12/12/2025
🚨 اختلال التوازن العضلي الهيكليPostural Imbalance.
●اختلال التوازن العضلي هو حالة يبتعد فيها الجسم عن وضعه المثالى الطبيعي بسبب ضعف أو شدّ زائد في عضلات معيّنة.
لما يحصل خلل بين العضلات الأمامية والخلفية، أو بين العضلات العميقة والسطحية، الجسم يبدأ يعوّض ومع الوقت تظهر آلام وإجهاد ومشاكل في الحركة والقوام.
🔻 أسباب اختلال التوازن العضلي
• اختلال القوة والمرونة (Muscle Imbalance)
بعض العضلات تبقى ضعيفة وممطوطة، وفي المقابل عضلات تانية تبقى مشدودة وقصيرة، وده يؤدي لعدم اتزان الجسم.
• نمط الحياة الخامل (Sedentary Lifestyle)
الجلوس الطويل خصوصًا أثناء الدراسة أو الشغل المكتبي يضعف عضلات الكور والظهر ويزود شدّ عضلات الرقبة والصدر.
• سوء تصميم بيئة العمل (Poor Ergonomics)
كرسي غير مناسب، شاشة منخفضة، مكتب عالي…
كل ده يضطر الجسم ياخد وضعيات تعويضية تؤدي لتشوّه في القوام.
• الحركات المتكررة (Repetitive Movements)
تكرار حركة معينة (زي رفع الأشياء، استخدام الماوس، الشغل اليدوي) يسبب تضخيم عضلات معينة وإهمال أخرى.
• ضعف الوعي الجسدي (Lack of Body Awareness)
،ناس كتير مش بتاخد بالها من وضع جسمها أثناء: الوقوف الجلوس، المشي وحمل الأشياء وده يسبب استمرار الوضع الخاطئ لسنين.
• ضعف عضلات الكور (Core Weakness)
ضعف استقرار الجذع يؤدي لتعويضات كثيرة في الحوض والعمود الفقري.
• مشاكل الحركة في المفاصل (Joint Restrictions)
تيبّس مفصل الحوض أو الصدر أو العنق يغيّر ميكانيكية الحركة ويعمل خلل في القوام.
• التوتر والتنفس السطحي
التنفس من الصدر بدل الحجاب الحاجز يسبب شدّ في عضلات الرقبة والكتفين.
⛔️ الأعراض الشائعة لاختلال التوازن العضلي
• بروز الرأس للأمام للجانبين
نتيجة شدّ الرقبة وضعف عضلات الرقبة العميقة.
• تقوّس الكتفين (Rounded Shoulders)
تحدث بسبب شدّ عضلات الصدر وضعف عضلات الظهر العلوية.
• تغير وضع الحوض فى وضع من ٥ أوضع
أمامى، خلفى ،جانبى، دوران ،ميل
• آلام الرقبة والكتف
بسبب الضغط المستمر على الأربطة وعضلات الرقبة.
• آلام منتصف وأسفل الظهر
نتيجة التحميل الزائد على الفقرات وتعويض العضلات.
• صداع توتري (Tension Headache)
ناتج عن شدّ عضلات الرقبة الخلفية.
• ضعف التوازن والاتزان
لأن مركز الثقل بيتغيّر بسبب وضع الجسم.
• إجهاد سريع عند الوقوف أو المشي
العضلات الضعيفة تتعب بسرعة لأنها مش مصمّمة تتحمّل الحمل ده.
• تفاوت ارتفاع الكتفين أو الحوض
علامة واضحة على وجود خلل عضلي أو دوران في العمود الفقري.
🎯 طرق العلاج
●تقوية العضلات الضعيفة مش جيم أرجوكم دى عضلات عميقه وسطحيه بتتم بتوازن وتقييم محدد
● إطالة لعضلات محدده عن طريق تمارين وأوضاع مش استرتشات تقليديه
● تحسين وضعية بيئة العمل (Ergonomics)وتغيير فى روتين إستخدام الجسم
● العلاج اليدوي (Manual Therapy) مش تدليك ومسدس مساچ
●تدريب الوعي الجسدي (Body Awareness Training)
تعليم الجسم الوضع الصحيح أثناء الجلوس والمشي والوقوف.
● تصحيح نمط التنفس (Diaphragmatic Breathing)
التنفس الصحيح يقلل الشدّ على عضلات الرقبة والكتف.
● إعادة تدريب الحركة (Movement Re-education)
اكتساب نمط حركة جديد صحي بدل النمط التعويضي القديم.
● برنامج تمرين منظّم للحياه والأنشطه اليوميه (Customized Exercise Program)
⭕️يتحدد بعد التقييم وسماع المريض والفحص الشامل وتحديد:
•نوع الخلل
•خطوط اتزان الجسم
•وضعية الحوض
• كفاءة العضلات
•شكل العمود الفقري
•طبيعة الشغل
•مستوى الألم
🎗هنرجع ونقول مفيش علاج واحد لمشاكل مختلفه ، الجسم والحركه منظومة كبيرة ودقيقة وبيتم التعامل معاها بعلم وحرص وكفاءة.
🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.
📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028028459_01028022972
🟢 واتس اب: 010 28022972
#قتب
