Hilca clinic للطب النفسي والعلاقات الانسانية دكتور اسماعيل صادق

25/10/2025

حاسين بإيه!!

24/10/2025

📌أحب أقولك
دماغك مش متشائمة، هي بس بتحاول تحميك.

علم النفس بيسمي دا: Negativity Bias 🧠
يعني الميل الطبيعي إننا نركّز على السلبي أكتر من الإيجابي،
وده بسبب نظام النجاة في المخ (amygdala) اللي دايمًا بيجهّزك لأي خطر، حتى لو مافيش خطر حقيقي!

وعشان كده هتلاقي 👇
إننا بنعيش طول الوقت في وضع "الاستعداد للأذى" بدل "الاستمتاع بالنعمة".
فبنعمل خوفنا بأيدينا…
ونضيّع على نفسنا اللحظة الحلوة اللي ربنا بعتهالنا. 🌤

يمكن محتاج النهارده تهدى شوية…
وتقول لنفسك:
"أنا مش لازم أتأذى علشان أستحق الفرح."
"ومش كل هدوء معناها إن في عاصفة جاية."

✨ يمكن الفرح المرة دي مش اختبار...
يمكن هو الهدية اللي كنت مستنيها من بدري. 🎁

20/10/2025

تحس كده إنك لو فرحت زيادة… هتدفع تمنها بعدين!
ولو حاجة حلوة حصلت، صوت جواك يقولك: "استنى بس، أكيد في حاجة مش تمام!"
كأننا مش مصدقين إن الحلو ممكن يفضل حلو 🥲تابعونا هنكمل مع بعض 🤌

17/10/2025

في حاجة في علم الأعصاب اسمها "تأثير الحقيقة الوهمية" – Illusory Truth Effect
بتقول ببساطة إنك لو سمعت نفس الجملة كذا مرة، دماغك بيبدأ يصدقها حتى لو غلط.
مش لأنك "سهل تتخدع"، لكن لأن دماغك بيختصر المجهود…
كل مرة يسمع نفس المعلومة، بيقول لنفسه: "دي مألوفة"،
والمألوف = آمن ✅
والآمن = حقيقي في نظر المخ.

يعني اللي بتسمعه كتير… بيترسّخ جواك حتى لو كنت عارف إنه مش منطقي.
وده السبب إننا ساعات بنصدق صوتنا السلبي أكتر من الحقيقة!

"أنا فاشل"
"أنا مش كفاية"
"عمري ما هنجح"
كل دي مش أفكار… دي تكرارات عصبية اتبرمج عليها مخّك.

خليك متابع البوست الجاي:💬
هنتكلم إزاي بالضبط المخ بيتبرمج على الفكرة دي،
وليه تكرارها أخطر من مضمونها ..

16/10/2025

هقولك على ٥ خطوات تبدأ بيهم تسترجع طاقتك النفسية خطوة بخطوة👇

١. اعترف إنك تعبان من غير ما تبرر 🧠
مش لازم تقول "أنا ضعيف"، قول "أنا محتاج أسترجع طاقتي"، ودي شجاعة حقيقية.
ابدأ بس تلاحظ نفسك، إمتى بتتعب؟ إمتى بتفقد حماسك؟

٢. ابعد شوية عن الدوشة في يومك 🔇
مش لازم تسافر ولا تختفي،
لكن جرب كل يوم ساعة من غير تليفون..
الساعة دي بتبقى زي "غسيل للمخ"، الجهاز العصبي بيبدأ يهدأ فيها.

٣. اختار تعمل حاجة من دول بتريحك..
ارسم، امشي، اسمع موسيقى، أو حتى اقعد ساكت.
الفكرة إنك تعمل حاجة مش علشان تخلّصها…
لكن علشان "ترتاح فيها".

٤. قلّل احتكاكك باللي بيستنفزوك ⚠️
في ناس وجودهم بيسحب طاقتك، حتى لو بتحبهم.
مش لازم تقاطعهم، بس قلّل التواصل مؤقتًا، لحد ما تسترجع توازنك.

٥. ابدأ تبني روتين راحة ثابت 🕯️
مش رفاهية… الراحة دلوقتي بقت ضرورة علاجية.
نام كويس، كُل كويس، وحافظ على نظام نوم ثابت،
جسمك جزء من المنظومة النفسية، ولما ينهك، كل حاجة بتنهك معاه..

قولي بقى ايه اللي محتاج تشتغل عليه من دول النهاردة!!

15/10/2025

صغيرة وقصيرة بس فيها كلام كتيييييير !!🫰👌
امتى حسيت انك مش لاقي حد فعلا؟!

13/10/2025

إيه اللي بتعملوه لما بتلاقوا نفسكم جيبتوا اخركم!!

12/10/2025

ليه بيحصل الإرهاق العاطفي دا حتى للناس القوية، الناجحة، المنتجة؟!

١. علشان بيغطّوا التعب بالشغل والإنجاز 💼
الناس اللي بتعرف تكمّل مهما كانت مرهقة، بتتعلم تكمّل "على وضعها"، فبتبان قوية… بس الحقيقة إن التعب بيتراكم جواها ومش بيظهر غير لما خلاص الطاقة تخلص.

٢. علشان المثالية بتستهلكهم 🎯
اللي دايمًا عايز يعمل كل حاجة صح، بيحط على نفسه ضغط مش طبيعي.
كل مرة بيحس إنه لازم يكون الأفضل، فمش بيسمح لنفسه يغلط أو يرتاح.

٣. علشان التعب بيتراكم ببطء ⏳
الإرهاق العاطفي مش ضغطة واحدة وتعدي… ده بييجي من سنين شغل ومسئوليات وضغط، من غير وقت حقيقي للراحة..

٤. علشان بيربطوا قيمتهم باللي بيعملوه 👔
في ناس بتحس إنها من غير الشغل أو العطاء "ملهاش لازمة"، فبتدي فوق طاقتها علشان تفضل شايفة نفسها "كويسة"، وده بيخلّيها تنهك أكتر.

ه. علشان مابيعرفوش إزاي يشحنوا طاقتهم 🔋
حتى الناس القوية، لو ما عندهاش روتين حقيقي ترتاح فيه وتفصل، الجسم والعقل في الآخر هيفصلوا غصب عنهم..

11/10/2025

مهم جدًا تركزوا في الكلام دا👇

😔 الإرهاق العاطفي
بيحصل بعد فترات طويلة من الضغط النفسي..
بتحس إنك "فاضي من جواك"، مش لأنك فقدت الأمل، لكن لأن طاقتك استهلكت!!🤦‍♀️
النوم ممكن يبقى صعب، والتركيز قليل، بس لسه جواك رغبة ترجع زي ما كنت..
مع الراحة والدعم، حالتك بتتحسّن بسرعة نسبيًا.

👀 الاكتئاب

أعمق وأوسع… مش بس تعب من المجهود، لكن فقدان اهتمام بالحياة نفسها🫩
بتحس إن مافيش حاجة ليها معنى، حتى اللي كنت بتحبه..
بيأثر على التفكير، والمشاعر، والجسم ككل (أكل، نوم وحيوية ونساط وكله)
وبيحتاج تدخل علاجي واضح ومتابعة مع متخصص..

📍يعني باختصار ومن الآخر:
الإرهاق العاطفي بيقولك "أنا تعبت"..
لكن الاكتئاب بيهمس "أنا فقدت الإحساس بالحياة".

خليك منتبه للإشارات، لأن أول خطوة للعلاج هي إنك تفهم اللي بيحصلك ..👌

تابعونا عشان لسه مكملين سوا ..

10/10/2025

بحسب الجمعية الأمريكية لعلم النفس (APA)،
الإرهاق العاطفي Emotional Fatigue
بيحصل لما الإنسان يفضل يقدّم دعم، إحساس، ومسئولية
من غير ما يلاقي مساحة يرجّع فيها طاقته💁‍♂️

مش شرط تكون مكتئب،
لكنك وصلت لنقطة اللي فيها جهازك العاطفي بقى مرهق من كتر الاستهلاك👀

الإرهاق دا مش ضعف…
هو نداء من النفس بيقولك:
“محتاجة ترتاح… مش علشان تكسل، لكن علشان تقدر تكمل.”

في البوستات الجاية ✨
هنفهم سوا:

إيه الفرق بين الإرهاق العاطفي والاكتئاب؟

ليه بيحصل حتى للناس القوية؟

وإزاي تبدأ تسترجع طاقتك النفسية خطوة بخطوة.

09/10/2025

06/10/2025

مش قادر تفرح زي الأول😶
كل حاجة بقت مجهود… حتى الكلام😔
بتحس إنك فاضي من جوا رغم إنك بتعمل كتير
بتستسهل تسكت بدل ما تشرح🤐
النوم مش مريحك، والصحيان بقى تقيل 😴
دماغك دايمًا شغالة، ومافيش طاقة لأي حاجة جديدة💭
بتقول لنفسك كتير "أنا خلاص مش قادر أدي"

لو حسّيت إن الكلام دا بيوصف حاجة جواك …
استنى البوستات الجاية ✨
هنتكلم سوا عن يعني إيه الإرهاق العاطفي؟
وليه بيحصل؟ وإزاي تخرج منه قبل ما يكسرك.