Fouad Pharmacy

02/01/2020

Happy New Year

01/03/2019

10/01/2019

07/01/2019

⁦النهارده جاي اقول لحضرتك ك أم تعملي ايه👶👶👶
لما ابنك يكون سخن ومش عارف تتصرفي 🤒🤒🤒

⁦♨️⁩ نفهم الاول ان درجة الحرارة وبالأخص عند الاطفال عمرها ما كانت بالإحساس ولا بشكل وش الطفل تلاقي الست من دول هارية الطفل دوا ولبوس والطفل أساسا مش سخن .لمجرد أن الولد وشه أحمر او عرقان حبتين او درجة حرارته زايدة زيادة بسيطة ..
بيجيلي ستات كتير بتطلب خافض حرارة ومسكنات والطفل مش سخن ..وعلشان كل ده لا غنى عن وجود ترمومتر طبي ف كل بيت ⁦🌡️⁩والترمومترات ف الصيدلية كذا نوع هتلاقي ترمومتر رقمي ( ديجيتال) وترمومتر زئبقي ..وترمومتر شريط بيوضع على الجبهة ....

🚿كمادات المياه الفاترة مفيدة جدا في خفض الحرارة وأفضل أماكن للكمادات تحت الرقبة وبين الفخذين
وتحت الإبط. لكن على الجبهة ضعيفة مالهاش دور قوي ..

💧نخلي بالنا قولنا كمادات المياه الفاترة لان طبعا في فصل الشتاء المياه اللي نازله من الحنفية بتكون ساقعة ودي مش مناسبة طبعا للكمادات محتاجين نظبطها لأنها ممكن تخلي الطفل يرتجف وتزود السخونية ....

⛔ياريت بلاش حوار إضافة الكحول في مياه الكمادات أو استخدام الكحول ككمدات لان ده ممكن يمتص عن طريق البشرة وممكن يضر الطفل جدا...وكمان ممكن يعمل اضرار للبشرة ....

🤒بالنسبة الكمادات افضل حاجة هي الاستحمام وياريت لو هنستعمل كمادات نخلي بالنا بلاش حكاية فوطة مبللة دي لانها ممكن تسرب مياه لمنطقة صدر الطفل مثلا او مياه توصل لودانه وتضره ..لو مافيش كمادات جاهزه ..نحط مياه في كيسه بلاستيك افضل...

🥛🥤🥃شرب السوائل بكثرة يساعد على ترطيب الجسم وخفض درجة الحرارة المرتفعة .ياريت نهتم بإعطاء أطفالنا سوائل باستمرار لو حرارتهم عالية.

🚫مش صح اننا ندي لبوس ودوا خافض حرارة فيهم نفس المادة الفعالة لأن ده ممكن يتسبب في إعطاء طفلك جرعة زائدة .

💉مش معنى ان ابنك او بنتك عندهم سخونية أنهم لازم ياخدوا الحقنة المضاد الحيوي اللي على مرتين او تلاتة ومش شرط برضه يكونوا محتاجين دوا مضاد تركيبة .الموضوع ممكن يكون عدوى فيروسية لا تحتاج إلي مضاد حيوي من الأساس...

👕💨مش معنى أن الطفل سخن أنه محتاج يتغطى ونقفل الشبابيك ونلبسه كتير ..بعض الأمهات لما بيكون ابنها سخن تغطيه وتقفل عليه الدنيا كلها وده غلط جدا ...المفروض لو ابنك سخن اننا نخفف هدومه ونلبسه حاجة قطن خفيفة ونخليه ف مكان جيد التهوية ....

🤲اللهم احفظ اولادنا من كل سوء وارزق كل مشتاق🤲

صحيح ماتنساش تعمل share علشان تفيد الغير .
ماتنساش تتابعنا هنا عالصفحة وتعمل لايك عشان يوصلك كل جديد ومفيد⁦✌️⁩