What are the opening hours?

Monday 4pm - 6pm Tuesday 7pm - 9pm Wednesday 6pm - 8pm Saturday 6pm - 8pm

https://www.facebook.com/684186608448400/

Ask Dr Youmna Bayoumi - اسألي د. يمنى بيومي

Home
Egypt
Cairo
Ask Dr Youmna Bayoumi - اسألي د. يمنى بيومي

We care about u starting from your first day of marriage till getting pregnant , during your whole p

أستاذ امراض النساء و التوليد وتأخر الحمل والعقم، القصر العيني، جامعة القاهرة
استشاري امراض النساء و التوليد و تاخر الحمل و الحقن المجهري، جامعة القاهرة دكتوراه امراض النساء و التوليد،و تاخر الحمل و أطفال الأنابيب و حالات الحمل الحرج
متابعة كاملة للحمل حالات الحمل الحرج تنشيط و متابعة التبويض فحص ما قبل الزواج متابعة كاملة لبعد الولادة

خدمات الدكتور :

تأخر الحمل
اطفال الانابيب
متابعة الحمل
عمل سونار مهبلي
متابعة التبويض
تشخيص وعلاج اورام الجهاز التناسلي
الحقن المجهري
علاج اورام الرحم
متابعة حالات الحمل الحرج وعلاجها
إجراء الولادة الطبيعية بدون الم
متابعة سكر و ضغط الحمل
كشف دقيق بالسونار على البطن
علاج العدوى
الولادة القيصرية
تركيب وخلع وسائل منع الحمل

05/11/2025

بتحتاري في وسيلة منع الحمل؟ تعالى نختارها مع بعض صح! "

اختيار وسيلة منع الحمل مش لازم يكون عشوائي، لأنه بيعتمد على جسمك، ظروفك الصحية، وخطتك للحمل قدام.

مانقدرش نحدد وسيلة معينة كأفضل وسيلة لمنع الحمل 🤔

الموضوع دا بيختلف من امرأة لأخرى 🤫

وأفضل وسيلة هى التى تناسب احتياجاتك وظروفك الصحية 👌

في بعض المعايير التى يجب وضعها فى الاعتبار عند اختيار وسيلة منع الحمل الافضل لكى 👇

👈 حالتك الصحية و التاريخ المرضي الكامل ليكي
👈 الرغبة فى الأطفال فى المستقبل ...
بعض وسائل منع الحمل تمنع الحمل لفترة حتى بعد التوقف عن استعمالها
👈 سلامة وفاعلية الوسيلة المختارة
👈 مستوى الراحة الشخصية مع الوسيلة التى ستختارينها
👈 وجود الزوج على فترات متباعده
👈 فترة الرضاعة تحدد نوع الوسيلة
👈 حالة المرأه بعد الولادة

طب ايه هي انواع وسائل منع الحمل 👌

🟣 الوسائل الموضعية وبتكون مناسبة لجميع الحالات زي الواقي الذكري أو الأنثوي.
🟣 اللولب ودا بيكون منه كذا نوع بيختلف حسب طبيعته وجودته وكمان فيه نوع خاص منه اسمه اللولب الهرموني ودا مميز جدًا لأنه بيفرز هرمونات بشكل موضعي في الرحم ومش بيأثر على هرمونات جسمك
🟣 حبوب منع الحمل
🟣 حقنة منع الحمل بتتاخد كل 3 شهور.
🟣 لاصقة منع الحمل.
🟣 حبوب منع الحمل الطارئة وبتتاخد في خلال 72 ساعة.

لو جسمك بيتأثر بالهرمونات يبقى وقتها متاح لكي الوسائل الموضعية وكمان اللولب النحاسي

وفي سيدات كتيرة مش بتستحمل اللولب العادي وفي نفس الوقت مش عاوزة وسيلة تأثر على هرموناتها وقتها بنعرض عليها اللولب الهرموني

📌 نصيحة أخيرة:

✔️ لازم تستشيري دكتورة نسا قبل ما تبدأي أي وسيلة
✔️ لازم تكوني صريحة عن ظروفك وخطتك للحمل
✔️ كل جسم مختلف، ومش كل وسيلة تنفع كل واحدة
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

26/10/2025

🌬️ الإنفلونزا مش هزار.. خصوصًا وإنتي حامل!
تعالي نعرف إزاي تحمي نفسك والبيبي بخطوات بسيطة 👇

👶 ليه الحوامل بالذات لازم يخدوا بالهم؟
علشان المناعة في الحمل بتكون أضعف، فأي فيروس ممكن يتعبك أكتر، والإنفلونزا تحديدًا ممكن تسبب مضاعفات مش لطيفة زي التهاب رئوي أو ولادة مبكرة!

💪 طب نِوَقي نفسنا إزاي؟ طرق الوقاية السهلة والبسيطة:

1. 🛡️ التطعيم ضد الإنفلونزا
آمن جدًا للحامل في أي مرحلة من الحمل، وبيقلل فرص الإصابة والمضاعفات بنسبة كبيرة.

2. 🧼 غسل الإيدين كويس
بالمية والصابون لمدة 20 ثانية، خصوصًا قبل الأكل وبعد الخروج من أي مكان فيه ناس.

3. 😷 لو حد عنده دور برد… قولي له "من بعيد لبعيد لو سمحت"
اتجنبي الاحتكاك المباشر مع الناس اللي عندهم أعراض برد أو كحة أو عطس.

4. 🏡 تهوية البيت
افتحي الشباك كل يوم شوية علشان تجديد الهوا مهم جدًا في الوقاية من العدوى.

5. 🧴 المعقم دايمًا في الشنطة
لو مش فيه مية وصابون قريب، الكحول بتركيز 70% ينفع كبديل ممتاز.

6. 🥗 كلي أكل صحي ومليان فيتامينات
خصوصًا الأطعمة الغنية بفيتامين C وD والزنك – زي البرتقال، الفلفل، البيض، والسمك.

7. 🧘‍♀️ نامي كويس وقللي التوتر
الراحة والنوم الكافي بيرفعوا المناعة أكتر من أي دوا!

8. 🚫 بلاش تلمسي وشك بيدك طول الوقت
العين والأنف والفم هم الطريق السريع لأي فيروس يدخل الجسم.

❤️ الوقاية مش بس بتحميك.. دي كمان بتحمي البيبي اللي مستني يشوفك بخير وسلامة!
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

19/10/2025

🎀 أكتوبر الوردي.. شهر التوعية بسرطان الثدي 💕

سرطان الثدي هو أكتر أنواع السرطان انتشارًا بين السيدات، لكنه كمان من أكتر الأنواع اللي ممكن ننتصر عليها لو اكتشفناه بدري.
وده السبب اللي بيخلينا دايمًا نكرر ونقول:
✨ التوعية مش رفاهية.. التوعية حياة.

💗 ليه التوعية مهمة؟
1️⃣ لأنها بتساعد كل ست تعرف أهمية الفحص الذاتي الشهري، وده ممكن يخليها تلاحظ أي تغيّر بدري جدًا.
2️⃣ لأنها بتكسر حاجز الخوف.. كتير بيخافوا يروحوا يكشفوا، مع إن الكشف المبكر بيعني علاج بسيط ونتايج ممتازة.
3️⃣ لأنها بتخلي المجتمع كله — أمهات، بنات، أصدقاء — يدعموا بعض بدل ما يسكتوا عن الخطر.
4️⃣ لأنها بتخلينا نهتم بنمط حياة صحي: أكل متوازن، وزن مناسب، حركة يومية، وتجنب التدخين.

🌸 الفحص الذاتي الشهري
اعمليه بعد انتهاء الدورة الشهرية بأيام قليلة، في نفس المعاد كل شهر.
لو لاحظتِ أي تغيّر في شكل أو ملمس الثدي أو الحلمة أو ظهور إفرازات — لازم تروحي للطبيب فورًا.

🎗️ الكشف الدوري
من سن ٤٠ سنة لازم تعملي ماموجرام كل سنة (أو حسب توصية الطبيب لو عندك تاريخ عائلي).
والأفضل كمان إنك تعملي فحص دوري عند دكتورة النساء حتى قبل السن ده لو في أي ملاحظة.

💬 رسالتنا ليكي:
خدي بالك من نفسك زي ما بتخافي على كل اللي حواليكي ❤️
فحص بسيط ممكن يطمنك، أو ينقذ حياتك لو ربنا كتبلك تكتشفي بدري.
انشري المعلومة.. خلي غيرك كمان يعرف، يمكن تنقذي روح 🌷
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

12/10/2025

👩‍⚕️ أنا مش بس دكتورة نِسَا.. أنا شاهدة على أول لحظة في حياة أجمل أطفال ♥️

في صور هنا ⬅️ مش مجرد بيبيهات حلوين..
دول أول صرخة، أول نفس، وأول لمسة ماما.

كل طفل فيهم هو حكاية أنا جزء منها..
ولدته، اطمنت عليه، وابتسمت مع أول بكاء ليه 💕

👶 أطفالنا مش بس بيكبروا..
ده قلبي بيكبر معاهم.
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

07/10/2025

👶 أول فتره بعد الولادة بتشغل دماغ كل ام تعالي هنا نرغي شوية في الموضوع دا 🫣

بُصي يا ست الكل، انتي لسه خارجة من معركة اسمها "الولادة"، سواء طبيعي ولا قيصري… جسمك تعبان، ومخك مش مستوعب إن البيبي ده طلع فعلاً، وفي وسط ده كله، مطلوب منك:

🍼 ترضعي،
🛏 تنامي،
🧼 تروقي،
👩‍🍼 تهتمي بالبيبي،
😅 وكأنك خارجة من سبا مش من أوضة عمليات.

فـ نعمل إيه بقى؟

---

🌙 النوم؟ تنسيه شوية بس نحاول نتحايل عليه:

نامي أول ما البيبي ينام، حتى لو الساعة 2 الظهر. مفيش حاجة اسمها "هقوم أطفي الغسالة"!

لو حد جنبك، خليه يشيل عنك شوية... انتي مش سوبر وومان.

---

🍼 الرضاعة؟ صعبة في الأول عادي جدًا:

عادي تحسي إنك مش عارفة ترضعي، ده طبيعي.

البيبي هيفضل لازق في صدرك، ده برضو طبيعي، اسمه cluster feeding.

اشربي كتير، وكلّي كويس، وسيبي الناس تطبخلك.. بلاش تعملي بطولات.

---

🛑 الشيل الكتير؟ لأ لو سمحتي!

بعد القيصري: متشيليش غير البيبي، بس كده.

بعد الطبيعي: برضو متشيليش كتير، حتى لو حاسة إنك تمام، جسمك لسه بيرجع مكانه.

---

💦 الدنيا مش لازم تكون نضيفة زي الصور على إنستجرام:

البيت مش لازم يلمع. البيبي محتاج حضن مش أرض بتبرق.

غسلي وشك، مش لازم ميكب. بس متنسيش نفسك.

---

💬 وأهم نقطة: اتكلمي.

لو حاسة إنك تايهة أو مكتئبة، قولي.

لو مش قادرة تعملي حاجة، قولي.

لو نفسك تعيطي، عيّطي.

---

💗 انتي أم… بس لسه إنسانة، وكل حاجة بالتدريج.

سيبي الناس تساعدك، وما تحاوليش تسيطري على كل حاجة، وافتكري:
أول أسبوع مش مقياس لحياتك كأم... ده بس بداية الرحلة
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

29/09/2025

💭🤰 "ما تقارنيش حملي بحمل غيري!"

واحدة تقولك:
"أنا كنت بعمل كل حاجة في الحمل عادي!"
والتانية تقولك:
"أنا ماكنتش بقدر أتحرك من السرير!"

واحدة بطنها كبرت من أول شهرين،
والتانية ما بانش عليها غير في السابع!
واحدة كانت نشيطة وبتتمشى كل يوم،
والتانية بتحس إنها جريت ماراثون من أقل مشوار!

واحدة بتحب الأكل وبتطلب أكل شرقي كل يوم 🍲
والتانية مش طايقة ريحة الأكل أصلاً 🤢

واحدة بتضحك وفرحانة طول الوقت
والتانية مشاعرها متلخبطة، وبتعيط من أقل حاجة 🥺

ليه؟ لأن كل جسم غير التاني.
وكل تجربة حمل مختلفة تمامًا!
الهرمونات، النفسية، الصحّة، التاريخ المرضي، وحتى نمط الحياة..
كل دي عوامل بتخلي حملك فريد من نوعه.

✋ توقفي عن المقارنة...
المقارنة مش هتطمنك، بالعكس هتتعبك.
ركزي على نفسك، واسألي دكتورك، واتبعي اللي يناسب حالتك إنتي.

👶 مش معنى إن غيرك ولدت طبيعي تبقي لازم تعملي كده.
ومش معنى إنها زاد وزنها يبقى إنتي لازم تقلقي لو زاد عندك أقل أو أكتر.
كل واحدة وليها رحلتها الخاصة 💛

📌 لو سمحتي...
ما تقارنيش نفسك بحد، لا في حملك، ولا في أمومتك،
إنتي بتعملي أقصى ما تقدري عليه، وده كفاية جدًا ❤️
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

25/09/2025

🌸 حركة الجنين.. دليل سلامته! 🤱🩺
واحدة من أهم الحاجات اللي بتطمنك على صحة البيبي طول الحمل هي "الحركة"، لأنها معناها إن الجنين نشيط، بيتنفس كويس، والأكسجين واصل له بشكل طبيعي 💓

---

🕒 إمتى تبدأي تحسي بحركة الجنين؟

لو ده أول حمل ليكي: ممكن تبدأي تحسي بالحركة من الأسبوع 20 لحد 24.

لو ده مش أول حمل: ممكن تحسي بيها من الأسبوع 16 - 18.

في الأول هتكون زي رفرفة فراشة أو فقاعات صغيرة.. وبعد كده هتتحول لركلات ولفات أقوى 💪👣

---

💡 إزاي تميزي حركة الجنين؟

أوقات بتحسي بيه وهو بيغير وضعه أو بيركل رجله أو بيلف.

الحركة بتكون أوضح لما:

تكوني هادية أو نايمة على جنبك.

بعد الوجبات أو بعد شرب حاجة مسكرة زي عصير فريش.

---

🔢 العدد الطبيعي للحركات؟

مش لازم نحسبهم من أول الحمل، لكن في الشهور الأخيرة (من الأسبوع 28):

📌 القاعدة العامة:
احسي بـ 10 حركات خلال ساعتين لما تكوني مركزة.

🧘‍♀️ جربي الطريقة دي:

1. خدي وجبة خفيفة أو كوباية عصير.

2. نامي على جنبك الشمال.

3. ركزي مع حركة البيبي.

4. كل حركة (رفرفة، نقرة، لفة) تتحسب.

---

🚨 امتى تقلقي وتتواصلي مع الطبيب فورًا؟

لو اليوم كله عدى ومفيش حركة خالص.

أو حركة أقل بكتير من المعتاد.

أو حسيتي إن في تغير مفاجئ في نمط حركة البيبي.

✅ ممكن الطبيب يطلب سونار أو رسم قلب الجنين عشان يطمنك.

---

🎯 نصائح مهمة لمراقبة حركة الجنين:

خصصي وقت يوميًا تتابعي فيه الحركة.

اكتبي أي ملاحظة في نوت صغيرة (زي مفكرة حمل).

خدي بالك من نمط البيبي، مش كل الأجنة زي بعض.

الحركة مش لازم تكون عنيفة.. المهم تكون منتظمة.

---

👶💬 البيبي بيتكلم بلغته الخاصة.. وهي الحركة
فمتسبيش الرسائل دي تفوتك، تابعيه واطمني عليه كل يوم 🩵
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

22/09/2025

📍 ولدتِ قيصري قبل كده؟ وبتسألي "ينفع أولد طبيعي؟" 🤔
الإجابة ممكن تكون:
💬 "أيوه، بس بشروط!"
وده اسمه:
🍼 VBAC = "ولادة طبيعية بعد قيصرية"

---

📌 يعني إيه VBAC؟

يعني بدل ما تولدي قيصري تاني، تجربي تولدي طبيعي، لكن تحت إشراف دقيق من الدكتور… ومش أي حد ينفع يعمله.

---

✅ إمتى ينفع تولدي طبيعي بعد القيصري؟

👈 الفتره بين الولاده القيصرية والولاده اللي بعدها
تكون حوالي سنتين وعشان السؤال اللي هاتسأله طب ينفع قبل سنتين هاقولك ايوه ينفع بس الافضل زي ماقلنا في الاول

👈ان الحمل 🤰🏻يكون مستقر بمعني أن كل ظروف الحمل تكون ماشيه
بشكل طبيعي

👈سبب القيصرية الأولي ميكونش مستمر في الحمل الجديد يعني لاقدر الله لو كانت مشكله ضغط أو سكر متكونش لسه موجوده او الحوض يكون ضيق

👈يكون جرح القيصرية بالعرض مش بالطول

👈مايكونش في اي عمليات بالرحم زي استقصال ورم ليفي

👈 الأم يكون عندها رغبه في الولاده الطبيعيه وتستعد ليها نفسيا كويس ودا بيكون متاح في كورسات التأهيل للولاده

👈دكتور بيدعم الولاده الطبيعيه وبيصبر جدا لأن للأسف اغلب الدكاتره بتبقا عايزه تنجز وقت وبيزقوكي علي القيصريه علي طول

👈اهم حاجه بقا انك تتابعي مع دكتور 👩🏼‍⚕من بداية حملك يكون بيشجع الولادة الطبيعية ويساعدك علي عمل تمرينات تساعدك ف الولادة الطبيعية لو اول مره او طبيعية بعد قيصرية لو دي تاني ولاده ليكي

---

❌ ومينفعش تعملي VBAC لو:

عندك أكتر من قيصريتين قبل كده

الجرح القديم كان طولي في الرحم (مش الجلد بس)

حصل انفجار رحم في ولادة سابقة

عندك مشاكل في المشيمة

الطفل كبير جدًا (أكتر من 4 كجم مثلًا)

أو لو حصل أي مضاعفات في الحمل الحالي

---

🎁 مميزات VBAC:

🤱 تتعافي أسرع بكتير من القيصري

🏃‍♀️ تقدري تتحرك وتشيلي البيبي بسرعة

💉 مفيش تخدير ولا جراحة

🤰 بتقللي خطر المضاعفات في الحمل الجاي

💛 إحساس الولادة الطبيعي ليه رهبة وفرحة مش بتتكرر

---

⚠️ بس خلي بالك:

فيه نسبة بسيطة (حوالي 0.5 – 1%) ممكن يحصل فيها انفجار في جرح الرحم القديم، وده محتاج تدخل فوري

عشان كده لازم تكوني في مكان مجهز، والدكتور يبقى دايمًا متابع بدقة

---

🙋‍♀️ طب أقرر إزاي؟

📞 كلمي دكتورك، واعملي تقييم شامل
📝 شوفي مزايا وعيوب كل نوع ولادة
🎯 القرار ليكي، بس لازم يكون مبني على معلومة صحيحة وتشخيص سليم

---

✨ لو ناوية تجربي VBAC، اعرفي إنها مش بس "ولادة"…
دي قوة، وقرار، وثقة في جسمك................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

16/09/2025

هو أنا ليه دماغي بتوجعني وأنا حامل؟! 🤕🤰

الصداع في الحمل هايكسر دماغي 😨

عارفة الإحساس لما تحسي إن راسك هتنفجر ومش عارفة ليه؟
ده طبيعي جدًا في الحمل، وخصوصًا في أول 3 شهور… بس ليه؟ تعالي أقولك:

🌀 الهرمونات ماشية شمال ويمين!
الإستروجين والبروجستيرون بيزيدوا بشكل سريع، وده ممكن يسببلك صداع من غير سبب واضح.

💧 شرب المية قليل؟
جسمك محتاج مية أكتر من الأول، ولو ما شربتيش كفاية، الصداع هيزورك.

🍽️ نسيتي تاكلي؟
تأخير الوجبات أو قلة الأكل بتخلي السكر في الدم يقل، وساعتها... آآاه يا دماغي!

☕ وقفتي القهوة فجأة؟
لو كنتي بتشربي كافيين قبل الحمل ووقفتيه مرة واحدة، جسمك هيزعل 😅 ويطلعلك صداع انتقام!

😴 نومك مش مريح؟
قلة النوم أو النوم المتقطع بيخلي المخ يشتكي هو كمان!

😮‍💨 توتر؟ قلق؟ زعل؟
كل ده بيترجم في جسمك على هيئة صداع… خلي بالك من نفسك.

👃 الجيوب الأنفية مزنوقة؟
في الحمل بتحسي دايمًا بانسداد في الأنف وده بيعمل صداع كده من ورا العين.

📈 ضغطك عالي؟
لو الصداع متكرر أو جديد عليكي في آخر الحمل، لازم تقيسي الضغط وتطمني.

---

👩‍⚕️ امتى تقلقي وتروحي للدكتور؟

👈🏻لو الصداع قوي ومش بيروح.

👈🏻لو معاكي زغللة أو دوخة.

👈🏻لو بدأ يظهر بعد نص الحمل.

👈🏻لو في ورم في وشك أو إيدك.

✨ نصيحة من القلب:
خدي نفس عميق، اشربي شوية مية، وكلي حاجة خفيفة… يمكن تريحي 💗
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

11/09/2025

🌀 التغيرات الهرمونية في أول الحمل... مش جنان، ده جسمها بيعمل ثورة!

في أول 3 شهور من الحمل، الهرمونات بتقلب الدنيا فوق تحت...
فـ لو مراتك بقت نسخة تانية من نفسها، اعرف الآتي:

---

😴 نوم كتير؟
آه، ممكن تنام 14 ساعة وتقوم تعبانة تاني...
ده لأن جسمها شغال ورشة بناء بشرية، وكل خلية فيه محتاجة طاقة.

---

🌙 طب ولو مش نايمة؟
بتقلب طول الليل مش عارفة تنام...
تعبانة من كتر الإرهاق، بس مخها مش راضي يطفي.

---

🤕 صداع؟
آه، بتحس إن دماغها بتدق زي طبلة في فرح بلدي...
وده طبيعي بسبب تغير الدورة الدموية، وضغط الدم، وقلة النوم.

---

🤢 دوخة؟
بتمشي في الشقة كأنها على مركب في البحر...
لأن الجسم بيحاول يتأقلم مع حجم الدم الجديد ومستوى السكر.

---

😡 عصبية وتقلبات مزاج؟
تضحك، تعيط، تتخانق، وتقولك "أنا آسفة" بعدها بـ3 ثواني...
دي مش دراما — دي هرمونات بتلعب على كل زرار في مشاعرها.

---

👩‍🦰 رسالة للزوج:
هي مش مكسّلة، ولا متدلعّة، ولا مجنونة...
هي بتحاول تواكب انقلاب داخلي بيحصل كل لحظة.

---

🌟 ادّيها حضن وقت مالهاش طاقة تتكلم
🌟 اسمعها حتى لو بتحكي نفس الحاجة ٣ مرات
🌟 وهاتها شوكولاتة... حتى لو قالت مش عايزة (هي عايزة 😅)

---

💬 في الثلث الأول:
جسمها بيتغير، مزاجها بيتقلب، بس حبك هو الثابت الوحيد اللي بيطمنها.
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

07/09/2025

🎀 الكشف الدوري على الثدي مش رفاهية.. دي ضرورة! 🎀

أكتر من ٩٠٪ من حالات سرطان الثدي اللي بتتكتشف بدري، بتتعالج تمامًا وبنسبة شفاء عالية جدًا 🙌
بس المفتاح هو "الكشف المبكر" 🔍

📌 طيب إمتى وليه لازم تكشفي؟

✅ الفحص الذاتي:

تعمليه مرة كل شهر بعد انتهاء الدورة بـ3 إلى 5 أيام

الهدف: تحسي لو فيه كتلة، تغيّر في شكل أو ملمس الثدي أو الجلد، إفرازات غير طبيعية

بياخد دقايق.. لكن بيفرق كتير!

✅ الكشف السريري عند الطبيب:

كل 6 شهور أو سنة حسب حالتك وسنك

الطبيب يقدر يلاحظ تغييرات إنتي ممكن ما تحسيش بيها

✅ الماموجرام (أشعة الثدي):

من سن الأربعين كل سنة أو سنتين

ولو في تاريخ عائلي بسرطان الثدي، تبدأي من سن أصغر حسب توصية الطبيب

🧬 ليه مهم نكشف؟

لأن سرطان الثدي ممكن يكون "صامت" في بدايته

الكشف المبكر = علاج أسهل، ومدة أقصر، وفرص شفاء أعلى

كل ما زاد التأخير، كل ما زادت المضاعفات

🎗 نصيحة من القلب:
اعملي الفحص حتى لو مش حاسة بأي أعراض
كل واحدة فينا مسؤولة عن نفسها.. وعن اللي بتحبهم ❤️
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

31/08/2025

🎯 وزنك في الحمل.. إمتى نقول "كويس"؟ وإمتى نقول "خطر"؟

📌 زيادة الوزن أثناء الحمل طبيعية ومهمة، لكن لازم تكون محسوبة! مش أي زيادة تبقى صحية، ومش أي أكل يبقى مفيد!

👇 الوزن اللي مفروض يزيد حسب شهور الحمل (لو وزنك طبيعي قبل الحمل):

🔹 الثلث الأول (من أول الحمل لحد الأسبوع 13):
▪️الزيادة المسموحة: من نصف لـ 2 كجم فقط في الثلاث شهور مش كل شهر او كل اسبوع
👉 لأن الجنين لسه صغير والجسم بيبدأ يتأقلم بس

🔹 الثلث الثاني (من الأسبوع 14 لـ 27):
▪️الزيادة المسموحة: حوالي نصف كجم في الأسبوع
▪️يعني من 4 لـ 6 كجم تقريبًا

🔹 الثلث الثالث (من الأسبوع 28 للولادة):
▪️الزيادة المسموحة: من 5 لـ 6 كجم تقريبًا
👉 لأن الجنين بينمو بسرعة في المرحلة دي

🔸 إجمالي الزيادة الطبيعية طول الحمل: من 10 لـ 14 كجم تقريبًا
(لو وزنك كان طبيعي قبل الحمل)

---

❗طيب لو زاد وزنك أكتر من كده؟

🤰 ممكن يسبب:

سكري الحمل

ارتفاع ضغط الدم

صعوبة في الولادة أو ولادة قيصرية

آلام في الظهر والمفاصل

زيادة وزن الجنين

خطر في الولادة

صعوبة في رجوع الجسم لطبيعته بعد الولادة

🧒 وعلى الجنين:

زيادة احتمالية مشاكل في التنفس بعد الولادة

خطر الإصابة بالسمنة مستقبلاً

---

✨ نصيحة مهمة:
كلي على قد احتياج جسمك.. مش "تاكلي لإتنين" 😉
وتابعي وزنك مع الطبيب كل زيارة، وخلي الزيادة تدريجية وطبيعية 💛
................................................................................................
📌 العنوان : ٤٤ شارع محي الدين ابو العز الدور الاول

📞 للحجز والإستعلام : 01017647764

Address

٤٤ شارع محي الدين ابو العز الدور الاول
Cairo

Opening Hours

Monday	4pm - 6pm
Tuesday	7pm - 9pm
Wednesday	6pm - 8pm
Saturday	6pm - 8pm

Telephone

+201017647764

Website

facebook.com

Alerts

Be the first to know and let us send you an email when Ask Dr Youmna Bayoumi - اسألي د. يمنى بيومي posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?

اسألي دكتور يمنى بيومي

أستاذ مساعد امراض النساء و التوليد وتأخر الحمل والعقم، القصر العيني، جامعة القاهرة استشاري امراض النساء و التوليد و تاخر الحمل و الحقن المجهري، جامعة القاهرة دكتوراه امراض النساء و التوليد،و تاخر الحمل و أطفال الأنابيب و حالات الحمل الحرج متابعة كاملة للحمل حالات الحمل الحرج تنشيط و متابعة التبويض فحص ما قبل الزواج متابعة كاملة لبعد الولادة خدمات الدكتور : تأخر الحمل اطفال الانابيب متابعة الحمل عمل سونار مهبلي متابعة التبويض تشخيص وعلاج اورام الجهاز التناسلي الحقن المجهري علاج اورام الرحم متابعة حالات الحمل الحرج وعلاجها إجراء الولادة الطبيعية بدون الم متابعة سكر و ضغط الحمل كشف دقيق بالسونار على البطن علاج العدوى الولادة القيصرية تركيب وخلع وسائل منع الحمل