01/03/2026
ليه الرياضيين اكتر ناس بتمرض ف الشتاء؟!
‼️⚠️❗
ليه ابنك او بنتك كل شوية يجيله دور برد! مع انه رياضي!
سموا الله وتعالوا نعرف الاسباب والحلول!
🔻🔻🔻
بالرغم من ان قلة الرياضة وقلة المجهود البدني هي ثاني اكبر مُسبب لضعف المناعة لاي شخص بعد سبب الضغط العصبي والنفسي!
ولكن ف نفس الوقت التمارين الرياضية هم من اهم الاسباب ال ممكن تعمل ضعف لجهاز المناعة!
وتكون سبب ف حدوث مشاكل مناعية بشكل متكرر خصوصا فيما يخص مشاكل الجهاز التنفسي وخاصة
ف شهور الشتاء!
وخاصة بعد البطولات او الماتشات القوية!
⚠️⚠️❗⚠️⚠️
ليه بيحصل كدا ؟!
السبب الاكبر هو ان بعد التمارين القوية او التمارين الطويلة،
بيبدأ الجهاز المناعي يكون ف حالة " مؤقتة " من الضعف وعدم النشاط الطبيعي!
‼️‼️
وبيكون هرمون الكورتيزول عالي ف الجسم! وبيبقي الجسم اكثر عُرضة انه يتصاب بالعدوي! خصوصا ف الجهاز التنفسي!
⚠️⚠️‼️⚠️⚠️
دي حالة علميا بُتسمي بال:
Open Window Phase
هتلاقي رسم بياني ليها ف التعليقات
‼️‼️⚠️‼️‼️
طيب الحل والوقاية ازاى يا د شيفو ؟
• لو داحل التمرين لابس قطعة هدوم واحدة، اطلع منه لابس قطعتين!
• نشف جسمك وشعرك كويس جدا بعد التمرين او بعد الشاور!
واقفل صدرك كويس وبلاش فتحة صدر ف الوقت دا! عشان متجيش تقضيها كح وعطس طول الليل!
• ابعد عن الاماكن الزحمة وابعد عن اى حد عيان ف فترة ما بعد التمرين!
✅✅✅✅✅
• لو تمرينك اكتر من ساعة ونص لازم تهتم بالمشروبات والمأكولات
ال بتبقي جوا التمرين “لو مش عارفها اكتب تم وهبعتلك التعليمات”
من اهم التوصيات ال هتدعم جهاز المناعة وهتمنع الهبوط المناعي
وكمان هتساعد ف عدم زيادة الكورتيزول بشكل كبير وغير صحي!
• اهتم جدا بوجبة بعد التمرين، لازم تكون وجبة محترمة ومتكاملة
العناصر من بروتين ونشويات ودهون صحية! عشان ترجع النشاط
الكامل للجهاز المناعي مع زيادة ودعم الاستشفاء العضلي!
وحاول تاخدها ف خلال نص ساعة ع الاكثر من بعد التمرين!
✅✅💯✅✅
دمتم بصحة وعافية ,,, وعاش العاش
صلوا علي الحبيب ,,, سبحان الله وبحمده سبحان الله العظيم
🌟💯✅
