https://www.facebook.com/Drahmedeldeeb11

Dr. Ahmed Eldeeb, Damanhour (2026)

01/02/2026

صورة لجنين في الشهر الثالث من الحمل وذلك بعد الإجهاض الإضطراري نتيجة لتوقف عضلة القلب
طولة 10 سم ووزنة بضع جرامات

01/02/2026

غفر الله لك واسكنك فسيح جناته
ربنا يصبر اهلك وحبايبك يا دكتور احمد
احمد طبيب وصانع محتوي
فجاءة أتشخص التهاب رئوي حاد severe pneumonia
وتوفاه الله خلال ساعات
جعل الله مرضك شفيعاً لك يوم العرض عليه

28/01/2026

من فترة: كنت في زيارة منزلية بكشف على حالة حرجة جداً، وبعد لما كشفت علي الحاله بلغت الأهل إن الوضع خطر ولازم مستشفى فوراً. الرد كان: "مش هننزل دلوقتي، إحنا عندنا ميعاد مع الدكتور بتاعنا كمان يومين!".. مشيت، علشان مفيش بإيدي حاجه أعملها غير إني وضحتلها خطورة الموقف.

النهاردة: جالي زيارة منزلية "لحالة تانية خالص". سواق الإسعاف خد اللوكيشن واتحرك، وفجأة لقيت نفسي قدام نفس البيت بتاع امبارح! السواق غلط في العنوان وراح على لوكيشن الحالة القديمة!

أول ما وصلت، لقيت بنت المريض نازلة بتصوت.. طلعت أجري لقيت جارهم "ممرض" بدأ معاهم إنعاش قلبي رئوي (CPR) قبل ما أوصل بلحظات.. استلمت منه فوراً، واتأكدت فعلا ان مفيش نبض، ركبت أنبوبة حنجرية، أدرينالين، وكملنا الإنعاش والحمدلله رجعله نبضه وصلناه المستشفى.

أول ما الحالة دخلت الطوارئ، المريض فاق، شال الأنبوبة بنفسه وبدأ يتكلم ويستعيد وعيه تماماً!!

• مين اللي خلى السواق يغلط ويروح نفس العنوان؟
• مين اللي سخر "الممرض" يكون موجود في اللحظة دي ؟
• مين اللي رد الروح لجسد كان بينه وبين الموت شعرة؟

ربنا لما بيأذن لروح إنها تعيش، بيسخر لها الكون كله.. بيخلي "الخطأ البشري" وسيلة لإنقاذ حياة، وبيبعت الرزق (اللي هو هنا الشفاء) لصاحبه لحد باب بيته حتى لو صاحبه رفضه في الأول.

"وَمَا رَمَيْتَ إِذْ رَمَيْتَ وَلَٰكِنَّ اللَّهَ رَمَىٰ"
الحمد لله الذي استعملنا ولا استبدلنا، والحمد لله على لُطفه الخفي الذي لا ندركه إلا حين نرى المعجزات أمام أعيننا
د. أحمد أشرف

15/01/2026

❤

10/01/2026

١٢ دقيقة … لو اتأخرنا ثانية واحدة كانت الطفلة دي ممكن متكملش." 🧠😳

طفله عندها ٦ شهور وقعت من على السرير على الأرض.
جات الطوارئ مدروخة، مبترضعش، ورجعت أكتر من مرة.
طلبت أشعة مقطعية على المخ…
واللي شوفته مكانش بسيط خالص:
نزيف حاد داخل المخ.
وأنا راجع لها، حالتها ساءت فجأة، ووعيها بدأ يقل.
مسكتها من إيد مامتها، وشديتها على إيدي،
وجريت بيها على العمليات.
بعد 12 دقيقة بالظبط على عداد الساعة
كانت مفتوحة…
والنزيف اللي على المخ اتفرّغ.
قعدت يوم في الرعاية،
وأسبوع في قسم المخ والأعصاب تحت الملاحظة.
والنهارده؟
خرجت سليمة تمام…
بترضع، بتضحك، وزي الفل ❤️
الحمد لله رب العالمين
اللهم استخدمنا ولا تستبدلنا
# Ahmed_Eldamsy

07/01/2026

منذ خمسة ليال !
تحديدا في ليلة رأس السنة ..
كانت المدينة تحتفل بصخبها المعتاد ..
أضواء تتطاير في السماء .. ضحكات .. أمنيات ..وعدٌّ تنازلي لبداية عام جديد ..
وفي داخلي سؤال عميق يتكرر كل عام :
هل الاحتفال لابد وان يكون بهذا الضجيج ؟ هل يجب علينا أن نحتفل بهذه الطريقه أم أن الفرحه لها وجوهًا أخرى لا يراها الجميع ؟

بينما كنت غارقًا في تساؤلاتي.. دخل رجل خمسيني إلى العيادة ..
لم يأتِ با كيًا .. ولا قلقًا .. ولا يشكو من ألمٍ “مخـ يف” ..
جاء فقط من أجل ضرسٍ يؤ لمه ..
أراد طبيب الأسنان أخذ رأيي في وقف دواء السيولة قبل إجراء الخلع !

طلب بسيط .. زيارة عابرة .. دقائق وتنتهي الحكاية !

أوراقه الطبية تشبه أوراق آلاف غيره:
سكر .. ضغط ..تاريخ مستقر مع قصور الشرايين التاجيه للقلب .. وأدوية منتظمة ..

كل شيء يبدو مألوفًا .. مطمئنًا .. عاديًا أكثر مما ينبغي !

لكن الطب لا يحب كلمة عادي ..

شيء ما لاحظته لفت انتباهي .. شئ ما لم يكن في مكانه الصحيح !!
ليس شكوى قالها ..
ولا رقمًا في التحاليل ..
بل إحساس صامت ..
(( رجل يعرق في ليلة شتوية باردة .. ))
هنا بدأت الاسئله الكونيه تدور في عقلي !!
هل هذا العرق طبيعي؟ هل هو مجرد عرق الإرهاق من صعود السلالم - كما يدعي - ؟ .. أم أن هناك سراً أعمق يختبئ خلف ستار ألم الضروس !

تسارعت أسئلتي كالنبض المضطرب ..
هل يخفي السكر ألماً صدرياً بسبب اعتلال الأعصاب؟ ..
هل ألم الأسنان هذا مجرد قناع لذبـ.حة صدرية متنكرة في الفك السفلي ؟
وهنا سألته ..
عن أن تكون هذه طبيعته في التعرق .. لكنه نفى.
سألته
عن ارتباط الم الاسنان بالأكل أو الشرب ..
نفى أيضا ..
ثم جاء السؤال الحاسم كالسيف الذي يقطع الغموض :
هل يزداد الألم مع المجهود ؟
وكانت الاجابه
"نعم!"

أسئلة بسيطة .. لكنها تحمل مفاتيح النجاة :
الألم لا علاقة له بالأكل.
يزداد مع المجهود ..
موجود الآن .. لا يختفي .. وازداد بعد صعود السلالم ..

كل إجابة كانت تُزيح ستارًا ..
وكل ستار يُزاح .. كان يقربنا من الحقيقة أكثر ..
وعلى الفور ..
طلبت رسم قلب ..
نظرة أولى ..ثم ثانية ..
ثم تلك اللحظة التي يعرفها الأطباء جيدًا ..
حين ترى شيئًا لا تتمنى أن تراه ..
لكن لا تملك رفاهية تجاهله ..

Wellen sign
علامة صامتة في رسم القلب.. قد لا تُحدث ألمًا مع السكر ..
ولا يعرفها المريض ..
لكنها تقول بوضوح مخيف :
الخطر قريب .. والتأخير خيانة ..
فالحقيقة التي أمامي الآن
أنه لم يكن ضرسًا ..
ولم تكن أسنانًا ..
بل كان القلب يتحدث بلغته الخاصة ..

لغة لا يسمعها إلا من يتوقف قليلًا عن الضجيج ..
وهنا كان القرار سريعًا مني
والدهشة كانت كبيرة من المريض و أهله !!
كيف تتحول زيارة “خلع ضرس” إلى “ قسطرة عاجلة ” ؟
لكن الله كان حاضرًا ..
والفهم سبق الخوف ! .. و اقتنعوا ولله الحمد..
وتم تحويل المريض لأقرب مستشفى جامعي بتقرير بحالته ..
في اليوم التالي ..
جاءني الاتصال من ابن المريض يشكرني ويدعوا لي :
لقد أبلغنا الطبيب الذي قام بالقسطره أن :
“الشريان الأمامي النازل كان على وشك الانسداد الكامل ..
لولا ستر الله ..”
حينها حمدت الله كثيرا على نعمته ..
و هنا عاد السؤال الأول إلى ذهني ..
والحمدلله قد وجدت إجابته أخيرًا:
(( هل يجب علينا أن نحتفل بهذه الطريقه أم أن الفرحه لها وجوهًا أخرى لا يراها الجميع ؟ ))

نعم، نحتفل .. بطريقتنا ..
إن أجمل احتفال أن يبدأ العام وقلبٌ ما زال ينبض ..
نحتفل بـ إنقاذ حياة .. و احتفالنا بهذه الطريقة يجعل الفرح يتجاوز اللحظة ..ويمتد إلى أبدية الشكر !

فالحمد لله على نعمه التي لا تعد ولا تحصى .
DrMohammed Roshdi

05/01/2026

جنين عمره 8 أسابيع حجمه لا يتعدى عقلة الإصبع تم استخراجة من حالة حمل خارج الرحم !
سبحانك اللهم أحسن الخالقين

04/01/2026

للأسف دي أخرة الأكل الملوث من برة البيت
دودة أسكارس داخل المرارة.

دي مش أسكارس دي تعبان صغير 🥲

د محمد إسماعيل للطب الباطني

02/01/2026

أول ما أشتغلت في المستشفى جاتلى واحده عندها حوالى 27 سنه وقالتلى يا دكتور معلش لو ممكن تيجي زياره منزليه ضروري ماما حالتها صعبه أوي

قولتلها تحت امرك بس أنا هخلص متأخر ممكن تجيبوها بإسعاف المستشفي أفضل أو تنتظري لما أخلص ،خلصت شغل وطلعت لقيتها مستنيه قدام المستشفي
المهم ركبنا العرببه وفي الطريق قعدت تشرحلى الحاله وقالتلي أمى جتلها جلطه فى المخ وعملتلها شلل فى النصف الأيمن ودكتور المخ والأعصاب قال لازم تعمل علاج طبيعى مكثف وبسرعه فانا عايزه حضرتك تكشف عليها و تطمنى على ماما اصلها بركتنا و عمود البيت ولو وقعت البيت كله هيقع

وطول الطريق تشكرلى فى مامتها، المهم وصلنا البيت وشفت الحاله ولاقيتها الحمدالله كويسه مجرد hemiparises شويه ضعف فى الجزء الأيمن ومع العلاج الطبيعي هتبقى كويسه وهترجع شبه طبيعيه بنسبه كبيره زي الدكتور اللي قبلي ما قالهم طمنتها وقولتلها بإذن الله يا ماما هتبقى زى الفل كفاية حب بنتك ليكى

الست ردت بعرفان وقعدت تشكرلى فى بنتها وتقولى هو انا ليا غيرها يا دكتور دى هى اللى مرعيانى وبتاكلنى وبتغيرلى ودخلنى الحمام دا انا من غيرها كان زمانى مرميه فى الشارع دى ملاك يا دكتور هى صحيح مرات ابنى بس زى بنتى تمام والله
وهنا انا اتصدمت و سالتها هى مش بنتك ؟
قالتلى لا دى مرات ابنى بس زى بنتى و أكتر

ساعتها انا كنت لسه ماتجوزتش قعدت ادعى فى سرى لو ربنا يكرمنى بزوجه تحب امى وامى تحبها كده هبقى فى قمة السعاده
المهم الاخت راحت تجيب حاجه أشربها واجب الضيافه
لقيت الست رفعت رأسها وبتقولي بصوت واطي يا دكتور بنت الكلب اللى شلتنى..
انا الصراحه فى الاول مستوعبتش فقولتلها بتقولى ايه يا ماما !!
- قالتلى مرات ابنى دى عيله بنت كلب هى اللى شلتنى
= فانا قولتلها الملاك هى اللى شلتك ؟
- قالتلي ملاك مين دى بنت شياطين..
على دخلت البنت علينا وهى جايبالى العصير لاقيت حماتها بتقولها ربنا يحرسك يا بنتى ويخليكى شايف يادكتور شايله البيت كله اقسملك بالله ملاك بنتى حبيبتى😇

من يوميها الصراحه وأنا عندى أزمة ثقه بينى وبين الستات كلهم 🤦😂

دكتور / سليم ابراهيم

31/12/2025

ايام الكورونا .. نزل "امر اداري" ان كل الدكاتره تنزل تشتغل في الطوارئ.. مهما كان تخصصها

المهم كنت سينيور الشفت ولقيت واحده "موديل" جايه عليا بتقولي انا دكتوره فلانه .. Derma .. نازله معاكم غصب واقتدار 😕

قولتلها اهلا يا دكتوره .. فاكره ال ECG المهم ؟

قالتلي لاء ومش بحبه

قولتلها: اهم حاجه نستبعد الطوارىء.. يعني لو عيان جاي بوجع ف صدره .. اعملي رسم القلب .. لقيتي الخط ده طالع او نازل .. اشهقي وناديلي 🙂.. قالتلي اوكي 👍

المهم انا قاعد ع المكتب بعيد ولقيت حجوجه داخله عرقانه وحاطه ايديها علي صدرها.. وسابت الاستقبال كله وراحت لدكتورة الجلديه 🤓

قعدوا يتكلموا ويضحكوا .. ف انا اطمنت 🥰

قولت اقرب اشوف الكلام علي ايه

لقيت الدكتوره بتقولها : لاء يا طنط مينفعش نسيب تجاعيد بشرتنا كده الفتره دي كلها من غير كولاجين 🧐

المريضه : يا دكتوره صدقيني هطمن علي ابني في بيت العدل واجيبه واجيلك علطول .. ياريتك كنتي سنجل ، بس نصيب !

دخلت انا ف العبث ده : احم احم .. عملنا رسم القلب ؟؟

الدكتوره: اه بس بايظ .. قولت للنيرس تعيده تاني 🙂

وريني كده يا دكتوره بايظ ازاي ..
ST elevation MI طلع

شهقت انا .. ومشيها شهقت 🥹🙈

22/12/2025

(روح يا شيخ إلهي تنام ما تقوم!!)

أمس في العناية المركزة وقت مرور الاستشاري، دخل علينا عيان ٦٠ سنة نايم خالص. بنسأل الأهل إيه حصله؟ قالولنا إنه قام صلى الفجر ومن بعدها وقع ما قامش.

نفحص العيان نلاقيه كويس بس هو نايم وبيشخر عادي؟ نعمل تحاليل شاملة تطلع كلها كويسة. شكينا إنه ممكن يكون نزيف أو جلطة خصوصًا إنه ضغطه كان عالي شوية.

عملنا له CT Brain أشعة مقطعية على المخ، وتفاجأنا إن الأشعة سليمة، بس برضو العيان نايم ومش بيفوق.

نبعت نعمل تحاليل سموم باعتبار ممكن يكون أخذ دواء أو شرب حاجة. التحاليل كلها كويسة ومفيهاش حاجة!!

في الآخر السينيور بتاعنا د/ عمر جابر، واستشاري العناية د/ أحمد العربي، قرروا يعملوا MRI (رنين مغناطيسي).

وهنا كانت المفاجأة، العيان عنده hypothalamic infarction، جزء في المخ ميت،

ويصادف أن الجزء اللي ميت في sleeping center مراكز النوم.

وده معناه إن العيان ده هيفضل نايم طول عمره مش هيصحى، ودي حالة نادرة جدًا.

فسبحان الله العظيم ..

عبد الرحمن رجب

20/12/2025

طفل ٦ سنوات
طالع علي الكرسي في البلكونة
بيلعب

وبيخد ايده يمسك حبل الغسيل

امه مشغولة عنه في شغل البيت
بيشد حبل الغسيل جامد

اترفع من علي الكرسي فجاة
يقع من الدور السادس

علي راسه😭
شكل راسه واحنا بنعمل المقطعية علي الراس ثلاثية الابعاد

ربنا يرحمه ويعفو عنه
المنظر صعب

خلو بالكم وعنيكم علي اولادكم ياجماعة
دعواتكم لاهل الطفل بالصبر والثبات😭
Dr. Hesham

Dr. Ahmed Eldeeb

01/02/2026

01/02/2026

28/01/2026

15/01/2026

10/01/2026

07/01/2026

05/01/2026

04/01/2026

02/01/2026

31/12/2025

22/12/2025

20/12/2025

Address

Website

Alerts

Shortcuts

Share

Category