14/12/2025
#يادكتور إزاي بيحصل الارتشاح؟ (الأسباب)
سؤال بديهي و اساسي عشان كلنا نتعلم و نأخد خطوات ايجابيه نحو الوقاية
ليه الأنبوبة بترتشح؟
لأسباب كتير لكن أشهر الأسباب 👇
1️⃣ التهابات الحوض المزمنة (PID)
2️⃣ عدوى بكتيرية مهملة (كلاميديا – سيلان)
3️⃣ بطانة الرحم المهاجرة
4️⃣ جراحات سابقة بالحوض (فتح بطن أو منظار غير متخصص)
5️⃣ حمل خارج الرحم سابق
6️⃣ انفجار الزائدة الدودية
📌 عاما الارتشاح مش بيظهر فجأة… غالبا نتيجة إهمال أو تشخيص متأخر.
ولازم تكوني منتبهة للاعراض علي الاقل ويكون عندك الوعي بجسمك بالرغم ان حالات كتير ممكن ميكونش في أعراض وده طبعا بيبقي أخطر علي البنت
لأنها ممكن تكتشف بعد فوات الأوان
اما بعض الأعراض اللي ممكن تظهر:
* ألم مزمن أسفل البطن
* ثقل أو شد في جانب واحد
* إفرازات مهبلية غير طبيعية
* تأخر حمل بدون سبب واضح
📌 وللأسف كتير من المريضات يكتشفوه بالصدفة أثناء فحوصات الحمل.
طب هل الارتشاح بيكون له درجات هل ممكن نقدر ننقذ القناة ونصلحها وترجع طبيعية؟.. طب ازاى بنكتشف و نشخص المرض بشكل مبكر علي الاقل
تابعيني يوما و اسألي سؤالك في الكومنتات 👇
