د.حاتم درغام للجلدية والتناسلية

Home
Egypt
Desouk
د.حاتم درغام للجلدية والتناسلية

Contact information, map and directions, contact form, opening hours, services, ratings, photos, videos and announcements from د.حاتم درغام للجلدية والتناسلية, Dermatologist, شارع السينما, Desouk.

عيادة الجلدية والتناسلية والتجميل
كفر الشيخ - دسوق - شارع السينما
برج مكة الدور الثاني - بجوار صيدلية الشعب

للحجز والاستعلام
الاتصال على أرقام العيادة
من ١٢ ظ ل ٦ م يوميا ماعدا الجمعة
01093898915 - 0472640137

20/11/2025

دي مش صورة قبل وبعد العلاج
دول صورتين ف نفس الوقت بس 🧐
الفرق ان فيه صورة بعد الفحص بجهاز الوودز
أو زي ما بنقول بعد التعرض للأشعة فوق البنفسيجية

وده بيحدد الأماكن المصابة ومساحة الإنتشار
وده مش بس بيشخص مريض البهاق فقط ولكن
إحنا بنستخدمه ف حالات تانية كتير بس دي حالتنا النهاردة

ف الحمد لله الذي هدانا للتشخيص الصحيح

ودمتم دائما بخير 💪

18/11/2025

الطفلة الجميلة اللي معانا ❤️
كان نفسها شعرها يطول شوية😍
ف الحمد لله الذي أكرمنا بالنتيجة الجميلة دي💪

دمتم دائما بخير ❤️

16/11/2025

لو حد سألني
إيه أصعب حالة ممكن تيجي العيادة ؟
هقوله حالات مشاكل الشعر وده لعدة أسباب
وهو ان العلاج ممل وبياخد وقت طويل وإلتزام
وللأسف أغلب الحالات بتزهق ومبتكملش ع العلاج
وللأمانة أنا مقدر ل ده ومش كل الناس عندها القدرة
إنها تلتزم أو تستمر على علاج مدة طويلة حاجة مملة فعلا

و ياسلام لو كان ف العلاج مينوكسيديل
تلاقي الحالة بعد ماتشرح وتفهمها ان العلاج
هنستمر عليه مدى الحياة وده العلاج المناسب لحالتك
حد يلعب ف دماغها ويقولها بلاش وهيوقعلك شعرك وليلة
وللأسف أغلب الناس بتسمع كلام اللي مجرب مش الطبيب
ده غير اللي عاوزة شعرها يطلع تاني يوم ويطول نص متر

بس فيه ناس معذورة أنا بشوف إعلانات غريبة
واللي يقولك بديل المينوكسيديل والزيت الساحر
اللي هيطلع الشعر ف أسبوعين وحاجة منيلة بصراحة

السوشيال ميديا رفعت مستوى التوقعات عند الناس
والكلام المغلوط أصبح أكثر بكتير من الكلام الصح للأسف
والناس بتتعلق ف قشاية وبترتاح للكلام اللي هي عاوزة تسمعه

ماعلينا
نرجع لحالتنا
الحالة اللي معانا
كان عندنا مشكلة ان الجزء الخلفي
بدأ الشعر يتساقط وطول الشعر قل جدا
وأنا تعمدت ان الصورة ف الحالتين يكون
الجزء العلوي مشدود لفوق علشان نشوف
الجزء الخلفي بصورة أوضح ونشوف الفرق

ف الحمد لله
ربنا كرمنا وشعرها إتحسن جدا
والجزء الخلفي وصل لطول وكثافة رائعين
ف خلال 10 شهور من الإلتزام على العلاج 💪
ربنا يتم شفاها على خير ولسه مكملين ان شاء الله

دمتم بخير ❤️

13/11/2025

الحمد لله دائما وأبدا ❤️
تحسن واضح لحالتنا بفضل الله
تحت الأشعة فوق البنفسيجية👌

الأشعة فوق البنفسيجية
مش بس بنستخدمها ف التشخيص
احنا كمان بنستخدمها لمتابعة فاعلية العلاج

دمتم دائما بخير 💪

02/11/2025

البوتوكس من الإجراءات الفعالة لعلاج التجاعيد 👌
الحمد لله النتيجة والشكل طبيعيين وده الأهم 💪💪

للحجز والاستعلام ☎️
الاتصال على أرقام العيادة
من ١ م ل ٨ م يوميا ماعدا الجمعة
01093898915 - 0472640137

21/10/2025

شكرا ع الدعوة الكريمة ❤️
لمؤتمر Sharm Derma 2025 💪

20/10/2025

الحمد لله الذي وفقنا
شوية الكلام دول بالدنيا ❤️
وبالنسبة ل دودو ف ليها هدية مني 🎁
إن شاء الله السكرتارية تتواصل معاها 🤝
يكفيني انها خفت ونتمنى لها الشفاء التام 💪

19/10/2025

سنة 2025
لسة مليئة بالحالات المبهرة

ويبقى علاج الندبات تحدي حتى الأن
أثر جرح بالوجه تم علاجه بالفراكشنال ليزر
والنتيجة الرائعة دي بعد سنة من الإلتزام والمتابعة

ف أحب أوجه الشكر لحالتنا على إلتزامه
والحمد لله على فضله وكرمه ف شفاء الحالة

ودمتم دائما بخير ❤️💪💪

17/10/2025

إعلان نتيجة الفائزين بالجوائز
وهي 10 شنط أوريچينال وسبيكتين دهب 💛💛

أحلى حاجة ف الڤيديو فرحة الناس
لما كلمناهم وسمعنا فرحتهم بجد دي بالدنيا ❤️

ألف مبروك للجميع ودمتم دائما بخير ❤️💪💪

14/10/2025

إن شاءالله
الخميس القادم
الموافق 16- 10- 2025
الكشف هيكون مخفض (100 جنيه)

وسيتم السحب على
10 شنط أوريجينال وسبيكتين دهب
مقدمين من شركة بيوجينيكا ( Bio Geneca )

الحجز خلال اليوم المخفض
بأسبقية الحضور وذلك لعدد محدد
مواعيد العمل خلال اليوم من 11 ص ل 8 م

للحجز والاستعلام ☎️
الاتصال على أرقام العيادة
من 1 م ل ٨ م يوميا ماعدا الجمعة
01093898915 - 0472640137

دسوق ش السينما برج مكة
الدور الثاني بجوار صيدلية الشعب

دمتم دائما بخير ❤️💪

13/10/2025

كنت فاكر
إن حالة السنط اللي عرضتها من فترة
هي الحالة الأهم خلال السنادي ولكن 👀

حالتنا النهاردة من الحالات اللي صعب تشخيصها
ومش بس كده ده كمان علاجها أصعب من تشخيصها

الصورة ممكن تكون خادعة
وناس تقول تينيا أو نخالة أو بهاق
أو حتى ورم من الأورام الجلدية وده وارد

ولكن حالتنا Progressive macular hypomelanosis

الحالات اللي بالشكل ده بتحتاج فحص كويس جدا
وممكن تحتاج عينة من الجلد علشان نوصل للتشخيص

علشان كده بنقول دايما بلاش تشخيص ع الواتس
أو على أي وسيلة تواصل أيا كانت كل ده كلام فاضي

ف الحمد لله الذي هدانا للتشخيص الصحيح
والحمد لله على كرمه وفضله ف شفاء الحالة

ودمتم دائما بخير ❤️

05/10/2025

دبلومة الأمراض الجلدية
دي دراسات عليا مدتها لا تقل عن سنتين
وبتكون ف الجامعات المعتمدة زي جامعة الأزهر
وجامعة عين شمس أو القصر العيني أو بنها وغيره

وشروط التقدم انك تكون طبيب بشري ف الأساس
وبعد كده تخلص إمتياز وبعدها تكليف وبعدها نيابة

وبعد كده يا تعرف تسجل يا متعرفش
وبيكون فيه منافسة شديدة جدا عليها كل سنة
وأعرف ناس بقالهم سنين بيقدموا ومبيتقبلوش

تخصص الجلدية ف العموم من التخصصات
اللي المنافسة عليه عالية جدا وبيحتاج تقدير عالي

أنا بكلمكم ف الدبلومة مابالكم بالماچستير
أنا علشان أسجل ماچستير سجلت دبلومة الأول
علشان الماچستير المنافسة عليه كانت عالية جدا
وللأسف معرفتش أسجل ماچستير لشدة المنافسة
وعلشان أسجل دبلومة ضحيت بحاجات كتير وقتها
ولفيت على كل جامعات مصر علشان جامعة تقبلني
والحمد لله ربنا كرمني واتقبلت وكان لازم أجيب تقدير
علشان أعرف أسجل بعد كدة ماچستير جلدية وتناسلية

والحمد لله ربنا كرمني وجبت تقدير وسجلت ماچستير
وخلصت الماچستير وربنا كرمني برده بتقدير كويس ❤️
كل ده حصل خلال ٥ سنين مش أسبوع ولا شهر ولا سنة
ومش عاوز أقولكم دي مجرد بداية وليست نهاية الطريق

النهاردة بنسمع عن شخصيات
بتقول على نفسها إنهم دكاترة جلدية وتجميل
أو أخصائيات جلدية وبشرة وشعر أو أيا كان المسمى

لو الشخصيات دي ممرتش بالطريق الصحيح
انها دخلت كلية طب وبعدها دراسات عليا أيا كانت

فهذا تدليس وكذب
وأي حاجة بعد كده فهي حرام قولا واحدا
وهذا شخص لا يؤتمن لأنه من البداية كذاب

فبلاش نسمع لحد بيقولك أنا أخصائي بشرة وشعر
ومسمي نفسه دكتور فهذا غير موجود ف هذه الدنيا
وهيتحاسب على كل مريض ناظره بدون وجه حق 🤝

وللأسف بنشوف أعراض جانبية كتير جدا كل يوم
بسبب ان المريض راح لهذا المدعي أيا كان مسماه

الطبيب المختص له مسمى واحد
وهو أخصائي كذا أو إستشاري كذا
ولا يوجد أي مسمى أخر أيا كان فهذا كذب

المريض غلبان
ومعندوش الوعي الكافي
انه يعرف يفرق بين الطبيب المختص
وبين اللي عامل نفسه طبيب وبيشتغله
ف علشان كده فيه حملة كبيرة حاليا للتوعية
وده الهاشتاج الخاص بالحملة

ياريت الناس تدخل ع الهاشتاج ده وتتابع وتشارك 👌

وبالنسبة للأطباء حديثي العهد
فبلاش تشوف إعلان عن دبلومة جلدية وتجميل
وتلاقي معاها ف نهاية الإعلان جملة شهادة معتمدة
فهذا كذب ونصب ولن تفيدك ف أي شيئ فتريث 🤝

هناك ما يسمى بالدورات التدريبية
أو الكورسات اللي تساعدك على تنمية مهاراتك

ف إعتدلوا يرحمكم الله ودمتم دائما بخير ❤️❤️

Address

شارع السينما
Desouk

Telephone

+201093898915

Website

https://www.facebook.com/HatemDorgham?mibextid=ZbWKwL, https://www.facebook.com/HatemDorgham?mibextid=ZbWKwL

Alerts

Be the first to know and let us send you an email when د.حاتم درغام للجلدية والتناسلية posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Desouk?