عيادة الروماتيزم والمناعة - أمراض المفاصل والعمود الفقرى - د. مصطفى المناوى

17/11/2025

‎♥️♥️ولأن صحتكم هى أهم شىء عندنا ♥️♥️

مافيش رسالة واتس او استفسار بنجاوب عليه غير بعد مراجعة البيانات و الملف الطبى للمريض فى العيادة.

ممكن نتأخر فى الإجابة والرد على بعض الإستشارات.. بس بالنهاية هتلاقى الرد المناسب لحالتك بالظبط ومعاه العلاج والشفاء بإذن الله.

16/11/2025

🦵✨ عايز تحافظ على ركبك وتمنع الخشونة؟
ابدأ من دلوقتي 👇

✅ تخلّص من الوزن الزائد.
🚶‍♀️ مارس الرياضة بانتظام… والمشي أفضلها!
⏳ تجنّب الوقوف لفترات طويلة.

💪 ركبك أمانة… حافظ عليها قبل ما تشتكي منها


ً

15/11/2025

#️⃣ #️⃣ تورم الأصابع مش دايمًا شيء بسيط #️⃣ #️⃣

كتير من الناس يصحوا الصبح يلاقوا أصابعهم متورمة أو “متيبّسة” ويفتكروا إنها حاجة عابرة…
لكن الحقيقة إن بعض الأمراض الروماتيزمية المزمنة بتبدأ بالعلامة دي تحديدًا

◀️أشهر الأمراض المصحوبة بتورم أو إنتفاخ الأصابع:
الروماتويد المفصلى
الذئبة الحمراء
كسل الغدة الدرقية
إلتهابات الشرايين أو الأوردة
مرض السكر ( فى الحالات المتقدمة)

◀️في حالة ملاحظة انتفاخ او تيبس الأصابع، لا بد من زيارة طبيب أمراض الروماتيزم والمناعة للتأكد ما إذا كان التورم أمر طبيعي أم ناتج عن مشكلة صحية ما تستلزم العلاج.

◀️◀️الكشف عند الطبيب المتخصص بيوفر عليك كتير من الوقت والفلوس والمجهود وهيريحك من فحوصات ولف كتير ليس له أى داعى.

✅✅إكشف صح 👈👈👈تتعالج صح✅✅

10/11/2025

09/11/2025

�💥 “ركبتي يا دكتور… خلاص مش قادرة أستحمل الوجع!”
الكلمة دي يمكن أكتر جملة بنسمعها كل يوم في العيادة 👇

“مش بعرف أطلع السلم ولا أنزله… بصلي على الكرسي…
ولو قعدت على الأرض مستحيل أقوم لوحدي!” 😔

الحقيقة إن الركبة من أهم المفاصل في الجسم، وأي مشكلة فيها بتأثر على كل حركة في حياتك…
و أكتر سبب بنشوفه هو خشونة الركبة.

⚠️ أعراضها واضحة جدًا:
✅ ألم مستمر، يزيد بالحركة أو حتى أثناء النوم.
✅ طقطقة أو فرقعة في الركبة.
✅ تيبّس وصعوبة في الحركة خصوصًا الصبح أو بعد الراحة.

💡 والمفاجأة إن كتير فاكر إن خشونة الركبة ملهاش علاج!
لكن الحقيقة 👇
العلاج موجود — وكل مرحلة ليها خطة علاج مختلفة سواء:
💊 أدوية مناسبة.
💉 حقن موضعية بأنواعها.
🤸‍♀️ علاج طبيعي وتأهيل.

🎯 والمفتاح الحقيقي هو التشخيص المبكر والعلاج بدري…
كل ما نبدأ أسرع، النتيجة بتكون أفضل بكتير 💪

🩺 ما تستناش الوجع يزيد… اكشف بدري وابدأ العلاج الصح.

08/11/2025

🔴 رجاء هام لكل مرضى الذئبة الحمراء:
❌ لا تتناول أي دواء دون الرجوع إلى طبيب الروماتيزم والمناعة المختص.

👇👇👇👇👇👇

✅ مريضة بالذئبة الحمراء متابعة معانا في العيادة من أكتر من 5 سنوات، وكانت حالتها مستقرة تمامًا بفضل الله 🙏
وصلنا معاها لجرعات بسيطة جدًا (قرصين يوميًا فقط) والمرض في حالة خمول كامل.
بنراجع التحاليل كل 4 شهور وبتكون ممتازة دائمًا 👌

لكن…

❌ من فترة بدأت تشتكي من ألم في الضهر، وراحت لدكتور قريب منها (غير متخصص في أمراض الروماتيزم والمناعة).
كتب لها روشتة فيها أنواع متعددة من المسكنات وأدوية لا تناسب مريض الذئبة الحمراء إطلاقًا 😔

⬅️ خلال أسبوعين فقط حصل نشاط كامل للمرض!
وجت العيادة تعاني من:
• تورم بالمفاصل
• احمرار شديد بالجلد

طلبت منها التحاليل، وطلعت النتيجة اللي كنا خايفين منها:
💥 التهاب مناعي بالكلى (Lupus Nephritis)

تم حجزها بالمستشفى فورًا، وبدأنا بروتوكول علاج مكثف حسب حالتها الجديدة.
الحمد لله بدأت تستجيب والعلامات الحيوية اتحسنت 🙏
لكنها دلوقتي محتاجة علاج مكثف لمدة لا تقل عن سنتين للحفاظ على الكلى ومنع أي نشاط جديد للمرض.

⸻

⚠️ رسالة لكل مرضى الذئبة والمناعة الذاتية:
مهما كنت مستقر ومبسوط إن المرض هادي…
ما تاخدش أي دواء دون الرجوع لطبيبك المعالج.
قرار بسيط ممكن يغير مسار حالتك بالكامل!

✅ الكشف عند الطبيب المتخصص بيوفر عليك وقت ومجهود وفلوس… والأهم: بيحافظ على صحتك ❤️

🩺 إكشف صح 👈 تتعالج صح 🩺

07/11/2025

💢 متلازمة الإرهاق (الإجهاد) المزمن
Chronic Fatigue Syndrome – CFS

هل بتحس إنك دايمًا مرهق وتعبان من غير سبب؟
تحس بألم في المفاصل والعضلات؟
وتصحى من النوم كأنك ما نمتش أصلًا؟
لو ده بيحصل معاك 👇 لازم تركز في الكلام ده:

⸻

🔹 ما هي متلازمة الإرهاق المزمن؟

هي حالة من التعب المستمر والمُنهك لا يزول بالراحة أو النوم،
وبيأثر على الجهاز العصبي والمناعي، وبيخلّي المريض يعاني في حياته اليومية.

⸻

🔹 الأسباب المحتملة:

لسه مفيش سبب محدد، لكن في عوامل بتزود احتمالية الإصابة:
• التعرض لعدوى فيروسية 🦠
• ضعف جهاز المناعة 🧬
• الضغط العصبي والاختلالات الهرمونية 😣
• الاستعداد الوراثي عند بعض الأشخاص 👨‍👩‍👧‍👦

⸻

🔹 الأعراض الشائعة:
• إرهاق شديد مستمر من 3 إلى 6 شهور لا يتحسن بالراحة.
• زيادة التعب بعد أي مجهود بسيط بدني أو ذهني، ويستمر أكتر من 24 ساعة.
• اضطرابات في النوم أو شعور بعدم الراحة بعد النوم 😴
• ضعف في التركيز والذاكرة.
• آلام في العضلات والمفاصل، وصداع واحتقان بالحلق 🤕
• اكتئاب أو تقلبات مزاجية 😔
• ممكن الأعراض تيجي في نوبات متكررة، وبينها فترات تحسن جزئي أو كامل.

⸻

🔹 التشخيص:

مفيش تحليل مؤكد لتشخيص الحالة،
لكن التشخيص بيتم من خلال التاريخ المرضي والفحص الإكلينيكي
على يد طبيب روماتيزم ومفاصل،
وده علشان نستبعد أي أمراض تانية تسبب نفس الأعراض.

⸻

🔹 العلاج:

الهدف من العلاج 👇
✅ تقليل الألم والإرهاق
✅ تحسين النوم والحالة النفسية
✅ مساعدة المريض يرجع يعيش حياته بشكل طبيعي

⸻

✳️ العلاج غير الدوائي:
• ممارسة الرياضة الخفيفة وتمارين الاسترخاء 🧘‍♀️ (ابدأ تدريجيًا).
• تجنّب الضغوط النفسية والقلق 😌
• الحصول على نوم كافٍ ومنتظم بالليل 🌙
• الحفاظ على وزن صحي ⚖️
• الدعم النفسي من الأهل والأصدقاء 💑 مهم جدًا في التحسن.

⸻

✳️ العلاج الدوائي:

مافيش علاج واحد ثابت، والطبيب بيختار حسب الحالة،
ومن الأدوية اللي ممكن نستخدمها:
• أدوية لتحسين النوم.
• مضادات الاكتئاب أو التوتر.
• مسكنات ومضادات التهاب.
• مكملات غذائية تحتوي على فيتامين C وE وD 💊

⸻

💬 في النهاية:

لو بتعاني من إرهاق مزمن وألم في العضلات والمفاصل،
ما تسيبش نفسك 👈 اكشف عند طبيب روماتيزم ومفاصل
علشان يحدد السبب ويوجهك للعلاج الصح.
الكشف المبكر بيوفّر عليك وقت ومجهود وفلوس… ويريّحك فعلاً ❤️

✅✅إكشف صح 👈👈👈تتعالج صح✅✅

05/11/2025

فيه ناس بتبعت
“يادكتووور.. الووو؟ 😅”
“رد يادكتور…”
“هو انت مابتردش ليه؟”

وفيه ناس تبعت “Gentle reminder 😊”

الاتنين مستعجلين الرد،

بس الطريقة الجميلة دي تخلي الواحد يرد وهو مبسوط.

شكرًا بجد للناس الذوق اللي بتختار كلامها بعناية 🌸

19/09/2025

أثناء حضور المؤتمر السنوي للجمعية المصرية لأمراض الروماتيزم والمناعة الإكلينيكية EGYSIR

حريصين دائما علي مواكبة كل جديد في أمراض الروماتيزم والمناعة

14/09/2025

دكتور..

أنا إتحسنت على النظام الغذائي الفلاني ..

مبروك 👏

أنا استريحت على الدايت العلاني ….

ممتاز 👌

أنا لما منعت الدقيق الأبيض وقطعت السكر وزني نزل و الضغط على مفاصلي قل و القولون اتحسن و نفسيتي استريحت ..

طبيعي حضرتك مش سحر و مبروك كمل 🥳

" كل مرض لااااازم لااااازم ليه الدايت بتاعه " عشان كل مرض " ليه البكتريا اللي بتنشطه "
"كل الأمراض المناعية بتتنشط بأكل معين"
" أنا هبدأ أمشي على الدايت عشان أوقف الدوا"
"إنتوا مقدمتوش أجوبة مقنعة للأمراض المناعية وأسبابها فهنلجأ للطبيعة"..
لأ لحظة بأه ..

هنا ونقف وقفة.

التحسن على الدايت/الحمية الغذائية و إن تم ملاحظته مع أشخاص معينة ؛ لكن اتعمل عليه أبحاث بالهبل .. و الواقع بيقول إن مش كل الأمراض المناعية بتتحسن بالدايت؛
و إن مفيش دايت معين ينفع يتعمم ولا يتفصل حتى على كل مريض مناعي.

أي "إنسان" حتى لو "طبيب" يقولك إن أصل كل الأمراض "الأكل" وتعالى أعمل لك "نظام غذائي" أخليك توقف علاج "السكر" ولا "البهاق" ولا "الروماتويد " ولا "القولون التقرحي" =

نصاب قولًا واحدًا متسمعش منه...

يمكن ده آخر بوست هكتبه في الموضوع لإنه أخذ أكثر من حجمه بالنسبة لي..
ولإن اللي عاوز يقتنع يقتنع واللي حابب يمشي ورا اللي يريحه فكل واحد حر.
وما على إلا البلاغ.
————-

دكتور..

أنا إتحسنت على النظام الغذائي الفلاني ..

مبروك 👏

أنا استريحت على الدايت العلاني ….

ممتاز 👌

أنا لما منعت الدقيق الأبيض وقطعت السكر وزني نزل و الضغط على مفاصلي قل و القولون اتحسن و نفسيتي استريحت ..

طبيعي حضرتك مش سحر و مبروك كمل 🥳

تمااام .. بااااااس …..

إنتوا بأه دكاترة نصابين وإستغلاليين و مش بتعالجونا بالغذاء ليه؟؟
ليه كل كلامكم دوا دوا دوا ومفيش دايت لكل مرض ليه؟
ده دكتور سين وصاد وجيم مأكدلي إن

" كل مرض لااااازم لااااازم ليه الدايت بتاعه " عشان كل مرض " ليه البكتريا اللي بتنشطه "
"كل الأمراض المناعية بتتنشط بأكل معين"
" أنا هبدأ أمشي على الدايت عشان أوقف الدوا"
"إنتوا مقدمتوش أجوبة مقنعة للأمراض المناعية وأسبابها فهنلجأ للطبيعة"..
لأ لحظة بأه ..

هنا ونقف وقفة.

التحسن على الدايت/الحمية الغذائية و إن تم ملاحظته مع أشخاص معينة ؛ لكن اتعمل عليه أبحاث بالهبل .. و الواقع بيقول إن مش كل الأمراض المناعية بتتحسن بالدايت؛
و إن مفيش دايت معين ينفع يتعمم ولا يتفصل حتى على كل مريض مناعي.

وبالعكس تمامًا .. معظم الأمراض المناعية مش بتتحسن على دايت معين ودور "الأكل " المُثبت في الأمراض المناعية "غير السيلياك/حساسية القمح بالطبع" - دور الحميات الغذائية قليل جدًا و التحسن عليه فردي ولا ينضبط ولا يمكن أن يُعمم زي ما هشرح تحت.

وإن اللي بيحصل مع حضرتك ده سواءًا كان تحسن مؤقت أو دائم فهو تحسن "فردي" وحط مليون خط تحت كلمة "فردي" لأسباب هقولها تحت.

وإن مش معنى إن الطب لسه موصلش لسبب الأمراض بس بيحاول يوصل لسبب الأمراض المناعية وطور أدوية بتستهدف كتير من أسبابها بآثار جانبية بتقل كل ما البحث العلمى يتطور.؛ مش معنى ده إننا نروح لدجالين أصلًا مفيش أي "معايير" ولا "مصداقية " لكلامهم إلا الإبهار الصوتي والضوئي و زوايا التصوير والبروباجندا و الكلام اللي ظاهره "مُقنع" لكن جواه "سم في عسل" .. و بزنس بالملايين من السحت والحرام.

لازم نعرف إن الأدوية المناعية "مش" بتلغي جهاز المناعة "كله" لأ ده لكل واحد منها "هدف" و"خليه" و "مستقبلات" بتشتغل عليها و البشرية بتحاول توصل وربنا معانا. و إلا .. كان "كووول " اللي خدوا علاج مناعي "ماتوا " تاني يوم بعدوى تافهة ؛ و ده مبيحصلش.

وبناءًا عليه.. وعشان الكلام يكون واضح جدًا:

مينفعش "أخصائي" تغذية علاجية يطلق على نفسه لقب "دكتور" لم يتخرج من كلية الطب ولا حتى ينفع دكتور "عام" اتخرج من كلية الطب يوقف أو "يقلل" علاج خاص بمريض موصوف من طبيب "غدد أو مناعة متخصص" غير بالمتابعة المزدوجة.

أي "إنسان" حتى لو "طبيب" يقولك إن أصل كل الأمراض "الأكل" وتعالى أعمل لك "نظام غذائي" أخليك توقف علاج "السكر" ولا "البهاق" ولا "الروماتويد " ولا "القولون التقرحي" =

نصاب قولًا واحدًا متسمعش منه.

تعالى أقولك ليه..

لإن النظرية الجميلة اللذيذة الظريفة المبهرة بتاعة
"إن كووول الأمراض سببها الأكل ومنشأها الطعام" دي نظرية ناقصة، غير كاملة، غير مُعترف بيها في أي مدرسة محترمة في العالم كله.

أو على الأقل " لسه في طور الأبحاث" مينفعش تتعمم على الناس كلها و آخد بيها "بونت" عند الناس و أبيع لهم الهوا ف قزايز عشان سحاتيت من الدنيا.

الأمراض المناعية والمزمنة ياخوانا ليها أسباب.

الأسباب دي يا جماعة منها الإستعداد الوراثي، ومنها العوامل البيئية، منها القلق والتوتر، ومنها "بيزودها"
"بعض" أنواع الأكل.

وفي حميات غذائية "مقترحة" وحط مليوووون "خط" تحت كلمة "مُقترحة" ل "بعض" الأمراض دي.

فكون دكتور /معالج/تغذوي يسيب كل ده و يقولك تعالى ده انا عرفت سبب مرضك ، وكل اللي فات مات إحنا والمرض إخوات ويوهمك إن يلا بينا أنا جبت الديب من ديله وهنبدأ نقلل علاج غدة/وحدات إنسولين/علاج مناعي ونظبط أكلك بالتدريج إهرب منه قولًا واحدًا ده نصاب يا صديقي.

ده بيعمل عليك بزنس بالملايين و سمعة و إسم ومشاهدات و ترافيك على "حس" إنه الطبيب الألمعي اللي آتٍ بما لم تستطعه الأوائل.

ميهمنيش بأه هوا مقتنع بالعبث اللي بيقوله ده ولا موهوم - جاهل يعني. ولا عارف ونصاب.

بس فلان وعلان وترتان وأنا نفسي إستريحت على النظام/الحمية/البلا بلا بلا..

تمام وركز معايا أوي أرجوك لإن دي لعبتهم الكبرى:

١.كتير إن لم يكن معظم الأمراض متداخلة؛ بمعنى .. إن الإلتزام بحميّة غذائية ممكن يهدي فعلًا الجهاز الهضمي، وده بيهدي الحالة النفسية والمزاجية والتوتر و ده بيظبط معدلات السكر والغدة و يقلل من تنشيط الهجمات المناعية بتاعة أي مرض..

٢.الأمراض المناعية أصلًا ليها فترات "كمون Remission “ و نوبات هياج Exacerbation” وارد جدًا يكون بداية الحمية مع فترة الكمون الطبيعية.

لكن..

هل ده معناه إنه خف تمامًا من المرض و"إحنا" الدكاترة الجشعين الاستغلاليين الوحشين عاوزينكم تمشوا على دوا طول العمر عشان إحنا مش بنفكر في Root جذر الأمراض وبنفكر بسطحية؟

أبدًا…

هل ده معناه حماية من النوبات ؟

إطلاقًا.. الهجمات كده كده عشان هيا متعددة العوامل.. ممكن تهدي النوبة شوية مع منع أكل معين وتيجي تاني لو أكلت .. وممكن العكس .. مفيش قاعدة ثابته إطلاقًا..

هل ده معناه إني بقول الحميات الغذائية كلها مالهاش لازمة ؟

لأ طبعًا وهنزل لحضراتكم في التعليقات الأمراض المناعية المثبت فوايد الحميات الغذائية فيها أو نوع معين من الطعام فيها.
لكن ..

أنا ضد العبث.
ضد الهبل.
ضد الإستغلال و الهجص والضحك ع الدقون.
ضد الكلام اللي ظاهره علمي معسول وباطنه خواء و نصب.

عارفين المشكلة فين؟

المشكلة إن الناس دي لما تزنقهم يقولوا ما قلناش نوقف الأدوية قلنا نكمل مع الحمية و كلهم كاذبون.
كل فيديوهاتهم وإيماءاتهم و إيحاءاتهم وخلاصة تجاربهم وحتى السكرين شوتس اللي بينزلوها على صفحاتهم كلها تشجيع على إيقاف العلاج أو تسفيه من التشخيصات أو من وجود الأمراض أساسًا..
فتلاقيه يقولك :

السكر التراكمي ( اللي مالوش لازمة !)
أو
الضغط عرض مش مرض !
أو
الإكزيما عرض مش مرض.

فليت شعري لا أتقنوا علاج العرض ولا فهموا سبب المرض و أفسدوا في الأرض أكثر مما أصلحوا..

دي زفرة والله ..
والله شهيد على ما أقول ..
بفضل الله لا محتاج مال ولا شهرة عشان حد يقول منفسن ولا حاقد..
ومعايا شهادات من مصر وأمريكا عشان مقدر إن ناس كتير متعرفنيش.
وعيادتي موجودة في مصر ومعروفة غير معظم المدعين دول للأسف يا يكشف أون لاين من داخل أو خارج مصر عشان يعكوا براحتهم في المرضى.

دي والله صرخة حزن وألم و أسى ..
حزن على مساحة خلت من العلماء فاحتلها المدعين والجهلة و الأفاقين.

ومعذرةً إلى ربكم.

والحمد لله رب العالمين.

د.أحمد الخطيب.

05/09/2025

الأعشاب والأكسجين النشط لعلاج الذئبة الحمراء
✅ بيوصلنا أسئلة كتير عن استخدام وسائل علاج زى الأكسجين النشط والأعشاب الطبيعية فى علاج مرض الذئبة الحمراء؟؟ وهل هى فعلا حل فعال او نهائى للأمراض المناعية
👇👇👇👇👇
محتاجين بس نوضح وبشكل قاطع ان المرض الذئبة الحمراء وبقية الأمراض المناعية تحتاج إلى علاج دوائى مزمن لفترات طويلة ( غالبا مدى الحياة) وقد يحدث خمول للمرض ويتم تقليل او ايقاف الأدوية بناء على نصيحة طبيب الروماتيزم والمناعة المتابع للحالة
⛔️اما عن استخدام الأعشاب والأكسجين النشط لعلاج الذئبة فهو لم يرد بأى توصيات طبية على مستوى العالم ولم يتم ذكره فى أى مجلة طبية ولا مجلة ميكى حتى والوصف الصحيح للمروجين له أنهم شوية نصابين.
❌🚫الأعشاب والأكسجين للأمراض المناعية نصب فى نصب🚫❌

◀️◀️الكشف عند الطبيب المتخصص بيوفر عليك كتير من الوقت والفلوس والمجهود وهيريحك من فحوصات ولف كتير ليس له أى داعى.

✅✅إكشف صح 👈👈👈تتعالج صح✅✅

✍️✍️ عيادة دمياط الجديدة: أول شارع الصعيدى القديم أعلى محمصة العز السورى
📞:01550888600-01050030823

✍️✍️الكشف و الإستشارة بالحجز المسبق تليفونيا .
✅المواعيد والحجز فى اول كومنت👇👇👇
_النشط_الأعشاب