Dr/Amal Mohamady

02/12/2025

02/12/2025

‏وربما تُبتلى بشتات الأمر لِتُساق
لخير لم تفكر به من قبل ..

29/11/2025

✨ فن إدارة المشاعر ✨
1) الوعي بالمشاعر...
أول خطوة إنك تعرف إنت حاسس بإيه فعلا ...
اسأل نفسك:
"أنا حاسس بإيه؟ و ليه؟ وفي جسمي فين؟"

2) تسمية الشعور...
تسمية المشاعر تهديها.
مثال:
“أنا متوتر – قلق – موجوع – غضبان”.

3) قبول الشعور...
مش مقاومة… ومش كبت...
“الشعور ده مسموح إنه يكون موجود”.

4) فهم رسالة المشاعر...
كل شعور ليه معنى:
الغضب = حدود اتعدت
القلق = خوف أو عدم أمان
الحزن = فقد
الذنب = قيمة اتكسرت

5) اختيار استجابة بدل رد فعل....
خد ثواني… فكر… وبعدين اتصرف...
مش لازم كل إحساس يتحول لسلوك....
لحجز الجلسات والاستشارات تواصل خاص
د / أمل محمدي
# رحلة وعي

27/11/2025

ﻳﺤﻜﻰ ﺃﻧﻪ ﻛﺎﻥ ﻫﻨﺎﻙ ﺍﻣﺮﺃﺓ ﺗﺼﻨﻊ ﺍﻟﺨﺒﺰ ﻷﺳﺮﺗﻬﺎ ﻛﻞ ﻳﻮﻡ، ﻭﻛﺎﻧﺖ ﻳﻮﻣﻴﺎ ﺗﺼﻨﻊ ﺭﻏﻴﻒ ﺧﺒﺰ ﺇﺿﺎﻓﻴﺎ ﻷﻱ ﻋﺎﺑﺮ ﺳﺒﻴﻞ ﺟﺎﺋﻊ، ﻭﺗﻀﻊ ﺍﻟﺮﻏﻴﻒ ﺍﻹﺿﺎﻓﻲ ﻋﻠﻰ ﺷﺮﻓﺔ ﺍﻟﻨﺎﻓﺬﺓ ﻷﻱ ﻓﻘﻴﺮ ﻳﻤﺮ ﻟﻴﺄﺧﺬﻩ.
ﻭﻓﻲ ﻛﻞ ﻳﻮﻡ ﻳﻤﺮ ﺭﺟﻞ ﻓﻘﻴﺮ ﺃﺣﺪﺏ ﻭﻳﺄﺧﺬ ﺍﻟﺮﻏﻴﻒ ﻭﺑﺪﻻ ﻣﻦ ﺇﻇﻬﺎﺭ ﺍﻣﺘﻨﺎﻧﻪ ﻷﻫﻞ ﺍﻟﺒﻴﺖ ﻛﺎﻥ ﻳﺪﻣﺪﻡ ﺑﺎﻟﻘﻮﻝ ” ﺍﻟﺸﺮ ﺍﻟﺬﻱ ﺗﻘﺪﻣﻪ ﻳﺒﻘﻰ ﻣﻌﻚ، ﻭﺍﻟﺨﻴﺮ ﺍﻟﺬﻱ ﺗﻘﺪﻣﻪ ﻳﻌﻮﺩ ﺇﻟﻴﻚ ”! ..ﻛﻞ ﻳﻮﻡ ...... ﻛﺎﻥ ﺍﻷﺣﺪﺏ ﻳﻤﺮ ﻓﻴﻪ ﻭﻳﺄﺧﺬ ﺭﻏﻴﻒ ﺍﻟﺨﺒﺰ ﻭﻳﺪﻣﺪﻡ ﺑﻨﻔﺲ ﺍﻟﻜﻠﻤﺎﺕ
” ﺍﻟﺸﺮ ﺍﻟﺬﻱ ﺗﻘﺪﻣﻪ ﻳﺒﻘﻰ ﻣﻌﻚ، ﻭﺍﻟﺨﻴﺮ ﺍﻟﺬﻱ ﺗﻘﺪﻣﻪ ﻳﻌﻮﺩ ﺇﻟﻴﻚ ”!،
ﺑﺪﺃﺕ ﺍﻟﻤﺮﺃﺓ ﺑﺎﻟﺸﻌﻮﺭ ﺑﺎﻟﻀﻴﻖ ﻟﻌﺪﻡ ﺇﻇﻬﺎﺭ ﺍﻟﺮﺟﻞ ﻟﻠﻌﺮﻓﺎﻥ ﺑﺎﻟﺠﻤﻴﻞ ﻭﺍﻟﻤﻌﺮﻭﻑ ﺍﻟﺬﻱ ﺗﺼﻨﻌﻪ، ﻭﺃﺧﺬﺕ ﺗﺤﺪﺙ ﻧﻔﺴﻬﺎ ﻗﺎﺋﻠﺔ “: ﻛﻞ ﻳﻮﻡ ﻳﻤﺮ ﻫﺬﺍ ﺍﻷﺣﺪﺏ ﻭﻳﺮﺩﺩ ﺟﻤﻠﺘﻪ ﺍﻟﻐﺎﻣﻀﺔ ﻭﻳﻨﺼﺮﻑ، ﺗﺮﻯ ﻣﺎﺫﺍ ﻳﻘﺼﺪ؟”
ﻓﻲ ﻳﻮﻡ ﻣﺎ ﺃﺿﻤﺮﺕ ﻓﻲ ﻧﻔﺴﻬﺎ ﺃﻣﺮﺍ ﻭﻗﺮﺭﺕ ” ﺳﻮﻑ ﺃﺗﺨﻠﺺ ﻣﻦ ﻫﺬﺍ ﺍﻷﺣﺪﺏ ”! ، ﻓﻘﺎﻣﺖ ﺑﺈﺿﺎﻓﺔ ﺑﻌﺾ ﺍﻟﺴﻢّ ﺇﻟﻰ ﺭﻏﻴﻒ ﺍﻟﺨﺒﺰ ﺍﻟﺬﻱ ﺻﻨﻌﺘﻪ ﻟﻪ ﻭﻛﺎﻧﺖ ﻋﻠﻰ ﻭﺷﻚ ﻭﺿﻌﻪ ﻋﻠﻰ ﺍﻟﻨﺎﻓﺬﺓ ، ﻟﻜﻦ ﺑﺪﺃﺕ ﻳﺪﺍﻫﺎ ﻓﻲ ﺍﻻﺭﺗﺠﺎﻑ ” ﻣﺎ ﻫﺬﺍ ﺍﻟﺬﻱ ﺃﻓﻌﻠﻪ؟ ..”! ﻗﺎﻟﺖ ﻟﻨﻔﺴﻬﺎ ﻓﻮﺭﺍ ﻭﻫﻲ ﺗﻠﻘﻲ ﺑﺎﻟﺮﻏﻴﻒ ﻟﻴﺤﺘﺮﻕ ﻓﻲ ﺍﻟﻨﺎﺭ، ﺛﻢ ﻗﺎﻣﺖ ﺑﺼﻨﻊ ﺭﻏﻴﻒ ﺧﺒﺰ ﺁﺧﺮ ﻭﻭﺿﻌﺘﻪ ﻋﻠﻰ ﺍﻟﻨﺎﻓﺬﺓ.
ﻭﻛﻤﺎ ﻫﻲ ﺍﻟﻌﺎﺩﺓ ﺟﺎﺀ ﺍﻷﺣﺪﺏ ﻭﺍﺧﺬ ﺍﻟﺮﻏﻴﻒ ﻭﻫﻮ ﻳﺪﻣﺪﻡ ” ﺍﻟﺸﺮ ﺍﻟﺬﻱ ﺗﻘﺪﻣﻪ ﻳﺒﻘﻰ ﻣﻌﻚ، ﻭﺍﻟﺨﻴﺮ ﺍﻟﺬﻱ ﺗﻘﺪﻣﻪ ﻳﻌﻮﺩ ﺇﻟﻴﻚ ”!
ﻭﺍﻧﺼﺮﻑ ﺇﻟﻰ ﺳﺒﻴﻠﻪ ﻭﻫﻮ ﻏﻴﺮ ﻣﺪﺭﻙ ﻟﻠﺼﺮﺍﻉ ﺍﻟﻤﺴﺘﻌﺮ ﻓﻲ ﻋﻘﻞ ﺍﻟﻤﺮﺃﺓ.
ﻛﻞ ﻳﻮﻡ ﻛﺎﻧﺖ ﺍﻟﻤﺮﺃﺓ ﺗﺼﻨﻊ ﻓﻴﻪ ﺍﻟﺨﺒﺰ ﻛﺎﻧﺖ ﺗﺼﻠﻲ ﻻﺑﻨﻬﺎ ﺍﻟﺬﻱ ﻏﺎﺏ ﺑﻌﻴﺪﺍ ﻭﻃﻮﻳﻼ ﺑﺤﺜﺎ ﻋﻦ ﻣﺴﺘﻘﺒﻠﻪ ﻭﻟﺴﻨﻮﺍﺕ ﻋﺪﻳﺪﺓ ﻟﻢ ﺗﺼﻠﻬﺎ ﺃﻱ ﺃﻧﺒﺎﺀ ﻋﻨﻪ ﻭﻛﺎﻧﺖ ﺗﺘﻤﻨﻰ ﻋﻮﺩﺗﻪ ﻟﻬﺎ ﺳﺎﻟﻤﺎ.
ﻓﻲ ﺫﻟﻚ ﺍﻟﻴﻮﻡ ﺍﻟﺬﻱ ﺗﺨﻠﺼﺖ ﻓﻴﻪ ﻣﻦ ﺭﻏﻴﻒ ﺍﻟﺨﺒﺰ ﺍﻟﻤﺴﻤﻮﻡ ﺩﻕ ﺑﺎﺏ ﺍﻟﺒﻴﺖ ﻣﺴﺎﺀ ﻭﺣﻴﻨﻤﺎ ﻓﺘﺤﺘﻪ ﻭﺟﺪﺕ – ﻟﺪﻫﺸﺘﻬﺎ – ﺍﺑﻨﻬﺎ ﻭﺍﻗﻔﺎ ﺑﺎﻟﺒﺎﺏ !!
ﻛﺎﻥ ﺷﺎﺣﺒﺎ ﻣﺘﻌﺒﺎ ﻭﻣﻼﺑﺴﻪ ﺷﺒﻪ ﻣﻤﺰﻗﺔ، ﻭﻛﺎﻥ ﺟﺎﺋﻌﺎ ﻭﻣﺮﻫﻘﺎ ﻭﺑﻤﺠﺮﺩ ﺭﺅﻳﺘﻪ ﻷﻣﻪ ﻗﺎﻝ ” ﺇﻧﻬﺎ ﻟﻤﻌﺠﺰﺓ ﻭﺟﻮﺩﻱ ﻫﻨﺎ،
ﻋﻠﻰ ﻣﺴﺎﻓﺔ ﺃﻣﻴﺎﻝ ﻣﻦ ﻫﻨﺎ ﻛﻨﺖ ﻣﺠﻬﺪﺍ ﻭﻣﺘﻌﺒﺎ ﻭﺃﺷﻌﺮ ﺑﺎﻹﻋﻴﺎﺀ ﻟﺪﺭﺟﺔ ﺍﻻﻧﻬﻴﺎﺭ ﻓﻲ ﺍﻟﻄﺮﻳﻖ ﻭﻛﺪﺕ ﺃﻥ ﺃﻣﻮﺕ ﻟﻮﻻ ﻣﺮﻭﺭ ﺭﺟﻞ ﺃﺣﺪﺏ ﺑﻲ ﺭﺟﻮﺗﻪ ﺃﻥ ﻳﻌﻄﻴﻨﻲ ﺃﻱ ﻃﻌﺎﻡ ﻣﻌﻪ، ﻭﻛﺎﻥ ﺍﻟﺮﺟﻞ ﻃﻴﺒﺎ ﺑﺎﻟﻘﺪﺭ ﺍﻟﺬﻱ ﺃﻋﻄﺎﻧﻲ ﻓﻴﻪ ﺭﻏﻴﻒ ﺧﺒﺰ ﻛﺎﻣﻞ ﻷﻛﻠﻪ !! ﻭﺃﺛﻨﺎﺀ ﺇﻋﻄﺎﺀﻩ ﻟﻲ ﻗﺎﻝ ﺃﻥ ﻫﺬﺍ ﻫﻮ ﻃﻌﺎﻣﻪ ﻛﻞ ﻳﻮﻡ ﻭﺍﻟﻴﻮﻡ ﺳﻴﻌﻄﻴﻪ ﻟﻲ ﻷﻥ ﺣﺎﺟﺘﻲ ﺍﻛﺒﺮ ﻛﺜﻴﺮﺍ ﻣﻦ ﺣﺎﺟﺘﻪ”
ﺑﻤﺠﺮﺩ ﺃﻥ ﺳﻤﻌﺖ ﺍﻷﻡ ﻫﺬﺍ ﺍﻟﻜﻼﻡ ﺷﺤﺒﺖ ﻭﻇﻬﺮ ﺍﻟﺮﻋﺐ ﻋﻠﻰ ﻭﺟﻬﻬﺎ ﻭﺍﺗﻜﺄﺕ ﻋﻠﻰ ﺍﻟﺒﺎﺏ ﻭﺗﺬﻛﺮﺕ ﺍﻟﺮﻏﻴﻒ ﺍﻟﻤﺴﻤﻮﻡ ﺍﻟﺬﻱ ﺻﻨﻌﺘﻪ ﺍﻟﻴﻮﻡ ﺻﺒﺎﺣﺎ !! ﻟﻮ ﻟﻢ ﺗﻘﻢ ﺑﺎﻟﺘﺨﻠﺺ ﻣﻨﻪ ﻓﻲ ﺍﻟﻨﺎﺭ ﻟﻜﺎﻥ ﻭﻟﺪﻫﺎ ﻫﻮ ﺍﻟﺬﻱ ﺃﻛﻠﻪ ﻭﻟﻜﺎﻥ ﻗﺪ ﻓﻘﺪ ﺣﻴﺎﺗﻪ!
ﻟﺤﻈﺘﻬﺎ ﺃﺩﺭﻛﺖ ﻣﻌﻨﻰ ﻛﻼﻡ ﺍﻷﺣﺪﺏ ” ﺍﻟﺸﺮ ﺍﻟﺬﻱ ﺗﻘﺪﻣﻪ ﻳﺒﻘﻰ ﻣﻌﻚ، ﻭﺍﻟﺨﻴﺮ ﺍﻟﺬﻱ ﺗﻘﺪﻣﻪ ﻳﻌﻮﺩ ﺇﻟﻴﻚ ..”!
ﻓﺎﻓﻌﻞ ﺍﻟﺨﻴﺮ ﻭﻻ ﺗﺘﻮﻗﻒ ﻋﻦ ﻓﻌﻠﻪ
ﺣﺘﻰ ﻭﻟﻮ ﻟﻢ ﻳﺘﻢ ﺗﻘﺪﻳﺮﻩ ﻭﻗﺘﻬﺎ
ﻷﻧﻪ ﻓﻲ ﻳﻮﻡ ﻣﻦ ﺍﻷﻳﺎﻡ ﺳﻴﻜﺎﻗﺌﻚ ﺍﻟﻠﻪ ﻋﻤﺎ ﻓﻌﻠﺖ ﺳﻮﺍﺀ ﻓﻲ ﺣﻴﺎﺗﻚ ﺍﻵﻥ ﺃﻭ ﻓﻲ ﺍﻟﺴﻤﺎﺀ...

26/11/2025

لما يوصل طفلك لمرحلة يقولك فيها:
"اضرب برحتك… مش فارق."
اعرف إن ده مش تحدّي… ده نداء استغاثة صامت 💔

الطفل اللي كان بيعيط زمان لأنه اتوجع،
مبقاش بيعيط… لأنه اتجمّد.
مبقاش بيدافع عن نفسه… لأنه استسلم.
وده أخطر من أي عناد…
ده اسمه في علم النفس: إطفاء انفعالي Emotional Shutdown.

الطفل اللي يوقف دموعه،
مش قوي…
ده منهار من جوّه،
بس تعلّم إن التعبير عن الألم ملوش فايدة.
تعلّم إن مشاعره مش مهمة،
وإن جسمه مش ملكه،
وإن اللي بيحبه ممكن يأذيه…
ودي أول خطوة في صناعة شخص بالغ مكسور الثقة، ضعيف الحدود، ومُعرّض للقبول بأي أذى… لأنه “اتعود”.

💔 مفيش طفل بيتبلّد لوحده… البلادة دي صناعة مؤلمة.

✋ قبل ما نقول "هو خلاص اتعود"،
اسأل نفسك:
هو اتعود ولا اتكسرت آخر نقطة أمان عنده؟

الضرب مش بس وجع جسم،
ده بيعلم الطفل إنه أقل…
وإن القوة = إيذاء،
وإن الحب = خوف،
وإن العلاقات = ألم.
وكل ده بيفضل جرح ممتد لحد ما يكبر.

٠ الطفل مش محتاج عصاية…
محتاج حَد يشوف وجعه
حد يسمع خوفه،
حد يحتوي غضبه،
حد يشرح، يطبطب، يصلّح، ويعلّم.

التربية علم…
والضرب هو أفشل وسيلة للتعديل السلوكي،
لأنه بيعلّم الطفل يتوقف “لحظيًا”…
لكن من جوّه بيفقد احترامه لنفسه،
وبيفقد ثقته فيك.

♥️ جرب تحتوِيه قبل ما تعاقبه.
جرب تسمع قبل ما تغضب.
جرب تحط حدود… بس من غير ما تكسّر قلب.
لأن الطفل اللي اتكسر النهاردة،
هو نفس الشخص اللي هيقف قدّام الدنيا بكرة…
يا قوي ومتماسك،
يا مكسور ومشتت.

✨ خلّوا أولادكم يحسّوا بالأمان… مش بالخوف والإنكسار ....
د / أمل محمدي
# رحلة وعي

25/11/2025

وحين يأتيك أحدهم لاجئاً إليك ، فأحسن إحتوائه وأكرم قلبه ،
فما أتاك إلا لأنه رأى فيكَ الأمان..

24/11/2025

23/11/2025

✨ صفات وسمات الشخصية السويّة بتظهر في صورة توازن… توازن بين العقل والقلب، بين الاحتياج والعطاء، بين المرونة والحزم. الشخصية السوية مش مثالية، لكن "مرنة" و"قادرة تتكيف" وتعيش بسلام مع نفسها ومع العالم....
✨ أهم صفاتها:
1) عنده وعي ذاتي واضح...
فاهم نفسه… نقاط قوته وضعفه...
بيعرف ينتقد نفسه بدون جلد ذات....
ماشي في الدنيا ببصيرة مش بانفعال...

2) عنده توازن انفعالي...
مش بيكتم كل حاجة، ومش بينفجر في كل حاجة....
بيعرف يعبر عن مشاعره بطريقة صح...
ردود أفعاله متناسبة مع الموقف...

3) عنده احترام وتقدير الذات...
بيحترم نفسه بدون غرور...
شايف قيمته مش مستني حد يثبّتها...
ما يعتمدش على رأي الناس عشان يحس إنه كويس....

4) عنده قدرة على بناء علاقات صحية..
بيعرف يحب ويستقبل الحب...
بيعرف يقول "لأ" بدون شعور بالذنب...
بيحط حدود واضحة… لا قسوة ولا إذلال...

5) عنده مرونة نفسية...
لما يقع بيقوم تاني … وما يكملش بقية حياته في دور الضحية...
بيتكيف مع التغيير... ويشوف حلول مش مشاكل بس....

6) عنده تحمل المسؤولية...
بيعترف بخطئه... ويتحمل نتيجة غلطه..
ما بيرميش شماعة على الظروف أو الناس...
مستعد يتعلم ويطور نفسه...

7) تفكيره منطقي وواقعي...
لا متشائم زيادة ولا متفائل زيادة...
شايف الحياة كما هي… وبيتعامل معها بحكمة.

8) عنده استقلالية...
بياخد قراراته بنفسه...
مش بيعيش يرضّي الناس علي حساب نفسة..
بيعتمد على نفسه عاطفياً ونفسياً...

9) عنده رضا داخلي....
عنده سلام مع الماضي… حتى لو فيه جروح.
عارف إن الكمال مش موجود… وعايش بقبول.

10) عنده أهداف وحياة ذات معنى...
عنده اتجاه… حتى لو خطواته بطيئة.
بيدور دايما على معنى وهدف يديه طاقة...

✨ الخلاصة:
الشخصية السوية هي شخصية مرنة، ناضجة، متزنة، وقادرة تحب وتُحب، وتواجه الحياة بدون ما تفقد نفسها....
د / أمل محمدي
# رحلة وعي

23/11/2025

ليه لما نكون مشتاقين و هنقابل شخص ونفضل نفكر ونتخيل هنقوله ايه واول ما نشوفه ننسي كل الي اتخيلناه ورتبناه وحفظناه دا اسمه ايه ...
اسمه “تسقيف التوقّع”… وبيحصل مع ناس حساسة وعاطفية أكتر من الطبيعي..

قبل ما الشخص ييجي:
إنتي بتعيشي الاشتياق بفكرة الشخص مش بوجوده الحقيقي...
المخّ بيبني صورة مثالية… يضخّ مشاعر… يرفع الدوبامين… فيحصل حماس واندفاع وسيناريوهات...

لما الشخص فعليا ييجي:
المخ بينزل من “القمة” فجأة.
ليه؟
لأن الواقع دايما أقل هدوء من الخيال..
فالمشاعر اللي كانت طالعة من الاشتياق كانت مبنية على التوقع مش على اللقاء نفسه...
النتيجة:
• الحماس يختفي
• الإحساس يبقى عادي
• كإن المشاعر اتحققت خلاص بمجرد وجوده، فمبقاش فيه اندفاع

دي ظاهرة طبيعية جدا خصوصا عند:
✔ الشخصيات العاطفية
✔ أصحاب التعلق الروحي
✔ اللي عندهم overthinking
✔ اللي بيعيشوا المشاعر أكبر من الحدث

ليه بتحصل؟
1. لأن مشاعر الشوق كانت “طاقة متراكمة” ولما اتفُرْغت... الجسم رجع للطبيعي.

2. لأن المخ بيحب توقّع الحاجة أكتر من حدوثها...

3. لأن الخيال بيرفع المشاعر أكتر من الواقع...

هل دا شيء غلط؟
لا إطلاقًا.
دا نوع من الاستجابة العاطفية الزائدة... وبيحصل مع ناس قلوبها حساسة جدًا.

لو عايزة توازني المشاعر دي :
– قللي من السيناريوهات اللي بتتبني في دماغك قبل اللقاء....
– عيشي اللحظة من غير توقع كبير...
– فكري إن وجود الشخص نفسه هو اللي يستحق المشاعر... مش “الصورة اللي في دماغي عنه”.
د / أمل محمدي
# رحلة وعي

23/11/2025

ليه بنكون اوقات عايزين نبكي والدموع ماتنزل اللحظة اللي نكون فيها محتاجين نبكي ومش قادرين… دا بيكون لأحد الأسباب دي ....👇
1) الجسد وصل لمرحلة “التجمّد العاطفي”....
بعد تكرار الألم لفترة طويلة، الجهاز العصبي أحيانًا يدخل في حالة Freeze — يعني بدل ما يواجه أو يعبر… يتجمد....
المشاعر تبقى موجودة… لكن “محبوسة”، مش قادرة تخرج في صورة دموع...

2) استنزاف عاطفي...
لما الشخص يمر بفترات كتير من البكاء.... الجسم بيستهلك طاقة مشاعر كبيرة… وبعد فترة يدخل في حالة إرهاق عاطفي.. فيكون محتاج وقت “يشحن” قبل ما يقدر يبكي تاني.....
زي بطارية اتفرغت من كتر الاستخدام.....

3) العقل يلبس “قناع القوة” غصب عنه.....
أحيانًا نكون اتعودنا نتحمل... نتماسك... نعدي… لدرجة إن العقل الباطن بيوصل لمرحلة:
“البكاء مش هيفيد… خلّيه للضروريات بس.”
فيوقف خروج الدموع كآلية بقاء....

4) المشاعر اتحولت من “حزن” لـ “خدر”
كتير يفتكر إن عدم البكاء معناه إن الجرح اختفى… لكن الحقيقة إن المشاعر بعد ما تتكرر كتير ممكن تتحول لـ خمول أو بلادة Emotional Numbness
وده يظهر في صورة:

مفيش دموع

مفيش انفجار

ومفيش راحة

بس من جوه… في حمل تقيل....

5) أحيانًا الخوف من الانهيار..
بعض الناس لو بدأت تبكي… بتخاف إنها “مش هتعرف توقف”.
فيبدأ العقل يمنع الدموع كحماية...
وده كله معنى واحد:
إنك محتاجة مساحة أمان، مش بس مواقف تبكي فيها، بل مساحات “يتشاف فيها الألم” بدون ضغط، بدون قوة... بدون دور....

ازاي ترجعي تفتحي باب التعبير تاني؟

ادي نفسك إذن إنك تعيشي اللحظة من غير تقييم...

اكتبي مشاعرك لو الدموع مش راضية تنزل.

اسمعي موسيقى هادية تساعد الجهاز العصبي يهدى..

خدي نفس عميق طويل… ثم زفير بطيئ (10 مرات).

واحضني نفسك بإيدك على كتفك… ده بيسموه self-holding وبيفتح الباب للدموع....
د / أمل محمدي
# رحلة وعي

22/11/2025

✨في العلاقات…
في ناس وجودهم يطمن، وفي ناس وجودهم يرهق… والفرق بينهم مش في الحب، لكن في الأمان.
٠ العلاقة الصحية هي اللي بتحافظ على توازنك… مش اللي تكسر جزء منك كل يوم....
٠ العلاقة اللي تاخد منك أكتر ما تديك…
اللي تخليك تشك في نفسك…
اللي تهز سلامك الداخلي…
دي مش علاقة محتاجة صبر...دي علاقة محتاجة حدود...

أصعب حاجة إنك تفضل متمسك بحد بيستهلك روحك…
وأجمل حاجة إنك تختار نفسك من غير خوف...

اعرف دايما:
اللي وجوده يوجع… غيابه نعمة....
واللي ربنا كاتبه ليك… عمره ما هيكلفك سلامك النفسي ....
د / أمل محمدي
# رحلة وعي
لحجز الجلسات والاستشارات تواصل خاص
https://whatsapp.com/channel/0029Vb8GkmoC6ZvoIa6cLI3M

20/11/2025

وتشاء أنت من البشائر قطرةً....
ويشاءُ ربُك أن يغيثك بالمطرِِ ....
وتشاءُ أنت من الأماني نجمة....
ويشاءُ ربك أن يناولك القمرُ ....
وتظلُ تسعى جاهداً في همة....
والله يُعطي من يشاءُ إذا شكر...