معامل الطبيب

17/07/2017

البطيخ من أكتر الفواكه الصيفيه المفضلة للكبار و الصغار علشان كدة هنقولكم على فوائده;)

1- تقوية المناعة :
بسبب إحتواء البطيخ على مضادات أكسدة قوية مثل الكاروتين والليكوبين وفيتامين C يجعل له دور في تقوية المناعه ومحاربة العديد من الأمراض .ومواجهة الالتهابات وخاصة التهابات المفاصل
2- التخلص من الإمساك :
و ده لأنه بيحتوي على الالياف القابلة للذوبان ونسبة مياه عالية تساعد على تسهيل حركة الامعاء وتعزيز صحة الجهاز الهضمي وعمله والوقاية من الامساك وحماية القولون وخاصة ضد سرطان القولون.
3- مفيد لأمراض القلب و الكبد :
و ده لأنه بيحتوي على نسبة عالية من الماء ومعدن البوتاسيوم والحمض الاميني الستيرولين فهو يلعب دورا كبيرا في خفض ضغط الدم ومساعدة الاوعية الدموية على الاسترخاء والتوسع وبالتالي الوقاية من أمراض القلب والشرايين. وباعتباره مدر للبول ومفتت للحصى وخاصة حصى الكلى فهو يساعد كثيرا في علاج أمراض الكلى والتهاباتها. واحتوائه على البوتاسيوم يساعد في تقليل تركيز حمض اليوريك في الدم وازالة الاملاح.
4- مفيد للبشرة :
و ده لأنه بيحتوي على مضادات الاكسدة زي اللايكوبين وفيتامين C اللي بتخلى للبطيخ فعالية كبيرة لوقاية الجلد من أشعة الشمس والعوامل الخارجية وحمايته ومعالجة التجاعيد ومفيد لنضارة البشرة .
5- علاج آلام المفاصل :
و ده لأنه بيحتوي على مادة الستيرولين وهي عبارة عن حمض أميني يتم تحويله لارجنين في الجسم , وهو أحد أهم الاحماض الامينية المهمة لتحسين الدورة الدموية واسترخاء الأوعية الدموية . بالاضافة الى احتوائه على فيتامين B6 اللى بيساعد الجسم على تجديد الطاقة واستعادة النشاط.
6- مكافح للسرطان :
و ده لأنه بيحتوي على الليكوبين وهو مضاد أكسدة قوي يساعد فعلا في الوقاية من السرطان ومكافحته وخاصة سرطان البروستاتا والثدي والرحم وسرطان القولون

منقول

19/06/2017

مع موجه الحر الشديده التي نتعرض لها هذه الايام اليكم بعض النصائح الهامه لتخفيف الشعور بالعطش الشديد في نهار رمضان:
- تناول الخضراوات والفواكه الطازجة عند السحور، فإن هذه الأغذية تحتوى على كميات جيدة من الماء والألياف التى تمكث فترة طويلة فى الأمعاء مما يقلل من الإحساس بالجوع والعطش.
تجنب تناول الأكلات والأغذية المحتوية على نسبة كبيرة من البهارات والتوابل، وأيضاً الأغذية المالحة والمخللات خاصة عند وجبة السحور، لأنها تزيد من حاجة الجسم لكميات كبيرة من الماء بعد تناولها.
- تفادي الأطعمة المشوية والمقلية على السحور.
- تفادي التعرّض المباشر لأشعة الشمس الحارقة.
- تجنب الأنشطة والتمارين الرياضية التي تتطلب الكثير من الجهد وتسبب لك التعرّق.
- البطيخ من الفواكه الصيفية المفيدة فى أيام الصيام، حيث يغنى عن عشرات الأصناف من الخضراوات واللحوم، لما له من أثر ملطف على المعدة، إضافة إلى غناه بالعديد من العناصر التى تكفى حاجة الإنسان من الماء والفيتامينات والمعادن طوال اليوم، خاصة في أيام الصيف الحارة.
الإكثار من شرب المياه علي فترات.
- تأخير موعد السحور إلى ما بعد منتصف الليل حتى تزيد قدرة جسمك على مقاومة العطش.
- الإكثار من الاستحمام بالماء الفاتر لتبريد الجسم، واستخدام الصابون للتخلص من زيوت الجسم التي قد تسدُّ المسام العَرَقية.
- حجب أشعة الشمس عن دخول المنزل أثناء فترة الظهيرة قدر الإمكان، عن طريق غلق الشيش أو الستائر.
- ارتداء ملابس فاتحة اللون فضفاضة ويفضل أن تكون قطنية لتمتص العرق.
- الإكثار من تناول السلطة، لأنها تحتوى على عناصر غذائية مرطبة ومفيدة وغنية بالألياف والمعادن والفيتامينات التى تمد الجسم بالحيوية والنشاط والماء اللازم له، والسلطة الكاملة القيمة الغذائية تتكون من بقدونس، والكرفس و خيار والطماطم والقرنبيط وأنواع أخرى من الخضروات.
وكل رمضان و انتم طيبين
رمضان كريم
منقول

02/06/2017

مساء الصحه
تحاليل متابعة الحمل مهمة جدا علشان تطمني على صحة جنينك و صحتك ..
لانها بتعرفنا طفلك محتاج ايه و جسمك ناقصه ايه ..
و بتقدر تعرفنا ايه المشاكل اللي ممكن تواجهنا اثناء الحمل او الولادة او بعد الولادة علشان نقدر نعالج المشكلة دي قبل ما تكبر
علشان كده هنقولك على تحاليل مهمة جدا لمتابعة الحمل لازم تعمليها علشان تطمني ..
صورة دم كاملة Complete Blood Picture (CBC)
تحليل بول كامل Urine Analysis
سكر صائم Fasting Blood Sugar
سكر فاطر 2 Hour Post Prandial Blood Sugar
فصيلة الدم Blood Group & RH
Toxoplasma IgG & IgM
Rubella IgG & IgM
VDRL
HbsAg
لو عايزة تعرفى تفاصيل اكتر عن تحاليل متابعة الحمل اسألينا و احنا هنرد عليكي ;)

02/04/2017

مساء الخير
حكاية و
كم رهيب من الاخبار في كل وسائل الاعلام عن موضوع الفيروس الغامض اللي بيسبب وفيات للأطفال, ورسائل علي الواتس وغيرها من مواقع التواصل الاجتماعي ... بتنشر الرعب
وناس مش بتودي عيالها المدارس .. وناس تانية ممشيين عيالهم بالماسك في المواصلات والشارع
ايه الحقيقة؟
1. مافيش حاجه اسمها فيروس غامض ولا حاجه.
2. الوقت دا من السنة بتنتشر فيه الكثير من الفيروسات بسبب تغير الجو "حر جدا بالنهار ... وبرد اخر اليوم".
3. الفيروسات كائنات صغيرة جدا جدا ... زي فيروس الانفلونزا و فيروسات نزلات البرد ... وفيروس الروتا وغيرهم, كل فيروس منهم بينتشر بطريقة محددة.
4. فيروس الروتا ... فيروس بينتقل عن طريق الأكل والشرب الملوثين, أو الذباب , أو من الايدي الملوثة, ومالهوش اي علاقة بالنفس ... ومش بينتشر في الجو ولا حاجه.
5. للوقاية منه: نتجنت الاكل من الشارع قدر الامكان, نغسل الخضروات والفواكة كويس أوي بالميه "كفاية" , نغسل ايدينا بالميه والصابون قبل الأكل وبعد الخروج من الحمام, وبعد الرجوع للبيت... و في اي وقت ممكن نلاقي فرصة نغسل ايدينا وايد الولاد... نغسلها.
6. أطفال كتيرة جدا ... وكبار كمان بيشتكوا من ارتفاع في درجات الحرارة , والام بالعصلات والعظام , وصداع شديد ... كل دي اعراض طبيعية جدا لعدوي فيروسية .. بتحصل عادي وبتزيد في هذا التوقيت من العام.
7. مافيش اوبئة ولا أي حاجه بفضل الله ... واللي مش مصدق وزارة الصحة... يدخل علي موقع منظمة الصحة العالمية اللي بيرصد اي نشاط وبائي في اي مكان في العالم.... مش هايلاقي اي حاجه.
الموقع دا: http://www.who.int/csr/don/en/
9. الطفلين اللي ماتوا في شبرا, كل التحاليل اللي اتعملت ليهم ما طلعتش ايجابية, وفي احتمالات اخري للوفاة غير العدوي... منها السموم... ودي حالة حاصة جدا... مش وباء ولا حاجه.
10. الطفلة اللي توفاها الله في مدرسة المنارة بمدين نصر, واتحجزت وتوفت في مستشفي الدمرداش كانت بتعاني من أعراض مرض مناعي أصلا .. من شهور "collagen disease" ولم يتم تشخصيصة بعد ... ثم تدهورت الحالة بسرعه شديدة ... ودخلت المستشفي وتوفاها الله.
11. والله العظيم ... والله العظيم ... والله العظيم المضادات الحيوة مش علاج للسخوني.. ولا ليها اي تأثير علي الفيروسات ... اللي بيدوا اولادهم مضادات حيوية بيضروهم فعلا وبيضروا الناس كلها... لان الميكروبات بتكتسب مقاومة من الادوية ... فنيجي وقت ما نحتاجها بجد... ما تشتغلش .. ويموت المريض :-(
12. هوافض الحرارة زي الباراسيتامول, والبروفين للاطفال فوق سن 3 شهور هي الحل الأممن ... الافضل منه كمان واللي لا غني عنه.. هي الكمادات ... الدش البارد... او اكياس الميه الباردة تحت الابط واعلي الفخذين وعلي الرقبة. ... الدش البارد احسن وافضل ومايصعبش عليك الطفل ...وماتخافش مش هايجري ليه حاجه باذن الله.
13. مناعة الاطفال اللي يزودها .. الاكل المتوازن اللي فيه خضروات كتيرة.. وفواكهه كتيرة... وبروتينات ... وطبعا عسل النحل "لو الطفل غير مصاب بالسكر" والراحة في السرير تماما وقت السخونية.
14. الاشاعه اللي بتقول ان السمك البلطي فيه فيروس... ليس لها اي اساس من الصحة ... البلطي بتاعنا بيتربي في مزارع مية مجاري اه ... انما فيروسات... لا... اه دا اللي لايمكن ابداااااا.
هههههه

The latest disease outbreaks around the world notified to the World Health Organization.

24/03/2017

فيروووووووس شبرا

يا شباب في فويس ريكورد منتشر ع الواتس بيقول
ان فيرس شبرا هو الروتا
وان في حالات اصابه كتير ووفيات كلهم اطفال ف سن ابتدائي واصغر
والفيرس منتشر ف امبابه و شبرا الخيمه و شبرا مصر والعباسيه

لو ابنك او بنتك اقل من 15 اسبوع حاولوا تطعموهم

ربنا يلطف بينا ويحفظ اولادنا
............... . . . ..

فيروس الروتا المرعب والقاتل المحترف انا بسميه كدا دايما...واسهال الشتا زي ما احنا كاطباء اطفال بنسميه..
تلاقي الطفل قاعد في امان الله وشويه حراره بسيطه ومره واحده ترجيع عنيف يصل الي 10مرات او أكتر يوميا لمده يوم او اتنين وتاني يوم يشتغل الاسهال العنيف ..إسهال بقي مش مره ولا اتنين لا كتير ...كتير بغباء يعني..والإسهال دا بيكون ميه خالص..لدرجه ان الأم مبتلحقش تغير البامبرز... وتلاقي الواد نفسه يقول في ايه ياجدعان انا ايه اللي بيحصلي دا...وكمان إحساس الأم والأب الصعب اللي بيحسوا كأنهم اخدوا 17 قلم علي سهوه...😟

والطفل بعد كدا يدخل في مرحله الجفاف بالتدريج..وهاتعرفي الموضوع ببساطه انه في لهفه لشرب الماء🙃..وعينه مفيهاش دموع ..والواد هاتلاقيه مفرهد ونايمان وخملان (من الخمول)...😰

السيناريوا المحفوظ دا للاسف أهالي كتير بتعامله معامله بسيطه ..وكمان بتسهال غير عادي ...وبنشوف للاسف حالات متاخره جدا كان ممكن التعامل معها بدري ونلحق الطفل بدري قبل القصص دي كلها ماتحصل...😏

خلاص يا عم الدكتور عرفنا والله انه فيروس وحش وقاتل والكلام دا😡 ...خش بقي في المفيد ازاي تحمي العيال يا دكتور العيال..😳

بص ياابو العيال و ياام العيال الموضوع ببساطه من اول يوم ترجيع لازم تدخل عن طريق الحقن زي زوفران او دانسيت او غيرهم..تمام..دي حاجه..والحاجه التانيه محلول الجفاف..من اي صيدليه واعطي الطفل كل كيس علي 200سم ميه وتعطيه 5سم كل 5دقايق ...وزي ما قالوا زمان ..(لو جالوا جفاف اديلوا محلول) ...😂

بس يا دكتور العيال انا سمعت ام في تطعيم الفيروس دا وممكن يحمي العيال!
أيوا طبعا في نوعين النوع الاول وهو بياخد علي جرعتين ويسمي Rotarix وهو اللقاح الاحادي يحتوي علي سلاله واحده من فيروس الروتا ولكنه يعمل بتقنيه تسمي ال cross protection تمكنه من تحقيق الوقايه ضد اكثر من سلاله بما يحقق الفائده وحماية الطفل من اغلب السلالات واشهرها التي تهدده بالاصابه وهو يعطي عل جرعتين بداية من سن ٦ اسابيع علي ان تكون الفتره الفاصله بين الجرعتين هي علي الاقل شهر وسعر الجرعه 320جنيه تقريبا ..

النوع الثاني وهو يسمي ال Rotateq وهو لقاح خماسي يشمل علي ٥سلالات تمثل اشهر السلالات التي تهدد الطفل بالاصابه بالفيروس وهو يحقق الحمايه والوقايه من تلك السلالات بدرجه مُرضيه جدا وبيتاخد علي ٣جرعات بداية من سن ٦اسابيع علي ان تفصل بين كل جرعتين فتره من ٤الي ١٠ اسابيع وسعر الجرعه 270 جنيه تقريبا..

بس خلي بالك.
- لازم تكون خلصت الجرعات كلها قبل اتمام الطفل عمر ٣٢ اسبوع..
- وميزدش عمر الطفل عند الجرعه الاولي ١٥ اسبوع تماما...
طب لو بعد 15أسبوع يا دكتور العيال ؟
لا خلاص ماعدش له داعي ولو ظهرت الأعراض دي ترجيع واسهال علي اقرب طبيب ..🚑

فيروس الروتا مهما أشتم فيه مش هاوفيه حقه من البلاوي اللي بيعملها العدوي بتاعته الايدي الملوثه او الفم الملوث.🤔

فيروس الروتا لما بيضرب ك وباء مبيهزرش وتلاقيه بيقتله نص مليون طفل كل سنه..😔

محلولك في ايدك حقنه الترجيع في ايدك التانيه..يقولك روتا قوليله ولا يهمني...😁

قل ادبه ومبيستجبش للحقن ولامحلول معالجه الجفاف يبقي تعلق محاليل علي طول بلا جدال ولا نقاش..
فيروس الروتا مش هاينتظر لما ابوالعيال يرجع من الشغل ولا لما ما تيجي تزورني آخر الأسبوع...

ربنا يحفظ عيالك

24/02/2017

معامل طبية .. بلا أطباء
ظاهرة مؤسفة تحولت الى مشكلة فى المنظومة الطبية فى مصر فى الفترة الاخيرة وهى انتشار معامل تحاليل طبية كثيرة لا يديرها اطباء بل وليس فيها اى طبيب .. هذه المعامل اصبحت تتكاثر كالسرطان دون رقيب او رادع ولم يعد الامر قاصرا على القرى كما كان الوضع فى البداية بل اصبحت المدن الكبرى ايضا تعانى من هذه الظاهرة
والواقع ان لهذه الظاهرة سببين يجب التعامل معهما من الجهات المسئولة:
السبب الاول : فتح معامل دون اى اهتمام بالحصول على اى تراخيص على الطلاق طالما هناك تراخى من الجهات المسئولة عن التفتيش والمتابعة فى الوصول الى كافة القرى حيث يستطيع فيها اى شخص ايا كان مؤهله ان يفتح ما يطلق عليه هو انه معمل ويكتب عليه اى اسم مثل معمل الامل أو معمل النور او معمل السلام او ماشابه ذلك من اسماء وبدون اى ترخيص من اى جهة كانت , وبعد ذلك الامر يتوقف على قدرته على اقناع الناس البسطاء فى القرى أن عمله سليم وان نتائجه مائة فى المائة رغم انها بالتأكيد خاطئة وقد تتسبب فى ايذاء المريض وربما القضاء عليه , وانا شخصيا اعرف شخص يحمل مؤهل معهد فنى تجارى قام بهذا العمل وظل يعمل فترة الى أن اكتشف الناس امره وكادوا أن يفتكوا به لولا هروبه السريع. ولذلك فاننى ارى ان الوضع حاليا ان مقاومة الناس لهذه الظاهرة أعلى من متابعة السلطات الصحية. الا اننى انوه الى عدم الاعتماد على وعى الناس فقط فلابد ان يكون الى جوار ذلك التفتيش المستمر على كافة المعامل الخاصة وخاصة الموجودة فى القرى والنجوع والتى قد يتهاون المسئولون عن مثل هذا التفتيش فى الوصول اليها وليأخذ المسئولون عن المعامل القدوة من ادارات الصيدلة فى مديريات الصحة وفى الوزارة حيث لا يتوقفون عن التفتيش المستمر حتى ابعد صيدلية فى اقصى نجع ولا يترددون ايضا فى اصدار قرارات الاغلاق وعمل المحاضر والمخالفات ولذلك لم نسمع ابدا عن صيدلية يفتحها ويديرها اى شخص غير صيدلى.
واننى انتهز هذه الفرصة لكى انبه اهلنا الطيبين وخاصة فى القرى الى ضرورة ان يحرصوا على التأكد بأنفسهم من تخصص ومؤهلات وعمل من يدير المعمل الذى يدخلونه لاجراء التحاليل الطبية حرصا على صحتهم فالعلاج السليم يبدأ من التحليل السليم.
السبب الثانى لهذه الظاهرة المؤسفة يكمن فى القانون الحالى لتراخيص معامل التحاليل الطبية حيث يبيح القانون السارى حتى هذه اللحظة فتح معامل التحاليل الطبية للاطباء البيطريين وخريجى كلية العلوم بل وخريجى كلية الزراعة। والواقع أن هذا القانون قانون قديم صدر سنة 1954 ويجب تحديثه بما يتلاءم مع مقتضيات العصر فقد كان عدد أطباء التحاليل فى هذا الوقت من الندرة بحيث كان مطلوب الاستعانة بالتخصصات الاخرى لسد العجز كما أن مجال التحاليل فى هذا الوقت كان مجالا محدودا وليس بالتوسع والتغيرات الهائلة والمتلاحقة التى طرأت ومازالت تطرأ عليه حاليا. وهذين العاملين يجعل من الضرورى العودة الى الاصل فى هذا الموضوع وتعديل القانون ليصبح مثل كافة التخصصات الاخرى التى يكون ادارة منشاتها قاصرا على المتخصصين فيها , تماما مثل مجال الصيدلة على سبيل المثال حيث ينص القانون 127 لسنة 1955 فى شأن مزاولة مهنة الصيدلة على ان ادارة الصيدلية لابد أن تكون لصيدلى خريج احدى كليات الصيدلة.
والوضع الحالى وضع غريب جدا حيث نجد وزارة الصحة والمسئولين فى ادارة المعامل على قناعة بأن هذا القانون قد اصبح باليا ولذلك يرفضون اعطاء اى ترخيص بفتح معمل تحاليل طبية لمن ليس متخرجا من كليات الطب ولكن الرد على ذلك معروف لهم وهو رفع قضية وكسبها بحكم هذا القانون البالى ورغم ان مثل هذه القضايا فى الغالب يكسبها من يرفعها الا ان الوزارة لا تغير موقفها وكذلك القانون لا يتغير , والاجدى طالما هذا هو الموقف فى وزارة الصحة ان يتم تغيير القانون حتى يكون هناك توافق بين ما هو منطقى ومطلوب وبين القانون.
كما اننى الفت النظر الى التناقض الحالى فى القانون السارى الان برقم 415 لسنة 1954 فى شأن مزاولة مهنة الطب مع قانون تنظيم ممارسة مهنة التحاليل الطبية حيث تنص المادة الاولى من قانون مزاولة مهنة الطب على انه لا يجوز لأحد أخذ عينة من العينات من جسم المرضى الادميين للتشخيص الطبى المعملى الا اذا كان مقيداً بسجل الاطباء بوزارة الصحة وبجدول نقابة الاطباء البشريين. والسبب فى ذلك انه يوجد عينات لا يمكن الحصول عليها من المريض الا بواسطة طبيب بحكم انه تم تأهيله لهذا العمل خلال فترة دراسته الطويلة على الجسم الانسانى فالعينات بالمعمل ليست قاصرة على الدم والبول والبراز ولكن يوجد عينات اخرى يتم الحصول عليها من اماكن مختلفة بالجسم الانسانى وغير مصرح لغير الطبيب بحكم هذا القانون من محاولة ذلك والا وقع تحت طائلة القانون....
الامر يحتاج الى مواجهة من اجل صحة الانسان المصرى اولا واخيرا فالمشكلات الصحية التى تحدث للناس بسبب هذه المعامل والتى قد تصل الى حد التسبب فى ان يفقد مريض حياته ليست امرا من الممكن تركه دون مواجهة ..
ويهمنى فى النهاية ان افصل بين ثلاثة امور : ملكية معمل وادارة معمل والعمل فى داخل معمل .. وما يقلقنى ليس الملكية وليس العمل ولكن مدير المعمل الذى يجب ان يكون خريج كلية الطب البشرى وحاصل على دراسات عليا فى هذا التخصص الذى لم يعد بسيطا كما كان منذ عشرات السنين

28/01/2017

مساء الصحه

بقع بيضاء على الأظافر
الرغبة الشديدة للأملاح أو السكريات
الإسهال
نقص الطاقة
الإصابة بنزلات البرد بشكل مستمر
طنين الأذن
التركيز بصعوبة
ضعف الأعصاب
التئام الجروح ببطء
خلل في الذاكرة

31/12/2016

06/10/2016

بمناسبه مبادره الشعب يأمر يسرنا ان نبلغكم ان معامل الطبيب بتشارك بالمبادره
وهناك خصم ٢٠٪‏ علي أي تحليل

06/10/2016

كل عام ومصر واهلها بخير

02/10/2016

كل عام وانتم بخير

01/10/2016

خمسه اكلات تقي من الامراض
صباح الصحه
https://www.facebook.com/AmrKhaled/videos/10154864050671165/