10/12/2017
هنكمل معاكم زي ماوعدناكم سلسلة
✨ازاي تجنب طفلك تقويم الأسنان✨
واللي عاوز يرجع للبوستات القديمة يقدر يتابعنا على صفحتنا
https://www.facebook.com/safaakhafajaclinic/
اتكلمنا البوست اللي فات عن العضة المفتوحة
اسبابها وتجنبها وطرق علاجها المختلفة
النهاردة هنتكلم عن
🔥بروز الفك العلوي🔥
الأسباب :
١- عوامل وراثيه
٢- عادة مص الإبهام : في الحاله ديه الطفل بيضغط على العظم ( وعظم الاطفال بيكون مرن في فترة ماقبل البلوغ وماأكتملش تصلبه ) زي ماذكرنا في البوست السابق، فبيتأثر هو والأسنان نتيجة الضغط ويزداد نموه اتجاه الأمام أكتر من الطبيعي وبيتسبب في بروز الفك العلوي بالاضافة للعضة المفتوحة
٣- مشاكل الأنف والتنفس من الفم أثناء النوم : وده لإن الطبيعي أثناء النوم التنفس بيكون عن طريق الأنف ولكن في حالة وجود أي مشاكل في الأنف يسبب التنفس من الفم أثناء النوم .. هيؤدي ضغط الهواء أثناء التنفس عند النوم الضغط على عظام سقف الفم ويسبب صغر الفك وبروزه وتزاحم الأسنان فيه
٤- صغر الفك السفلي والفك العلوي طبيعي
طيب ازاي نتجنب زيادة المشكلة:
١- لو كانت نتيجة مص الاصبع هنستعمل جهاز يوقف العادة زي اللي ذكرناه في البوست السابق
٢- لو كان شيء وراثي هيلبس جهاز يحجم توقف نمو الفك وقد يحتاج لخلع أو تقويم ثابت بعده وده بيعتمد على وقت التدخل للعلاج
٣- لو كانت المشكلة ليها علاقة بمشاكل بالأنف : هنحتاج تدخل طبيب الأنف والأذن لتسليك مجرى التنفس وبعدين بنركب جهاز لو العادة فضلت موجودة بعد علاج الأنف عشان نتأكد انه بيتنفس من الأنف فقط ، وفِي حالة ظهور أثار هنبدأ معاه العلاج الثابت
٤- أخر حاجة لو المشكلة في صغر الفك السفلي هنلبس الطفل جهاز يحفز نمو الفك
الصور بترتيب طرق العلاج السالف ذكرها
لو عجبك الموضوع ادخل على لينك صفحتنا واكتب تم ليصلك كل جديد
