتر ويحسن صحتك.

3️⃣ بتحرم نفسك من كل حاجة!
✅ الحرمان بيخليك تزهق بسرعة وترجع تفرط في الأكل.

4️⃣ متلخبط في مواعيد أكلك وبتسهر كتير!
✅ قلة النوم ولخبطة الوجبات بتأثر على حرق الدهون.

5️⃣ بتصدق أي معلومة بدون ما تتأكد!
✅ لازم دايماً تتأكد من صحة المعلومات الغذائية علشان متضيعش مجهودك على الفاضي.

⚡ عايز تعرف إزاي تحقق أفضل نتايج بدون ما تقع في الأخطاء دي؟
#كيتوناتك

12/03/2025

🎤 "حاسس بالجوع طول الصيام؟ 😩
مشكلتك مش في الأكل، مشكلتك في اختياراتك! 😏"

✅ أهم ٣ تيبس عشان تتجنب الجوع في رمضان:

1️⃣ اكل البروتين في السحور 🥚🥑 – بيشبعك لفترة أطول!
2️⃣ شرب مية كفاية بين الفطار والسحور 💦 – الجفاف بيخليك تحس بجوع وهمي!
3️⃣ تجنب السكريات الكتير 🍰 – بترفع السكر فجأة وبعدها تحس بجوع شديد!

💡 طب جرب التيبس دي، وقولي في الكومنتات حسيت بفرق ولا لأ؟ 😉🔥
#كيتوناتك

09/02/2025

معلومه سريعه,,,
البروتين مش بس للعضلات,,,
لكنه المفتاح لخسارتك للوزن...
قلل نشويات, زود بروتين, زود دهون صحيه..
1-بيزود معدلات الحرق
2-بيقلل الجوع
3-بيحافظ على الكتله العضليه
ودا بيخليك تقل في الوزن,,,
وبدون اي ترهلات...
#كيتوناتك

30/08/2024

حتى لو قرارك كان غلط ❌مكانش فى احسن منه🤷بالراحه على نفسك شويه🤝❤️

23/07/2024

احيانا اختلاف وجهات النظر هو ما يصنع الفارق🧐🙏🏻

15/07/2024

قاعده رقم ١ ،، ان مفيش قاعده ،، دي حياتك وأنت ال تسوقها