هبه دهب Heba Dahab

27/03/2026

بطنك تتعب… اسأل نفسيتك الأول! 🧠
مش كل وجع بطن سببه أكل وحش…ومش كل انتفاخ أو قولون سببه مشكلة عضوية!
في أوقات كتير… السبب بيكون القلق والتوتر 😌
الجهاز الهضمي عندنا مرتبط بشكل مباشر بالمخ
(عشان كده بيسموه أحيانًا "المخ التاني") وااااااه من المخ التاني
📌 يعني إيه المخ التاني ؟!
يعني لما تكون:
قلقان طول الوقت....بتفكر زيادة....مضغوط نفسيًا
جسمك ممكن يترجم ده في صورة:🙄
تقلصات في البطن......انتفاخ.....لخبطة في الهضم...إمساك أو إسهال
إحساس بعدم راحة مستمر

والغريب؟
إن التحاليل ممكن تطلع سليمة جدًا!
✨ هنا الرسالة المهمة افهمها :-
جسمك مش بيبالغ… هو بس بيحاول يقولك: "أنا متوتر"😬
طيب نعمل إيه؟
✔️ نهدي السرعة شوية
✔️ ننتبه لأفكارنا وضغوطنا
✔️ نفهم التوتر جاي منين
✔️ نحاول نريح جسمنا (نوم / تنفس / حركة)
✔️ ولو الموضوع مستمر… نطلب مساعدة متخصص نفساني
💬 مش كل تعب يتعالج بدوا💊💉
أوقات كتير… محتاج "راحة نفسية" قبل أي حاجة 🩷

19/03/2026

عيدكم مبارك ♥️🎊🎁🎉🎈

18/03/2026

شكرا للخبراء وصناع الأثر من فريق منتالتــي ✨️💚

📌 شكرًا لكل الخبراء وصُنّاع الأثر من فريق منتالتي 🌙💙
📍 مع ختام الموسم الثالث على التوالي من مبادرة "نفوس مطمئنة" – المجانية من منتالتي في رمضان ... حابين نوجه شكر كبير لكل المحاضرين والمدربين اللي شاركوا بعلمهم وخبرتهم، ولكل فريق العمل الإداري اللي اشتغل بكل جهد وإخلاص عشان كل تفصيلة تطلع بالشكل اللي يليق بكم ✨
📍 وشكر كبير من القلب لكل المتدربين والحضور من مختلف الدول العربية، لثقتكم وحرصكم على التعلّم والتفاعل… أنتم جزء أساسي من نجاح هذه المبادرة.
📊 شهدت المبادرة هذا العام مشاركة واسعة من مختلف أنحاء الوطن العربي، حيث وصل عدد الحضور إلى أكثر من (2000) مشارك، من خلال اللقاءات المباشرة والتسجيلات.
فخورون بهذا الأثر… ومستمرون في رسالتنا لنشر الوعي النفسي بشكل أوسع وأعمق.
📍 تقدروا تشوفوا كل محاضرات المبادرة مسجلة من هنا: 👇👇
https://www.youtube.com/playlist?list=PLfFsAiq8hOrgOKKPeZH-A-Mk_zEIPlYW5
📍 لو استفدتوا من أي محاضرة، أو حسيتوا إن المبادرة فرقت معاكم.. اكتبوا كلمة شكر ليهم في التعليقات، وشاركوا البوست ده تقديرًا لمجهودهم 🙏🌿
نوسّع دائرة الوعي لنصنع نفوسًا أكثر طمأنينة 🌿
منتالتي … مساحتك الآمنة للنمو والتغيير 🌿

17/03/2026

دواير مهمه في حياتك ♋
لازم تراجع بشكل مستمر ايه هي دواير سيطرتك والأشياء الي انت مسئول عنها في مقابل دواير عدم سيطرتك والأشياء الي انت غير مسئول عنها وتتعلم ازاي تتعامل مع الدائرتين بشكل واعي ✌🏻😊

16/03/2026

عيلة منتالتــي الجميلة 🌙💚

15/03/2026

مبادرة نفوس مطمئنه 🌟 الموسم الثالث في رمضان

بفضل الله من ثلاث سنوات نقدم لكم مجموعه من اللقاءات الممتعه مع نخبه من الاساتذه والعلماء الأفاضل واخيرااا أحب أن يجمعنا الله بالصالحين يارب نقدر نقدم لكم لقاء مفيد ..... منتظراكم
للحضور كن معنا ♥️
https://chat.whatsapp.com/BuGdyJxj9HI1hjwCgFwX5k?mode=gi_t

11/03/2026

النمو الإنساني لا يبدأ الا بنقطه الاعتراف بالضعف✌🏻

08/03/2026

في اليوم العالمي للمرأة… 👸🏻👰🏻‍♀️👮🏻‍♀️👩🏻‍🍳👵🏻👩🏻‍🍼

كل سنة وكل امرأة بتحاول تكون بخير رغم التعب… بخير رغم المسؤوليات… بخير رغم المعارك الصامتة الي لا يعرفها غيرها
كل سنة وكل امرأة
▪️تتعلم أن تقول "لا" عندما يجب،
▪️وتتعلم أن تحمي قلبها عندما يتعب،
▪️وتتعلم أن تعود لنفسها بعد كل خذلان.
المرأة ليست فقط أمًّ أو زوجة أو ابنة… و موظفه ومسئوله
المرأة روح كاملة… لها أحلامها، تعبها، قوتها، وانكساراتها التي تتعافى منها كل مرة.

⬅️في اليوم العالمي للمرأة
خليكي عارفه أنكِ غير محتاجه تكوني مثالية…يكفي أن تكوني حقيقية…وأن تعتني بنفسك كما تعتنين بالجميع

🫵🏻 لكل امرأة تقرأ دا الآن…👀
أنتِ أقوى مما تظنين،و اغلي من اي كلام قيل لك يومًا.
كل عام وأنتي بخير… وبسلام مع نفسك🩷

28/02/2026

التبرير ليس له مكان في العلاقات السليمه

23/02/2026

📍ليه بنخاف نحط حدود؟؟؟؟

لأننا اتربينا إن الحدود = قسوة.وإن الطيبة معناها تستحمل.
وإن الزعل لازم يتشال جوه عشان “نمشي الدنيا”.
اتعلمنا نرضي…قبل ما نتعلم نحمي نفسنا.

▪️بنخاف نحط حدود علشان:
– ما يزعلوش
– ما يقولوش علينا متغيرين
– ما نتسابش
– ما نتحطش في خانة “الوحش”

▪️بس الحقيقة؟
اللي بيزعل من حدودك…كان مستفيد من غيابها.الحدود مش جدار بينك وبين الناس

الحدود باب…بس عليه قفل.🔐

▪️الحدود بتقول:
– ينفع تقرب… بس باحترام
– ينفع تختلف… بس من غير تقليل
– ينفع تغلط… بس تعترف
غياب الحدود بيخلي الناس تتعود عليك..بطريقة تؤذيك.وجود الحدود..بيخلي الناس تحترمك… حتى لو ما ارتاحتش

▪️وأهم حقيقة:
أول مرة تحط حدود...هتحس بذنب.تاني مرة هتحس بتوتر
تالت مرة… هتحس بقوة.
الحدود مهارة…
مش قسوة.
ونضج… مش أنانية

22/02/2026

التعافي ليس تغييرا حادا في كيان الإنسان
لكن هو قدرة أكبر على المرونه والتكيف

21/02/2026

نوسّع دائرة الوعي لنصنع نفوسًا أكثر طمأنينة. 🌿
منتالتي … مساحتك الآمنة للنمو والتغيير🌿

📌 مبادرة "نفوس مطمئنة" – الموسم الثالث | رمضان 2026 🌙💙
للعام الثالث على التوالي … تواصل منتالتي رسالتها في نشر مهارات الصحة النفسية و الوعي النفسي والتربوي مجــاناً خلال شهر الخير.
📍 سلسلة من المحاضرات واللقاءات المجانية مع نخبة من أساتذة الجامعات والخبراء المتخصصين في علم النفس والصحة النفسية والتربية بمصـر والوطن العربي. ✨📚
🎯 المبادرة تستهدف:
المتخصصين في المجال النفسي، والأخصائيين والمعالجين والمستشارين، والعاملين في مجالات التدريب والكوتشينج، وكذلك الآباء والأمهات، والمعلمين، وطلاب وخريجين مجالات علم النفس والصحة النفسية، وكل المهتمين بفهم أعمق للصحة النفسية وبناء توازن نفسي خلال الشهر الكريم.
📍 تتضمن المبادرة محتوى علمي مبسط، وورش توعوية، وإتاحة عدد من الاستشارات المجانية لدعم الأسر والمتدربين في الإرشاد الأسري والتربوي.
📅 المشاركة مجانية طوال شهر رمضان
وترقبوا الإعلان عن أولى فعاليات الموسم الثالث قريبًا...
الإنضمام لجروبات المبادرة على واتســاب من خلال الربــط التالي 👇👇
https://chat.whatsapp.com/BuGdyJxj9HI1hjwCgFwX5k
نوسّع دائرة الوعي لنصنع نفوسًا أكثر طمأنينة. 🌿
منتالتي … مساحتك الآمنة للنمو والتغيير🌿
- ساعدنا نفيد أكبر عدد واعمل شير للبوست ومنشن للمهتمين وخلى الكل يستفاد طوال شهر رمضان المبارك 🌙💚