https://www.facebook.com/545795955868440/

Randy's Kiddoz-PsychCare Clinic, Cairo (2025)

24/10/2024

ابني علطول غضبان و بيكسر و بيتشنج ... بنتي بترجع من المدرسة متضايقة و مش عاوزة تتكلم .. ابني لما يبقى عاوز ينام بيعيط بالساعات بنتي لما بتبقى في حفلة بتبهدل الدنيا زن..
زي ما نفسك ابنك او بنتك تاكل عشان تكبر و تشرب اللبن و تاخد الفيتامين .. و زي ما بنجيب هدوم حلوة و مناسبة للجو عشان نحافظ عليهم .. لازم كمان نعلمهم ازاي يتكلموا عن مشاعرهم و يعبروا عنها و نشاركهم .. ابنك و بنتك لازم لما يكون زعلان يقول انا زعلان و لو جعان يقول انا جعان .. علمهم كلمات بسيطة Sad ..mad.. happy .. sleepy .. hyngery
لازم يعرف يفرق بين كل أحساس اكتر من نص مشاكلنا مع ولادنا هتتحل بس لازم نعرفهم يعبروا عن مشاعرهم
Name your feeling
How do you feel today?

لازم الطفل يكبر و تكبر معاه مشاعره و احساسيه
I am excited
I feel frustrated او انا محبط
و لازم يعرف محبط ليه او excited ليه
الطفل الاول بيتعرف على مشاعره و بعدين بيعبر عنها و بعد كده بيفهم مشاعر اللي قدامه و يحط نفسه مكان اللي قدامه empathy
Feel other's feelings

Let them talk ..
No one is perfect .. but small changes can make a big difference in your child's growth
يالا نبدأ نعلمهم يعبروا على اللي حاسين بيه و ديما نركز على المشاعر الايجابية مش السلبية و لو محبط اوي او زعلان لازم اقوله انا حاسس بيك و فاهمك و مقدر شعورك و لازم نبدأ نفكر في حلول ايجابية و نشوف لو في مشاعر متلخبطة او مش مفهمومة او مش واضحة ساعدوهم و انتوا بتكبروهم
Randy yours in Psychology

09/11/2021

Flying Monkeys القرود الطائرة
اذا عندنا طرفين في اي علاقة زوج و زوجة .. ام و بنتها .. اب و ام ..اي علاقة بين طرفين (نرجسي و ضحية) فهناك طرف ثالث و هم القرود الطائرة .. اعوان النرجسي .. المطبلتية .. القرود الطائرة هم أشخاص قريبون للضحية و يسيطر على افكارهم الشخص النرجسي .. مكلفون من النرجسي بانهم يقنعوا الضحية و يوهموها انه مظلوم و ان انت اللي مجنون و مريض و سئ الظن و الفهم .. مثال: ممكن الام (الطرف النرجسي) تقنع احد ابنائها (القرد الطائر) ان الاب (الضحية) هوه شخص مجنون و سئ الفهم و ظالم و هكذا .. و نرجع في المثل ده ان الام نرجسية و مسيطره على احد الابناء بالافكار دي .. و كذلك لو العكس .. او لو الزوج نرجسي يمكن استخدام احد اصدقائه او اخ او اخت انه يكون هوه القرد الطائر اللي هيقنع الزوجة بأنها تعاني من مشكلة نفسية .. ممكن الزوج النرجسي يستخدم الحماه او اخت او اخو الزوجة الضحية .. ممكن الزوجة النرجسية تستخدم ابنائها او اخوات زوجها او ام الزوج كقرود طائرة ..
احذروا القرود الطائرة هما حوالينا كتير جدا .. خلي بالكوا و ابعدوا عنهم و لا تهلكوا طاقتكم باقناعهم انهم احد اعوان النرجسيين 🙈🙉🙊 ..

09/11/2021

أحد اساليب التعامل من الشخص النرجسي هوه الصمت العقابي..
الشخص النرجسي لا يقبل انشغالك عنه بأي شكل و بيشعر بالاهانه و هنا يبدأ الاعيبة النفسية عشان يخليك تحس بتأنيب الضمير و تحس بالقلق ف يعمل ايه يعملك صمت عقابي يسكت تماما و ميتكلمش و ميسلمش و ميردش عليك و لو اتكلم ميوجهلكش الكلام و كانك نكره ... حل الصمت العقابي للاشخاص النرجسين .. عامل كما تعامل .. يعني عامله بنفس طريقته و اتنرجس عليه و اعمله صمت عقابي ساعتها احتمال بسيط يعرف انك فاهمه و فاهم الاعيبه و هيبدأ يجيب ورا او الحل الاوقع انك تبعد تماما عنه و لو مضطر تتعامل معاه عامله بالمطلوب فقط و متديلوش اكبر من حجمه عشان هيرجع يستمد وقوده منك تاني و يستخدم الاعيبه تاني ..

10/08/2021

Bing B**g Conversation ..🏓🏓
لما تكون بتتكلم او بتتناقش مع حد و يتقلب الموضوع
Bing B**g conversation
حاول تخلص من المحادثة دي و تحط نقط على الحروف .. و تفصل ليه لان طريقة المحادثة دي ديما خسرانة و بتستهلك من طاقتك و صحتك النفسية انت بكلمة و اللي قدامك بكلمة و كلمة قصاد كلمة تبقى خناقة كل واحد بيحب يثبت point of view معينة .. الاحسن تاخد ال bing 🏓و تتقل على ال b**g 🏓😎 سيب اللي قدامك يطلع كل ال bing اللي عنده و فكر كويس و رد ال b**g رصه واحده و فورا بعدها end this discussion الموضوع هيبقى اريح للطرفين و متحاولش تدور هوه اقتنع بكلامك و لا لأ و لو حاول يرمي كلام تاني يستفزك خد ال bing منه و نام 😄 و متردش و الموضوع انتهى .. حاول ردك يبقى ثابت و to the point عشان متستهلكش روحك و عقلك و تفكيرك .. خلوا الحياة اسهل على نفسكوا و متخلوش حد يستنفذ طاقتك و صحتك النفسية في مهاترات و خليك في level تاني لوحدك 😉

10/07/2021

اتكلمنا عن الرجل النرجسي 🦸🏻‍♂️ قبل كده دلوقتي هنتكلم عن الست النرجسية الام المتحكمة المسيطرة 🦹🏻‍♂️ و اسلوب الصمت العقابي 🤐 بأختصار شديد ..
الام النرجسية المتحكمة اصعب الشخصيات اللي ممكن تتعامل معاها 😖.. ديما تقول مفيش ام زي😤 .. بتمثل المشاعر حتى تجاه اولادها و مش بتبقى مشاعر حقيقة كله تمثيل 🎭 و بتحب رأيها بس اللي يمشي و لو غلط و على حساب اولادها المهم (انا ميتقاليش لأ) 🚫.. عاوزة اولادها بدون أخطاء ممنوع يغلطوا .. ناقدة و نقدها بنوع من انواع التنمر و السخرية من ابنائها .. بتحب تكون محور الكون و ممكن تصرف على اولادها حلو اوي💶 و تغرقهم مشاعر مزيفة قدام الناس عشان تاخد اللقطة 📸.. ام او زوجة ممكن تدمر حياه اللي حواليها حسب شدة الاضطراب في امهات بتوصل بيهم لدرجة خراب البيوت و في امهات يتنغص عيشة اولادها و ازواجهم ..
طيب ايه اسلوب الصمت العقابي 🤐🤐الواحدة من دول اول ما تلاقي السجادة بتتسحب من تحت عرشها تجنن😈 ف تعمل ايه تسكت و متردش على حد يبقى جوزها و عيالها هيتجننوا يعرفوا مالها و دي تفضل ساكته تجننك عشان تتحايل عليها اكتر و اكتر و ده بيديها طاقة النرجسية عشان تكمل للاسف شخصية صعبة جدا و تجاهلها الحل الوحيد .. تخلصوا من نرجسيتهم عشان تقدروا تعيشوا ..
💕

10/07/2021

اضطراب الشخصية البارانويد Paranoid Personality Disorder 🤔
مين الشخصية البارانويد بأختصار .. هيا الشخصية اللي حرفيا بتشك في كل حاجة🤨
تشك في كل اللي حواليها و نواياهم و اقرب الناس ليها و مدى ولائهم ليها 🔪 .. شخصية اضطهادية .. شكاكة .. شخصية عندها افكار سوداوية 👹 ديما و فكرة انها مضطهدة تسيطر عليها .. تميل للعزلة لانها شاكة ان كل اللي حواليها بيضطهدها مش بيحبوها او غير مهتمين بيها 😔و كل دي افكار غير حقيقية هيا من خيال البارانويد بتكره ذاتها و بتدمر علاقتها بكل اللي حواليها 😖.. بتشوف نفسها ديما قليلة بتشك في الأكل و الشرب و كل حاجة😒 .. احيانا بيكون الشخص البارانويد يعاني من اضطرابات شخصية اخرى زي اضطراب الشخصية الاجتنابية و بعض سمات من الشخصية النرجسية .. شخصية صعبة في التعامل لانها
بتشكك في كلامك و اكيد هتفهمك غلط 😉
لا تتقبل النقد نهائيا لانها شايفة نفسها ذو تضحيات ف مش مقبول تنتقدني .. لا تسمح ان احدا يخطئ بحقها .. بتخاف تخرج بره ال comfort zone و بتخاف تجرب حاجات جديدة ..🤕 نيتها مش صافية و عندها ديما تفسيرات غريبة و مريبة و شريرة تجاه نوايا الاخرين

الحل ... كبر دماغك اخر حاجة عشان لو فضلت تبررلها هتتعب و برده مش هتقتنع .. ف الرد .. معلش .. حصل خير .. ربنا يسهل 😄
💕

01/08/2020

الخناق المزمن ...🤬🤕😤😭
ايه سبب عدم تفاهم الزوجين و الخناق المستمر او بنسميه الخناق المزمن ! 😓
واقفين لبعض ع الواحدة 🤯.. مبقاش طايق يكلمني 😫.. مبقتش طايقة اسمع صوته 😠!! تعالوا نشوف الاسباب عشان زي ما ديما بقول .. الزواج مشاركة 👰🤵و اذا كل زوج و زوجة فكروا بضمير احنا و ليس أنا .. هتتغير الفكرة و اذا تغيرت الفكرة سيتحسن الأدراك و اذا تحسن الادراك تعدل السلوك 🤔 يعني ايه .. يعني 👇🏻
اول سبب
الانانية .. لازم الزوجين يتفهموا انهم شركاء و ليسوا أطراف .. يعني احنا الاتنين شركاء في كل شئ النجاح و التفاهم و التعاون .. يعني نشيل بعض .. انا اقفش و انت تفك انت تتعصب و انا أهدي .. مينفعش كل حاجة ند و نقف لبعض على الكلمة و نتلكك لبعض .. بلاش الحرب النفسية ..و كل واحد بيفكر في نفسه بس .. لازم اي زوجين يفهموا كويس معنى كلمة زواج ..يعني ايه زواج .. يعني احنا اتنين في واحد 2in1 احنا اتنين و لكن شركاء في كل شئ بنكمل بعض .. احد أهم اسباب النجاح الزواجي .. هو المشاركة النفسية و المعنوية قبل المادية .. مينفعش يبقى وقوف الزوج و الزوجة جنب بعض بالمادة فقط لازم المشاركة النفسية و الوجدانية و المساعدة من الطرفين .. نجاحك هو نجاحي ..اهتمامك هيعود عليه اهتمامي ... مينفعش كل شئ لازم له مقابل و لكن الافضل يكون له دافع .. يعني مينفعش الزوج يساعد الزوجة و يفضل منتظر منها مقابل للمساعدة دي .. علمتلك حاجة يبقى تعمللي حاجة.. غلط و اكبر غلط ..هيجي الزوج مثلا يساعد زوجته و يفضل منتظر رد الفعل بانها تساعده بشكل او بأخر .. هنا الزوجة متوقعه ان الزوج مش منتظر منها مقابل اي كان نوعه (حب غير مشروط)
الزوج منتظر المقابل ايا كان هوه ايه .. محصلش انه حصل على اي مقابل (مشاعر احباط و سلبية) و هنا نبدأ نولع في بعض 🔥💥
هوه: أنا مهما عملتلك مفيش تقدير😠
هيا: انت كل ما هتعملي حاجة هتذلني و هنا نبدأ ال
Bing B**g Conversation!
و تقلب بخناق و الخناق يبقى مزمن
هيا مش مقدرة و هوه مش فاهمها !! 🥴

لازم الزوج و الزوجة يساعدوا بعض بدافع .. الحب .. الاهتمام .. الأحترام .. بدون انتظار مقابل لان المساعدة سواء معنوية او مادية ملموسه شئ اجباري على الزوجين مش optional احنا اتفقنا ان الزوجين شركاء .. ف انتي مش هتمني عليه المساعدة و لا انت هتمن عليها المساعدة!

الزوجة و الزوج لو غيروا فكرة انهم اطراف .. لفكرة انهم شركاء .. هيتحسن ادراكهم للموضوع و من هنا السلوك و الطريقة هيتغيروا لازم الشراكة في الزواج يكون ليها دوافع ايجابية.. هتلاقي الشريك بيعمل نفس الشئ بنفس الدافع و بدون انتظار المقابل ..
ف خلينا ديما متفقين ان احنا بنكمل بعض .. عشان اطفالكوا هيشربوا طريقتكوا و حياتكوا هتأثر في حياتهم الزوجية لازم تبقوا مثال جيد لأولادكوا .. و كل اناء ينضج بما فيه .. هتبقى مع زوجك او زوجتك في علاقة ناجحة ولادكوا هيطلعوا زيكوا .. هتبقى العلاقة انانية و فاشلة بردوا ولادكوا هيتطلعوا زيكوا .. اتعلموا من اللي فات عشان اللي جاي كتير😁 تابعوا اسباب الخناق المزمن 😉
راندي عاطف
اخصائي نفسي و معالج سلوكي
تشخيص و علاج الاضطرابات النفسية
اخصائي الارشاد النفسي و الاسري و الزواجي

18/07/2020

التعامل مع الزوج النرجسي!!
الزوج النرجسي من اصعب الشخصيات في التعامل ... 😎
النرجسية أحد اضطرابات الشخصية و يعاني الشخص النرجسي من تضخيم الذات و الشعور بالغرور🤠 .. في بداية الامر تنجذب الانثى للشخص النرجسي .. هيعرف يجذبك له بكلامه الحلو و هيبان في الاول شخص مسالم و متواضع😶🌹 طبعا هوه بيمثل عشان اللي جاي هيعرفك انه بس كان بيجيب رجلك 😎 وقعتي و بقيتي الضحية ☹ .. هيبدأ مرحلة التقليل من شأنك .. انتي مش بتفهمي .. انتي مريضة .. انتي مجنونة .. تفكيرك غلط .. اي شغل بتشتغليه بالنسبه له انتي بتعملي ايه اصلا في حياتك .. انتي فاكرة نفسك حاجة .. انتي عاملة نفسك فاهمه ..انتي محدش يستحملك احمدي ربنا اني مستحملك .. و كلاااام يجرح كتييير 🤔 ... تمام .. هتساليه انت بتعمل كده ليه هيتحول معاكي خلي بالك و هتبقى معظم اجاباته بالشكل ده ... اكيد مش عاوز اخسرك 😂 .. ابويا كان بيعامل امي كده و فضلوا متجوزين 40 سنه و امي عمرها ما عارضت و لا اشتكت 🥴 و انتي اللي فاكرة انك الست الوحيدة اللي بتتعامل كده .. لازم نشتغل على نفسنا عشان علاقتنا تنجح 😏 .. انتي اللي بتخلقي المشاكل 😛.. اسقااااااطاااات متعددة و تبريرات مرضية من الدرجة الاولى 😁..
يخش بتقله بقى ... متعمليش .. متلبسيش .. ممكن اقولك متخرجيش متروحيش متجيش مفييييييش مفييييش انا فاهم اكتر منك .. انا ذكائي حاااااد و انتي مش مركزة ف مش هتاخدي بالك ... مش هتعرفي .. مش هتقدري .. هيكسرك ...
يسكت تؤ تؤ ☻ .. استحملي بقى🙆‍♀️ .. هيعقابك .. هيدمرك نفسيا استعدي للعاصفة .. بتشتكيني .. هنفخك .. و هعزلك عن كل الناس .. مرحلة فرض السيطرة .. انا جوزك و انتي تنفذي و تقولي حاضر و بس و متتناقشيش كانه مربي 🐄 .. تاكلي اللي اجيبه... اوعي تكوني نسيتي ان هوه اللي بيفهم ف كل حاجه هوه انتي بتفهمي اصلا 🙈 انتي اقل منه و من مستوى تفكيره بكتير 😫 ... طيب .. و بعدين ...
بس يا ستي هيكرهك في عيشتك للاسف .. عشان هو بيستمد نرجسيته من ضعفك ... و بعض الازواج بيكون شخصية بارانويد و نرجسي الاتنين مع بعض 🤪🤪
و ده بقى نرجسي و شكاك و اللي ديما حاسس ان الكون بيضهده و متأمر ضده 🤐
قبلتي باللعب مع النرجسي 😫.... مقبلتيش و بتحاولي تخلعي و تنفصلي عنه هيجيبك .. لان وقوع الانثى في الشخص النرجسي هو بمثابة الفريسة .. انتي الفريسة .. تلاقي الست اللي بتتجوز نرجسي شخصية عاطفية .. بتتأثر بمعاناه الاخرين .. عندها ديما احساس بالذنب و تقليل من صورة الذات و طبعا هوه بيغذي نرجستيه من قله تقديرك لشأنك و ذاتك و مكانتك 😶 ..تلاقيه بيتعامل معاكي بال Silent Treatment التعامل الصامت بالبلدي كده بيسيبك تهري مع نفسك و يتجاهلك و ينفضلك .. لو انتي كمان تجاهلتي و نفضتي.. فجأة تلاقيه بعتلك مسدج او اتصل اتصال بيسالك عن صحتك او بيقولك كل سنه و انتي طيبة عشان مناسبة .. او بيطمن عليكي ..او بيقولك اجيب لك حاجة و انا جاي او نفسك في ايه حلو اجيبهولك .... عارفة ليه .. عشان يجيبك تاني 🤦🏻‍♀️ عشان احنا اتفقنا انك عاطفية و عندك تقليل للذات ف هتتبسطي برسالته او مكالمته ف توقعي على وشك تاااني ..
الحل اييييييه ...
اولا ... لا تنتقدي النرجسي .. ابدا .. و لا تلوميه... و خصوصا اذا كان غضبان او غلطان .. سيبيه يهدى الاول ..

ثانيا ... في نوع نرجسي هش و نرجسي خبيث .. اعملي حدود للتعامل ميتعدهاش معاكي و متسكتيش .. لما تعملي limit له .. النرجسي الخبيث هيستجيب بالغضب .. انا الراجل انا اللي احدد و انا و انا و انا ..
النرجسي الهش .. هيستجيب بالتلاعب .. هيأنب ضميرك .. و يشتغل على عاطفتك .. طب نعمل ايه ... اعملي حدود من الاول !! جوزك على متعوديه و ابنك على ما تربيه .. اعملي اطار لنفسك ميتعدهوش وقفيه عند حده و متخليهوش يستغلك او يضغط عليكي 👌🏻 ..قللي من فرض سيطرته ...انتي انسانه و ليك رأي ..

ثالثا النرجسي عنده العاب عقلية هيلعبها معاكي لازم تفهميها .. الانتقاد الساخر .. يتريق عليكي و ينتقدك باسلوب ساخر خصوصا في وجود اصدقائكوا .. فكاهة سلبية .. نقد مستمر .. يعمل ضحية .. يستخدم الالغاز لتشكيك في نفسك منها .. مقولتش كده .. محصلش ..اكيد فهمتيني غلط .. انكار و تضليل عشان يشكك في نفسك .. المعالجة الصامتة هيكرفك و ينفضلك .. هيخليكي تحسي بالذنب يجبلك غلطة قديمة عشان يأنب ضميرك .. و دي طريقة العدوان السلبي .. نوبه غضب و صوت عالي .. يلعن ابو اليوم اللي شفتك فيه و نظام قلب الترابيزة 😂😂😂 .. القاء اللوم بأستمرار و طريقة قلب الموضوع ... بس ستوووووووب ... بلاش تتناقشي عشان هيقلب دماغك 🙃 سيبيه شويه و مترديش لحد ما النوبه تعدي و يهدى كده .. و بعد كده اذكري صفاته النرجسية على موضوع تاني كانك بتحكي عن حد تاني .. متفكريش تعملي مواجهة عشان هو مش شايف انه نرجسي او مريض .. اشتري نفسك😅

رابعا النرجسيين في منهم قلبه ابيض 💟 و ممكن يجي منه و ده طبعا مش النرجسي الخبيث او الشرير ..
حبي اللي بيحبه .. هاتيه انتي بقى .. استخدمي صبرك و ذكائك و اكسبي النرجسي بطريقتك طالما لبستي فيه 😂
اهتمي باهتمامته و خليه يتكسف و يهتم باللي بتحبيه .. هتفرج معاك ع الماتش و تشوف معايا فيلم .. هعملك عصير🍹 و تعملي pop corn 🍿 فهميه بشكل غير مباشر الحياة خد و هات مش خد بس يا حبيبي 🤭

خامسا .. ديما اتكلمي عن احنا مش انا .. في ناس عايشين معاك ع الكوكب يا كبير ... 😂

سادسا الصبر .. الصبر .. الصبر و البرووووود .. متتحمقيش اوي عشان هوه بيحب كده .. هتفضلي في مهاترات و كلام رايح جاي مش هتخلصي ... كبري دماغك و ابسطي نفسك و لازم يعرف انا بيك من غيرك مش فارقة و قدامك اهوه لسه بغني 😂😂... لو فضلت معاك ف ده عشان بحبك بجد و عاوزاك في حياتي و نفسنا نكمل مع بعض بس من غير ما تدمرني نعيش بشروطنا مش بشروطك و لا شروطي .. و متكلفيش نفسك اكتر من طاقتها و استخدمي ذكائك .. تمام كده .... ❤❤ ربنا معاكوا 😁

راندي عاطف
اخصائي نفسي و معالج سلوكي

13/07/2020

Marriage Bullying and Narcissistic Personality Disorder..
التنمر الزواجي و علاقته بالشخصية النرجسية ..🧐
ازاي اعرف اذا كان زوجي بيتنمر ؟ و هل الزوج المتنمر له صفات معينة ..
في بعض المشاكل بتعتبرها الزوجة مشاكل حياتية عادية و لكن للاسف هيا بتتعرض للتنمر من زوجها !!
من صفات الزوج المتنمر تضخيم الذات و النرجسية شايف انه صح ديما و غير قابل للنقد .. غير مرن في التعامل و ديما مقتنع ان رأيه بس هو اللي صح .. هو اللي بيفكر ديما و حلوله كلها صح و اكثر درايه منك و اذكى منك و قراراتك كزوجة قرارات دائما غبية .. و بيستخدم سلطته كزوج او ولي امر للتحكم في الزوجة و بيتعمد التقليل من شأنها و من نجاحها في شكل سخرية .. بيستخدم الزوج المتنمر طريقة اللوم المستمر .. الثلاجة باظت ما انتي اللي مش فاهمه و مش عارفة تستخدميها .. الغسالة باظت .. هو انتي مش بتعرفي تعملي حاجة انتي اللي مش عارفة تشغليها انتي اللي بوظتيها !!

الانتقادات المستمرة ... الحياة معاكي مش حلوة .. انتي مش بتعرفي تتصرفي .. تصرفاتك مش عجباني ..

الصوت العالي و اللوم و خصوصا و الزعيق في الاماكن العامة و استخدام سلطته امام الناس على اي موقف ..

الأهانة يتعمد الزوج المتنمر ذو الشخصية النرجسية اهانة زوجته امام الاصدقاء او الاقارب باهانات لفظية و يذكر عيوبك بشكل مهين او بسخرية ..

يتعمد ايضا التهديد و الترهيب و اختلاق المشاكل و تصعيدها و تجاهلك و تجاهل كل ما يخصك .. أهلك و اصدقائك ..

شخص متقلب المزاج يتكلم وقت ما يريد و يسكت و كأنه متخانق معاكي .. بيتكلم وقت ما يكون هوه عاوز مش وقت ما تكوني عاوزة ..

غالبا هيكذب الحقيقة .. انا مقلتش .. انا معملتش انتي اللي قلتي كده .. انا مستحيل اقول كده .. لحد ما هتشكي في نفسك .. هيحاول يعزلك عن اهلك و اصحابك حتى يمارس تنمره و نرجسيته عليكي .. و هيتحكم في تكلمي مين و متكلميش مين و هيغير من صحابك و يحاول عزلك بكل الطرق..

العدوانية و الانانية من صفات الزوج المتنمر هيحاول يثبت انه وجه نظره بس اللي صح مهما كلفه الأمر .. اناني و بيحب نفسه و بيفكر في نفسه اول حاجة ...
اكتشفي اذا كان زوجك متنمر ام لأ
اشتغلي على نفسك ..
Randy Atef
Child Psychologist - Family Counselor

06/07/2020

اضطرابات الشخصية .. يعني ايه اضطراب في الشخصية .. نمط تفكير غير صحي و اضطراب في فهم الاشخاص و تحليل المواقف .. الشخص اللي بيعاني من اضطراب في الشخصية مش بيكون شايف انه غلط او ان طريقة تفكيره فيها مشكلة مع ان معظم اللي بيتعاملوا معاه شايفين و حاسين ان في حاجة غلط .. الشخص اللي عنده اضطراب في الشخصية بيكون عنده مشكلة في التواصل الاجتماعي عموما .. بيبدأ اضطراب الشخصية غالبا في فترة المراهقة ..

طيب عاوزين نتعرف على انواع الاضطرابات الشخصية هنقسمهم ثلاث مجموعات و هنتكلم انهارده على اول اضطراب في المجموعة A ... مش شرط ظهور كل الاعراض عشان نشخص الاضطراب و طبعا التشخيص عن طريق المختصيين فقط ...
المجموعة A ... تفكير ش*ذ و غريب مثل الشخصية الفصامية و الانعزالية و المرتابه ..
هنتكلم عن الشخصية الفصامية و هنا في فرق كبير بين الشخصية الفصامية و مرض الفصام .. مرض الفصام هو مرض عقلي يفقد فيه المريض الاتصال بالواقع .. لكن الشخصية الفصامية هو اضطراب في الشخصية .. بيكون فيه الشخص معندوش ثقة في المحيطين به .. مبيعرفش يكون علاقات .. يعاني من قلق و تغيرات مزاجية .. عنده معتقداته الخاصة و مقتنع جدا بيها و ميل للعزلة اكتر.. بيفسر الاحداث بشكل غير صحيح على مزاجه هوه فقط و من وجه نظره فقط .. عنده اوهام و شكوك مستمره في الناس المحطين به و ولائهم له.. عنده قلق اجتماعي و استجاباته العاطفية مش مناسبة .. اسلوبه غريب في الكلام بيعتمد على الغموض و التشويق في الحديث و التحدث بسرعة و بطريقة غير منظمة .. همجية و سطحية في التفكير و تشوهات بصرية ..و تتشابه اعراض اضطراب الشخصية الفصامية و الشبه فصاميه الى حد كبير و لكن الشخصية الشبه فصامية بيعاني من مشاكل في التعلم و التذكر .. افكار غريبة الاطوار قلق مستمر .. خلع الملابس بطريقة غريبه و اكتئاب ..

طيب اسباب اضطراب الشخصية الفصامية .. وجود تاريخ عائلي للامراض النفسية او نشئة المريض في بيئة اقتصادية او اجتماعية فقيرة اثناء الطفولة.. ادمان المخدرات في فترة المراهقة او تدخين الام اثناء الحمل .. اضطراب الشخصية الفصامية يجعل الشخص عرضه للأكتئاب او الادمان شعور دائم بالقلق و الشك و التوتر .. افكار انتحارية .. نوبات ذهانية .. احتمال الاصابة بمرض الفصام

العلاج ..
دوائي حسب الحالة .. تحت أشراف طبيب متخصص..
علاج نفسي و سلوكي معرفي .. علاج داعم و علاج اسري ..

04/04/2020

As a parent, to lower the risk of mental burden or trauma on your children during this time. Here are some tips and resources for how to talk to your kids about Covid-19.

1- Get the facts for yourself on the real risk to you and your family. As an example, the risk of infection from the Coronavirus in Egypt is low at this time. Most regions only have a few cases so far.
The risk of death has been estimated by the World Health Organization to be around 2%.

2- Ask what your child already knows about the Coronavirus. It is likely that your child has watched or overheard numerous news reports. You may need to deal with rumors and misconceptions.

3- Listen to your child and let him or her express how he or she feels. Do not minimize your child’s emotions.

4- Calmly and briefly explain the facts to your child. Do not lie to your child, but do not give him/her more information than he/she is prepared to hear or needs in order to understand. You can also discuss what your child can do to protect themselves such as handwashing. This can give him/her some sense of control.

5- Assure your child that he/she is safe right now and discuss your plan on how your family will do their best to stay that way.

6- Limit exposure to television or news sources as they will cause your child to believe the threat is more serious than it is. Finding out how many new infections or deaths that there have been every day is not helpful or productive for your child. It will only cause unnecessary stress. This also means that parents need to be mindful of who is in the room when they are watching television to stay informed.

Randy Atef
Child Psychologist-Behavioral Therapist
Family Counselor

31/01/2020

الانا : هو الجانب العقلاني المنطقي من شخصيتك و يعمل بطريقة شعورية لتحقيق الاتزان بين دوافع الهو الشهوانية و دوافع الانا الاعلى المثالية وفقا لمبدأ الواقع ...

Randy's Kiddoz-PsychCare Clinic

24/10/2024

09/11/2021

09/11/2021

10/08/2021

10/07/2021

10/07/2021

01/08/2020

18/07/2020

13/07/2020

06/07/2020

04/04/2020

31/01/2020

Address

Website

Alerts

Shortcuts

Share

Category