Malaz co-working space

16/03/2020

ملاذ عيشنا فيه ايام حلوة جدا وذكريات 💜

فرحنا واتعلمنا واتنطتنا ولعبنا واكلنا وشربنا واتعرفنا على ناس كتير كمان

بس نوقف الوقتي ونكمل اول ابريل
الموضوع صعب علينا كلنا اننا نقعد ومنشوفش الناس اللي اصحابنا او نحضر ورش وكورسات مستنينها من زمان

بس اكيد صحتكم وطاقتكم اهم الوقتي ولازم نحافظ عليها كلنا

عشان كدا هنقفل لاول ابريل اه

بس هنحاول نفضل بنطمن عليكم ونفضل معاكم 💜
هنزل لينكات لكورسات اون لاين تستفيدوا منها في البيت ومفاجات كتير للطلاب واللي بيشتغلوا اونلاين 💜
💜

10/03/2020

تدريب eyouth فى ملاذ عن الماركتينج 💜
تقدروا تيجوا تحجزوا لحد يوم الجمعة 💜💜

📢 انضم لبرنامج "Marketing 1O1 "

المقدم من EYouth & Lumas Global بالتعاون مع مهارات من جوجل.

للتقديم :- https://forms.gle/aGTZMLtuUby7XErt5

التدريب القادم 💫
📅 يوم 14 مارس
🚩 في محافظات " القاهرة - الجيزة - الاسكندريه - كفر الشيخ - الاسماعليلة - الدقهليه - دمياط - اسيوط الغربية - قنا - المنيا - الاقصر "

هتتعلم اساسيات التسويق و التسويق الرقمي و أهم الفرص المتاحة في السوق في مجال التسويق الالكتروني.
البرنامج هدفه يدرب ٦٠٠٠ من الشباب المصري خلال ٦ شهور.
في نهايه البرنامج هتحصل علي شهادتين معتمدتين.

09/03/2020

احنا مش بس عملنا open day و ناس باعت و ناس اشترت
احنا بنخلق مجتمع داعم للهاند ميد و بيشجعهم 💜

احنا عملنا سيشن لشغل الناس الي كانوا معانا و ده جزء صغير من شغلهم 💜

احنا وفرنا مساحة لكل الفنانين دول يسمعوا بعض و ينصحوا بعض و يشتغلوا ع افكار جديدة مع بعض 💜💜

اتكلمنا عن مشاكل التسويق و التسعير و الخامات
و بدأنا نوفر الخامات ليهم 💜

و مشاكل التسويق و التسعير هما مش هيتعبوا فيها تاني 💜💜
عشان احنا هنعرض الصور ع مواقع اونلاين كتير منها الي بيستهدف مصر و منها الي بيستهدف برا مصر و هما بس مطالبين يفننوا في شغلهم 💜

08/03/2020

بمناسبة اليوم العالمي للمرأة النهارده 🤩
عرض لكل البنات (اليوم كامل ب 10ج )😍🥰😘
تعالي ذاكري او خلصي شغلك وهتلاقي الجو والمكان اللي يناسب تميزك 😉
العرض ساري حتى نهاية هذا الاسبوع 13/3 🥰

05/03/2020

مسابقة جديدة من Malaz co-working space
هتحبوها اوي 🥰

02/03/2020

عشان تفهمنا لازم تعرف معادلتتنا 👇
تواصل مع (الذات / الآخر / المحيط) + فنون (أدائية / بصرية / سمعية / حركية) = إكتشافات خاصة ومختلفة لكل فرد على مستوى (الذات / الآخر / المحيط).

بنستخدم الفن كأداة لدمجها مع التواصل على أي مستوى من ال3 مستويات (ذات / آخر / محيط) للوصول إلى اكتشافات مختلفة خاصة لكل فرد على حسب رحلته معانا وخلفيته واحتياجاته الحالية..

👈 بنفتح مساحة للتواصل مع الذات كجسد ومشاعر لتسليط الضوء على أشياء كنا بنتجاهلها أو بنجهلها عن ذواتنا.
👈 بنستخدم تمارين للتواصل لإكتشاف الآخر وعلاقتنا بيه لتحسين التواصل.
👈 بنستكشف محيطنا من أشياء وثقافة وعادات.

متتوقعش لو استخدمنا الرسم كأداة مثلاً إنك هتتعلم رسم أو لو فنان هترسم لوحة عظيمة لكنك هتتعامل مع الخطوط والألوان بشكل مختلف من غير تفكير عشان تعبر عن نفسك أو تكتشف شئ ..👌
محتاج تعيش الرحلة عشان تستوعب 😉❤️

اشتغلنا مع افراد ومؤسسات تنموية كتير لتطوير فرق عمل أو اكتشاف ذات أو لتحسين التواصل واشتغلنا مع حالات خاصة ومهمشة كمان يعني تقريباً اشتغلنا مع مختلف الفئات من كبار واطفال للوصول بيهم لأهداف مختلف بإستخدام معادلتنا. 😎👌

مقرنا فالقاهرة واغلب شغلنا قاهرة وجيزة ومن يوم 5 إلى 7 مارس في دمياط فلو مهتم تعيش التجربة احجز مكانك وسجل من اللينك : https://forms.gle/LZFjg4PienPucDCM7

02/03/2020

SOON

27/02/2020

شايفين العظمة ؟ 🤩💜💜
ده جزء صغير جدا من شغل الناس الي هتكون معانا يوم ال meetup

اي حد يقدر يجي يكون موجود حتى لو بس بيحب الهاند ميد
و الي عايز يشتري هدية اكيد يقدر يكون موجود
حتى الي حابب يتعلم اي حاجة من العظمة دي يقدر يجي و يسألهم
بشكل مجاني 🤩
يوم السبت من الساعة 5 🤩
اما لو حد من فنانين الهاند ميد حابب يشترك معانا بشغله يقدر يبعتلنا ع رسايل الصفحة و هنبلغه بكل التفاصيل 🤩
💜💜

19/02/2020

ازاي ولادي يفضلوا يحبوني من غير مشاكل ؟ 👩‍👧‍👦

ازاي اعلم ابني يتعرف على شعوره و بالتالي يغير شعوره السلبي لايجابي ؟

هل انا بقتل الابداع جوا ابني من غير قصد ؟

هل معنى اني بطبق التربية الايجابية اني اسيبهم براحتهم خالص ؟

هل ممكن اخلق علاقة قايمة ع الاحترام المتبادل بنا ؟

ازاي اعلم ابني يفكر لوحده و يكتسب مهارات حياتية من غير ما يلجأ ليا كل شوية ؟

كل الاسئلة دي و اكتر منها و بامثلة و مواقف حياتية بنعيشها مع اولادنا كل يوم هنجاوب عليها فى ورشتنا عن التربية الايجابية ..

هنعرف يعني ايه تربية ؟ .. و ايه الفرق بين التربية الايجابية و التربية المتساهلة و الدلع ؟
هنتعلم و هنلعب و هنفكر و نشارك عشان نوصل لعلاقة سوية اكتر مع ولادنا و نفهم ولادنا 👩‍👧‍👦💜

الورشة يوم و هي مدخل لورش كتير عن التربية الايجابية
سعر الورشة 50 ج

كل الي عليكم تملوا الفورم و احنا هنبعتلكم كل التفاصيل ..
http://bit.ly/37FLvZc
او ابعتولنا ع رسايل الصفحة 💜
او واتساب ع رقمنا 01142277784 💜
العنوان .. دمياط القديمة ميدان الساعة شارع قهوة السنترال المقابل ل we قبل العجواني و مكتبة الحرم اعلى يحيى الفار للاليكترونيات 💜

06/02/2020

دي نتيجة ورشة الكروشيه و رأي الي حضروا معانا الورشة
مع المدربة المميزة جدا و الي مشت معاهم خطوة بخطوة يارا جلال 💜💜

تقدروا تحضروا الورشة الجاية و تتواصلوا ع رسايل الصفحة