What are the opening hours?

Monday 10am - 7pm Tuesday 10am - 7pm Wednesday 10am - 7pm Thursday 10am - 7pm Saturday 10am - 4pm Sunday 10am - 6pm

https://www.facebook.com/931494753684445/

LEAD your Life - spiritual coach and energy healer, Fifth settlement/tagamoa, Cairo (2025)

29/11/2025

لما توصلى لمرحله ان الفكرة فى دماغك
و مش عارفه تلاقى الكلمه اللى تعبر عنها
لما توصلى ان الكلام على لسانك و مش قادره تنطقيه
لما توصلى لإحساس ان السكوت احسن لان الكلام مفيش منه فايده
لما تحسى انك بتعيدى و تذيدى فى نفس الوجع
و هو مش دريان
لما تبقى عطشانه لشويه اهتمام و حنيه
لما تلاقى نفسك بقيتى مش من الأولويات
لما يبقى بيضغط عليكى و يمسكك من أيدك اللى بتوجعك
لما تكون الفضفضه مع صاحبتك اريح لك من الكلام معاه
لما تبقى واقفه على طراطيف صوابعك
و بتحسبى كل كلمه قبل ما تتقال

ايوه..... ليه بقى كل ده؟؟؟؟؟

هو انتى قبلتى كل ده ليه؟
عديتى كل ده لحسن ايه يحصل؟
خايفه تواجهى؟ هيضربك؟ هيسيبك؟
هيبتزك؟

امال هو بيعمل ايه دلوقتى؟؟؟
مهو فعلا بيدمرك و بيقضى على احساسك بنفسك

هتقفى امتى و تقولى لا
مستنيه ايه علشان تكسبى نفسك

حبى نفسك كفايه و تسمحيش لحد يضايقها
قولى كفايه

#كفايه # ظلم #
Nazli El Said
LEAD your Life - spiritual coach and energy healer

27/11/2025

دائما بيقولوا حب نفسك و دلعها

و بيتكلموا عن انك تخرج و تتفسح و تاكل و تنام
و ترقص و تهيص

حلو كل ده

لكن كلمنى عن اختيارتك
تقعد مع مين ، تتكلم مع مين
تشارك مين و تبعد عن مين

دلع نفسك كمان بانك تقدرها
و تختار لها اللى يريحها
و اللى تحب تشوف نفسك بعينه
اللى بتعرف تكون براحتك و على راحتك وانت معاه
اللى تطمن له و يطمنك دايما
اللى اختارك و اكتفى بيك عن باقى اختياراته
اللى تحب نفسك و انت معاه

Nazli El Said
LEAD your Life - spiritual coach and energy healer

26/11/2025

ليه عايز تسكتها ؟

حضرتك شايف أنها حساسه بزيادة
و انها بتتكلم و تعبر بعمق عن مشاعرها ؟

طيب خلينا نتفق .. ان دى ميزه مش عيب

لكن المشكله
ان حضرتك ماعندكش ادوات التعامل مع مشاعرها
فبتكون مش فاهم تعمل ايه،
اما هى بتعبر و تتكلم عن اللى بتمر بيه
علشان كده كل ما هى بتكون عندها مشاعر
و عايزاك تسمعها .. كل ما حضرتك تقفل
وتصد و تنسحب

و بالتالى بيكون شبه مستحيل انك تتناقش معها
عن اى كان اللى هى بتمر بيه

مفهوم طبعا ان هدفك
هو السلام و الراحه و السعاده
و اما هى بتعبر عن مشاعها ده بيحفز عندك
عدم التفاهم و قله السعاده و بتجرى تمنعها
و تقفل عليها و تحاول التخلص من المشاعر دى فورا
ظنا منك انك كده بتحافظ على راحتكم و سلام العلاقه
لكن الحقيقه انت بتكبتها و تخليها تخزن و تبعد عنك عاطفيا يعنى بتخلق قنبله موقوته.. بدل ما تعبر و تكون انت لها الملجأ و الحبيب

هى بقى بتحس انك مش شايفها
و انك بتنكر عليها مشاعرها
( صدقنى ده خطر جدا) لانه بيؤدي للخرس العاطفى
و الصمت و انهاء التفاهم و الحب بينكم

الحل ان فى اى مره هى زعلانه او مخنوقه
و جت تعبر لك و تتكلم معك
اسمع .. ايوه بس اسمع و رد انك متفهم و حاسس بيها
هتتفاجئ انها هديت و مشاعرها بدات تستقر
و هترجع لحاله السلام تلقائيا
و هتبدأ تتعامل مع الموقف بمنتهى الحكمه

جراح الطفوله و خصوصا عدم الحصول على الحب الغير المشروط من الاب او الام
بيخلق حاله من الانسحاب و الهروب من مشاعر الشريك و بتكون ثقيله علينا قوى لانها بتفكرنا بما افتقدناه فى طفولتنا و لم نُشبع به( القبول لمشاعرنا و الحب الغير مشروط) و من كتر الوجع بنحمله هو مسؤليه كل شئ

عموما بيكون صعب علينا نسمع الاخر
اما مشاعره بتخبط عندنا او لما بنكون مش عارفين هنعمل ايه بالمشاعر دى
فبنشوف انها خطر بيهدد سلام العلاقه

على العكس تماما .. العلاقه الامنه المستقره
بيكون فيها مساحه للتعبير عن المشاعر
و احتواءها من قِبل الشريك

ده بيخلق نوع من الاطمئنان ان المشاعر هيتم التعامل معها بصوره ملائمه و هتُحترم.. يعنى اى كان الوضع هناك تفهم و امان و سلام و بالتالى الراحه و السعاده

Nazli El Said
LEAD your Life - spiritual coach and energy healer

25/11/2025

ايه رأيكم
نكون احنا البدايه و نقف ضد العنف
و نقول لا للعنف ضدنا و ضد بناتنا

يالا نكون احنا البدايه بنفسنا

احنا الأمهات و الستات ، احنا السكن و البيت و احنا القوه و العزيمه و الطاقه الإيجابية لولادنا و لكل اللى حوالينا

نعاهد نفسنا إننا مش هنقبل اى عنف بعد كده

العنف ممكن يكون بالكلام، بالضرب، بجرح المشاعر
او حتى عدم الاهتمام

يالا نقدر نفسنا 💕

Love u all sweet .. strong ladies 💕💕

23/11/2025

"لم يأتِ المتعاطفون (Empaths) إلى هذا العالم
ليكونوا ضحايا، بل جئنا لنكون محاربين.
كن شجاعًا. ابقَ قويًا.
نحن بحاجة إلى تكاتف الجميع."
- أنتون سانت مارتن

الحقيقه هى نعمة ونقمة.
المتعاطف (Empath) يكشف روحه علشان ينقذ.
هم ملائكة الأرض و ربنا بيحفظهم و يكافأهم في المقابل. هم حقيقى محاربين و بيقعوا 'ضحايا' في الحب.
المتعاطف المتمرس عنده القدرة على الاحتراق ثم النهوض مره اخرى
ايوه طبعا، يستغلهم النرجسيين اللى بيحاولوا إنقاذهم.
علشان كده هى نعمة ونقمة.
المتعاطفين هم محاربون لنصره الحب والنور. 🙌🏻

الطريق الوحيد للحفاظ على التوازن هو احترام الحدود
و عدم التفانى و الغاء الذات فى رحله إنقاذ الاخر

Nazli El Said
LEAD your Life - spiritual coach and energy healer

23/11/2025

اما تكون جاهز ان تكون انت
بكل ما فيك مستعد تسقط جميع الماسكات
هنا فقط تبدا العلاقات السويه

حينما تكون على استعداد ان تسقط دروعك
ان تظهر شخصيتك بدون غطاء
حينما تكون مستعد ان يراك حبيبك كما انت
هنا فقط تظهر شجاعتك .. فانت سمحت لنفسك ان تحس و تشعر

حينما لا تخشى الكسر و لا تهاب المشاعر
عندما تكون حاضرا بكاملك باطنك و ظاهرك

هنا فقط ...تنشأ الموده
تنشأ الرحمه في حضورك الكامل مع شريكك،،،،
بكامل وعيك.،،،
عندما تكون في حضرة من تحب،
بقلبك العاري، بوعيك اليقظ،

كما لو أنك تقول:
(أنا أراك، لا بعيوني، بل بعين الروح..
ان أسلمك قلبى و أنا اثق
انك لن تكسره مع قدرتك على ذلك)

فالمودة حين تسري، تنبت منها الرحمة.،
والرحمة هنا ليست شفقة، بل حكمة القلب
على الاختيار متى يبقى فى حب او يرحل برحمه

متاح الان
حجز جلسات الكوتشينج و التشافى
واتس اب
٠١٠١٠٦٠٢٧٠٢

Nazli El Said
LEAD your Life - spiritual coach and energy healer

23/11/2025

من لطف الله بنا
ان ولا حاجه بتفضل زى ما هي

مش دائما بنشوفها لطف كده
بنقلق من التغيير علشان بيدخلنا فى المجهول
بنقلق من المجهول علشان بيطلعنا من وهم الثبات
بنتمسك بوهم الثبات علشان بيوهمنا بالامان
احساسنا الوهمى بالامان هو جوهر قلقنا من التغيير

لو نعرف ان الامان مش مصدره الثبات،
نرتاح و نتقبل التغيير ... عادى

فى الحياه ، روحك بس هى اللى مكمله معاك
أمانك الوحيد هو الله

الناس تتغير
المواقف تتغير
الاحوال تتغير
اهميتهم عندك تتغير
قلبك نفسه متقلب و بيتغير
معاملتهم لك تتغير حسب المصلحه
و اهميتك عندهم و اللى برضو تتغير

شكلك يتغير
الاراء تتغير
اهتماماتك تتغير
اولاوياتك تتغير
وجعك و حزنك يتغير
حتى فرحك يتغير

مفيش حاجه اسمها ثوابت
الثابت الوحيد هو الله

Nazli El Said
LEAD your Life - spiritual coach and energy healer

22/11/2025

أنا استقبل كل طاقات الحب الغير مشروط من الكون
أنا استقبل كل طاقات القبول و الحب لذاتى
لانى من روح الله 🤍

Nazli El Said
LEAD your Life - spiritual coach and energy healer / Cheen Academy

21/11/2025

المرأه التى تحلمين بها .. هى بالفعل فى داخلك

كونى أمرأه الماظ

المرأة القوية، الهادئة، الواثقة، الحاضرة…
ليست صورة بعيدة ولا نسخة مثالية خارجك.
إنها أنت تسكن أعماقك، تنتظر اللحظة
التي تسمحين لها فيها أن تتنفس.

هذه المرأة ليست حلما يحتاج للركض خلفه
بل حقيقة تحتاج للاستيقاظ.

خدى القرار.. النمو الأنثوي يبدأ من اختيار واعٍ:
أن تتوقفي عن العيش على هامش نفسك،
وأن تعقدي نية العودة إلى حقيقتك.
الأنوثة ليست ضعفا ولا ترفا… بل قوة ناعمة
تنبع من الداخل من علاقتك مع ذاتك أولا.

اسألي نفسك: "أي نسخة من نفسي أريد أن أُفعل

**انت تستحقى تعيشى الحياه اللى تريحك

بتحسى بأنك متوقفه؟
عندك مسؤوليات كتير؟
منتظره دائمًا الوقت المناسب / الشخص المناسب لإنقاذك؟
طاقتك مستنزفه ،معندكيش دافع علشان تبداى؟
التسويف هو شعارك الحالى؟
قلقانه من رأى الناس/مستنىيه موافقتهم علشان تتغيرى؟

يبقى.. لازم نتحرر
تتواصلى مع قوتك و قدراتك الحقيقية
تستعدى لولاده جديده
و انسى بقى كل اللى اتعلمناه و احبطنا

هنبدأ حياتنا كانها حياه جديده علينا

هنبدا دلوقتى مش بعدين.. تجربه هتاخد حياتنا لنقله تانيه

حياه انت اللى بتديريها مش هى اللى بتتحكم فيك

هنفهم الحياه كما ينبغى ان تكون

ايوه...
هنتعلم ازاى ترجعى تثقى فى نفسك
و تحققى غايتك و اهدافك فى الحياه

***محاضره مجانيه تعريفيه بالكورس
قبل الكورس

كورس لمده يومين على زووم
لمزيد من التفاصيل و للحجز:-

واتس اب ٠١٠١٠٦٠٢٧٠٢
٠١٠١٦٧٤٩٣٤٧

Nazli El Said
LEAD your Life - spiritual coach and energy healer

21/11/2025

اصلك انتى قويه !
هى الست القويه بتتقدر؟ طيب بيطبطب عليها؟

لما بيشوفوا ست باين عليها انها صامدة بيقولوا عليها قويه
و بيفتكروا انك مش محتاجه حاجه و لا اى حد ..
و انك تقدرى تستحملى اى حاجه و لو حصل مشكله ليكى كده كده هتتخطيها.. ما انتى قويه

وانك مش محتاجه تتسمعى ولا يهتموا بيكى و يطبطبوا و يحتوا.. ما انتى قويه و مكمله عادى ..يطبطبوا ليه!

لما بيشوفوا انك قويه بيلجأوا لك بس علشان تساعديهم و تخففى عنهم و تسمعيهم و بيعتقدوا انك مش محتاجه تتسمعى انتى كمان

اصل الست القويه مش بنحتاج نسألها أخبارها ايه!
لو تعبانه او زعلانه او محبطه او حتى خايفه ،
المهم انها متواجدة لما تتطلب، ذى النور وسط العتمه او الصخره فى نص البحر

الست اللى فهموها وصنفوها على انها قويه مش مسموح لها تغلط ..علشان هى قويه
لو انهارت بيقولوا عليها قليله الادب و لو اتنرفزت بتكون عصبيه

لو اختفيتى ثوانى بيكون غيابك ملحوظ ، لكن طول ما انتى متواجدة فده الطبيعى و العادى

القوه النفسيه و العزم المطلوب ليكى علشان تكونى الست القويه دى ، مش مشكله حد ولا يهمهم يعرفوا بتجبيها من فين حتى

علشان كده خلى بالك من نفسك و ماشيليش فوق طاقتك.. مش دايما القوه مطلوبه ..نفسك اهم كتير

يالا كلنا نقدر الست القويه اللى فى حياتنا ..اصلها زيينا بتحتاج الحب و الحنيه و الاحتواء و التقدير و السمع علشان تقدر تفضل قويه علشان نفسها و علشنا و حتى لو هى ما طلبتش ده

https://chat.whatsapp.com/IaOt0ORhSZr1pRQJ8UVEIC?mode=wwt

💞💞💞💞💞💞💞💞💞💞💞💞💞💞💞

21/11/2025

اوعى تنسى

انتى تقدرى و كفايه و مش محتاجه تسعى للقبول من اى حد

انتى لوحدك كفايه
انتى لوحدك تعرفى و انتى اللى بتكملى اى حد

اوعى تصدقى انك ناقصك حد او انك محتاجه دعم من اى حد
الست اللى بتقدر على الحمل ٩ شهور و الولاده اللى وجعها يساوى وجع تكسير العظام ، اكيد تقدر على اى حاجه

بيحاولوا يقنعوكى انك عيب و انك غلط و انك مش لازم و ناقصك حاجات كتير لكن خليكى فاكره ان ربنا كرمك
(هم صحيح ليه بيعملوا كده🤔)

طيب جربى كده تشيلى ايدك من اى حاجه لمده يوم واحد و اتفرجى هيلوصوا و يتلخمًوا ولا هيعرفوا يعملوا ربع اللى بتعمليه

ايوه ادى و خليكى معطاءة لكن الاول خليكى فاكره انك كفايه و قويه و تقدرى علشان ما يتصربش ليكى ابدا الاحساس بالضعف و النقص و الاحتياج

الفكره مش ظل راجل و لا ظل حيطه.. انتى تستاهلى راجل يقدرك مش حيطه.. اختارى الراجل اللى يقدرك

انتى كفايه و هتقدرى 💕💕

Nazli El Said
LEAD your Life - spiritual coach and energy healer

19/11/2025

💫 نحن بحاجة إلى نساء معالجات 💫

💫نحن بحاجة إلى نساء معالجات مررن بالجحيم وعدن، حاملات معهن البراءة والنقاء.

💫نساء يرين الروح ويستمعن إليها، ويتنفسن ترددات الحب، والكلمات السحرية، والأغاني الناعمة.
نساء يستطعن مداعبة الروح.

💫يمسكن بيد طفل جريح، وفتاة جريحة ويرفعنهما لينظرا إلى السماء.

💫 نساء يتحدثن إلى الأشجار، والأحجار، والحيوانات، والجبال، والمياه، ويستمعن إليهن، ويفهمنهن، ويقدمن لهن المشورة. إنهن يساعدنهن ويدعمنهن.

💫نساء عالجن جروحهن العاطفية، وتجاوزن العنف، وبنين احترامهن لذاتهن، وتعلَّمن حب أنفسهن، والحب، وقول "لا".

💫 نساء يعرفن الأعشاب، والزهور، والفنون السحرية، وتعلَّمن ألا يشعرن بالخجل.

💫نساء تُرافقهن صفوف من الملائكة حين يتحركن، وتكون حركتهن أشبه برقصة طاقة، على مستويات مختلفة.

💫نساء لم يعدن ضحايا، بل خيارات فاعلة.
💫نساء يمكنهن مساعدة الأرواح الأخرى على التحرر، ويمتلكن الفن المقدس للشفاء، وثمار رحلة طويلة من التعافي.

💫نساء يعبِّرن عن أنفسهن بتواضع،
لأنهن لم يعدن بحاجة إلى أن يراهن الآخرون،
لقد أصبحن واعيات بهويتهن.

💫نساء يعرفن من هن، نساء يخدمن العالم.

Nazli El Said

LEAD your Life - spiritual coach and energy healer

29/11/2025

27/11/2025

26/11/2025

25/11/2025

23/11/2025

23/11/2025

23/11/2025

22/11/2025

21/11/2025

21/11/2025

21/11/2025

19/11/2025

Address

Opening Hours

Telephone

Website

Alerts

Contact The Practice

Shortcuts

Share

Monday	10am - 7pm
Tuesday	10am - 7pm
Wednesday	10am - 7pm
Thursday	10am - 7pm
Saturday	10am - 4pm
Sunday	10am - 6pm