LactAid Center - مركز د. أسماء صادق لطب الأطفال و طب الرضاعة الطبيعية

04/12/2025

زووم لينك المؤتمر لو حد يحب يحضر
ICAMMHA Conference is inviting you to a scheduled Zoom meeting.

https://us06web.zoom.us/j/86738533593?pwd=hTB0Kijt7fOrjimd7DraanbbW8TM1m.1
Meeting ID: 867 3853 3593
Passcode: 320244

2025

🌍✨ We are delighted to announce Dr. Asmaa Sadek as a keynote speaker at the 4th International Conference on Maternal Mental Health in Africa (ICAMMHA 2025)!

Dr. Sadek brings a wealth of expertise and passion for advancing maternal mental health, with groundbreaking work that continues to inspire change across communities. Her insights will be central to shaping dialogue and action at this year’s conference.

📅 Join us at ICAMMHA 2025 as we come together to share knowledge, amplify voices, and strengthen support for mothers and families.

03/12/2025

محدثكم من هراري زيمبابوي 🇿🇼
أسماء صادق😊
من فاعليات الاستعداد للمؤتمر الدولي للصحة النفسية للأم
4-5 December
دعواتكم
والله المستعان

02/12/2025

الحلقة التانية
من برنامج "عيادة مصر" مع د أسماء صادق و أ. نسرين عكاشة 🌹🌹🌹

28/11/2025

إيه فايدة اني افهم سلوك الطفل الرضيع؟
وهنستفيد ايه من تقييم سلوك الرضع

اعرفوا أكتر عن شخصية الأطفال “الرضع” وطرق التعامل معهم من الفيديو الكامل على الرابط التالي :
https://youtu.be/fw8KzuXyMrI?si=a6OX4tP0P012sKbA

17/11/2025

الحلقة الأولى من برنامج "عيادة مصر" على راديو مصر
مع د أسماء صادق
إهداء لكل الأمهات والآباء
والمقبلين على الأمومة والأبوة
والمهتمين بصحة الأم والطفل

🌹🌹🌹

10/11/2025

حبايبنا الحلوين
انتظرونا في حلقات من برنامج "عيادة مصر" على راديو مصر
مع الجميلة "جدا" أستاذة نسرين أسامة أنور عكاشة

قولولنا تحبوا نتكلم عن ايه؟😊
🌹🌹🌹

الحلقة الأولى
https://www.facebook.com/share/v/17o1D6wCoC/?mibextid=wwXIfr

23/10/2025

رضيع عصبي!!!
هل في رضيع بيتولد عصبي؟؟؟
نتعامل معاه ازاي؟؟

جزء من حلقة عن "شخصية الرضّع وطرق التعامل معهم"..
من حلقات تعاون د أسماء صادق مع المجلس القومي للسكان

الحلقة الكاملة👇🏼
https://youtu.be/fw8KzuXyMrI?si=a6OX4tP0P012sKbA

20/10/2025

الحالة النفسية للأم 📣📣📣
راحة الطفل من راحة أمه وسعادة الطفل من سعادة أمه 📢📢📢
الوجع والزعل والتوتر بيحبس اللبن🔔🔔🔔

https://www.facebook.com/share/v/1AYWw2B3hJ/?mibextid=wwXIfr

من حلقة "رسالة لأهل الطفل المحجوز في المحضن"
بالتعاون مع المجلس القومي للسكان
🔈🔈🔈

 الحلقة الكاملة:
https://youtu.be/1-rVsJhO2Hc

19/09/2025

الإرتجاع المرضي الصامت وعلاقته بالرضاعة

هو ارتجاع محتوى المعدة من لبن وعصارة هضمية حمضية الى المرئ وأحيانا الحلق والفم والأنف.

مش بنشوفه.. لكن بيوجع ويدايق الطفل.
الوجع هنا وإحساس الإختناق والشرقة في العصارة الحمضية.. مربوط عند الطفل بالرضاعة 💔
مع الوقت في أطفال بتخاف من الرضاعة
👈🏼فيتقلب وقت الرضاعة اللطيف لخناقة
👈🏼او الطفل يقلل الكمية اللي بيخدها أو يرفض تماما!

**************************
علامات الارتجاع الداخلي (الخفي/ الصامت)

*⚠️بكاء في وسط الرضاعة أو بعدها مباشرة...
بيكون جعان ومش قادر يكمل رضاعة من الوجع
*⚠️تقوس للضهر للخلف (الأم تفتكره بيزقها ومش عايز يرضع أو إن اللبن مش كافي ومش بيشبع!!)
* ⚠️ شرقة.. كحة.. انسداد متكرر للأنف
* ⚠️ الطفل بيحب يتشال راسه مرفوعة.. ما يحبش ينام على ضهره في السرير و بيستريح لما ينام على بطنه (خطر جدا نسيبه)
*وأحيانا خروج اللبن من الفم و الأنف

****************
النتيجة
1. إما إن الطفل يقسم الرضعات.. يرضع رضعات صغيرة عشان يتجنب الوجع
لكن عددها كبير ... دا مرهق جدا للطفل وللأم.
"أحيانا" دا بيخلي الطفل وزنه كويس أو زايد عن العادي رغم وجود ارتجاع

2. أو مع زيادة الوجع ... يتجنب الرضاعة تماما (يضرب عن الرضاعة) أو يرضع أقل أقل أقل كمية .. لا تكفي للزيادة المناسبة للوزن

أحيانا الطفل لا يُظهر علامات الجوع.. لانه خايف يرضع ... مش هيعيط عشان يرضع ..
دا بنكتشفه فقط بالوزن في المتابعات
لان الأم بتكون معتقدة انه شبعان وهادي

ولنا هنا وقفة ✋🏼✋🏼
📣📣📣📣 عدم الإفراغ الكافي لللبن ممكن يعمل إلتهابات في الثدي للأم Mastitis
… سواء بكتيرية أو فطرية أو حتى إلتهاب بدون عدوى مصاحبة.. بسبب تجمّع اللبن.. مما يسبب ان اللبن يقل أكتر

كدا المشكلة بدأت عند الطفل وأثرت على الأم وقللت اللبن…. فالطفل يرفض أكتر وأكتر😞
ونبدأ نلف في دواير ⭕️⭕️

*********
الحل
👈🏼أولا .. وهو الأهم علاج السبب ..

على سبيل المثال لا الحصر
**قد يكون الارتجاع بسبب حساسية لشئ ما في أكل الأم...... "أحيانا" بيكون مع الارتجاع أعراض أخرى سواء جهاز هضمي (إمساك, إسهال, انتفاخ, حزق، مخاط او دم بالبراز) أو أعراض جلدية "أحيانا"

**وقد لا يكون حساسية
*ممكن عدم أكتمال مؤقت لوظائف الجهاز الهضمي وعضلاته.. مثال لو الطفل مبتسر أو وزنه قليل
*ممكن.. نادرا.. فتق في الحجاب الحاجز أو سبب جراحي آخر
*ممكن يكون السبب شئ بسيط زي تعلق خاطيء بالحلمة والهالة عند الرضاعة أو لسان مربوط يعملوا بلع زائد للهوا
aerophagia
دا اللي بيحدده الطبيب

👈🏼ثانيا… تلطيف الوجع والأعراض بأدوية"
عشان الطفل يرضى يُقبل تاني على الرضاعة "مؤقتا لحين علاج السبب"
عشان الأم ترتاح وتنام فتشحن طاقة وتقدر تكمل
عشان نتجنب المضاعفات

*الدوا لوحده مش علاج*
أحيانا مفيش منه مفر.. ولازم لازم نلتزم بيه بالجرعة والفترة اللي يحددها الطبيب ..

وما ينفعش نوقف أو نغير الجرعة من نفسنا عشان ما نعملش rebound
(ارتداد في الأعراض)

***********************************

إزاي نحافظ على الرضاعة الطبيعية مع الارتجاع.. "لو الأم عايزة ترضع طبيعي"🤱🤱
لو الطفل بدأ يقلل رضاعته بسبب الارتجاع (زيادة الوزن غير مناسب لوضعه)
اللبن بمرور الوقت انتاجه هيقل
وقتها لازم.. لازم.. لازم
الأم تستخدم شفاط لللبن بعد كل محاولة رضاعة من الطفل (سواء رضع كويس أو لأ)
عشان نحافظ على اللبن لحين عودة إقبال الطفل على الرضاعة الكافية المشبعة

**********************************
هل ممكن الطفل بسبب الارتجاع يفضل الببرونة اللي فيها لبن الأم عن الرضاعة المباشرة؟
ممكن للأسف
الببرونة بتدي كمية كبيرة في وقت قليل.. قبل بداية الوجع
فمش بيخاف منها ..
لكن اعطائها مش حل... دا بيبعده أكتر عن الرضاعة المباشرة
وقتها بندي بدايل الببرونة مؤقتا أفضل.

******************************

هل ممكن ييجي وقت نضطر ندي لبن الصناعي؟
بكل أسف وارد يحصل ... في حالة واحدة و مؤقتا
لو لبن الأم بالفعل قل والطفل ووزنه قل بدرجة مقلقة
مضطرين .. مؤقتا
لحد ما لبن الأم يرجع يزيد تاني

نكمل عليه ولا لأ؟ .. دا قرار الأم
عايزة ترضع طبيعي ولا لا؟ وقادرة تعمل اعادة ارضاع او لأ؟
لو هي عايزة ترضع طبيعي .. لازم تستخدم شفاط اللبن بعد كل محاولة رضاعة ... من 6 الى 8 مرات في اليوم
عشان نعمل إعادة لانتاج اللبن

طب لو مش قادرة لأي سبب؟
مش هينفع نسيب الطفل يخس ونمو مخه يتأثر في الفترة دي من حياته .. مضطرين وقتها ندي لبن صناعي ..

مش محبة فيه ولا لأنه حلو.. بالعكس اللبن الصناعي لوحده ممكن يزود الارتجاع 💔💔
دا بيكون اضطرار مؤقت… لحد ما الأم تقدر تزود اللبن تاني وتعمل إعادة الأرضاع والارتجاع يتحسن

لحد ما دا يحصل مش هينفع نسيب الطفل بدون أكل…
👈🏼👈🏼ودا الاستثناء مش القاعدة

💖 الأصل إننا ممكن نعدي كل دا بسلام وسلاسة بدون إدخال ألبان صناعية …
💖💖بس نفهم الطفل ولغته واحتياجاته …
👈🏼ونتدخل في الوقت المناسب****
ونتبع تعليمات الطبيب اللي بيساعدنا في الرحلة
*******

يا رب رحلة أمومة ورضاعة سهلة وممتعة لكل الأمهات
دمتم بكل خير وسلامة🌹🌹🌹🌹🌹

د أسماء صادق
*استشاري طب الأطفال وحديثي الولادة
*استشاري دولي طب الرضاعة الطبيعية IBCLC
*دبلوم تقييم سلوك حديثي الولادة NBAS Neonatal behavioral assessment, Brazelton center, Cambridge UK
*مدير كورس دعم حياة حديثي الولادة NLS مجلس الإنعاش المصري ومجلس الإنعاش الأوروبي
مؤسس LactAid Centers*

06/09/2025

تأهيل ما بعد الحضّانة🌹
Post NICU Rehabilitation Program 🌹

29/08/2025

رسالة إلى أسرة الطفل المحجوز في الحضّانة
عزيزتي الأم.. عزيزي الأب
الجدة والخالة والعمة

ممكن نعمل إيه يفيد الطفل وقت وجوده في المحضن… والأهم في التعافي بعد الخروج بإذن الله

ساعدونا نوصل الرسالة لو تكرمتم 🙏🏼😊

ربنا يتم شفاء كل الأطفال.. ويطمن كل الأباء 🌹🌹🌹

د.أسماء صادق استشاري طب الأطفال وحديثي الولادة تتحدث عن دخول الأطفال الرضع وكيف يتعامل الأب والأم مع دخوله الحضانة وتهيئته بعد الخروج ...

25/08/2025

"مجهود فريق"
الرضاعة الطبيعية مجهود فريق... الأم مش هي المسؤول الوحيد عن إنجاح الرضاعة الطبيعية
ازاي تقدر نساعد؟؟

الحلقة الرابعة من تعاون د أسماء صادق استشاري طب الأطفال واستشاري طب الرضاعة الطبيعية مع يونيسيف مصر

دمتم بكل خير 🌹