Disney Land Clinics عيادة الدكتور مايكل نبيل

17/11/2025

من يومين فاتوا شخصنا حاله " انيميا فول" لولد صغير بس من رحمه ربنا انه اتشخص بدري قبل ما يوصل لمراحل نقل الدم و الحجز في المستشفي…..

الغريب ان مافيشفي عيله الملاك الصغير ده اي تاريخ مرضي و ده مش معتاد !!!

بس ده يعلمنا نحترس مهما كانت الظروف….
بلاش جمله " ما أنا اكلته فول و ماحصلش حاجه" خصوصاً لو الطفل ولد مش بنت….

تعالوا نراجع سوا ايه هي انيميا الفول و ازاي نتجنب المشاكل الصعبه اللي ممكن تودي الي تكسير في الدم و نقل دم 🩸

01/11/2025

ذكرى تكريم قداسه البابا تواضروس الثاني للدكتور مايكل نبيل❤️❤️

25/10/2025

24/10/2025

محاضراً في المؤتمر الثاني للجمعية الأكاديمية العربية لطب الأطفال

22/10/2025

رساله بسيطه…. ماكلفتش ثواني كتابه
لكن حقيقي هي كنز و دفعه تسند وسط كم الضغوطات الرهيب و الشكاوى الغير محدوده 😇😇😇🙏🏻🙏🏻🙏🏻

مش كتير بيفتكر يطمن الدكتور… يمكن لان مش كتير مدرك ان دكتور الاطفال مش مقدم خدمة طبيه و بس…. لكنه اب و اخ و قريب …. بيحس بتعب كل طفل و قلق كل اب و ام …. و ربنا وحده عالم ان ايام كتير بتخلص العياده و الولاد بتروح و يمكن حتي بابا و ماما يطمنوا …. لكن الدكتور نفسه يفضل قلقان …. بيفكر !!!!
ياتري قرارات العلاج صح…. ياتري مقاومه حرب المضادات الحيوية و غيره لمصلحه الاولاد … صح!!!
و غيره و غيره ….

الرساله كمان بتقول ان التشخيص مش ضروري يكون من اول مره…. محتاجين تاريخ مرضي و متابعه دقيقه و تركيز في ادق تفاصيل المرضى وقت في سماع ماما و في الكشف و التفكير و النقاش…..
علشان بنعمه ربنا نوصل للتشخيص الصح،،.. اللي حقيقي بيفرق جداااااا و خصوصا لما يكون الطفل اتبهدل حرفياً مضادات و حقن دون جدوى….

شكرا لماما اللي طمنتني … شكرا لكل كلمه شكر و كل مره كانت الرساله ( اطمن يا دكتور ابنك بقي كويس❤️❤️❤️)

ربنا يدينا نعمه ان ايده تسبقنا لخير ولاده و شفاهم لانه في الاول و الاخر " أنا الرب. شافيك"
لينك المرض في اول كومنت لللي حابب يعرفه و يفهمه….

03/10/2025

دكتور مايكل نبيل محاضراً في المؤتمر الدولي الثامن لأمراض مخ و اعصاب الاطفال جامعة عين شمس
لذلك نعتذر عن العياده يوم الاربعاء ٨ اكتوبر باذن الله

30/09/2025

الفيروس منتشر بشده الفتره ديه ناخد بالنا

26/09/2025

مواعيد العياده

26/09/2025

28/07/2025

من ٦ شهور جالي الملاك ده مع ماما و كانت كالمعتاد بتلف بالملاك الصغير ده من ٦ شهور فاتوا بدون تشخيص….
و الحقيقه هو كان من الحالات النادره جدا في الطب😌😌
لكن بنعمه ربنا الكبيره و بعد دقايق من التاريخ المرضي و الفحص الدقيق تم تشخيص حالة الملاك ده بمرض جيني نادر و صعب جدا للأسف 🥲
و رغم التشخيص إلا ان بابا و ماما طلبوا يعملوا مسح جيني ( و ده غالي جدااا) لتاكيد التشخيص …. و اللي بالفعل بعد ٤ شهور ظهرت نتيجته و اكدت التشخيص الإكلينيكيّ……

ده ببساطه يقول ان التشخيص الإكلينيكيّ الصح بالتاريخ المرضي و الفحص الدقيق قادرين بنعمه ربنا يشخصوا صح و بدون اي تعب او ضغط علي بابا و ماما …

و علشان كده كتير باحاول اقنع بابا و ماما لما اتاكد إكلينيكيا ان ابنهم او بنتهم كويسين و مش محتاجين اي فحوصات ان مش ضروري أبدا نلف لفه الرنين و رسم المخ و التحاليل …. و ده بس لان كل حاجه من دول ضغط و ارهاق مادي وًجسدي و نفسي بدون داعي..

نعمه كبيره ان ربنا يرشدنا للتشخيص من اول كشف… و بدون اي فحوصات مرهقه …
صلوا لينا علشان تفضل ايد ربنا سابقانا….
و صلوا للملاك ده لان مرضه صعب و محتاج سنده لبابا وًماما من ربنا 😌😌😌

29/06/2025

متلازمه اليد و الفم و القدمين بدات تنتشر تاني
مانقلقش بس نفهم المرض

03/06/2025

للعلم فقط….
التطعيمات الخارجية متوفره بكل أنواعها لأطفال العياده
بالحجز المسبق