21/10/2019
في البوست اللي فات اتكلمنا عن التمارين الهوائية واللاهوائية. في البوست ده هنتكلم اكتر الرياضات الهوائية او الايروبيك زي ما قولنا المشي السريع والهرولة وركوب الدراجات والسباحه اللي غالبا بيتقال عنها رياضة الكارديو و الانواع دي من التمارين بتحتاج مجهود عالي عشان نحافظ على قوتنا كمان النوع ده من التمارين بيحتاج نسبه اكبر من الاكسجين و ده الي بنقدر نقيسه عن طريق vo 2 و اللي بتقيس كمية الاكسجين اللي بيحتاجها جسمك في الدقيقة وبناءا على النسب دي فالنسبه العاليه بتكون كويسه في الأداء الرياضي. من خلال الأبحاث تم اكتشاف عدة جينات بتساعد على قيام الجسم بالتمارين الهوائية.
تم اكتشاف 4 جينات اللي بيكون ليهم تاثير مهم في اداء التمارين الرياضيه ADRB3, NRF2 , GSTP1 , NFIA-AS2.
كل جين ليه دور مهم في التمارين اول جين ADRB3 و بيشفر مستقبلات البيتا-3 ادرينيرجيك وده بيكون ليه دور مهم في تنظيم درجة حرارة الجسم ، جين NRF2 وده يقوم بتشفير عامل التنفس النووي و ده بيكون ليه دور مهم في الأداء الرياضي بسبب دوره في تكوين الميتوكندريا اللي بيكون مسئول عن عملية التنفس و انتاج الطاقه اما عن جين NFIA-AS2 فبيساعد على قيام بأداء رياضي عالي في التمارين الهوائيه و ايضا جين GSTP1 و ده جين بيقوم بتشفير الانزيم الجلوتاثينS - ترانسفيراز P1 و اللي بيكون ليه دور قوي عند ممارسة تمارين الايروبيك. و من خلال كل العوامل الجينيه بنقدر نتنبأ بقدرة جسمنا على القيام بالتمارين الهوائية.وده بنقدر نعرفه من التقرير الجيني nutrigrnomix
