03/03/2019
للأطفال حديثي الولادة:
*يتم عمل اختبار السمع في وحدة السمعيات .. وهي وحدة منفصلة عن طبيب الأطفال أو طبيب الأنف والاذن والحنجرة .
*وحدة السمعيات متوفرة في بعض المستشفيات زي مستشفى أبو الريش و مستشفى الدمرداش ومستشفى المنيرة العام.
*امتى لازم نعمل اختبار السمع لطفل حديثي الولادة؟ ؟ ؟
1-لو وزنه عند الولادة أقل من كيلو ونص.
2-لو في العيلة تاريخ مرضي لأطفال ولدوا فاقدي السمع.
3-لو حصل أثناء الحمل عدوى للأم لبعض الأمراض زي , Rubella, syphilis,Herpes,Toxoplasmosi, CMV
4-عند وجود تشوهات خلقية بالوجه ... خاصة تشوهات في الأذن الخارجية.
5-ارتفع نسبة الصفراء بالدم بدرجة عالية جدا إلى حد عمل تغير للدم كخطوة علاجية.
6-اصابة الطفل بالتهاب سحائي بكتيري.
7-حجز الطفل بالحضانة على جهاز تنفس صناعي لمدة اكتر من أسبوع( 7 أيام)..
8-بعض المتلازمات المعروفة بحدوث ضعف/فقد السمع.
9-استخدام بعض المضادات الحيوية aminoglycosides وبعض مدرات البول loop diuretics.
***الاكتشاف المبكر ممكن يساعد طفلك كتير .. علشان كدة لازم تلاحظي طفلك كويس لو مش بيتخض أو لو مبيستجبش للضوضاء اوحتى مبيحركش وشه باتجاه الصوت .. يبقى لازم تستشيري دكتور اطفال مختص علشان يوجهك صح... كمان لازم منديش أي أدوية أو مضادات حيوية دون الرجوع للطبيب .
. .
..
.
