MASA

05/12/2025

صورة الدم الكامله مايعرف ب ال CBC
مش رفاهيه وخصوصا في نزلات البرد الشديده لأنها بنعرف منها اذا كان التهاب فيروسي فقط ولا تطور إلى بكتيري ويحتاج مضادات حيويه معينه وتكشف اذا كانت المناعه ضعيفه وتحتاج مقوي مناعه زي ال immulant مثلا ....
وخصوصا اذا في التهاب فيروسي زي ال Herpes
وحالات الحزام الناري وخصوصا لمرضى السكر والحامل وكبار السن والأطفال .... رب الناس اذهب البأس واشف أنت الشافي لاشفاء إلا شفاءك شفاء لا يغادر سقما ابدا 🤲🏻❤️

05/12/2025

يحتاج راحه مع عزل
فيتامين سي وباراسيتامول
شرب الماء بكثره وسوائل وأكل صحي (بروتين فاكهه خضار ) السكريات الصناعيه والمواد الحافظه بتزيد من تكاثر الفيرس
تنظيف الأنف مش رفايه الفيرس يكمن ف الأنف بخاخات او محلول ملحي يساعد الجسم من التخلص من الفيرس ..
وطبعا اشعه صدر واستشاره الطبيب
فالله خير حافظا وهو أرحم الراحمين ❤️

03/12/2025

يارب يارب العالمين انا اول العابدين 😢😢😢🤲🏻🤲🏻🤲🏻❤️❤️❤️

03/12/2025

29/11/2025

مش اي علاج نكتبه لازم يريحك وخصوصا العلاج النفسي اي
*Antidepresstion
*Mood stabilizer
*Anti insomnia
اي حاجه من دول مش مريحاك وتخليلك احسن وبدأت تحس انك قادر تعيش وبقيت افضل متكملش فيهم الجسم مش محتاجهم 🚫
انت الي بتدي ال Feedback للطبيب عشان كده ربنا خلق لينا
الاستشاره بعد اسبوعين ✌🏻

25/11/2025

حاول تحافظ على مستوى الأنسولين ف الدم بيفرق ف وظائف الجسم كله ..

أكل الخيار في الليل!” او مع السكريات قبلها او بعدها
تناول الخيار يحفز خلايا البنكرياس لإنتاج الإنسولين، مما يُساهم في علاج مرض السكري، وتنظيم مستوى السكر في الدم.
يساعد الخيار على التحكم في ضغط الدم لاحتوائه على نسب كبيرة من الماغنسيوم والبوتاسيوم والألياف 💚💚💚💚💚💚

25/11/2025

حاول تحافظ على مستوى الأنسولين ف الدم بيفرق ف وظائف الجسم كله ..

20/11/2025

للمره #الترليون
هتضعف المناعه اكتر 🚫

19/11/2025

انا بغلي قشر الرمان وبشربه علاج للجهاز الهضمي كله ان شاءالله رب العالمين ❤️
الرمان أساسي لأي حد عنده ارتجاع في المرئ، التهابات قولون، مشاكل في المعدة، قولون تقرحي، قولون عصبي.

الرمان ده صديق الجهاز الهضمي وبيعيد بنائه من أول وجديد

15/11/2025

🚩 جسمك مش محتاج دوا عشان يفوق... جسمك محتاجك
إنت تفوق ..وهيرجع يشتغل زي الأول وأحسن !
والله زي ما بقولك بالحرف ! .. ركز معايا

صدقني لما اقولك
جسمك مش ناقص دوا ولا وصفة سحرية ...
جسمك محتاجك تديله فرصة يشتغل..

ربنا خلق جسم الإنسان بطريقة عبقرية...
كل خلية فيه ليها وظيفة، وكل جهاز بيخدم على التاني...
وفيه نظام إصلاح طبيعي شغّال ٢٤ ساعة، من غير ما تحس، ولا تطلب منه، ولا تديله أوامر.

بس النظام ده ليه شرط واحد:
إنك "ما تعطلّهوش"!

يعني ما تفضلش تدلق عليه سموم، وتطلب منه يتصرّف ...
ما تفضلش تحرمه من النوم والراحة،
وتستنى مناعته تبقى قوية...
ما تحرموش من الأكل النضيف، وتستنّى بشرتك تنور،
وشعرك يقف تساقطه، وجسمك يحرق دهون!

جسمك فعلاً مش محتاج دوا… جسمك محتاج مساحة يتنفّس فيها، ويرجع يشتغل زي ما ربنا خلقه.

---

🚩 تعالى أفكرك بحاجة بسيطة…

لما حد بيتكسر له عظمه مثلا ، بيروح لدكتور العظام.
الدكتور بيجبر الكسر، يدي له مسكن، يقول له ريّح رجلك.
بس هل بيدّيه دوا "يلحم" العضم؟

لأ طبعًا! اللي بيلحم العضم هو الجسم نفسه.

الدكتور دوره الوحيد إنه "ما يعرقلش" الجسم!
يقولك: متضغطش عليه… سيبه يشتغل.

نفس الفكرة بتحصل في الجرح…
لما بتتعوّر، هل بتحط دوا بيخلق جلد جديد؟
لأ، كل اللي بنعمله إننا ننضف ونغطي، والباقي على الجسم.

يعني الجسم في الأصل عنده "ورشة تصليح" جوه، شغالة ليل نهار.
---

▪️إيه اللي بيحصل جوه الورشة دي؟

فيه خلايا اسمها "الماكروفاج" بتنضف أي ضرر أو عدوى

وفيه خلايا اسمها "فايبرو بلاست" بتبني أنسجة جديدة

وفيه هرمونات زي "هرمون النمو" و"IGF-1" بترمّم الجسم

وفيه إنزيمات بتحارب الالتهاب

وفيه مضادات أكسدة بتحمي الخلايا

وفيه جهاز مناعي بيقتل أي فيروس أو خلية شاذة

🔶 هشرحلك ازاي كل جهاز بيقدر يصلح نفسه بالكامل في التعليقات تحت .. وشوف إعجاز الخالق في صنعه

-------

🚩 الورشة الربانيه دي بتقف وتعطل لما إنت :

تدخل سكر ودقيق أبيض كل يوم

تفضل سهران للصبح

تاكل وجبات سريعة ومعلّبات و أكلك كله من السوبرماركت

تفضل تحت ضغط نفسي وتوتر واسترس شديد

ما تتحركش

تكتم نفسك وما تتنفسش بعمق

انت عمال حرفيا تخنق في جسمك بدل ما تحنّ عليه وتريحه

فالورشة مش بتقف لأنها ضعيفة...
بتقف لأنها "مخنوقة"!
---

▪️وعشان كده، العلاج الحقيقي مش دوا…
العلاج هو إنك "تفك الزنقة والخنقه " عن جسمك !

زي ما بنعمل مع الجبس… مش بنعالج الكسر،
إحنا بس بنسيب الجسم يلحم على راحته.

نفس الفكرة مع أي مرض…
إحنا بس بنمنع اللي بيعطّل الجسم…
وساعتها هو بيقوم بالباقي.

شفنا ناس بالآلاف معانا كان عندهم سكر نوع تاني… ووقفوا الدوا، ومجرد ما التزموا بنظام غذائي حقيقي… السكر نزل.

ناس شعرها كان بيقع اكوام… وقف لما بطلوا سكر ومعلّبات.
والتزموا بالدايت وعوضوا نقص الفيتامينات

بشرة كانت باهتة ومليانة حبوب… نوّرت والله لما بطّلوا ألبان مصنّعه وزيوت مهدرجة..والتزموا بالاكل المفيد ت

غدة درقيه كانت بتتلخبط وبتلعب … اتحسّنت وتعافت لما الجسم خد فرصة يتنفّس.

مش الدوا اللي عمل كده…
ولا المكملات
ولا الأعشاب
ولا الكريمات

اللي عمل كده هو الجسم… لما أخيرًا حد "وقف الخراب"، وادّاه فرصة يشتغل.

---

▪️لكن المشكلة بقى…
إن في ناس لسه بتسأل:

"أنا باخد دوا بقاله سنين ومفيش نتيجة؟"

بس هي:

بتاكل سكريات كل يوم
و سهرانة ل ٢ الفجر
و ما بتمشيش
و مخنوقة ومتوترة
و بتاكل أكل مصنّع

🔸يعني بتولع نار جواها… وبتطلب من الجسم يطفيها!

الجسم مش ساحر
هو محتاج بيئة تساعده
مش محتاج علاج… محتاج "مساحة"

---

🚩 جرب شهر واحد بس…
٣٠ يوم بس…
مش محتاج تعمل ٣٠ تحليل!

جرب:

تنام بدري

تمشي كل يوم نص ساعة

تاكل أكل طبيعي من بيتك
تبعد عن السكر، والدقيق الأبيض

تركز على الخضار والفاكهه، والبروتين، والدهون الصحية

تشرب مياه بزيادة

تتنفس بعمق

▪️وساعتها هتشوف معجزة:
الطاقة رجعت
المزاج اتحسّن
الهضم بقى مريح
البشرة نورت
الشعر وقف تساقطه
السكر اتحسّن
الهرمونات رتّبت نفسها

واللي عمل كل ده مش علاج جديد…
ولا دكتور عبقري…
ولا دواء مستورد…

اللي عمل كده هو الجسم نفسه… لما لقى السكة فاضية.

---

وأوعى تيأس!

لو ما شفتش نتيجة في أسبوع… افهم إنك مشيت سنين في طريق غلط.
محتاج وقت عشان تلف وترجع
بس الطريق اللي هترجع منه… طريق تعافي حقيقي

والله الجسم مش خربان
الجسم قابل للتصليح بجد
بس محتاج "تديله فرصة"
▪️فووووقوا يا جماعه بجد
---

🚩 طب التغذيه ودكتور التغذية الشاطر… دورهم إيه بقى؟

دور دكتور التغذية مش يكتب لك ورقة فيها
فطار وغدا وعشا! ..

دوره الحقيقي:

✅ يفهم جسمك من أول وجديد
✅ يربط بين التحاليل والأعراض
✅ يعرف إمتى المشكلة من الغدة… وإمتى من الأمعاء
✅ يفكّك أسباب الالتهاب الداخلي… حتى لو التحاليل شكلها "كويس"
✅ يعملك خطة أكل تشغّل بها الجسم مش توقفه
✅ يعدّل عاداتك بهدوء… بدون جلد أو حرمان
✅ يراقبك شهر ورا شهر… ويشوف إيه بيتحسّن… وإيه لسه محتاج دعم

ودوره الأهم:

يعلمك تتعامل مع جسمك باحترام، مش بخوف ولا استعجال

يعني المريضة اللي شعرها بيتساقط؟
مش بنديها زنك ونمشي
بنسأل: فيه مشاكل في الامتصاص؟
فيه نقص حديد؟
فيه سكر بيكسر بصيلات الشعر؟
ولا فيه ضغط نفسي مكبوت؟

المريض اللي عنده مقاومة إنسولين؟
مش بنقوله "ابعد عن السكر" والسلام
بنشوف: بينام؟ بيتوتر؟ بيتنفس؟ بيهضم؟
إمتى بياكل؟ وبيمشي؟ وبيشرب مية قد إيه؟

طبيب التغذية الحقيقي مش بيظبط أكلك… بيظبطك إنت

لأنك لو اتظبطت… جسمك هيشتغل لوحده

---

آخر حاجة…
جسمك متعَب… وبيستغيث
مش طالب دوا
طالب راحة، أكل نظيف، نوم سليم، دعم نفسي…
وطبيب يرشده بلُطف

والله المرض مش حكم مؤبّد
ولا التحليل بيحكم عليك للأبد
إفهم جسمك واختار حد يفهمك
كل حاجة قابلة تتصلّح… لو ابتديت من النهاردة

ابدأ دلوقتي
ريح جسمك من سلوكياتك اللي دمرته حرفيا
ادّيه مساحة للتعافي واصبر عليه
وساعده يصلّح نفسه بنفسه… بهدوء، بثبات ..