Delta Scope

Delta Scope د / أحمد عبد العزيز دكتوراة واستشارى أمراض الكبد والجهاز الهضمي مناظير المعدة والقولون والقنوات المر

24/04/2026

الحمد لله رب العالمين

17/01/2026

«يا دكتور أنا مش بتمارض… أنا ريقي ناشف لدرجة إن لساني بيلزق في حلقي!» 🥵💦

دخلت العيادة وهي شايلة "إزازة مية" كأنها جزء من جسمها. نظرة عينيها كانت باهتة، وصوتها فيه "بحة" غريبة مسمعتهاش في حالات الارتجاع العادية.
المشهد المتكرر: سنين من اللف على عيادات الباطنه والجهاز الهضمي، روشتات "مثبطات البروتون" (PPIs) اللي مخلتش نوع إلا وجربته، ومنظار معدة قال إن فيه "التهاب بسيط".. لكن السؤال كان: ليه مفيش تحسن؟ وليه الصعوبة في البلع بتزيد مش بتقل؟

قعدت قدامي، وبدأت ألاحظ تفاصيل "مستخبية" محدش ركز فيها قبل كده:
الأسنان: رغم اهتمامها بها، إلا إن فيه "تآكل وتسوس" عند الجذور (Cervical caries) بشكل غير طبيعي.
الغدد النكافية: فيه تورم بسيط جداً ومزمن عند زاوية الفك، الكل كان فاكره "تخن" أو زيادة وزن.
الكلام: كانت بتضطر تشرب مية كل دقيقتين عشان بس تعرف تكمّل الجملة (وهو ما نسميه طبيًا الـ Biscuit sign - عدم القدرة على بلع لقمة ناشفة بدون سوائل).
عملت تحاليل سكر كتير وتحاليل أخرى كتير كلها سليمه تماماً.

السؤال الفاصل إللي سألتهولها (قلب الطاولة على الارتجاع) :
قلت لها: «سيبك من معدتك دلوقتي.. قولي لي، بتحسي بإيه لما بتتعرضي لضوء الشمس أو الهوا؟»
قالت لي بذهول: «بحس بنار في عيني.. كأن فيها قزاز مكسور، ومن سنين مشوفتش دموعي مهما كانت الحالة النفسية!»
هنا اكتملت الصورة الإكلينيكية.. إحنا مش قدام "ارتجاع مريء" كمرض أساسي، إحنا قدام متلازمة شوغرن (Sjogren’s syndrome) في صورتها الشرسة.

ليه التشخيص ده كان "تايه"؟
"شوغرن" مش مجرد جفاف، ده مرض مناعي جهازي (Systemic Autoimmune Disease). جهاز المناعة بيصنع أجسام مضادة بتهاجم "الغدد الإفرازية" (Exocrine glands).
عشان نتأكد، مكنش ينفع نعتمد على الكلام بس، بدأنا "رحلة التأكيد":
تحاليل المناعة الدقيقة: طلبنا (ANA) و (Anti-Ro) و (Anti-La)، ودول هما "البصمة الوراثية" للمرض.
اختبار شيرمر (Schirmer's test): لقياس كمية الدموع، والنتيجة كانت "جفاف قاسي".
فحص الغدد اللعابية: عشان نتأكد من كفاءة الإنتاج.
💔 الوجع اللي ورا الجفاف
المرض ده "خداع".. ممكن يبان جفاف فم بس، لكنه في الحقيقة ممكن يضرب:
المفاصل: (آلام مفاصل تشبه الروماتويد بس من غير تآكل).
الجهاز التنفسي: (كحة ناشفة مزمنة بسبب جفاف الغدد المبطنة للشعب الهوائية).
الأعصاب: (تنميل وحرقان في الأطراف).

وفي بعض الحالات بنحتاج نميّز بين Primary و Secondary Sjögren المرتبط بأمراض مناعية أخرى زي الروماتويد أو الذئبة.

وفي الحالات غير الواضحة، خزعة الغدة اللعابية الصغرى بتكون الفيصل.

النتيجة: من "الوهم" إلى "السيطرة" :
لما بدأنا العلاج الصح (أدوية منظمة للمناعة مع بدائل لعاب ودموع)، المريضة مكنتش مصدقة! لأول مرة من سنين "صوتها يرجع"، ولأول مرة تحس إن الأكل له طعم مش مجرد "مهمة انتحارية".

لو شرب الميه بقى شرط عشان تعرف تتكلم… يبقى المشكلة مش في معدتك.

مش كل "صعوبة بلع" هي ارتجاع مريء، ومش كل "جفاف ريق" هو نقص شرب مية. لو أدوية المعدة مش جايبة نتيجة، والجفاف واصل لعينك ومفاصلك.. أنت محتاج "طبيب" يقرأ الحالة صح.
لو شايف إن المعلومة دي ممكن تنور طريق حد تايه، متترددش في مشاركة البوست.. الوعي هو أول خطوات الشفاء.

د/ أحمد عبد الجواد

جابوا " ٤٠٢ " مريض اعمارهم تتراوح بين ٢٩ سنة و ٥٨ سنة بيشتكوا من نزيف شرجي بسيط ، مجرد شويه دم أحمر بينزل بعد الحمام ...
26/06/2025

جابوا " ٤٠٢ " مريض اعمارهم تتراوح بين ٢٩ سنة و ٥٨ سنة بيشتكوا من نزيف شرجي بسيط ، مجرد شويه دم أحمر بينزل بعد الحمام و عملولهم كلهم منظار قولوني

المميز في البحث ده ان الـ ٤٠٢ دول مش مدخنين ، معندهومش اي تاريخ مرضي في عيلتهم لأورام القولون ، سنهم مش كبير معندهومش قولون تقرحي ، مخسوش في الوزن في الـ ٦ شهور الاخيرة ، و تحاليلهم مفهاش أنيميا .. عيانين زي الورد يعني مجرد بيشتكوا من حبة دم

من الـ ٤٠٢ دول لقوا ٢٦ ( ٦,٥ ٪ ) عندهم سرطان قولون خبيث في بدايته

أينعم ٣٧٥ لقوا عندهم حاجات بسيطة ، بواسير او شرخ و منهم كمان ٣٢ واحد لقوا معندهومش حاجة خالص و الدم ده كان مجرد حاجة عارضة ، لكن فيه ٢٦ واحد اكتشفوا فيهم سرطان .. ٢٦ واحد لو راحو لأي دكتور طلب منهم منظار هيقولوا عليه مادي و همه الفلوس و هيسيبوه و يلفوا لدكتور و التاني و التالت لحد ما الورم يتمكن منهم و يبقى من مجرد علاج بسيط لإجراءات أكثر تعقيداً

زي ما المناخ اتغير و الكون كله بيتغير ، الطب اتغير و قواعد اتغيرت و خبراته تغيرت ، الدكتور الجهبز اللي بالخبرة يقدر يعرف مين مريض سرطان و مين سليم خلاص مبقاش موجود لأن قواعد الطب اللي كنا بندرسها في الطب اتغيرت و بقينا نشوف سرطان الثدي في مريضة في العشرينات و نشوف سرطان القولون في مريض في العشرينات غير مدخن و لا عنده اي مشاكل ، إختار دكتور ثقة أولاً .. ثم سلمله نفسك و متفضلش تشكك و تراجع كل قرار ليه لأن لو التمن حياتك و صحتك فهو أغلى كتير من أي فحص هيطلبه منك ..

و ربنا يديم علينا و عليكم الصحة و العافية
منقول

29/03/2025

كل عام وأنتم بخير

لله الحمد ربنا المريضه ٢٨ سنه كانت تعاني من براز مدمم وتم عمل المنظار بمركز دلتا سكوب وتبين وجود ورم كبير بجدار القولون ...
06/02/2025

لله الحمد ربنا
المريضه ٢٨ سنه كانت تعاني من براز مدمم وتم عمل المنظار بمركز دلتا سكوب وتبين وجود ورم كبير بجدار القولون وتم استئصاله بالمنظار مع خروج المريض بعد تحسن حالته بفضل الله تعالي
كل الشكر لأخي الحبيب اللي شخص الحاله
كل الشكر والله لأي طبيب مش بيعالج نزيف الشرج بدون منظار
كل الشكر لكل طبيب مش بيعالج أنيميا نقص الحديد مجهولة المصدر بالحديد
ولله الحمد ربنا اولاً وآخرا وظاهرا وباطنا

الحمد لله الذي بنعمته تتم الصالحاتتم بفضل الله تعالي توريد جهاز سونار ماركة البينيون كوري وهو من احدث وأفضل اجهزة السونا...
11/01/2025

الحمد لله الذي بنعمته تتم الصالحات
تم بفضل الله تعالي توريد جهاز سونار ماركة البينيون كوري وهو من احدث وأفضل اجهزة السونار مما يساعد بعد توفيق الله تعالي في التشخيص المبكر لأمراض وأورام الجهاز الهضمي والكبد والبنكرياس
كل الشكر لشركة الأمين والمدير المحترم الأخ الحبيب د ياسر وكل طاقم الشركة علي سرعة التوريد
الجهاز فعلا علامة فارقه معايا وبإذن الله تعالي ننزل بعض الفيديوهات والصور الشيقة جدا وبعض الحالات النادره اللي تم تشخيصها في أقل من أسبوع
نسأل الله السداد ولكم تمام العافيه.
أحمد عبدالعزيز
دكتوراه واستشاري الجهاز الهضمي والمناظير
🌹🌹🌹🌹

11/01/2025

في المستشفى والممرضات يهرعن ليوزعن العلاج على المرضى في الصباح الباكر. اصح يا عم حمزة. موعد العلاج. أصحي يا حاجة فتحية. موعد الحقنة. يعرفن أنهن لن يتلقين تقديرًا ماديًا أو معنويًا من أي نوع. دائمًا يتهمهم الأطباء بالإهمال ويتهمهم أهل المرضى بانعدام الضمير. برغم هذا يعملن كالنحل لأنهن لا يعرفن لأنفسهن دورًا آخر. ممرضة المختبر تهرع حاملة المحقن وأنابيب الاختبار. يجب أن تأخذ العينات سريعًا وإلا لرفض فني المختبر أن يأخذها ولسوف يعاقبها الطبيب.
عامل القسم (شعبان) قام مع العاملة بنقل أسطوانة الأكسجين الجديدة، ثم نقل صناديق الدواء الثقيلة كلها للطابق الثالث، وبعد هذا كان المريض ينتظره في الحمام ليجري له حقنة شرجية. صحيح أن أهل المريض يعطونه ثلاثة جنيهات مع كل حقنة، لكن يحدث كثيرًا أن يكون المريض وحيدًا ولا يعي ما يدور من حوله بسبب الغيبوبة الكبدية. لكن (شعبان) سيفعل هذا لأنه عمله ببساطة.
في نفس الوقت في ذلك الفندق الفاخر في سويسرا، جلس أعضاء مهرجان السرديات العاشر يلتهمون طعام الإفطار وهم يطلون على بحيرة لوزان. ما زال بعضهم يترنح من الخمر التي شربها من الميني بار ليلاً. لكنهم يعرفون قيمتهم جيدًا ولا يخدعون بسهولة. إدارة المهرجان سوف تتحمل النفقات كلها، شاملة الفندق والسفر بالدرجة الأولى والمكالمات الدولية من الغرف والخمور التي يستهلكونها. مهمتهم اليوم ليست يسيرة. عليهم أن يؤلفوا خارطة تمزج بين المدينة المحلية والكوزموبوليتانية، مع حل مشكلة الحضارة من وجهة النظر الضيقة النابعة من ثالوث الأرض والسماء والتراب. كان الناقد سيد الششماوي من مصر ينوي إلقاء ورقة بحثية عن مرجعية السرد في أدب سيد أبودومة وعلاقته ببروست. هنا تبرز أهمية الميتا سرد والبنية الابستمولوجية التي تعبر عن الاغتراب. سوف يدخلون في مناقشات مرهقة حتى موعد الغداء ثم يخلدون للراحة استعدادًا للمعركة التي ستبدأ في المساء بين الصقالبة وهواة التجديد. إن المحكي الأركيولوجي قد يتباين مع الميتا سرد وعلاقته بالآخر. هذه نقطة خطرة سوف يفجرونها الليلة وبعدها يعود كل منهم لغرفته ليعاقر الخمر كي يزيل عناء اليوم. بعضهم سوف يعاني الصداع ومن ثم يخرج في جولة في شوارع المدينة، أو يريح إرهاقه الفكري بين أحضان حورية سويسرية.
غدًا سوف تلقي الشاعرة نيروز القرندهيلي قصيدتها الرائعة (أثباج الحيازيم) وهي ثورة جديدة في الميتا سرد. وسوف يناقش الموجودون إرهاصات الحداثة في شعرها. بعد هذا سيطير الجميع ليقابلوا بعضهم في مهرجان أدبي آخر في الريفييرا الفرنسية. هؤلاء القوم يشبهون سحرة القبيلة ورجال الدين النصابين. لا يجيدون شيئًا ومن ثم يصنعون مهنة لا وجود لها ويكسبون منها الكثير.
لكن الممرضات ما زلن يوزعن العلاج. (شعبان) العامل ما زال يكنس الأرض. الفني في المختبر ما زال يفحص العينات ويشخط في الممرضات.
سوف يستمر هذا إلى يوم القيامة.
بعدها سوف يقف الجميع أمام العرش. سيقول العامل شعبان في فخر: "يا رب أنا عملت حقنًا شرجية لنصف مليون مريض كبد، وحملت الأدوية على كتفي ثلاثين عاما، ونقلت ألفي مريض للأشعة و. و. و. مقابل ملاليم".
ستقول الممرضة: "يارب. أنا أعطيت العلاج لربع مليون مريض. وأخذت عينات دم وبول من نصف هذا العدد".
ثم يأتي الناقد الكبير سيد الششماوي ليقول: "يارب ناقشنا علاقة الميتا سرد بالمحكي الأركيولوجي. وتحدثنا عن المدينة الكوزموبوليتانية. كما ناقشنا أشعار نيروز القرندهيلي".
ترى من الذي قدم خدمات أعظم للبشرية؟ وهل صارت الإنسانية أفضل بالميتا سرد؟.
هناك دومًا حلول وسط، وهناك أدب مفيد للبشرية فعلاً، لكنه يتحرك على حبل رفيع ويسهل أن يسقط في هاوية التحذلق والكوزموبوليتانية والإرهاصات الفوقعية. عندها لن يتردد المرء كثيرًا كي يختار المعسكر الذي ينضم له. إنه ليس على ضفاف بحيرة لوزان بالتأكيد.


نُشر في: 4 مارس 2015
تابعوا المزيد على جروب { صفحات ضـاد } ♥️🌿

Address

دمياط الجديدة شارع المحجوب
Damietta

Opening Hours

Monday 3pm - 8pm
Tuesday 3pm - 8pm
Wednesday 3pm - 8pm
Thursday 3pm - 7pm
Saturday 3pm - 8pm
Sunday 3pm - 8pm

Telephone

+201023047040

Website

Alerts

Be the first to know and let us send you an email when Delta Scope posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Delta Scope:

Shortcuts

Share

Category