30/12/2025
هل القطة بتتربّى لو ضربتها؟🤔
كتير بيفتكروا إن القطة هتفهم غلطها لو اتضربت 😿…
بس الحقيقة العلمية؟
الضرب بالنسبة للقطة مش “تربية”… ده تهديد وخطر❗
📍طيب خلينا نوضح القطة بتشوف الضرب إزاي؟
القطة مش بتربط بين اللي عملته وبين العقاب.
هي بس بتحس إن الشخص اللي بتحب بقى مؤذي فجأة!
والنتيجة؟
❗خوف
❗توتر
❗هروب منّك
أو حتى هجوم دفاعًا عن نفسها 😾💥
وفقدان ثقة صعب جدًا يرجع! 📍طب إيه اللي بيعلّم القطة بجد؟
القطة بتتعلم بـ الذكاء مش بالعنف زي:
✨ المكافأة… لما تعمل الصح
القطة عبقرية في ربط “الحاجة الحلوة” بالفعل اللي عملته 😺💛
✨ التجاهل… لما تعمل الغلط
التجاهل أقوى بكتير من العقاب.
✨ بديل مناسب
لو بتخربش او بتعض… إدّيها لعبة تمضغها.
✨ الهدوء والحنّية
القطة بتتعلم من الشخص اللي بتحس معاه بالأمان 🐾💗
✨ ربط الفعل باللحظة نفسها
القطة عندها ثانيتين بس تستوعب فيهم…
اتأخرت؟ مش هتفهم.
✨ تفريغ الطاقة قبل ما تغلط
اللعب 10 دقايق يوميًا ينهي 80% من السلوكيات الغلط 🔥🐱
✨ روتين ثابت ومكان آمن
القطة المؤمّنة = قطة سهلة في التعليم
💡 طرق علمية مهمة للتربية:
📌 Redirecting (توجيه السلوك)
بدل ما نقول “لأ”… نقول “لأ + البديل الصح”.
📌 Removing the trigger
شيّلي اللي بيستفزها بدل معاقبتها.
📌 Play Reinforcement
لو ما بتحبش الأكل، كافئيها بـ 30 ثانية لعب 🪶
يبقا في الاخر نقدر نقول ان اللي لازم كل مربي يعرفه ان :
📌 القطة مش هتتربّى بالضرب…
📌 القطة هتتكسّر بالضرب.
📌 وهتتبنى بالحب، بالمعاملة الصح، وبإنك تفهّمها بدل ما تخوّفها 💗🐱.
