10/11/2025
الانفصال العضلي مش بيحصل للسيدات بس بعد الحمل زي ما ناس كتير فاكرة 👀
فيه رجالة كمان بيحصل عندهم انفصال في عضلات البطن (diastasis recti)، وده بيحصل لما الضغط الداخلي في البطن يزيد أكتر من قدرة عضلات الـ core إنها تتحمله.
يعني لو بتتمرن تقيل، أو بتعمل تمارين بطن غلط، أو دايمًا بتكتم النفس وانت بترفع وزن، فده ممكن يكون سبب كافي إن يحصل انفصال عضلي مع الوقت.
الموضوع ملوش علاقة بالحمل ولا الولادة بس… له علاقة بالتكنيك، والتحكم، وطريقة النفس أثناء التمرين.
النتيجة؟
بروز في البطن، ضعف في الـ core، وأوقات وجع في أسفل الضهر أو الحوض من غير ما تفهم السبب الحقيقي.
ناس كتير بتفتكره دهون أو كرش، بس الحقيقة إنه ممكن يكون خلل عضلي محتاج تصحيح مش حرمان أو دايت قاسي.
فلو لاحظت شكل بطنك اتغير أو بقت عاملة زي “الخط أو الفجوة” في النص، ماتتجاهلش الموضوع.
ابدأ بشغل تنفّس صح، تمارين تصحيحية، ومتابعة مع حد فاهم الـ core training كويس.
الوعي بالنقطة دي هيفرق جدًا في شكل جسمك، أدائك في التمرين، وحتى إحساسك بنفسك 💪
