Dr. Yahia Ali Ahmed, الشروق : مول تاون سنتر بجوار كومباوند دار مصر عيادة ٣٤٢ الدور التالت, Cairo (2025)

26/10/2025

حصل عطل فني مفاجيء في الواتس اب من امبارح وجاري الإصلاح ان شاء الله
للحجز في عيادة الشروق برجاء الاتصال هاتفيا فقط علي رقم
010 333 42 888

24/10/2025

حالات كتير بتيجي و وبنشخص ان عندها أورام ليفية محتاجة تدخل جراحي

منهم اللي بيعمل العملية سواءا عن طريق الجراحة او المنظار حسب الحالة ومنهم اللي بيرفض يعمل العملية بسبب الخوف او عدم الاقتناع

المشكلة بقي ان تأخير العملية بيخلي الأورام دي بتكبر وبتشغل حجم الرحم كله تقريبا وبيبقي الحفاظ علي الرحم مستحيل لان الرحم بيتحول كله تقريبا لورم ليفي زي الصورة كده👇وبنضطر آسفين نلجأ للاستئصال

الخلاصة : مش كل الأورام الليفية بتحتاج تدخل جراحي لكن طالما الدكتور قال لك محتاجين تدخل رجاءا عدم التأخير عشان مانرجعش نندم ونقول يا ريتنا سمعنا الكلام قبل فوات الأوان 😞

23/10/2025

تعجز الكلمات عن التعبير عن شكري وامتناني لكلماتكم الجميلة الرقيقة سواءا في التعليقات علي البوست او في ألاف الرسايل اللي جات لي علي الخاص او المكالمات التليفونية من مصر وبره مصر كمان …

أسعدتوني وفرحتم أسرتي وعيلتي كلها 🥹
أنا لو اعرف ان عندي شعبية جامدة كده كنت نزلت الانتخابات الجاية وسط الناس يمكن كنت أكسب 😅

شكرا ليكم بجد وانا نفسي ارد علي كل رسالة وتعليق بس مش هقدر للأسف 🙏

حاجة تانية مهمة:

السيدات الفضليات اللي ليهم متابعات او استشارات ممكن تتفضلوا تروحوا عيادة زملائي الأعزاء د. احمد عبد الدايم او د. مصطفي جمال
أنا اتفقت معاهم وهما تفضلوا مشكورين بالموافقة علي استقبال حضراتكم وانا كلي ثقة فيهم أنهم هيكملوا معاكم المتابعات زيي وأحسن مني كمان
هكتب لكم عنواينهم وأرقام الحجز :

د. احمد عبدالدايم - بجوار صيدلية الرحمة
تليفون الحجز 01090947059

د. مصطفي جمال- امام الأحوال المدنية
تليفون الحجز :01098341432

20/10/2025

العائلة تأتي اولاً

الطفل الجميل اللي في الصورة ده هو مازن ابني ، عمره دلوقتي ٨ سنين. لما كان عمره سنتين اكتشفنا إصابته بمرض اضطراب التوحد. ومن وقتها قررنا ننقل إقامتنا للقاهرة عشان نوفر له العلاج والتأهيل المناسب

علي مدار ٦ سنوات أنا كنت بقسم وقتي بين أسرتي وعيادتي في القاهرة، وبين عيادة قنا، وبين شغلي كدكتور في جامعة السويس

٦ سنوات قضيتهم تقريبا من غير اجازة او راحة أسبوعية زي اي إنسان عادي رغم صعوبة شغلنا و خطورته وحساسيته. شغل وسفر متكرر ومتواصل عشان احاول إني مقصرش مع اي حاجة من مسؤولياتي والتزاماتي في كل مكان.

المهم… مازن دلوقتي كبر وأتحسن في حاجات كتير بفضل الله سبحانه وتعالي بس للأسف مشكلة التوحد ان كل ما الطفل بيكبر كل ما مشاكله بتكبر معاه واحتياجاته للرعاية و التاهيل بتزيد

و بصراحة زوجتي وبناتي و كمان والدتي وحماتي ربنا يحفظهم ويبارك لي فيهم جميعا بذلوا مجهود خرافي السنين اللي فاتت مع مازن نظرا لعدم تواجدي معاهم علي طول.

و لان العائلة تأتي أولا وقبل كل شيء انا للأسف قررت أني مش هقدر
أجي عيادة قنا تاني بانتظام
بعد ١٦ سنة شغل هتنتهي رحلتي الأسبوعية في قنا لان ببساطة ابني وأسرتي محتاجين وجودي معاهم ودي اهم حاجة بالنسبة لي..

اسمحوا لي أتكلم معاكم في كذا نقطة :

١- علي مدار ١٦ سنة ربنا سبحانه وتعالي بفضله وكرمه جعلني سبب بسيط في إنقاذ أرواح آلاف السيدات والأطفال ورسم البسمة والسعادة علي كتير جدا جدا من العائلات. فرجاءا لو حد كان ليا ذكري طيبة معاه في يوم من الأيام يفتكرني بدعوة حلوة سواءا دلوقتي او بعد ما أموت و أسيب الدنيا

٢- خلال فترة شغلي السنين الطويلة دي أنا اكيد غلطت او قصرت في تشخيص أو علاج بعض الحالات لاني في الاول وفي الآخر بشر أخطيء واصيب وغير معصوم بس أنا والله عمري ما تعمدت الخطاً او التقصير مع اي حالة واتمني من كل حد له حق عندي انه يسامحني ويتقبل اعتذاري

٣- رجاء خاص … اقروا اكتر و اعرفوا عن التوحد. التوحد مش زي ما بتشوفوه في الأفلام والمسلسلات
التوحد مرض لعين وصعب ملوش علاج بيقتل طفولة اولادنا وأهالي المصابين بيه بيعانوا في صمت ومحدش حاسس بيهم ولا عارف قدر المعاناة اللي بيشوفوها كل يوم

٤- ادعوا لمازن ابني ولكل الأطفال حبايبي اللي زيه ان ربنا يشفيهم وييسر لهم حياتهم ويعينا ويعين كل اب وأم وأسرة فيها طفل عنده توحد
٥-عندي نية إني ارجع قنا تاني في صورة زيارات شهرية لمتابعة حالاتي واجراء العمليات. ادعوا لي بس إني اقدر أدبر حالي وارتب
ظروفي وتابعوا المستجدات علي الصفحة..

لكل متابعيني وأهلي وأحبابي من كل قلبي بشكركم و بشكر كل حد قال عني كلمة كويسة في يوم من الأيام وانا عيادتي مفتوحة ليكم في اي وقت في القاهرة في الشروق و قريبا في (السويس)كمان لاني عارف ان في ناس كتير جدا من أهل قنا مقيمين في السويس و هكون جاهز لاستقبال كل الحالات اللي محتاجة مساعدتي و ابقوا افتكروني بالخير

11/10/2025

كانت مرعوبة جدا لدرجة ان دكتور التخدير كان حابب يطمنها قبل العملية بيقولها متخافيش هتنامي وتصحي تلاقي نفسك فوق ( قصده في غرفة الإقامة في الدور التالت) قامت قالت له فوق فين بالظبط 😅😅

وبصراحة كانت معذورة لأن حالتها كانت خطيرة جدا جدا …..مشيمة متقدمة وملتصقة من الدرجة الرابعة حسب تقرير أشعة الرنين المغناطيسي زائد ان كان حصل لها جلطة في أوردة المخ في ولادة سابقة

الحمد لله الولادة عدت علي خير واحتجنا نقل كيسين دم بس مع الحفاظ طبعا علي الرحم بفضل الله

النهاردة كان معاد المتابعة بعد أسبوع فقط من الولادة والحمد لله الأمور تمام ومفيش اي مضاعفات ☺️

اطمنوا😊

06/10/2025

☺️☺️

27/09/2025

" أهم حاجة الرحم يا دكتور بالله عليك"

دي كانت آخر جملة لمدام ياسمين قبل ما نبدأ العملية
جات لنا من محافظة البحر الأحمر عشان تشيل أورام ليفية كبيرة منتشرة في الرحم كله بعد ما اتقال ليها إنها لازم تعمل استئصال بالكامل للرحم
طبعا القرار ده مستحيل نظرا لصغر سنها واعتبارات تانية

برغم صعوبة العملية و خطورتها تمت الحمد لله علي خير وروحت بيتها بالرحم سليم من غير مضاعفات او الحاجة لنقل دم
اطمنوا ☺️

20/09/2025

ذات مومنت:

لما يكون البيبي شبه باباه من قبل حتي ما يتولد 😅😅😅

18/09/2025

كيف كانت …. وكيف صارت

التعامل مع الأورام الليفية في أرحام الآنسات بيبقي تحدي من نوع خاص
وده عشان هدفنا من العملية بيكون:

✅ المحافظة طبعا علي الرحم
✅ اصغر جرح ممكن في البطن
✅ جرح بالعرض مش بالطول
✅ الحفاظ علي الخصوبة
✅ تفادي حدوث اي التصاقات
✅ تعافي سريع
الموضوع مش مجرد تدخل جراحي وعملية وخلاص

اطمنوا 😊

الصور في التعليقات 📸

29/08/2025

أدهم أبو ضحكة جنان 🥰

عندما تولد الفرحة من رحم المعاناة

ده مش كلام كبير وكليشيه😅😅

الضحكة الحلوة دي غلبتنا بجد

حمل خطر مع ارتفاع في الضغط و ضعف في النمو وأنيميا وولادة مبكرة
بس سيبكم انتوا.

ضحكته تستاهل 😉

24/08/2025

شهر الأورام الليفية

الصور دي مش ل حالة واحدة

الصور دي لسيدات وآنسات جم لينا الشهر ده من أماكن مختلفة من محافظات مصر من القاهرة والسويس وقنا والبحر الأحمر والشرقية

كل سيدة او آنسة منهم عندها قصة ومعاناة خاصة بيها مختلفة عن باقي الحالات
منهم اللي لسه متجوزتش ومنهم اللي اتجوزت ولسه محملتش ومنهم اللي عمالة تأجل في قرار العملية من سنين

بس كلهم اجتمعوا علي شكوتهم من الالم والنزيف

وكلهم كان عندهم نفس الرعب والخوف من فكرة ان الرحم ممكن يتشال في العملية

الحمد لله وحده وبنسبة نجاح ١٠٠ ٪؜ قدرنا نكون عند حسن ظن كل سيدة وكل آنسة جت لنا من مسافة بعيدة عشان نساعدها في التخلص من الأورام الليفية اللي عندها بكل تعبها ومشاكلها

عشان يرجعوا بيوتهم لأسرهم بالسلامة وبدون مضاعفات او استئصال للرحم😊

شكرا لكل واحدة وثقت فينا
اطمنوا 😊

22/08/2025

❤️🥰

Dr. Yahia Ali Ahmed

26/10/2025

24/10/2025

23/10/2025

20/10/2025

11/10/2025

06/10/2025

27/09/2025

20/09/2025

18/09/2025

29/08/2025

24/08/2025

22/08/2025

Address

Telephone

Website

Alerts

Shortcuts

Share

Category