Dr. Ahmed Amin د. أحمد أمين

17/10/2023

- استهداف الاطقم الطبية و المستشفيات هو جريمة حرب
مادة ٨.٢ - قانون المحكمة الجنائية الدولية

🔴 عاجل : ارتفاع عدد شهداء المستشفى الأهلي العربي بغزة إلى 500 وأكثر من 600 إصابة بعد القصف الصهي.ني الذي استهدف المستشفى قبل قليل .

Breaking: The number of martyrs at the National Arab Hospital in Gaza rose to 500 martyrs and more than 600 injuries after the bombing that targeted the hospital a short while ago.

09/03/2021

عايز اقول للناس المستغربة من شكل متحرش المعادي متستغربش ،، الحقيقة ان ده هو المنظر ال Typical للمتحرش ،، دي الصورة المتكررة له و حذرنا من ده زمان قبل كده،
نفكركم ببوست التحرش في السريع

👇👇👇👇،

ازاي تحمي ابنك او بنتك من التحرش الجنسي؟!!

البوست ده مهم جدا جدا .. يمكن يكون اهم بوست كتبته في حياتي هينبهنا كلنا لحاجات لازم نعملها او نبعد عنها عشان نحافظ على ولادنا ،، كتير من الناس مش واخدين بالهم منها او شايفينها حاجات عادية .. وعشان الوقاية طبعا خير من العلاج يبقي لازم نعمل كل احتياطتنا قبل ما نقول يا ريت اللي جرى ماكان ،،

اولا: للاسف اول صورة بتقفز لذهن ناس كتير اول ما تسمع لفظ متحرش بالاطفال هي صورة واحد بلطجي شمام وواخدله كام مطوة على كام بشله في وشه ،، مستخبي في جحر و مستني الفرصة المناسبة عشان يهجم على الطفل

يؤسفني اصدمكم و اقول لكم ان الصورة دي غلط تماما .. الاغلبية الساحقة من المتحرشين بيبقى شخص قريب و يعرفه الطفل كويس جدا وواخد عليه و غالبا بيحبه كمان ،، معظم جرايم التحرش بتحصل من قرايب او جيران او مدرسين .. صاحب بابا .. زميل ماما او زمايل في المدرسة او النادي .. فا مفيش حاجة اسمها ده زي بابا او دي زي ماما او زي اخوكي .

ثانيا: افراد الاسرة (الاب و الام و الاخوات و الجدود) حاجة و اي حد خارج الدايرة المغلقة دي مهما كان و مهما كانت درجة ثقتكم فيه حاجة تانية و الطفل لازم يبقى عارف كده كويس ،، مفيش حاجة اسمها متتكسفيش من عمو ولا عادي انك تقعد على حجر طنط

ثالثا: الطفل لازم يتعلم من صغره ان جسمه ملكه بس ولازم يحترمه و مفيش حد في الدنيا ((خارج الدايرة المغلقة )) ليه الحق انه يلمسه او حتى يقرب منه .. علمي طفلك ان ليه حدود آمنه (safe zone) حواليه (على امتداد ايده) مش مسموح لحد انه يتخطاها

رابعا: اوعي تبوسي او تحضني طفلك بالعافية او تسمحي لحد انه يعمل كده حتى بهزار،، كده بتفهميه ان عادي ان حد ياخد حاجة منه غصبا عنه وانتي كده بتكسري احترامه لجسمه و لمنطقته الامنة اللي خالقها لنفسه

خامسا: ممنوع منعا باتا ان ابنك او بنتك تقلع او تغير هدومها قدام حد حتى لو كان طفل زيها .. لازم ابنك يتعلم الخصوصية .. و متعايريهوش ابدا بانه او بانها بتتكسف .. الطبيعي انهم يتكسفوا علي فكرة.

سادسا: برضو بالمثل ممنوع منعا باتا انكم تغيروا هدومكم قصاد ولادكم الاكبر من ٣ سنين .. متتساهلوش في الموضوع ده ومتعودوهمش ان حد يقلع هدومه قدامهم حاجة عادية و مافيهاش مشكلة
سابعا: متسمحيش ابدا لحد غريب يغير لولادك البامبرز و انتي بس اللي تساعديهم في الحمام لما يكبروا شوية ،، كده هيتعود من صغره انك انتي بس اللي مسموح لك تغيريه و تلمسي الاجزاء الحساسة من جسمه او جسمها ويرفض رفض بات ان حد تاني يعمل كده ،، دي حاجة بنسميها الارتباط الشرطي (conditional attachment) وحتي انتي نفسك بعد سن ٦ سنين مش مسمحولك بده الا في حالات الضرورة القصوى

ثامنا: في غير وقت الحمام ،، لازم الطفل يعرف انه مرفوض انه يلمس او يلعب في اعضاؤه الحساسة و لازم تمنعيه من كده .. لما يعرف انه مينفعش يعمل كده اكيد بالتبعية مش هيسمح لغيره انه يعمل معاه كده و هو مش هيعمل كده مع حد

تاسعا: الطفل يلعب مع الاطفال اللي من نفس شريحته العمرية (age group) ،، و المتوافقين معاه جسمانيا و عضليا ((مهم جدا)) وعقليا و نفسيا ،، مفيش حاجة اسمها اصل ده صاحبي من ثانوي ،، مفيش حد في ثانوي او اكبر هيستمتع بمصاحبة طفل واللعب معاه لفترات طويلة الا لو كان مختل عقليا او منحرف

عاشرا: قبل ما الطفل يروح الحضانة او اي مكان بيكون فيه بعيد عن عينك لازم تكوني علمتيه و حفظتيه اجزاء جسمه كويس ولازم يكون بيعرف يعبر عشان يقدر او تقدر تحكيلك على اي تصرف مريب

11. لازم تشدد الرقابة على استخدام طفلك للانترنت و تبقى عارف هو بيستخدم الموبايل او التاب في ايه بالضبط احد اهم اسباب انزلاق الطفل لحاجك زي كده هو فضول التجربة (curiosity to try) بيبقى عايز يجرب اللي شافه .. الموضوع بيبتدي من اول الاحضان و البوس لما اهو ابعد من ذلك ،، الموضوع ده بينطبق على التليفزيون كمان

12. الطفل ميبقاش ابدا معاه موبايل خاص بيه قبل سن ال ١٤ سنة ما لم تكن هناك ضرورة قصوى لذلك ((ومفيش ضرورة قصوى لكده .. يبقى يستخدم موبايل باباه لما يحتاج)) و سيبك من الكلام الواهي بتاع اصل كل صحابه معاهم ،، اصل الزمن اتغير ،، ايوه صح الزمن اتغير بس للاسوء و اهل صحابه مش هاممهم يحافظوا على ولادهم انما انتي عايزه تحافظي على ابنك او بنتك

13. ازرعي في طفلك الثقة بالنفس و علميه انه ميخافش وانه يصرخ و يزعق و يتخذ موقف عدائي لو حس ان حد بيحاول يتخطى الحدود دي و يهدد منطقته الامنه

واخيرا قربوا من اطفالكم و خليهم يحسوا بالامان معاكم و ميخافوش انهم يحكولكم اي حاجة بتضايقهم ..التحرش لو حصل لا قدر الله مصيبة اه .. بس المصيبة الاكبر انه يستمر و الطفل يخاف يحكي ،، في حالات تحرش التحرش دام فيها لسنين و سنين كل ده بس عشان الطفل كان خايف يحكي او مش فاهم ايه اللي بيحصل !!

وهنبقي ان شاء الله نكتب بوست بعدين نشرح فيه ايه هو التعامل الامثل لو لا قدر الله حصل تحرش او حتي شكيتي في ده وايه هي الوسايل والقرائن اللي ممكن تأكدلك الواقعة او تنفيها

عيالنا امانة خلوا بالكم عليها ..

Dr. Ahmed Amin

06/07/2020

ازاي تحمي ابنك او بنتك من التحرش الجنسي؟!!

البوست ده مهم جدا جدا .. يمكن يكون اهم بوست كتبته في حياتي هينبهنا كلنا لحاجات لازم نعملها او نبعد عنها عشان نحافظ على ولادنا ،، كتير من الناس مش واخدين بالهم منها او شايفينها حاجات عادية .. وعشان الوقاية طبعا خير من العلاج يبقي لازم نعمل كل احتياطتنا قبل ما نقول يا ريت اللي جرى ماكان ،،

اولا: للاسف اول صورة بتقفز لذهن ناس كتير اول ما تسمع لفظ متحرش بالاطفال هي صورة واحد بلطجي شمام وواخدله كام مطوة على كام بشله في وشه ،، مستخبي في جحر و مستني الفرصة المناسبة عشان يهجم على الطفل

يؤسفني اصدمكم و اقول لكم ان الصورة دي غلط تماما .. الاغلبية الساحقة من المتحرشين بيبقى شخص قريب و يعرفه الطفل كويس جدا وواخد عليه و غالبا بيحبه كمان ،، معظم جرايم التحرش بتحصل من قرايب او جيران او مدرسين .. صاحب بابا .. زميل ماما او زمايل في المدرسة او النادي .. فا مفيش حاجة اسمها ده زي بابا او دي زي ماما او زي اخوكي .

ثانيا: افراد الاسرة (الاب و الام و الاخوات و الجدود) حاجة و اي حد خارج الدايرة المغلقة دي مهما كان و مهما كانت درجة ثقتكم فيه حاجة تانية و الطفل لازم يبقى عارف كده كويس ،، مفيش حاجة اسمها متتكسفيش من عمو ولا عادي انك تقعد على حجر طنط

ثالثا: الطفل لازم يتعلم من صغره ان جسمه ملكه بس ولازم يحترمه و مفيش حد في الدنيا ((خارج الدايرة المغلقة )) ليه الحق انه يلمسه او حتى يقرب منه .. علمي طفلك ان ليه حدود آمنه (safe zone) حواليه (على امتداد ايده) مش مسموح لحد انه يتخطاها

رابعا: اوعي تبوسي او تحضني طفلك بالعافية او تسمحي لحد انه يعمل كده حتى بهزار،، كده بتفهميه ان عادي ان حد ياخد حاجة منه غصبا عنه وانتي كده بتكسري احترامه لجسمه و لمنطقته الامنة اللي خالقها لنفسه

خامسا: ممنوع منعا باتا ان ابنك او بنتك تقلع او تغير هدومها قدام حد حتى لو كان طفل زيها .. لازم ابنك يتعلم الخصوصية .. و متعايريهوش ابدا بانه او بانها بتتكسف .. الطبيعي انهم يتكسفوا علي فكرة.

سادسا: برضو بالمثل ممنوع منعا باتا انكم تغيروا هدومكم قصاد ولادكم الاكبر من ٣ سنين .. متتساهلوش في الموضوع ده ومتعودوهمش ان حد يقلع هدومه قدامهم حاجة عادية و مافيهاش مشكلة
سابعا: متسمحيش ابدا لحد غريب يغير لولادك البامبرز و انتي بس اللي تساعديهم في الحمام لما يكبروا شوية ،، كده هيتعود من صغره انك انتي بس اللي مسموح لك تغيريه و تلمسي الاجزاء الحساسة من جسمه او جسمها ويرفض رفض بات ان حد تاني يعمل كده ،، دي حاجة بنسميها الارتباط الشرطي (conditional attachment) وحتي انتي نفسك بعد سن ٦ سنين مش مسمحولك بده الا في حالات الضرورة القصوى

ثامنا: في غير وقت الحمام ،، لازم الطفل يعرف انه مرفوض انه يلمس او يلعب في اعضاؤه الحساسة و لازم تمنعيه من كده .. لما يعرف انه مينفعش يعمل كده اكيد بالتبعية مش هيسمح لغيره انه يعمل معاه كده و هو مش هيعمل كده مع حد

تاسعا: الطفل يلعب مع الاطفال اللي من نفس شريحته العمرية (age group) ،، و المتوافقين معاه جسمانيا و عضليا ((مهم جدا)) وعقليا و نفسيا ،، مفيش حاجة اسمها اصل ده صاحبي من ثانوي ،، مفيش حد في ثانوي او اكبر هيستمتع بمصاحبة طفل واللعب معاه لفترات طويلة الا لو كان مختل عقليا او منحرف

عاشرا: قبل ما الطفل يروح الحضانة او اي مكان بيكون فيه بعيد عن عينك لازم تكوني علمتيه و حفظتيه اجزاء جسمه كويس ولازم يكون بيعرف يعبر عشان يقدر او تقدر تحكيلك على اي تصرف مريب

11. لازم تشدد الرقابة على استخدام طفلك للانترنت و تبقى عارف هو بيستخدم الموبايل او التاب في ايه بالضبط احد اهم اسباب انزلاق الطفل لحاجك زي كده هو فضول التجربة (curiosity to try) بيبقى عايز يجرب اللي شافه .. الموضوع بيبتدي من اول الاحضان و البوس لما اهو ابعد من ذلك ،، الموضوع ده بينطبق على التليفزيون كمان

12. الطفل ميبقاش ابدا معاه موبايل خاص بيه قبل سن ال ١٤ سنة ما لم تكن هناك ضرورة قصوى لذلك ((ومفيش ضرورة قصوى لكده .. يبقى يستخدم موبايل باباه لما يحتاج)) و سيبك من الكلام الواهي بتاع اصل كل صحابه معاهم ،، اصل الزمن اتغير ،، ايوه صح الزمن اتغير بس للاسوء و اهل صحابه مش هاممهم يحافظوا على ولادهم انما انتي عايزه تحافظي على ابنك او بنتك

13. ازرعي في طفلك الثقة بالنفس و علميه انه ميخافش وانه يصرخ و يزعق و يتخذ موقف عدائي لو حس ان حد بيحاول يتخطى الحدود دي و يهدد منطقته الامنه

واخيرا قربوا من اطفالكم و خليهم يحسوا بالامان معاكم و ميخافوش انهم يحكولكم اي حاجة بتضايقهم ..التحرش لو حصل لا قدر الله مصيبة اه .. بس المصيبة الاكبر انه يستمر و الطفل يخاف يحكي ،، في حالات تحرش التحرش دام فيها لسنين و سنين كل ده بس عشان الطفل كان خايف يحكي او مش فاهم ايه اللي بيحصل !!

وهنبقي ان شاء الله نكتب بوست بعدين نشرح فيه ايه هو التعامل الامثل لو لا قدر الله حصل تحرش او حتي شكيتي في ده وايه هي الوسايل والقرائن اللي ممكن تأكدلك الواقعة او تنفيها

عيالنا امانة خلوا بالكم عليها ..

Dr. Ahmed Amin

25/06/2020

تضحية الاطقم الطبية اكبر من ان اي حد يتخيلها 💔💔

25/06/2020

طيب نوصح نقطة مهمة :

١. من وجهة النظر الطبية : احنا ما زلنا في ذروة انتشار المرض و لسه مفيش بوادر توحي ان احنا دخلنا مرحلة الانحسار

٢. من وجهة النظر الاقتصادية : الأغلاق اصبحت تداعياته اصعب و اشد من الوباء،، و اصبح استمراره يشكل ضررا بالغا على فئة كبيرة من الناس ،، يمكن اكبر من ضرر الكورونا نفسه ،، و خصوصا ان الفائدة المرجوة من الاغلاق بصورته دي مكنتش بالدرجة المرجوة

⛔️⛔️ طيب انت كشخص تعمل ايه في النص ؟

١. تطبقك عزلك على نفسك

٢. تخرج للضرورة،، و للضرورة فقط

٣. تجنب العزومات و الزيارات

٤. تجنب خروج كبار السن الا للضرورة القصوى ،، و نتجنب اصطحاب الاطفال لصعوبة السيطرة عليهم

٥. مفيش خروج من غير كمامة ،، أيا كان نوعها ،، طبعا الافضل N95 , الماسك الجراحي , الماسك العادي , الماسك القماش

٦. تجنب لمس الانف و الفم و الوجه بصفة عامة اثناء وجودك بالخارج

٧.. تجنب الاكل و الشرب و انت بالخارج

٨. اتباع ارشادات منع العدوى ،، و التباعد الاجتماعي ،، التعقيم المستمر

٩. تجنب البقاء في الاماكن المغلقة فترة طويلة و يفضل الاماكن المفتوحة

١٠. خلع الحذاء عند الوصول للمنزل و يفضل تركه خارجا ان امكن

١١. خلع الملابس بمجرد الوصول للمنزل ووضعها في الغسيل مباشرة

١٢. غسيل الايدي من المرفق و الوجه بالماء الجاري والصابون فور الوصول للمنزل و قبل التعامل مع المتواجدين فيه او الاشياء بداخله

و ربنا يحفظ الجميع

Dr. Ahmed Amin

09/06/2020

⛔️ منظمة الصحة العالمية : لف و ارجع تاني ،، كالعادة ،،

ممثل منظمة الصحة العالمية بتقول مكانش قصدي كده ،، انا اتفهمت غلط ،، لسه معندناش معلومات كفاية عن انتشار الفيروس ،،

✋ على وضعنا زي ما قولنا ،، المصاب اللي مش بتظهر عليه اعراض ممكن يعدي عادي جدا و ده جزء من خطورة الفيروس

فوضى تصريحات و معلومات مغلوطة في كل مكان

The WHO scrambled to clarify its comments that transmission of the coronavirus by people who never developed symptoms is "very rare."

09/06/2020

قراءة في اخبار النهاردة عن الكورونا ،،

الحقيقة في خبرين مهمين جدا انتشرو النهاردة عن الكورونا خلينا نتكلم عنهم ،،

⛔️ الخبر الأول على لسان احد ممثلي منظمة الصحة العالمية :

الشخص الذي لا تظهر عليه اعراض تكون فرصة نقله للمرض نادرة.

الحقيقة انا اعتقادي الشخصي ان ده خبر فشنك و مش حقيقي و مش مبني على اي دراسات علمية ،،

ده انطباع شخصي من احد ممثلي منظمة الصحة العالمية ،، الراجل حب يفك بكلمتين مع الناس ،، قعدة قهاوي يعني ،، انا تتبعت الخبر و قعدت ادور على دراسات بتقول كده ملاقتش ،، كل اللي لاقيته بيقول العكس :

١. اولا سرعة الانتشار العالية دي للمرض مش ماشية مع الكلام ده اطلاقا ،، لو اللي بتظهر عليه اعراض بس اللي بينقل كان الموضوع بقى تحت السيطرة من زمان

٢. علميا تم عزل الفيروس فعلا في المعامل من سوائل جسم المصاب (اللعاب - الرذاذ - البول و البراز) و مش شرط يكون بيعاني من اعراض ،، و معنى وجود الفيروس في السوائل دي ،، انه قادر على الانتشار من خلالها ،،

٣. العديد من الاطباء اللي اعرف منهم ناس شخصيا مظهرش عليهم اعراض و في نفس الوقت نقلو الفيروس لأهاليهم ،، في حالات عديدة انا شوفت منها ناس شخصيا بتثبت ان الغير ظاهر عليه اعراض بينقل الفيروس عادي

ف لحد ما منظمة الصحة تطلع تنفي الكلام ده من تاني زي ما بيحصل دايما 😅،، او تطلع دراسة محترمة تأكده ،، احنا زي ما احنا

⛔️ الخبر التاني : اختفاء حاسة الشم في البداية قد يكون دليل على ان المصاب هيشتكي من اعراض طفيفة :

الحقيقة الخبر ده غالبا صحيح بنسبة كبيرة و معتمد على دراسة محترمة ،، و طبيا ممكن يكون ليه تفسير علمي كمان

احنا لازم نعرف ان الجهاز التنفسي بينقسم لجزئين :
علوي : upper respiratory tracts
سفلي : lower respiratory tracts

دايما و ابدا الاصابة الاخطر بتحصل لما الميكروب يضرب الجزء السفلي (اللي بيشمل اغشية الرئة و الحويصلات الهوائية ) و بيمنع دخول الاكسوجين للدم

و على العكس تماما،، في حالات نادرة جدا بيكون التهابات الجزء العلوي خطيرة زي بعض حالات التهاب الاحبال الصوتية،، و غيرها من الحالات النادرة،،

معنى ان الفيروس اثر على حاسة الشم ،، انه ضرب الاغشية المخاطية للانف ،، (اللي هي تبع الجهاز العلوي) و مأثرش على الرئة نفسها ،، و مدام اغشية الرئة في السليم يبقى احنا في السليم و مش هيحصل ضيق في النفس ولا نقص في الاكسوجين ان شاء الله ،، فغالبا ان شاء الله الموضوع هيعدي بسيط ،، شوية زكام ماشي ،، سخونية ميضرش ،، تكسير ،، اتس اوكي ،،
بس غالبا مدام مش هينتشر لتحت مش هنحتاج اي علاج تنفسي ولا مستشفى ان شاء الله ،،

بس كده ،، على وضعنا ،، نتفائل و لا نتساهل

Dr. Ahmed Amin

09/06/2020

في خبرين كويسيين جدا عن الكورونا بس خايف انزلهم 😅

04/06/2020

الكلام اللي بنقوله من زمان و تعبنا و احنا بنحاول نشرح للناس
بيان مهم جدا و المفروض كان نزل بدري عند كده كمان

هيئة الدواء المصرية: لا يوجد بروتكول للوقاية من فيروس كورونا

هيئة الدواء المصرية: تناول الأدوية والفيتامينات بدون وصفة طبية تؤدى لآثار جانبية خطيرة

صرحت هيئة الدواء المصرية أنه لا توجد حالياً أدوية ثبت أن من شأنها ‏الوقاية من أو علاج فيروس كورونا ولا توصي الهيئة ‏بالتطبيب الذاتي بأي أدوية بما في ذلك المضادات ‏الحيوية سواء على سبيل الوقاية من مرض كوفيد-‏‏19 أو معالجته.

وإذ تناشد هيئة الدواء المصرية المواطنين بعدم الشراء الزائد عن الحاجة وتخزين أدوية المناعة والمكملات الغذائية والفيتامينات خاصة تلك التي تدخل ببروتكول علاج فيروس كورونا المستجد Covid 19، مما قد يتسبب في نقص تلك الأدوية من السوق وإيقاع الضرر بالمرضى الذين يعتمدون على تلك الأدوية بشكل أساسي في علاجهم من بعض الأمراض. وعلى المواطنين عدم تناول أية أدوية أو فيتامينات الا تحت اشراف الطبيب المعالج والرجوع الى مقدمي الخدمات الصحية في هذا الشأن.

كما ناشدت الهيئة الأطباء والصيادلة بضرورة عدم نشر أي توصيات أو وصفات طبية للوقاية من أو علاج فيروس كورونا على وسائل التواصل الاجتماعي حتى لا يتسبب ذلك في مضاعفات وأثار جانبية غير محمودة العواقب لجموع المواطنين.

وقالت الهيئة ان الاستخدام المفرط للفيتامينات قد يؤدى لمضاعفات وآثار جانبية خطيرة مثل:

-الاستخدام المفرط لفيتامين د يؤدى لضعف عام ومشاكل بالكلى والشعور بالقيء والغثيان بالإضافة لاضطراب ضربات القلب عند تناوله مع دواء ديجوكسين.

-الاستخدام المفرط للزنك يؤدى لأعراض تشبه الأنفلونزا وتغييرات بحاسة التذوق والشعور بالقيء والغثيان بالإضافة لخفض مستويات السكر بالدم.

-الاستخدام المفرط لفيتامين ج يؤدى للصداع والأرق والاسهال والمغص والشعور بالقيء والغثيان بالإضافة الى تأثيره على صحة الأطفال اثناء فترات الحمل والرضاعة كما يزيد من اخطار الوفاة بأمراض القلب بالنسبة لمرضى السكر.

وتناشد الهيئة المواطنين بمتابعة صفحة الفيس بوك الخاصة بمركز المعلومات الدوائية التابع لها "مركز المعلومات الدوائية هيئة الدواء المصرية" والذي يقدم معلومات هامة تخص الاستخدام الامثل للفيتامينات من حيث أعراض النقص وأضرار الزيادة والكمية التي يحتاجها الجسم والمسموح بها يوميا والمصادر الطبيعية وبعض النصائح التي تخص التداخلات الدوائية وكذلك موانع الاستعمال.

يأتي ذلك في إطار حرص الهيئة على التوعية والتثقيف الدوائي للمجتمع وإيصال الرسائل الصحية والمعلومات الموثقة عن الدواء للمهنيين والجمهور.

02/06/2020

⛔️⛔️⛔️ قولا واحدا : كون ان مصاب الكورونا مش محتاج يتحجز في المستشفى ،، يبقى برضو مش محتاج اي علاج من اي نوع .. اي ادوية هياخدها مش هيستفيد منها غير مضاعفتها ،،

مدام مش محتاج مستشفى يبقى نتعامل معاه كأنه دور برد عادي ،، مسكنات عند اللزوم و حاجة لتخفيف الاعراض اذا محتاج ،، و سوائل و راحة و عزل

مش عارف ليه الناس مصرة تمشي ورا نصب روشتات النت ،، الله يجازي كل واحد وصف اي علاج او كتب روشتة على النت ،، عن جهل او لتحقيق مآرب او مكاسب شخصية ليه او لشركته ،،

مش عارف ليه الناس مصرة تضر نفسها و مش عارف ليه الواحد زي ما يكون بينفخ في قربة مقطوعة

02/06/2020

مهم جدا ،، طريقة لبس الماسك للمحجبات

31/05/2020

عارفين الكوليرا ؟!

الطريقة الطبية الوحيدة للتأكد بإن المريض مصاب بالكوليرا هي اخذ عينة من براز المريض و عمل مزرعة لفصل البكتيريا

ده الطبيعي اللي اي دكتور المفروض يعمله لو اشتبه في حالة كوليرا ،،

إلا اذا !!! ،، خلي بالكم من إلا اذا عشان دي مربط الفرس ،،

إلا اذا كنا في حالة انتشار لوباء الكوليرا ،، في الحالة دي طبيا : تحليل سريع للبراز كفاية ،، مش كدة بس و من غير تحليل براز كمان لو اعراض الكوليرا ظاهرة على المريض هتعتبره كوليرا و هتتعامل معاه على هذا الأساس ،،

قولنا قبل كده و بنكررها ،، الحاجة الخضرا من بره و حمرا من جوة و فيها بذر اسود مش لازم تقرا المكتوب عليها عشان تعرف هي ايه ،،

وقت الوباء حاجة ،، و الوقت العادي حاجة تانية ،، و اي حد بيفهم في طب الأوبئة عارف كده كويس

حكاية ان احنا نجري ورا مسحة ,, او نستنى نتيجة مسحة عشان ندخل عيان مستشفى نتعامل معاه و احنا شايفينه بيتعب قدامنا غير عقلانية و غير مقبولة

موضوع ان احنا نخصص مستشفيات معينة لإستقبال مرضى الكورونا مبقاش ينفع لأن احنا تخطينا المرحلة دي من زمان

كل المستشفيات الحكومية و الخاصة لازم تكون جاهزة و يكون عندها القدرة على التعامل مع حالات الكورونا و مينفعش مستشفى ترفض مريض

موضوع ان العيان يكشف في مكان و يتحول بعديها يعمل مسحة في مكان و بعديها يدور على مكان تالت عشان يعرف يتحجز فيه لو محتاج حجز ،، غير مقبول طبيا تماما !! وهيجي على حساب المريض اولا و اخيرا ،،

و سيادة الوزيرة بنفسها قالت ان ٥٠٪؜ من الحالات بتوصل منتهية !! طيب ما السبب واضح اهو !!

في الوقت الحالي كل المستشفيات في مصر لازم تجهز نفسها و تخصص مكان فيها و تتعامل مع مرضى الكورنا و مفيش حاجة اسمها احول على حميات ولا صدر ،، و مفيش حاجة اسمها ارفض مريض عشان اشتباه كورونا و اهله يدورو بيه على المستشفيات ،، يموت المريض في النص و ينشر العدوى لباقي المستشفيات ،، ده الحل الامثل و الوحيد .. بس مين يسمع !

و برضو موضوع ان احنا ندخل عيان المستشفى بس عشان يتعزل لازم ينتهي ،، المستشفى بس للي محتاجها !!

طيب المفروض نبتدي نعمل كده من امتى يا دكتور ؟!
من امبارح !

Dr. Ahmed Amin