19/12/2025
مساء الخير 🌸
💥 بمناسبة الدور المنتشر اليومين دول الي في الغالب سلالة جديده من الانفلونزا Influenza A والي الاعراض بتاعته بتكون عنيفه شوية من دور البرد العادي والي بتشمل
⬅️ درجات حرارة مرتفعه ممكن تصل ل ٣٨.٥ وممكن متستجيبش كويس لخوافض الحرارة
⬅️ تكسير في الجسم وهمدان شديد مصاحب بوجع في المفاصل والعظام
⬅️ صداع شديد واعراض جهاز هضمي من غثيان وترجيع وقئ
⬅️ التهابات في الحلق واحساس ان الزور مقفول 🥲
الفكره ان الاعراض ديه بتكون صعبه جدا عند كبار السن وكمان اصحاب الامراض المزمنة وممكن الموضوع يوصل للحجز😢
💥 وعشان كدا اغلب الدكاترة دلوقتي هتلاقيهم بيكتبوا المادتين الي في الصورة دول تعالي اقولك شوية معلومات سريعة عنهم✔️
1⃣ مادة Oseltamavir تعتبر Anti-viral بيشتغل علي سلالات Influenza A and B
بتشتغل عن طريق انها Neuraminidase inhibitor يعني اي بقا الكلام دا🤔
⬅️ فيروس الانفلونزا لما بيخش الجسم عندنا بيحتاج انه يتكاثر عشان يزيد في العدد وبعد كدا بيسيب الخليه الي كان فيها ويطلع يروح خليه تاني عشان يكرر نفس الموضوع مادة Oseltamavir بتروح تمنع خروج الفيروس من الخلايا المصابة وبيقلل من انتشاره لكن هو مش هيقتل الفيروس ✔️
💥 أفضل نتيجه له بتكون في خلال ٢٤ ل ٤٨ ساعه من الاصابة لان نتائجه بتكون كويسة وعشان كدا الدكاترة بتكتبه سواء دور برد عادي او انفلونزا هو كدا كدا مش هيأذي المريض خصوصا لو عنده مشاكل تانية ولان الاستجابة بتاعته بتكون كويسة في الفترة دي لكن لو عدي ٤٨ ساعه نتائجه بتقل بس برده بيتاخد عادي✔️
💥 مين بقا الناس الي تاخد مادة Oseltamavir 🤔
⬅️ المرضي الي محجوزين في المستشفي بالاعراض الي فوق حتي لو لسه متمش تاكيد التشخيص انها انفلونزا ودا لان لو اخدها المريض في خلال ٤٨ ساعه من بداية الاعراض هيقلل من المضاعفات وكمان هيقلل من وجود المرضي في المستشفي
⬅️ المرضي الي عنده امراض مزمنه زي الضغط ، السكر، كبار السن، مشاكل الصدر، امراض القلب
⬅️ كمان الحوامل دول فئة مهمه جدا ياخدوا Oseltamavir لان الانفلونزا بتبهدل الست الحامل
⬅️ كمان الاطفال المحجوزين في للمستشفيات متاح تفضي الكبسولة وتدوب البودرة في ميه وياخدها ✔️
الناس دول كلهم بخاف عليهم من تدهور الحاله وحصول التهاب رئوي Pneumonia عشان كدا Oseltamavir بيقلل من المضاعفات ووجودهم في المستشفي ويقلل من انتشار الفيروس✔️
💥 بالنسبة للجرعات بقا بتاعت Oseltamavir 🤔
⬅️ كبار السن فوق ٤٠ كيلو :- بياخدوا ٧٥ مجم " قرص " كل ١٢ ساعه لمده ٥ ايام
طبعا بنحتاج نعمل تعديل في الجرعه لو كان الشخص بيعاني من مشاكل في الكلي ✔️
⬅️ لو الوزن بتاع المريض من ٢٣ ل ٤٠ كيلو :- بياخد ٦٠ مجم كل ١٢ ساعه لمدة ٥ ايام
⬅️ لو الوزن بتاع المريض من ١٥ ل ٢٣ كيلو :- بياخد ٤٥ مجم كل ١٢ ساعه لمده ٥ ايام
⬅️ لو الوزن بتاع المريض اقل من ١٥ كيلو :- بياخد ٣٠ مجم كل ١٢ ساعه لمده ٥ ايام ✔️
⬅️ في بعض الاوقات ممكن تلاقي الطبيب كاتب الجرعه زي الي فوق لكن مخليها لمدة ١٠ ايام بدل ٥ ايام مفيش مشكله 👌
💥 بالنسبة للتداخلات الدوائية مع Oseltamavir
1⃣ مادة Clopidogril بتقلل من فعالية Oseltamavir بالتالي لابد من متابعه المريض
2⃣ بالنسبة بقا التطعيمات مفيش مشكله من اخد Oseltamavir مع Influvac يتاخدوا عادي من غير مشاكل
لكن المشكله تظهر لو مع Live attenuated وهنا افصل ١٤ يوم وبعدها ابدا Oseltamavir
او لو اخد Oseltamavir خد المصل من بعد اخر جرعه ب ٤٨ ساعه ✔️
💥 بالنسبة الاعراض الجانبية 🤔
⬅️ بتكون بسيطه متعلقة بالجهاز الهضمي من غثيان وترجيع بسيط ووجع في المعدة ونسبه حدوثها قليل كمان ✔️ وممكن تعمل شويه دوخه و اوهام وتفاعلات حساسية في الجلد لكن برده نادرا لما بتحصل ✔️
#ماتقلقوش عالنواقص علشان احنا وفرناهالكم
في صيدلية دطه شمس الدين
📣📣📣
نواقص النواقص موجودة عندنا بفضل الله ✌️
لو بتدور علي دواء ناقص كلمنا او ابعت رسالة و بإذن الله هانوفرهولك
#مستشاركـــــالدوائي
#خدمة مميزة
#ديليفري
للتواصل 01004909206
العنوان
الفرع الاول/ كفر البطيخ اول البلد امام مصنع راشد
قبل المجمع الاسلامي
الفرع الثاني/ السواحل خلف مسجد البحر
#ادوية
#دواء
#ناقص
#صيدلية
