02/10/2016
اتعودنا نقلق من عملية التبرع بالدم، وده بسبب قلة معلوماتنا. وكمان فكرة سحب دم من جسمك أو خروجه مرتبطة بصورة سلبية زي النزيف.
لكن الحقيقة أن عملية التبرع بالدم لها فوائد كتير، منها:
التحقق من عدم إصابتك بأي مرض معدي، وده بيتم من خلال التحاليل اللي بيقوم بيها الطبيب قبل سحب العينة منك.
التقليل من احتمالة الإصابة بأمراض القلب وإنسداد الشرايين، لإن التبرع بالدم بيقلل نسبة الحديد في الدم واللي ثبت من خلال دراسات أن زيادته في جسم الإنسان ممكن يكون سبب للإصابة بالأمراض دي.
طبعًا أهم فايدة هو المساعدة الكبيرة اللي المتبرع بيقدمها للمرضي، والحاجة الدائمة والكبيرة لكميات دم في المستشفيات.
