Al7ayat Organization

09/12/2025

تربية ولا تسلّط؟

في حاجات كتير بتتعمل للبنت وبنسميها تربية…
زي الختان، منعها من الخروج، الضرب، إختيار لبسها، مراقبتها، منعها من التعليم، إجبارها على الجواز...

في رأيكم، هل ده تربية ولا تسلّط وإيه عواقبه؟
شاركونا رأيكم في الكومنتات 👇💬

06/12/2025

لأول مرة فى الصعيد واحة المنيا 🌿😊

بالشراكة مع Alsafina Organization

02/12/2025

الأسطورة اللي لسه ناس كتير مصدقاها:
“هي السبب… إستفزت جوزها عشان كدة ضربها”
“أكيد لبسها خلى الراجل يتحرش بيها”
“ما هي اللي نزلت لوحدها”
“هي مفضحتش المتحرش، هي فضحت نفسها”

لكن الحقيقة أوضح من الشمس:
مفيش أي سبب… ولا مبرر… يخلي العنف أو التحرش مقبول.
اللوم دايمًا على المعتدي،
التصرف الغلط مش على الضحية، عمره ما كان كده.

إحنا محتاجين نقف قدام الفكرة دي ونقولها بصوت عالي:
لوم البنت هي أول خطوة تخلي المعتدي يفلت وتخلي الضحية تسكت.
ولما المجتمع يقول للبنت “إنتي السبب”، هو بيعيد نفس الدائرة:
خوف - سكوت - تكرار - أذى أعمق.

ّي

30/11/2025

26/11/2025

ّي

25/11/2025

النهاردة بنبدأ حملة الـ16 يوم لمناهضة العنف ضد المرأة…

لأن في بنات كتير اتأذوا وسكتوا، وفي قصص محدش سمع عنها حاجة.
العنف مش “خلاف”، ومش “غلط بيعدي” — العنف جريمة.

الحملة دي هدفها 3 حاجات واضحة:
إننا نوّعي…
وإننا نسمع…
وإننا نوّقف التطبيع مع أي شكل من أشكال الأذى.

هدفنا إن كل بنت تعرف إنها مش لوحدها،
وإن كل كلمة تقلل منها… وكل فعل يجرحها… مش مقبول.
هدفنا نكسر الصمت، ونفتح مساحة آمنة للكلام، ونوّعي المجتمع إن الأمان حق… مش رفاهية.

-حملة الـ16 يوم لمناهضة العنف ضد المرأة هي مبادرة عالمية بدأت عام 1991، وتستمر من 25 نوفمبر حتى 10 ديسمبر، لرفع الوعي بخطورة العنف ضد النساء والفتيات.
تهدف الحملة لدعم حقوق المرأة، كسر الصمت، وتغيير ثقافة المجتمع نحو بيئة أكثر أمانًا وعدلًا للنساء.

ّي

24/11/2025

-السيطرة المقنّعة بالحب (الوالد المسيطر)

بعض الأباء بيخلطوا بين الرعاية و التحكم...
يكون الهدف الظاهر “أنا عارف مصلحتك”،
لكن الهدف العميق — غالبًا من غير وعي —
هو الحفاظ على السيطرة.

والسبب العميق؟
إن بعض الأباء — بوعي أو من غير وعي —
مش شايفين ابنهم ككائن مستقل،
شايفينه إستثمار… إمتداد… مرايا:
نجاحه = نجاحهم.
غلطه = فضيحتهم.
اختلافه = انهيار للسلطة.
محاولة إستقلاله = خسارة ليهم.

عشان كده…
أي محاولة منه للتعبير عن رأيه أو للإستقلال،
بتتقابل بعقاب، أو ذنب، أو صمت عقابي.

والأثر النفسي لما يكبر؟
• صعوبة في إتخاذ قرار من غير خوف من الغلط.
• الإحساس بالذنب من إنه يكون نفسه.
• قلق شديد من الخلاف لأنه مرتبط جواه بـ “العقاب العاطفي”.
• تمرد صامت… مش مواجهة، لكن انسحاب.

لأن الطفل اللي اتعود إن رأيه “إهانة”…
هيكبر وهو شايف إن صوته خطر.

-الحقيقة الأعمق؟
الطفل مش امتداد نفسي لأهله،
ومش وسيلة يثبتوا بيها قيمتهم أو نجاحهم...
كل طفل محتاج يتعامل باعتباره فرد مستقل له خبراته، واحتياجاته، وطريقته الخاصة في التفكير والانفعال.

✅ الدور الصحي للأهل مش تشكيل الطفل على صورة معينة،
لكن دعم نمو شخصيته الحقيقية،
وبناء بيئة آمنة تسمح له يعبر عن نفسه،
من غير ما يتربى على الخوف أو التشكيل القسري.

#الأوضة

23/11/2025

ما يميز مدرسة الإرشاد النفسي في مؤسسة الحياة هو وجود نخبة من أهم المحاضرين والمتخصصين في المشورة والعلاج النفسي…

مساحة تعليمية عميقة بتفتح لك باب فهم أكبر لنفسك وللآخرين، وتطوير مهاراتك الإرشادية 🌿✨
انضم الينا فى الدفعه ال١٢ - متبقى اماكن قليلة....

للتسجيل :
https://al7ayat.org/.../%d9%85%d8%af%d8%b1%d8%b3%d8%a9.../
التفاصيل فى اول كومنت 👇🏼

21/11/2025

فيه لحظات كده…
تحس إن جواك كلام محتاج يطلع،
ومش لاقي المكان اللي تحس فيه بالأمان الكفاية إنك تفتحه 😶

تحس إنك محتاج تحكي…
بس مش لحد تعرفه،
ومش لحد هينصحك أو يحكم عليك.

وده اللي موجود في مجموعة "مش لوحدك". 👌
قعدة هادية كل أسبوع،
نسمع بعض، ونشارك، ونستوعب وجود حد فاهم ومقدّر حتي لو أول مرة يشوفنا 😊

مفيش حكم،
مفيش ضغط،
مجرد مساحة صادقة…

وتتفاجيء…
إن أول ما تبدأ تتكلم،
تكتشف إن في ناس شبهك بالضبط،
ناس عدت بنفس المشاعر،
وبتسأل نفس الأسئلة! ⁉️

لو محتاج للقعدة ديه يبقا انضم لينا للدورة الجديدة من "مش لوحدك" 🥰 👥

للتفاصيل والحجز: 01277998325

21/11/2025