معمل الأطباء - Doctor's lab

معمل الأطباء - Doctor's lab معمل الأطباء للتحاليل الطبية والكيميائية بالعطواني
العنوان : عيادات العطواني التخصصية - خلف الوحدة الصحية بجوار صيدلية د أسماء شعبان

تعويم ؟.. زيادة اسعار البنزين ؟لا تقلق... أسعارنا لسه زي ماهي 😌✌🏻 أدق نتيجة + أرخص سعر تحاليل في مصر ... وتحدي 👌🏼للإستعل...
03/11/2025

تعويم ؟.. زيادة اسعار البنزين ؟
لا تقلق... أسعارنا لسه زي ماهي 😌✌🏻

أدق نتيجة + أرخص سعر تحاليل في مصر ... وتحدي 👌🏼

للإستعلام والاستفسار عن أي تحليل يرجي التواصل هاتفياً أو عن طريق الواتساب عبر الرقم التالي : 01123260880

🔬💉🌡️

🩸 مقاومة الإنسولين.. خطر صامت ممكن يتطور للسكر!يعني إيه مقاومة إنسولين؟الإنسولين هو المفتاح اللي بيفتح خلايا الجسم عشان ...
27/10/2025

🩸 مقاومة الإنسولين.. خطر صامت ممكن يتطور للسكر!

يعني إيه مقاومة إنسولين؟
الإنسولين هو المفتاح اللي بيفتح خلايا الجسم عشان يدخل الجلوكوز المطلوب للطاقة جواها 🔑
ولو الخلايا قاومت المفتاح (يعني حصلت مقاومة إنسولين)، الجلوكوز يفضل في الدم... فيعـلى السكر ويظهر مرض السكري 🩸

الأعراض اللي ممكن تلاحظها:
-تعب وخمول بعد الأكل
-صعوبة في فقدان الوزن
-جوع متكرر واشتهاء الحلويات
-زيادة في الدهون خاصة في البطن
-بشرة غامقة في الرقبة أو تحت الإبط (Acanthosis nigricans)

🎯 الأسباب الشائعة:
-قلة الحركة
-زيادة الوزن والدهون حول البطن
-أكل سكريات ومأكولات مصنعة كتير
-السهر والتوتر المزمن

🧪 تحاليل بتكشف مقاومة الإنسولين:
*سكر صايم (FBS)
*إنسولين صايم (Fasting Insulin)
*وتحليل HOMA-IR (ناتج من تحليل السكر والإنسولين الصايمين)

💪 العلاج:
-نظام غذائي صحي قليل النشويات
-رياضة يومية حتى لو مشي سريع نص ساعة
-تنظيم النوم وتقليل التوتر
-أحيانًا أدوية زي الميتفورمين (تحت إشراف الطبيب)

دمتم بصحة وعافية 🌹
🔬💉🌡️

وديتو الشعب فين يا حازم ؟ 120 مليون مفيش حد فيهم عايز يحلل ؟! 🔬💉🌡️
23/10/2025

وديتو الشعب فين يا حازم ؟ 120 مليون مفيش حد فيهم عايز يحلل ؟!

🔬💉🌡️

💉 تطعيم الإنفلونزا: مش عشان البرد يا جماعة!كل سنة والمتخصصين بينصحوا بأخذ تطعيم الإنفلونزا الموسمي، وهو خطوة مهمة جداً ل...
20/10/2025

💉 تطعيم الإنفلونزا: مش عشان البرد يا جماعة!
كل سنة والمتخصصين بينصحوا بأخذ تطعيم الإنفلونزا الموسمي، وهو خطوة مهمة جداً لحمايتك وحماية عائلتك. بس خليني أقولك نقطة جوهرية ومهمة جداً:
التطعيم ده معمول علشان يحميك من فيروس الإنفلونزا الموسمية... فقط!
يعني، مش هيحميك من نزلات البرد العادية اللي بتجيلك من فيروسات تانية زي "الراينوفيروس" مثلاً. ودي نقطة للأسف منتشرة بالغلط عند ناس كتير. التطعيم بيقلل خطر الإصابة بـ الإنفلونزا ومضاعفاتها الخطيرة.
🛑 قبل ما تاخده لنفسك أو لأهلك.. ركّز في دول:
تاريخ الصلاحية الموسمي:
لازم تتأكد إن العلبة مكتوب عليها الموسم الحالي: 2025/2026 (أو حسب الموسم اللي أنت فيه). تركيبته بتتغير كل سنة علشان تغطي السلالات المنتشرة.
الأمان يشمل الجميع تقريباً:
آمن جداً وموصى به لكل شخص عمره فوق 6 شهور!
يشمل ده الحوامل، ومرضى القلب، الضغط، السكر، الكلى، وكل أصحاب الأمراض المزمنة. يعني مفيش قلق منه عليهم.
حساسية البيض (التحديث الأهم!):
زمان كان اللي عنده حساسية بيض ممنوع ياخد اللقاح لأنه بيُصنع باستخدام بيض الدجاج المخصب.
لكن.. المعلومة الجديدة واللي أكدتها جهات عالمية زي CDC و WHO و EMA بتقول:
اللقاحات الحديثة بتحتوي على كمية ضئيلة جداً من بروتين البيض (أقل من 0.1 ميكروجرام في الجرعة)، ودي كمية آمنة لمعظم الناس اللي عندهم حساسية بيض، حتى لو كانت حساسية شديدة (بس في حالات الحساسية الشديدة يفضل يكون أخذ اللقاح تحت إشراف طبي احتياطاً).
الخلاصة: حساسية البيض دلوقتي مش مانع لأخذ اللقاح زي ما كان الاعتقاد القديم.
📋 الجرعة وطريقة أخذها:
الجرعة للكبار والأطفال (اللي أخدوه قبل كده):
هي جرعة واحدة، عبارة عن حقنة عن طريق العضلة الخارجية في الكتف (أو عضلة الفخذ للأطفال الأصغر سناً).
الجرعة للأطفال (تحت 9 سنوات):
لو طفلك عمره أقل من 9 سنوات ودي أول مرة ياخد فيها تطعيم الإنفلونزا في حياته: هيحتاج جرعتين بينهما فاصل شهر واحد على الأقل، علشان جسمه يبني مناعة كافية.
بعد كده، لو بياخده سنوياً، هتكون جرعة واحدة بس.
محدش يقولي التطعيم محماش من البرد... التطعيم وظيفته يحمي من الإنفلونزا!
خذوا التطعيم واستفيدوا من الحماية اللي بيوفرها ضد مرض الإنفلونزا ومضاعفاته، وربنا يحفظ الجميع.
#الانفلونزا #البرد #المصل
#منقول

-صباح الخير يا دكتور، انا متابع للصفحة وجاي اعمل تحليل ملف دهون lipid profile وصايم 8 ساعات يعني مدة الصيام الحقيقي زي م...
20/10/2025

-صباح الخير يا دكتور، انا متابع للصفحة وجاي اعمل تحليل ملف دهون lipid profile وصايم 8 ساعات يعني مدة الصيام الحقيقي زي ما ذكرت في منشور تحليل السكر 😌

= اديك قولت بنفسك منشور تحليل السكر، الـ8 ساعات مناسبة لتحليل السكر لكن الدهون لأ.. لازم تكون عدد ساعات الصيام أقل شئ 10 ساعات وأكثرها 16 ساعة وأفضل وقت هو 12 ساعة.

-طب ليه الفرق ده ؟ مش كله صيام ؟

=اول واحد يسألني وميجاوبش من نفسه 🥹

---------------------

🙋🏻‍♂️ : خلاص عرفنا ان تحليل السكر لا يزيد ولا يقل عن 8 ساعات.
* لو كانت عدد ساعات الصيام أقل من 8 : هيكون لسه في بواقي سكر من الوجبة السابقة تأثر علي التحليل.
* ولو زاد وقت الصيام عن 8 ساعات : هيبدأ الجسم يستهلك سكر مخزون وبالتالي يأثر علي نتيجة التحليل 👌🏼

🤔 : طيب ليه تحليل الدهون لازم عدد ساعات اكبر ؟

💡 لأن الدهون بتحتاج وقت أطول بعد الأكل عشان تختفي من الدم،
فلو حللت قبل 10 ساعات النتيجة هتكون أعلى من الحقيقة 🔺
ولو زودت عن 16 ساعة، الجسم هيبدأ يستهلك الدهون المخزنة 🔻
وده كمان هيأثر على دقة التحليل.
وحسب المراجع العلمية الموثوقة وكبري منظمات الصحة بتؤكد ان أفضل عدد ساعات صيام لتحليل الدهون هو 12 ساعة.. مسموح خلالها فقط بالقليل من المياه 😊

دمتم في صحة وعافية 🌷

🔬💉🌡️

-استاذ ناصح : صباح الخير يا دكتور، انا قريت منشور امبارح وجاي مطبق الشروط والأحكام وعايز أعمل تحليل سكر صائم.. انا صايم ...
19/10/2025

-استاذ ناصح : صباح الخير يا دكتور، انا قريت منشور امبارح وجاي مطبق الشروط والأحكام وعايز أعمل تحليل سكر صائم.. انا صايم من الساعة 10 بالليل 😌
=بس ده كده أكتر من 8 ساعات يا أستاذ ناصح وكده التحليل مش هيكون دقيق !
-استاذ ناصح : لا لا هيكون دقيق المهم انه مش اقل من 8 ساعات لكن اكتر عادي عادي 😌
=لا دانت ناصح فعلا 🤦🏻‍♂️
-------------------

🧪 عرفنا خلاص إن صيام تحليل السكر مينفعش يكون 6 ساعات، بس ليه برضه مايزيدش عن 8؟ 🤔

لأن لو طولت في الصيام، جسمك بيكون محتاج للطاقة، وفي اللحظة دي بيبدأ يستهلك السكر المخزن في الكبد والعضلات في صورة جليكوجين.
وساعتها النتيجة هتطلع أعلي من النتيجة الحقيقة 🔻

يعني:
⬅️ أقل من 8 ساعات = الأكل لسه مأثر وهيكون في ارتفاع كاذب في النتيجة.
⬅️ أكتر من 8 ساعات = الجسم بدأ يستهلك السكر المخزن وهيكون في ارتفاع كاذب في النتيجة.

✅ الحل الصح: صيام 8 ساعات بالضبط، والمية عادي تشربها 💧
مسموح بالمياه فقط، لا تقولي شاي ولا ينسون زي الحج نصحي أخو الاستاذ ناصح... الي قالي الشاي والينسون هما مية اصلا 🤷🏻‍♂️

في النهاية دي مش شروط تعجيزية ولا تعنت من المعمل، كل الاحتياطات دي عشان نتيجة تحليل حضرتك تطلع مزبوطة وتكون دقيقة 100% 👌🏼

دمتم في صحة وعافية 🤍

🔬💉🌡️

-البيشنت اللطيف : انا صايم 6 ساعات وعايز اعمل تحليل سكر صائم 😎= تمام يا فندم هنستني كمان ساعتين عشان التحليل لابد له من ...
18/10/2025

-البيشنت اللطيف : انا صايم 6 ساعات وعايز اعمل تحليل سكر صائم 😎
= تمام يا فندم هنستني كمان ساعتين عشان التحليل لابد له من صيام 8 ساعات بالضبط 👌🏼
-البيشنت: ده قانون جديد ده ولا ايه ؟ هما 6 او 7 ساعات معروفة 🤷🏻‍♂️
=طب خلاص خد الجوانتي والسرنجة وخش حلل انت مكاني 😌

*🩸 ليه بنصوم ٨ ساعات قبل تحليل السكر مش ٦؟
لأن الجسم بياخد وقت عشان يخلّص تأثير الأكل والأنسولين اللي بيفرز بعد الوجبة.
بعد ٦ ساعات لسه ممكن يكون في سكر جاي من الهضم، فالنسبة تطلع أعلى من الحقيقة.
لكن بعد ٨ ساعات الجسم بيكون في حالة "صيام حقيقي"، وساعتها بنقيس السكر الصافي اللي بيعبر فعلاً عن حالتك.

⏰ يعني باختصار:
٦ ساعات = ممكن نتيجة مضللة
٨ ساعات = نتيجة دقيقة 💯

🔬💉🌡️

🧪 تحليل الغدة الدرقية (TSH) لوحده مش كفاية!كتير من الناس لما بيحبوا يطمنوا على الغدة الدرقية بيعملوا تحليل TSH بس، وده ط...
16/10/2025

🧪 تحليل الغدة الدرقية (TSH) لوحده مش كفاية!

كتير من الناس لما بيحبوا يطمنوا على الغدة الدرقية بيعملوا تحليل TSH بس، وده طبعًا مهم جدًا…
لكن الحقيقة إن التحليل ده لوحده ممكن يدي صورة ناقصـة عن حالة الغدة.

علشان نعرف بالظبط الغدة شغالة كويس ولا فيها خمول أو نشاط زيادة، لازم نضيف معاه علي الأقل تحليل واحد من قائمة تحاليل الغدة "Thyroid tests" وهو Free T4 (FT4).

الـ TSH بيقيس إشارة المخ للغدة، يعني بيقيس تحفيز الغدة النخامية للغدة الدرقية يعني هو بمثابة الكهربا الي بتشغل الجهاز .

لكن الـ FT4 مختص بالغدة الدرقية نفسها لأنه بيقيس الهرمون اللي الغدة نفسها بتفرزه.. يعني بيدينا إشارة عن مدي استجابة الغدة للتحفيز وهل هي شغالة كويس أو لأ

يعني ببساطة:
لو عملت الاتنين مع بعض هتاخد صورة كاملة وواضحة عن حالة الغدة الدرقية 🔍
وده اللي بيساعد الطبيب يحدد التشخيص بدقة ويتابع العلاج صح 💊

اهتم دايمًا إن التحاليل تتعمل مع بعض علشان ما يضيعش منك السبب الحقيقي 👌
---
سؤال بسيط في المعمل ممكن يوفر عليك تعب كبير 🤍

🔬💉🌡️

اللهم اجعلنا ممن يتقونك في السر والعلن وممن يتقنون أعمالهم🤲🏼 فإنك تحب أن إذا عمل أحدنا عملًا أن يتقنه 👌🏼 فقد ورد في الحد...
14/10/2025

اللهم اجعلنا ممن يتقونك في السر والعلن وممن يتقنون أعمالهم🤲🏼
فإنك تحب أن إذا عمل أحدنا عملًا أن يتقنه 👌🏼
فقد ورد في الحديث الصحيح عن عائشة أن النبي ﷺ قال :«إن الله يحب إذا عمل أحدكم ‌عملا ‌أن ‌يتقنه».

شعارنا... دقة تستحق الثقة 👌🏼
🤍

كل عام وأنتم بخير للإستفسار واتس أو اتصال هاتفي : 01123260880
03/03/2025

كل عام وأنتم بخير
للإستفسار واتس أو اتصال هاتفي : 01123260880

نكتشف الغامض والمثير.. نستنتج من الدم الكثير.. انا اخصائي التحليل ✌🏻😎
20/08/2024

نكتشف الغامض والمثير..
نستنتج من الدم الكثير..
انا اخصائي التحليل ✌🏻😎

12/08/2024

البيشنت عنده فوبيا ودايخ ومش قادر يقعد علي كرسي السحب.. وانت وراك شغل تاني و عايز تنجز....

*الوريد : غطست وقولت الي يقدر يسحب مني يفرجني 😎

Address

أسوان - إدفو - العطواني
Edfu
81811

Opening Hours

Monday 9am - 10pm
Tuesday 9am - 10pm
Wednesday 9am - 10pm
Thursday 9am - 10pm
Friday 5pm - 10pm
Saturday 9am - 10pm
Sunday 9am - 10pm

Website

Alerts

Be the first to know and let us send you an email when معمل الأطباء - Doctor's lab posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category