https://www.facebook.com/107039142040778/

خيرية ماضي, Damanhour (2026)

29/12/2025

دراسات تؤكد أن إنجاب الأم لأطفال ذكور يزيد من فرص حدوث الاكتئاب و قله التركيز و الزهايمر .

فين أمهات الأولاد؟؟😂

18/12/2025

ليس الحب مع ذويّ الاختلاف اختبارَ شفقة، ولا بطولة أو مغامرة عابرة، بل هو اختيارٌ ناضج، يشبه الوقوف بثبات وسط الزحام ثم الإشارة إلى قلبٍ بعينه. من يختارنا لا يفعل ذلك لأن الطريق معنا أسهل، ولا لأن الأيام ممهَّدة، بل لأنه أبصر ما لا يُرى بالعين؛ أبصر القلب حين يتقدّم على الجسد، والروح حين تسبق الخطوات.

نحن لا نطلب أن نكون استثناءً في الكلام، بل أن نكون حقيقةً في الشعور. نؤمن أن القرب ليس في كثرة الوعود، بل في صدق البقاء، وأن الحب ليس ضجيجًا يُقال أمام الناس، بل سكينة تُعاش في التفاصيل الصغيرة. من يقترب منا بحق، يختار أن يفهم صمتنا، وأن يقرأ ضعفنا كقوة خفيّة، وأن يرى في اختلافنا جمالًا لا نقصًا.

الحب معنا هو أن يجلس أحدهم إلى جوارنا دون أن يشعر بثقل، وأن يمد يده لا ليدفعنا، بل ليقول: أنا هنا. هو أن نُختار حين يكون الانصراف أسهل، وأن نُحَبّ دون شروط، وأن نُحتَوى دون محاولة إصلاحنا أو تغييرنا.
لهذا، من يختارنا وسط الزحام، نفتح له القلب بيتًا لا يزوره العابرون. لأن القلوب التي تعرّفت إلى الوجع، لا تسكنها إلا الأرواح الصادقة، ولا تقبل إلا حبًا يرى الإنسان كاملًا…
بل يراه كما هو.

04/12/2025

🌍 في اليوم العالمي لذوي الهمم.. 5 رسائل دعم لكل أسرة ترعى طفلًا مميزًا.

1️⃣ أثرُكم أعظم مما تظنّون
حنانُكم وصبرُكم يبنيان في قلوب أبنائكم أمانًا لا يُقدَّر بثمن، فأبناؤكم أضاءوا بيوتكم بمعاني الرحمة، وغرسوا فيكم الصبر والإحسان.

2️⃣ ستُبهركم النتائج
كم من طفلٍ قيل عنه "لا يستطيع"، فإذا هو من حفظة القرآن، أو من المبدعين علميًّا وفنيًّا ورياضيًّا، ولكن خلف كل طفلٌ مميز من ذوي الهمم، أسرةٌ واعية مثابرة تضيء له الطريق.

3️⃣ رحلتكم مصدرُ إلهام للآخرين
مواقفكم اليومية رسالة أمل لمن حولكم؛ وتجارِبكم تبني مجتمعًا داعمًا ومساندًا، وقد قال سيدنا رسول الله ﷺ: «المُؤمنُ للمُؤمن كالبُنيان يشُدُّ بعضُه بعضًا». [متفق عليه]

4️⃣ المعرفة قوة
التعلّم جزءٌ من مهمتكم النبيلة؛ فاسألوا المتخصصين، واطلبوا المساعدة عند الحاجة، فالدعم المعرفي والنفسي ركيزتان أساسيتان لنجاح هذه الرحلة.

5️⃣ عطاؤكم صدقةٌ جارية
كل سهرٍ وتعبٍ ورعايةٍ هو صدقةٌ يكتبها الله سبحانه لكم في موازين الحسنات، وقد قال سيدنا ﷺ: «… وتُسمِعُ الأصَمَّ، وتَهدي الأعمى، وتدُلُّ المستدِلَّ على حاجتِه، وتسعى بشدَّةِ ساقَيْكَ مع اللَّهفانِ المستغيثِ، وتحمِلُ بشدَّةِ ذراعَيْكَ مع الضَّعيفِ: فهذا كلُّه صدقةٌ منك على نفسِك».

29/11/2025

دور الاخصائي📌 النفسي
ودور الاخصائي📌 الاجتماعي في
المدرسه

29/11/2025

اذا خرجت من علاقة ( انفصال/ علاقة عابرة )

1_ اول حاجة هتعملها هتبعد مباشرة عن أى حاجة تخص الشخص السابق في حياتك سواء ( بلوك علي مواقع التواصل / ابعد عن الصور / متفتحش شات قديم بينكم )

2_ دايرة الأصدقاء المشتركين أخرج منها .. بمعني لو في بينكم أصدقاء مشتركين .. تعاملك معاهم يكون في العادى ولو عرفت تتخلص منهم او تنزلهم عن دايرة المقربين يبقى كويس جدا ليك

3_ اي مكان متواجد فيه الشخص دة .. او محتمل يكون متواجد فيه ابعد عنه بكل ما أوتيت من قوة .. متحاول تروحوا اماكن كنتوا بتروحوها سوا .. او أنك ترجع ذكريات لمجرد بس بتفكرك بية

4_ أتعامل كشخص ( نجى من شخصية سامة ) مش كـضحية علشان في ناس بتعشق دور الضحية وبتحب أنها تفضل في مكانها منتظرة مثلا حقها يرجعلها او الشخص يرجعلها دة هيضيع وقت كبير هتبقي شخص ( منتظر علي اعصابة / هتعيش في حزن شديد جدا ملهوش نهاية )

5_ مارس حياتك بشكل طبيعى .. بحيث أنه ( اه قلبي واجعني / أه محتاجة / واحشنى / نفسى اطمن علية ) بس عندي قايمة مهام يومية لازم انى انجزها ( شغلي / بيتي / تحضير اكل / نضافة / مشاوير / ولادي / اهتمامي بنفسي / وقت لصحتي ونفسيتى افكر فيها )
انجز كل اعمالك اليومية بجدية .. وارجع اوضتك اتفاهم مع نفسك

6_ الوقت اللي هترجع فيه اوضتك متعاتبش نفسك علي مواقف كان مفروض ترد فيها رد معين ، ولا ابدا تلقي اللوم علي نفسك انك معملتش كذا علشان المركب تمشى ( لو ربنا كان رايد المركب تمشي كانت مشيت بكلامك او من غيرة فبلاش ترهق نفسك في اللوم علي نفسك .. ومتحملش نفسك اكتر من طاقتها دة قدر ربنا

7_ حذاري انك ابدا تفكر في انك تبرر للشخص حيونته ( يعني تبرر له انه عاملك مش كويس عشان عصبي مثلا / اهملك / حسسك بقيمة اقل / افقدك الثقة في نفسك / خانك / فضل عليك غيرك / ساومك يا تعمل كذا يا يتقمص ويزعل ) متبررش انة مثلا كان ليه عذر في فعل معين اساء ليك .. او عشمك بيه زي انك تنتظر شخص يتقدم لك ويفضل يأجل وفي الاخر يقولك ربنا يوفقك وانتي تبرري انه ( يا حرام عشان ممعهوش فلوس ) ..

8_ اهم نقطة بالله عليكم .. الشخص المتجوز اللى بيوقع ( انسة / مطلقة / ارملة ) في طريقة ويبهرها باهتمامة ويحسسها انة شاريها ( حلال وبيحبها ) .. ويفضل يعشم فيها ويقولها اصل مراتى مبحبهاش .. مراتى قاعد معاها عشان العيال .. مقدرش اطلقها عشان اهلى ..

دة لو عرفتى تـ😷 في وشة اعملي كدا اقصد يعنى .. تصرخي في وشة 😂 .. دة شخصية قاتله حرفيا بيدمرلك حياتك شخص تخريبي .. لا يريد بيكي خير لعنه الله علية ( دة شخص مرتاح مع مراته ومعاه ولاد او مش معاه .. بس " نسوانجى " كزانوڤا " بيحب ينوع .. كلامة حلو ويعرف يصطادك من خلال ظروفك .. ويشغلك حياتك .. وهيقدر يقنعك بمنتهي السهولة انه ياخد اللى عايزة .. ومن ثم يبقي الحال علي ما هو عليه دة لا هيتقدم عشان يخطبك او يتجوز .. ولا هيمشي ويسيبك في حالك .. دة هيخرب حياتك حرفيا هيفضل فيها هيمنعك تعيشي مع غيرة ومش هتعرفي حتي تعيشي معاه .. هتفضلي حاسة ان ملكيش قيمة حاجة كدا مستخبية مجرد دفتر في حياته بيفتحة ويقفلة وقت ما يحب .. وملكيش اي حقوق عنده بالرغم من انك عطيالة كل الحقوق ..) .. دة شخص سام قاتل حذاري من التعامل معاه

9_ رتبى يومك وحياتك عليكي وعلي مقاسك .. اوعي تغلطي وتحكي لاى حد عشان مترجعيش تعملي لنفسك مشاكل وتحكي اسرارك لحد متعرفيهوش خلي مشاعرك واسرارك مع ( حد ثقة / معالج نفسي او لايڤ كوتش يساعدك علي تخطي المرحلة )

10_ يوم ما تخرجى وتتكلمي مع صحابك او قرايبك متخليش محور حديثك ( عن الشخص السابق في حياتك ) سوا بالسلب او الايجاب فكرى انتي هتعملي اية ليكي ؟! هتاخدي خطوة في حياتك ازاي

11_ الافكار اللي بتجيلك علي مدار اليوم وخاصة قبل النوم ارفضيها باي شكل .. متخليش عقلك ركزي معايا ( يتخيل انه صالحك / حضنك / قبلك ) اللحظات دي عقلك بيفرز هرمون( نورإنبينفرين او نورادرينالين ) هرمونات ادمان فأنتي كدا ضعتي حرفيا مش هتعرفي ترجعي هتلاقي نفسك تلقائي بتحني .. وبتفكي البلوك ورايحة تصالحية او تتذللي لية يسامحك ويرجع 😑

12_ دايما متختليش بنفسك .. بشكل مؤذي بمعني متعيطيش لوحدك ، متقعديش وحدك تلومي نفسك مع افكارك السيئة .. بالعكس اقعدي في مكان فيه ناس بس لو هتنعزلي عنهم انعزلي بهاند فري ونوت او مذكرة واكتبي شعورك فيه مش لازم يكون مرتب محدش هيشوفة غيرك بس هتخرحي طاقتك السلبية

13_ علاقتك بربنا أن ( صلحت صلح حالك .. وأنت ضعفت فسد حالك ) دايما خلي ورد سورة البقرة يوميا فى حياتك ، الأذكار الصباح والمساء ، التسابيح وللأستغفار ، المداومة علي الصلاوات في اوقاتها ..
( ولو مسيحية .. قربي لربنا بصلاتك وبروحك وقلبك )

14_ كل ما يجي علي بالك الشخص دة وتفكري فيه اطردية من بالك بالاستغفار ، بالصلاه ، قومي غيري المكان ، اعملي اي عمل يلهيكي عن التفكير فيه اطردية من دماغك كأنه شئ مقزز وشاذ وغير محبب ليكي

15_ الچيم وهرجع اقول لو رفيعة او تخينة فأنتي محتاجة لچيم او رياضة في البيت عشان دي بتغير المود حرفيا .. بتحرك جسمك وتعلي نبضات القلب فيحصل تغيير في حالتك .. بتطرد الحالة السلبية جواكي بتطلع علي هيئة طاقة بدنية .. وترجعي جسمك بذل مجهود وتعب فتنامي بأرتياح

16_ جلسات التأمل بتفرق جدا ( تعالي الصبح او اي وقت في مكان وحدك ويكون هادي وشغلي موسيقى هادية وليكن مثلا الموسيقى الصينية للأسترخاء والتأمل وبدأي مارسي التأمل علي حسب قدرتك 10 د ربع ساعة ازيد او اقل ) حاولي دايما ترشى عطر او تشغلي بخور طيب الرائحة جنبك

17_ قوم بدرى .. افتح شبابيك البيت ، ولع بخور ، نضف شقتك ، واخرج امشى او اجرى ، وافطر فطار خفيف متزودش عن نص رغيف مع فنجات قهوة باللبن او تركي او عربي ..

18_ استقبل قضاء اله بقلب راضى مطمئن .. وعلق نفسك بربنا وبس هو وحدة الباقى اللي مش هيسيبك ابدا

19_ متنتظرش أبدا شخص يجي يكملك انت شخص كامل .. عود نفسك تكتفي بنفسك عشان متتعبش في بعد حد عنك

06/07/2025

يعني مش طفل صغير لسه بيكتشف الحياة اللي هنعمله جلسات تعديل سلوك!!!!!! 🤌
المرحلة من ٢ لـ ٦ سنين دي مش مرحلة "نعدل فيها السلوك"، دي مرحلة نزرع فيها صح، نأسس فيها صح، نقعد على الأرض، نلعب، ونحضن، ونسمع، ونفهم.
اللي محتاجه ابنك مش جلسة… اللي محتاجه هو ماما عندها طاقة + مجهود + وقت
والمعادلة دي نتيجتها مش مجرد سلوك يتحسن، لأ…
هتكتشفي مواهب، تنمي مهارات، تبني علاقة، تخلقي تواصل، وهتشوفي حاجات عمرك ما كنتي هتخمني إنها جواه.
تعالي نشوف أشهر ٥ شكاوى… وسلوكياتها المكتسبة:

ابني عصبي!
وانتي صوتك وطباعك في البيت عاملة إزاي؟
لو طول الوقت صريخ وعصبية… هو هيقلد ده ويفهمه على إنه الطبيعي.

عنيد جدًا!
جربتي مرة تسمعيه؟ تديله اختيارات؟
ولا كل اللي بيسمعه "لأ… عيب… كفاية"؟
اللي بيتقفل قدامه الباب كتير… لازم يحاول يفتحه بعنده.

هايبر أكتف
قاعد طول اليوم قدام الشاشة؟ ما خرجش؟ ما لعبش؟
مشكلته مش "هايبر"، مشكلته إن جسمه مش لاقي مساحة يفرغ فيها طاقته.

كذاب!
بيكدب علشان خايف، علشان عارف إنك هتزعقي أو تعاقبي.
طب جربتي تفتحي له حضن بدل باب التهديد؟

ما بيسمعش الكلام
علشان فقد الثقة في صوتك.
لو طول الوقت أوامر ونقد، هيعمل نفسه مش سامع.
لكن لما تحكي له، وتلعبي معاه، وتقربي منه…
هتلاقيه سامعك قبل ما تتكلمي.

خدي بالك… سلوك ابنك انعكاس مباشر لتعاملك معاه
نصايحك في الجيب قبل ما تفكري في تعديل سلوك:

✋ ابعدي عن الفون والشاشات… بترجعك ١٠ خطوات لورا

❌ بلاش صريخ… هو مش كارت ميموري بيخزن، هو بيشرب كل طاقتك

🤸‍♀️ اتحركي معاه… جسمه محتاج يطلع كل اللي جواه بالحركة

⏰ خصصي وقت له، من غير تعليمات… وقت بس يبقى ليه

❤️ اسمعيه، حسّسيه إن ليه صوت… لأنه لما يحس بكده، هيسمعك بجد

وفي الآخر… قبل ما تفكري تجيلي أو تلفّي بابنك على مراكز تعديل السلوك،
جربي المعادلة دي:
طاقة + مجهود + وقت = مش بس سلوك أحسن = اكتشاف كنز جوا ابنك انتي نفسك مكنتيش شايفاه

26/05/2025

ازاي هملي يوم طفلي لما هنمنع الكارتون والتلفزيون والموبايل والتاب والكمبيوتر والانترنت ؟

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل

الوقت المسموح هو ساعتين في الأسبوع و من بعد 8 سنين ممكن ساعة في اليوم لكل أم تخطت الوقت ده بمراحل و ولادها بيقضوا ساعات من يومهم قدام الكرتون

بغض النظر هو كويس ولا لأ حتي لو مقعداه قدام قناه تعليمية للأطفال و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه

لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات طيب اصل هما بيزهقوا العب معاهم ايه ؟

طب هلهيهم في ايه لحد ما اخلص اللي ورايا؟

دي افكار تساعدك :
*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه

1-مشاركة في تنظيف أو ترتيب البيت
2-احكوا حدوتة
3-اعملوا مسرح عرايس و خليهم هما يعملولك القصة و انت اتفرجي
4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب :D , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع

5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد

6-تتفرجوا علي فيلم قصير او كرتون عن قيمه معينه و تتناقشوا فيها

7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟

8-بازل فيه من اول ال 4 قطع لحد ال 300 قطعة و اكتر

9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها

10-تقليد اصوات كل واحد يقلد صوت حيوان او حاجة و الباقي يخمنوا
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)

12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة

13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن ^_^

14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس

15-أي حاجة يدوية شوية خامات الطفل يطلع منها حاجة

16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون

17-مخييم في الصالة :D مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم

18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا :D

19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...

20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط

21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن :D ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب :D

22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه ^_^ و لازم تبقي متقنة يعني كل ما الام تتقمص اللعبة هتحلو

23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق حته (نبعد عن عجينه السكر لأن سكرها عالي و اي سكريات كتير بتهيبر الطفل)

24-الميك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يغني ,يحكي حدوتة ...فقرتك كأم ممكن تحمل رسالة غير مباشره عن اللي تحبيه

25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل

26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجي و تعملوا منيو الاسبوع فطار غدا عشا مكتوب و متعلق

ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجي و بس

و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص

و ده ينطبق علي.... باقي الايام لو الاب.... مبيحبش حاجة الطفل مختارها برضه هياكل باقي الموجود و ميتعملوش مخصوص ...

27-عكس الادوار : لمدة ساعة مثلا ابنك ياخد دور ا

31/12/2023

كل الشكر والتقدير لرئيس مجلس إدارة موطنى الدوليه على الشهادة المتميزة الجميلة وكل التحية لفريق العمل الإعلامي المتميز بجمهورية مصر العربية ولكم منى جزيل الشكر والاحترام والتقدير 🌹🙏

01/10/2023

نموذج مشرف💌🙏🏻🕴️
تعظيم سلام لبديوي الرجل المناسب فى المكان المناسب
_____________
شرف لمحافظة البحيرة بأكملها أن يكون رئيس نادي العاب دمنهور شخصية ونموذج عملى وشبابى ناجح ومجتهد فى فترة بسيطة جعل النادي شبيه باندية القمة والكبار الأهلى والزمالك وهذا ما صرح بها معظم أعضاء الجمعية العمومية والسادة أعضاء النادى يجب على الجميع أن يحافظ على هذا النموذج المشرف والأمين والفعال والعاشق لمسقط رأسه دمنهور محافظة البحيرة والمحب لعمله بفكر متطور وحديث إنه الايقونه رئيس نادى العاب دمنهور الاستاذ وليد بديوي .
ولكن كل شجرة على أرض مصر مثمرة على أرض مصر وتحديدا محافظة البحيرة تقذف بالحجارة ومن لم يكن. له حاسد أو حاقد فهو ليس بناجح أما أن يتحدث شخصا ما أو أشخاص عن فساد داخل النادى فمن الطبيعى والمتبع أن يكون من خلال مستندات وادله واضحة وقانونية امام الرأى العام والمنوطين بذلك أو تصمت للابد أو تقل خيرا وتدع الملك للمالك .واتقوا يوم ترجعون إلى الله عز وجل ٠٠٠٠٠٠٠٠
بديوى على المستوى الشخصي والاهل والاصدقاء والزملاء يشهدوا له بالأخلاق الطيبة والأصول العاليه والكل يشهد بذلك.. بالنيابه عني وعن موظفين وعاملين النادي ندعم هذا الكيان الكبير وهذا الرجل الخلوق وصاحب الضمير المهنى والإنسانى والخيرى والسياسى وعاشق للوطن والصالح العام ٠٠٠الان أصبح شعار معظم أعضاء النادى والشارع البحراوى كلنا وليد بديوى٠٠سر للامام على بركة الله ولا تنظر للخلف لاشباه الرجال واقزام الفوم. تحياتي لشخصك الكريم والراقى والمميز يا وليد يا بديوي يا حبيب. الملايين ٠
وفقنا الله وإياكم لما يحب ويرضى ٠٠٠٠🙏🏻🎙️✍️

25/04/2023

التشتت الذهني و ما هي أسبابه :

1- الحالة النفسية: الخوف، القلق، التوتر، الاكتئاب ، ...
2- فتح ملفات كثيرة بالعقل بنفس الوقت
3- كثرة ضغوطات العمل أو الواجبات مع ضيق الوقت
4- قلة النوم
5- التفكير الزائد وخصوصاً بالامور البسيطة و غير المهمة
6- العيش بالتفكير بالماضي أو المستقبل بشكل مفرط
7- عدم معالجة المشكلات العالقة أول بأول
8- كثرة نقاط الضعف في الشخصية مع عدم القدرة على التغلب عليها
9- الآثار الجانبية لبعض أنواع الادوية
10 - نقص ببعض الفيتامينات و المعادن

علاج التشتت الذهني :

1- العادات الايجابية
2- العادات الصحية (الغذاء الصحي، النوم، الرياضة)
3- التخطيط والتنظيم الجيد و إدارة الوقت و الأولويات
4- ممارسة تمارين الإسترخاء
5- العمل و الأخذ بالاسباب و التوكل على الله عز و جل
6- التركيز على العيش بالحاضر و اللحظة الحالية و الإستمتاع بكل دقيقة من حياتنا
7- ضبط النفس و المشاعر و الإنفعالات المفرطة

10/04/2023

✅إذا أخذت 100نملة سوداء و 100نملة حمراء ووضعتها في وعاء زجاجي فلن يحدث شيء!
✅لكن إذا أخذت الوعاء وهززته بعنف فسيبدأ النمل في قتل بعضه البعض! يعتقد النمل الأحمر أن الأسود هو العدو بينما يعتقد النمل الأسود أن الأحمر هو العدو بينما العدو الحقيقي هو الشخص الذي هز الوعاء.
✅‏قبل أن نختلف ونتخاصم يجب أن نسأل أنفسنا من الذي هز الوعاء؟؟! ▪️هناك عائلات تفرقت وأصبحوا أعداء وهناك أصدقاء تباعدوا وأزواج تطلقوا وأخوة تنافروا
🔴 بسبب شخص هز الوعاء بالغيبة_والنميمة_والكذب_والفتنه_والتوقيع_ونقل_الكلام!
📌حافظوا على أحبابكم
ولا تسمحوا لاحد بهز وعاء الألفة والمحبة والتآلف بينكم.....👌🏻💜

16/03/2023

خلينا نتفق إن وجود راجل البيت جمب مراته وعياله بيحميهم ويساعدهم ويدلعهم ويقضى حاجتهم ويحسسهم بالأمان، واحدة من أهم النعم اللي ممكن ربنا ينعم بيها عالأُسرة..
فيه جملة مشهورة بتقول "كفاية حِسُه في البيت" ودي جملة حقيقية جدًا، لأن فعلًا الزوج أو الأب حتى ولو مابيعملوش حاجة، بس وجودهم بيضفي عالبيت كله شعور بالأمان والإطمئنان..
ربنا يخلي آباءنا وأزواجنا وأبناءنا ويجمع شمل كل مشتاق يارب.

خيرية ماضي

29/12/2025

18/12/2025

04/12/2025

29/11/2025

29/11/2025

06/07/2025

26/05/2025

31/12/2023

01/10/2023

25/04/2023

10/04/2023

16/03/2023

Address

Telephone

Website

Alerts

Shortcuts

Share

Category