غادة مظلوم - Ghada Mazloum

01/01/2026

كم مره وثقت في شخص الناس كانت شايفاه ملاك ؟!
#الحياة #الناس

01/01/2026

‏
مش كل واحد بيعلى صوته يبقى قوي …
في ناس بتغضب من أتفه سبب .. وده غالبًا مش قوة .. ده هشاشة من جوه ..
زي الشجرة الضعيفة … أقل ريح تهزها ..
القوة الحقيقية في الهدوء ..
البحر العميق مش بتعكره طوبة صغيرة ..
وكذلك النفس القوية … كلمة عابرة ما تستفزهاش.

مش كل صوت عالي دليل قوة .. أحيانا أقوى التأثيرات بتيجي في صمت…
مش الرعد اللي بينبت الزرع ..
المطر الهادي هو اللي يحيي الأرض ..

اللي بيغيّر بجد مش اللي يدوّي .. لكن اللي يوصل بهدوء ويترك أثره ..
خليك غيث .. مش ضجيج ..
سيب أثرك هادي … مش صوتك عالي ..
النضج إنك تفهم إن مش كل حاجة تستاهل رد فعل ..
وإن الصمت قدّام السفاهة مش ضعف … ده رُقي.
حين تمنح أحدهم قدرة على إغضابك .. فأنت تمنحه سلطة لا يستحقها ..
عشان كده .. حافظ على هدوءك ..
دي أقوى رسالة ممكن تبعتها من غير ولا كلمة ..

💙

31/12/2025

في نهاية عام من حقبة مليئة بالتحديات …

غالبيتنا نستذكر الصعوبات و الهموم و الاحزان التي مررنا بها … و ربما ما زلنا ..
و بعضنا يستغرق في الهواجس و القلق من القادم بعد سنوات من استمرار التحديات ..
و منا من يخشى اقتراب نفاذ طاقته على التحمل ..
و منا من يجد بعض العزاء في بث همومه و التعبير عنها ..

احنا بشر … و ما فيش كتالوج و لا ضوابط ثابتة للتعامل مع صعاب الحياة مهما كانت ايماناتنا و عقائدنا … احنا بشر و بنضعف … كلنا!

لكن بردو هناك حقيقة مهمة احيانا استغراقنا في الافكار بيخلينا ننساها … و هي اننا ما زلنا احياء و ما زلنا متفاعلين … و قدرنا على اللى فات ..
قرأت حكمة تقول

"What brought you to it will bring you through it”

و هي الصياغة التي تطمئنك ان من وضعك في المحنة سيقدرك على اجتيازها ..

و سبقت النصوص الدينية هذه الصياغة بعديد من الآيات التقريرية و الوعود الالهية بنفس المعنى مثل آيات القرآن الكريم:

ـ لا يُكَلِّفُ ٱللَّهُ نَفۡسًا إِلَّا وُسۡعَهَا

- سَيَجۡعَلُ ٱللَّهُ بَعۡدَ عُسۡرٖ يُسۡرٗا

- فإِنَّ مَعَ ٱلۡعُسۡرِ يُسۡرًا ۝ إِنَّ مَعَ ٱلۡعُسۡرِ يُسۡرًا

لا تكن ضحية ما جرى .. كن بطل ما سيجري و لديك من الله و من تجاربك تطمينات انك ستستطيع.

و كل عام و انت بخير

30/12/2025

كُلٌ إنسان يحتاج إلى صدمة في مرحلة ما!

30/12/2025

"ما هي أفضل نصيحة قدمها لك شخص ما وغيرت حياتك؟"

♥️أجمل ما قيل لي: 'أنت لست مضطراً للفوز بكل المعارك، أحياناً الانسحاب هو قمة الانتصار لنفسك'

♥️و قيل لي ذات مرة: 'ما لا تضعه في كفّك، لا يوجعك إذا سقط'. تعلمت منها ألا أتعلق بشيء ليس لي أو خارج إرادتي.

29/12/2025

وأنتِ بتختاري شريك حياتك…
خلي بالك .. مش كل حاجة بتلمع تستاهل الرهان عليها ..
الفلوس ممكن تروح وتيجي ..
المراكز بتتغير ..
الجمال نسبي ومع الوقت كله بيكبر ..
الحسب والنسب حاجة حلوة بس مش ضمان ..
والشهادات برستيج … قيمتها ممكن تختلف من مكان لمكان ..
إنما في حاجات ثوابت ..
ما بتهزهاش الأيام ولا الظروف ..
ولاد الأصول ما بيتغيروش ..
الأخلاق والتربية الحقيقية بتبان مع الضغط مش مع الراحة ..
اللي علاقته بربنا بجد … بتقوى مش بتضعف ..
البساطة .. والصدق .. والطيبة .. والحنية… دول ما بيخلصوش ..
اللي مش أناني .. ولا بخيل في مشاعره ولا دعمه … ده معدن ..
الأمانة في المستخبي قبل العلن … دي أساس ..
وفكر البيت اللي متربي فيه الشخص .. واحترامه للي قدامه .. وحرصه إنه ما يوجعش بكلمة … دي كلها علامات ما بتتغيرش ..
الحاجات اللي مش ثابتة ممكن تبهر في الأول ..
لكن وقت الشدة والتحدي …
اللي بيسند بجد وبيكمّل هو الثوابت ..
اختاري اللي ينفع مع العمر ..
مش اللي يعجب في لقطة.

29/12/2025

ليه بتبكي علي نفس الوجع 1000مرة ؟!
ليه بنحافظ علي ذكريات الألم أكتر ما بنحافظ علي ذكريات الفرح ؟؟
#الحياة #وعي #العلاقات

29/12/2025

الصورة الصورة دي مش مجرد صورة… دي هدية جميلة من صديقة غالية Fatma Fouad Elmusslemany
اتعملت بالذكاء الاصطناعي 💙
حبيت أشارككم اللحظة الحلوة دي، لأن الجمال لما يتشارك بيزيد.
شكرًا من قلبي على اللمسة اللطيفة والذوق ❤️
يارب تعجبكم زي ما عجبتني ♥️🌹

28/12/2025

مش كل حد أشطر منك يبقى خصمك ..
أحيانًا ربنا بيحط في طريقك شخص أرجح منك عقلًا .. أو أكثر منك خبرة… مش علشان تتخانق معاه أو تحس بالنقص ..
لكن علشان تتعلم ..
ما تحطّوش في خانة المنافسة ..
حطّه في خانة التعلّم ..
قرّب من اللي سابقك بخطوة ..
اسمعله .. لاحظه .. و اتعلّم من طريقته قبل كلامه ..
القعدة مع الناجحين بترفع السقف جواك ..
بتخلّيك تشوف نفسك بشكل أوسع ..
وتفهم إن النجاح مش حكر على حد ..
اختيارك للناس اللي حواليك مش تفصيلة صغيرة ..
ده اختيار لمستوى وعيك ..
وللنسخة اللي هتبقى عليها بعد شوية ..
اللي بيختار محيطه صح ..
جوهره بينضف ..
وطموحه بيعلى ..
ما تضيعش طاقتك في المقارنة…
استثمرها في القُرب ..

#وعي
#نضج

27/12/2025

ازاي #النرجسي بيغسل دماغك و يشكك في نفسك و انتي فاكرة نفسك واعية ( Gaslighting) ، #النرجسية

27/12/2025

26/12/2025

لو محتاج جرعة وعي سريعة ✨
وكلام يلمس عقلك وقلبك في أقل وقت ⏳
مقاطع قصيرة… لكن معناها كبير 👌
تابعني على تيك توك
علشان توصلك الفكرة صح ومن غير لف ولا تعقيد
🔗 الرابط في الكومنت
📌 متنساش المتابعة علشان يوصلك كل جديد