Mahmoud Ghamry

17/09/2024

26/06/2023

اذكركم واذكر نفسى اهم يوم فى السنه يوم عرفه اغتنمو الفرصه محدش يضمن هيكون موجود السنه اللى جايه او لا
وندعو لبعض بظهر الغيب ربنا يكرمكم جميعا ويجعل الجنه مثواكم اجمعين .

03/08/2022

ازاي تحسن وظائف الغدة الدرقية وتعلي الحرق؟

الجزء الأخير..

تغير زيت الطعام العادي اللي بتستخدمه في الطبخ هيكون له تأثير إيجابي على الغده الدرقية.ممكن نستعمل مكانه مصدر صحي للدهون من عائلة medium chain-triglecride و احسن مثال على النوع دا هو زيت جوز الهند لأنه بيحتوي على نسبه عاليه من اللوريك اسيد اللي بدوره بيساعد علي تحسين الحرق بشكل ملحوظ ، و لو جيت تقارن بين زيت جوز الهند و long chain-triglecride زي الزبدة مثلا هنلاقي ان زيت جوز الهند هيحسن معدلات الحرق في جسمك بشكل كبير
و فيه دراسه اتعملت عم الموضوع ده و كانت نتيجتها ان الناس اللي بدأت تستعمل جوز الهند بإنتظام معدل الحرق اتحسن بنسبه 5%
و دراسه تانيه قالت إن التحسن ده هيكمل معاك لست ساعات.

و كمان فيه meta analysis اتعمل على مجموعه من الناس و كان استنتاجه ان استبدال الزيت العادي بزيت جوز الهند ساعد الناس على خساره الوزن من غير اي تأثير سلبي على الكوليسترول، بل و انه ساعد على تحسين معدل الكوليسترول النافع HDL ف بالتالي قل عندهم احتماليه الإصابه بأمراض القلب.

شير لو استفادت،وفولو لو مهتم بتحسين صحتك.

By:elghamry team

26/07/2022

إزاي تحسن وظائف الغدة الدرقية وتعلي الحرق؟

الجزء التاني..

الزنك من المعادن المهمة اللي بتساعد علي تحسين وظائف الغدة الدرقية لأن ليه دور كبير في تحويل هرمون T4 للصورة النشطة منه T3،وبالتالي عدم وجود زنك كفاية في جسمك ممكن يؤدي إلي تأثيرات سلبية.

وده تم ملاحظته في دراسة أثبتت إن اخد مكمل الزنك هيزود مستويات هرمون T3 ويزود الحرق،واحد من الأشخاص اللي كانوا مشاركين في الدراسة كان عنده نقص في الزنك وبعد ما اخده في صورة مكمل بانتظام لمدة شهرين معدل الحرق الأساسي زاد ٥٢٧ سعرة حرارية يومياً
وبعد اربع شهور زاد بمعدل ٩٩٢ سعرة حرارية في اليوم.

أتأكد إنك بتستعمل مكمل الزنك ٢٥ مج يومياً علشان الحرق عندك يوصل السما..

شير لو استفدت...

By el ghamry Team

23/07/2022

كل يوم نتيجه مرعبه
للاستعلام ابعت رساله علي الخاص

23/07/2022

ازاي تحسن وظائف الغده الدرقية و تعلي الحرق؟

الابحاث اثبتت أن هرمونات الغده الدرقية ليها تأثير كبير علي معدل الحرق في جسم الانسان ،فيه معادن مهمه جداً بتحسن وظائفها علي رأسهم معدن اليود لأن الغده الدرقيه بتستخدمه في إنتاج هرموناتها لاكن المشكله الكبيره أن وفقا لمنظمة الصحة العالمية ٣٥٪ من سكان الكوكب مبيخدوش يود كفاية و بالتالي عدم اخد كفايتك منه هيؤدي إلي قلة انتاج هرمونات الغده الدرقية وده بدوره هيقلل معدل الحرق الأساسي في جسمك (BMR).

دلوقتي معظم الناس بتلجأ للملح كمصدر لليود،لاكن ده مش كفاية سواء كنت بستعمل ملح البحر أو ملح عادي اللي اللي بالمناسبة مفيش فرق بينهم،فتأكد انك بتستعمل ملح مشبع باليود علشان تتفادي المشكلة دي وربنا يسترها عليك..

شير لو استفادت..

فولو واستني الجزء التاني

By el ghamry Team

20/07/2022

٤ نصائح لو طبقتهم هيساعدوك علي التخلص من الانيميا..

-لازم تضيف الأكلات الغنية بالحديد زي المكسرات والشوفان والبقوليات والسبانخ والبروكلي.

-لازم يكون فيه مصدر لفيتامين سي في كل وجبة علشان يحسن امتصاص الحديد،زي الفلفل الالوان اللي بالمناسبة اكبر مصدر لفيتامين سي في الاكل.

-تجنب شرب القهوة والشاي واي منتجات تحتوي علي الكافيين،خصوصاً جنب الأكل،لان مادة الكافيين بتصعب امتصاص الحديد.

-اشرب ١-٣ كوب لبن يومياً أو زبادي وتأكد أنك متخلطهمش مع اي شئ بيحتوي علي الحديد،لأن الكالسيوم بيأخر امتصاص الحديد (heme iron)

شير لو استفدت.
By Ghamri Team