أمنية أيمن ـ Omnia Ayman

أمنية أيمن ـ Omnia Ayman ✦ Mental Health & Counseling Specialist

سكن | مساحة آمنة للقبول والتراحم والأمانة
🔸جلسات دعم نفسي فردية
🔹 علاج معرفي سلوكي (CBT)
📞 01017039947

02/12/2025

قدسية العلاقة ببساطة هي احترامكم لبعض…
وكلام محسوب… وقرارات مسؤولة…
وحفاظ على حدود واضحة بتصونكم من وجع كتير.


01/12/2025

"قبل ما تلوم أي حد"

في وقت ما هتكتشف إن أكبر نقلة في حياتك مش جاية من حد ، جاية من مسؤوليتك إنت تجاه "نفسك"

مسؤوليتك إنك:
-تسمع لنفسك قبل ما تسمع للناس.
-توقف نزيف طاقتك من علاقات مرهقة.
-تصلح أخطائك بدل ما تبررها.
-تواجه حقيقتك حتى لو وجعتك.
-تختار اللي ينفعك مش اللي يرضي الناس.

المسؤولية مش حمل…
المسؤولية “قوّة” بتسندك… وبتكمل بيها طريقك.

اللي بيهرب من مسؤوليته بيكرر نفس الوجع.
واللي بيواجه، يمكن يتعب شوية بس بيطلع ثابت، واقف على رجليه.

اختار تكون الشخص اللي ياخد خطوة…
اللي يعترف، ويصلّح، ويتغير…
اختار تكون مسؤول عن نفسك علشان دي أول خطوة حقيقية للراحة.

#أمنيةـأيمن

30/11/2025

القبول… أول خطوة توقف الوجع

عدم قبولك للدرس عمره ما كان درع يحميك من تِكراره…
لأن الهروب دايمًا بيخلّي الوجع يدوّر على فرصة تانية علشان يظهر.

الحماية الحقيقية بتبدأ لما توقّفي وتواجهي.
لما تبصي للدرس اللي أخد من روحِك وقلبِك، وتعترفي إنّه كان جزء من رحلتك.

والندبة اللي فضلت جواكي مش نهاية…
دي بداية جديدة، دليل إنك قاومتي وعدّيتي، ولسّه جوّاك قدرة إنك تقومي تاني.

ولما يحصل القبول ومابعده من خطوات ، هتعرفي إن الوجع ماكانش آخر حاجة،وإن بعد كل ندبة في نور، وفي أمل، وفي حياة بتبدأ من جديد.


#سكن

29/11/2025

💡 لو فقدت السيطرة على أعصابك… تعمل إيه؟
علشان تتصرف صح :
- خد وقتك: ابعد شوية، خد نفس عميق، ادي نفسك فرصة تهدي.
-ارجع هادي: بعد ما تهدى، حاول تتواصل بهدوء وموضوعية.
-تحكم في الموقف مش في الشخص: ركّز على حل المشكلة بدل ما تسيطر على الناس بالغضب.

التحكم في أعصابك هو اللي بيخليك متزن وتقدر تأثر إيجابيًا على اللي حواليك.

سكـن | أمنية أيمن .

28/11/2025

فيه لحظة كده… لو صدّقتها، حياتك كلها هتتغير:
إنت تستاهل الثقة اللي بتدور عليها.

الثقة مش إنك تبقى كامل
الثقة إنك تبقى عارف نفسك بعيوبك ومميزاتك، وراضي إنك لسه بتتطور.
إنك تقول "مش عارف" من غير ما تحس إنك أقل
وتقول "لأ" من غير خوف
وتاخد خطوة حتى لو الطريق مش باين كله.

الثقة هي الصوت الهادي اللي جواك بيقول:
"أنا مش مثالي… بس قادر، ومكمل، وقابل نفسي… وبسعى أتغيّر."

ومع كل خطوة هتفهم إنك فعلاً تستاهل تثق في نفسك.
وساعتها هتعرف إنك عمرك ما كنت ناقص… إنت بس كنت محتاج تطمن.

والنصيحة
ابدأ بخطوة صغيرة النهارده—أي خطوة—وتابعها.
وزي ما بقولك دايمًا الثقة ما بتجيش مرة واحدة…لكنها بتكبر مع كل حركة صغيرة منك ✨
#سكن|أمنية أيمن .

"السعي دايمًا وأبدًا ليه نتيجة."يمكن النتيجة متجيش بسرعة…يمكن متجيش بالشكل اللي في بالك…بس عمرها ما بتيجي من غير خطواتك،...
27/11/2025

"السعي دايمًا وأبدًا ليه نتيجة."

يمكن النتيجة متجيش بسرعة…
يمكن متجيش بالشكل اللي في بالك…
بس عمرها ما بتيجي من غير خطواتك، من غير المحاولات اللي محدش شايفها، ومن غير تعبك اللي محدش حاسس بيه.

كل مرة بتكمّلي… بتقربي.
وكل خطوة—even لو صغيرة—بتفتحلك طريق ماكنش باين.

في الآخر؟
اللي بيسعى… بيرجع دايمًا برزق، بحل، براحة، أو بحكمة تغيّر حياته.

سكـن| أمنية أيمن.

كل عرض ليه جذر إيه أكتر شعور لمسك !🤍
26/11/2025

كل عرض ليه جذر
إيه أكتر شعور لمسك !🤍

25/11/2025

الامتنان
مش “تمرين” نكتبه…
ده لحظة هدوء تقول فيها: رغم كل اللي ناقص، في حاجات بتسندني ولسه واقف بيها.
جملة صغيرة، بس بتغيّر كيمياء يومك وتخلي روحك تهدى.
تفكر وردد "الحمدلله"👌🌹

25/11/2025

إنت بتكمل بأخلاقك؟ ولا بضغوطك؟

في وسط الزحمة… في حاجات صغيرة بتقوي نفسيتك أكتر من أي خطة كبيرة.

أخلاقك يا صديقي،
مش سلوك وخلاص دي الطريقة اللي بتختار تواجه بيها الدنيا..
لما تقول كلمة طيبة بدل كلمة تقيلة،
ولما تتصرف بأدب حتى وانت مضغوط ،
إنت مش بس بتحسن يومك،
إنت بتحافظ على نفسك باحترامك،
وبتسيب تأثير مباشر وغير مباشر في الناس.

خدها قاعدة:
كل ما تفهم "إنك مش رد فعل"
هتلاقي نفسك بتتعامل بأخلاق حتى في أصعب الضغوط.

سـكن | أمنية أيمن

مهما كان يومك طويل… جسمك لسه محتاج حد يهتم بيه.ولو فيه عادة واحدة تقدري تبدأي بيها علشان صحتك تتحسن بسرعة؟ابدئي بالنوم.ر...
24/11/2025

مهما كان يومك طويل… جسمك لسه محتاج حد يهتم بيه.
ولو فيه عادة واحدة تقدري تبدأي بيها علشان صحتك تتحسن بسرعة؟
ابدئي بالنوم.
ركّزي على راحة بالك قبل سريرك.. وجربي الخطوات اللي في الصورة، هتفرق جدًا في مودك وطاقة يومك..🌙💛

بما إن الفيديو اللي فات فتح موضوع مهم عن الشخصية الحدّية…حبيت أجهز لكم الخلاصة بشكل بسيط وبنبذة مختصرة، عشان الصورة تكون...
23/11/2025

بما إن الفيديو اللي فات فتح موضوع مهم عن الشخصية الحدّية…
حبيت أجهز لكم الخلاصة بشكل بسيط وبنبذة مختصرة، عشان الصورة تكون أوضح سواء عليكم أو على حد قريب منكم.
من بداية إيه اللي بيحصل جواهم؟

• ردود فعلهم بتعلى وتنزل بسرعة… وده معناه إن مشاعرهم مش ثابتة.
• أقل إحساس إن حد بيبعد يرفع عندهم القلق والغضب… "الخوف من الهجر عالي جدًا".
• يا حب قوي يا رفض تام… مفيش منطقة وسط.
• ساعات يحسّوا إنهم مش عارفين هما مين! “الصورة الداخلية عن نفسهم مهزوزة”.
• اندفاعية وقرارات سريعة تحت تأثير اللحظة.
• بيتعبوا بسرعة وده بيتعب اللي حواليهم كمان.
• مشاعرهم قوية وحقيقية لكن طريقتها في الخروج ساعات بتكون مؤذية ليهم قبل غيرهم.

دي مواقف تقربلك الصورة أكتر

• لو حد اتأخر في الرد دماغهم تروح لسيناريوهات فيها بُعد ورفض، وده يتحول لنرفزة أو لوم.
• لو العلاقة ماشية كويسة يتعلقوا بسرعة ويحبّوا بصدق.
• مع أي خلاف بسيط الصورة ممكن تقلب فجأة، والشخص القريب يتحول لشخص “مش فاهمني”.
• كلمة بسيطة فيها بعد ممكن تعمل اندفاع: بلوك، انسحاب، زعل شديد، أو كلام جارح.
• يوم ثقة عالية واليوم اللي بعده إحساس بالتوهان وفقد الهوية.
• لما يتضايقوا المشاعر بتعلى جدًا بسرعة وتهدى ببطء.
مهم تراعي ان الشخصية الحدّية مش “شخصية تنفر من وجودها ” ولا “حد مش كويس” هي اضطراب عاطفي بيخلي المشاعر قوية ومتقلبة، وده اللي بيأثر على سلوكهم.
مشاعرهم حقيقية، ومحتاجة تعامل واعي وصبر والقبول والفهم يقلّل الألم عندهم وعند اللي حواليهم.

سكـن|أمنية أيمن
01017039947 📞

20/11/2025

هذا الاضطراب يحاوطك بشدة 😅🤷👇؟

Address

Cairo

Website

Alerts

Be the first to know and let us send you an email when أمنية أيمن ـ Omnia Ayman posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أمنية أيمن ـ Omnia Ayman:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category