معمل هدير لاب - Hadeer's lab

15/02/2026

لو معمل ؟؟ يبقى هدير لاب
معمل مرخص من وزارة الصحة المصرية
احدث الأجهزة المعملية
اشراف طبى متخصص
contact us now
وانتظرو عروضنا طول شهر رمضان الكريم
وجميع الحالات المستحقة مجاناً بشكل تام

03/02/2026

فيديو قديم عن التهاب البنكرياس الحاد
اتاكد انى بتكلم بسرعه 2x بجد،😅😅

27/01/2026

رمضان بدأ عندنا بدري شوية 😅
كل سنة وأنتو بألف خير💚

25/01/2026

ازيكم 💚
حالتين karyotyping
إحداهما طفلة عمرها شهر والأخرى أنثى بالغة متزوجة
الاتنين تشاركو ف انهم عندهم 47 كروموسوم بدل 46
ولكن مختلفين تمام الإختلاف ف التشخيص
ف الأول هو اية العادى اصلاً عشان اعرف ال disorder?
العادى ان كل شخص مننا عندة 46 كرموسوم متقسمين الى 44 كروموسوم جسدى فى شكل bairs ازواج
يعنى من 1 ل 22 وكل كرموسوم ف هيئة زوج ف يبقى المجموع 44
+ اتنين كرموسوم جنسى برضو فى هيئة زوج
إما XX لو female
او XY لو male
عشان يبقى مجموع الكروموسومات الى بيمتلكها كل شخص 46 كرموسوم على هيئة ازواج تمام ؟
46xx female
46XY male
ودة الشكل الطبيعى اى حيود عن النمط الطبيعى دة هيبقى فى خلل
وفى اشخاص ال defect او الخلل بيكون فى الكروموسومات الجسدية واشخاص ف الكروموسومات الجنسية
تعالو نبص لل two cases دول
الحالة الأولى هى حالة dowm syndrome
اى trisomy of chromosom 21
زيادة ف الكروموسوم 21 بدل نسختين بقو ثلاثة يعنى المجموع بقى47 بدل 46 وهنا الزيادة ف الكروموسومات الجسدية والجنسية مفهاش اى خلل يعنى ال pattern بتاعها
47+xx+21
والطفلة دى بدأ الشك انها down وهى ف بطن الأم لما عملت
4D بين الاسبوع 10 وال 13
الى بيبان فية سمك رقبة الجنين والى بيقى علامة على وجود طفل من متلازمة دون وكان ممكن ف الوقت دة إجراء تحليل قوى جدا جدا الى هو NIPT والى دقتة بتوصل ل 99%
والى بيفحص ال DNA بتاع الطفل
ولكن ماتعملش للاسف واتعمل بدلاً منة تحليل ال karyotyping بعد شهر من الولادة
والى أكد ان الطفلة من متلازمة داون
دة غير الأعراض الى بتكون ظاهرة زى العين المسحوبة للأعلى بشكل ملحوظ ال flattend face والاذن الصغيرة
وكمان كفوف ايد صغيره
واللسان بيكون كبير وخارج غالبا برة الفم وصفات ظاهرية تانية بتبدى بالظهور والوضوح مع نمو الطفل وللى عادةً بيكون عند معظمهم مشاكل ف القلب
شفاهم الله جميعاً
أما عن الحالة التانية
ف هى الأخرى عندها زيادة ف كرموسوم ولكن هنا الزيادة ف الكرموسومات الجنسية عندها ثلاث نسخ من كرموسوم X بدل نسختين
عشان يبقى ال pattern بتاعها هو
47+###
وهى متلازمة ال triple X الى بتصيب نسبة قليلة من السيدات والى ممكن مايظهرش عليهم اى اعراض اطلاقا ً او يظهر اعراض طفيفة جدا بتتمثل ف طول قامة وبعض صعوبات تعلم وممكن نسب ذكاء اقل او عادية ولكن الى لوحظ ان اغلبهم بيكون عندهم مشاكل ف الخصوبة زى حالتنا هنا بالظبط والى كانت بتعانى من ضعف شديد جداً ف مخزون المبيض واضطراب ف الهرمونات
وعملت تحليل karyotyping ك روتين
قبل إجراء الحقن المجهرى
والى بين وجود triple X syndrome
بس كدة
ماتشوفش شر 💚

19/01/2026

قد صاحبو الفأل الحسن 🤎
ف يوم من الايام مش هيبقى فى مكان للشهادات ان شاء الله

19/01/2026

ازيكم 💚
بتسمع كتير عن التهاب البروستاتا prostatitis
وعن تضخم البروستاتا
Prostate enlargement
سواء تضخم حميد او خبيث
هل فى فرق بينهم ؟
طبعا
التهاب البروستاتا ممكن يكون التهاب بكتيري ومؤقت زى أى عضو بيلتهب وبيرجع لوضعة عادى بعد تمام الشفاء
ودة مش حديثنا النهاردة
ولكن حديثنا عن تضخم البروستاتا
البروستاتا ببساطة موجودة خلف المثانة البولية ودة بيفسر لية لما بيحصل تضخم بيكون فى مشكلة ف التبول زى احتباس البول او التقطيع
طب دورها اية ؟
دورها مهم جدا ف تكوين السائل المنوي
لو سألتك ال semen مكون من اية
هتقولى sperms جاية من الخصية
و سائل جاى من ال prostatic gland
طب لية دايماً نسمع ان الذكور بعد السن 50 وممكن اقل شوية معرضين لتضخم البروستاتا ؟
السر كلة بيكمن ف اتزان الهرمونات
يعنى اية ؟
ال male عندة هرمون ال
testesteron عالى جدا
اى حاجة بتقلل مسوايات الهرمون دة ف هى بتأثر على اتزان الهرمونات ف بينتج عنة خلل
طب اية اشهر حاجة بتعمل كدة ؟
الذكور ف سن متأخر بينشط انزيم ال aromatasالى
بيحول جزء من التيستيرون (male hormone) الى استروجين (female hormone)
الى هو الهرمون الأنثوى
مع عدات غذائية غلط مع تدخين ومع زيادة وزن ومقاومة انسولين بينشط الانزيم اكتر واكتر
ف يقل ال testesteron اكتر
ويذيد ال estrogen
ومع زيادة الاستروجين
تبتدى تظهر مشكلة تصخم البروستاتا
ومشاكل اخرى متعلقة بالصحة الجسدية للذكور
طب ازاى نكشف بالتحاليل عن تضخم
البروستات ونعرف هل دة
benign ورم حميد
ولا malignant ورم خبيث ?
عن طريق تحليل PSA
prostate spesific antigen
الى بنسمية tumor marker
او دلالة اورام للبروستاتا
دة لأنة بيفرز بشكل طبيعى من نسيج البروستاتا السليم ولكن او مايحصل تضخم ف البروستاتا يعنى زيادة ف حجم الخلايا سواء خلايا عادية او سرطانية لاقدر الله بيذيد جدا مستوياتة ف الدم ف اقدر اقيسة واقيم الوضع
طب هل نكتفى بالتحليل فقط ؟
لا طبعا لازم الفحص السريري والاعراض الاكلينكية والاشعة التشخيصية كمان الى بتبين هل التضخم حميد والانسجة كلها
Homogeneous
ولا فى اختلاف ف الانسجة
Heterogeneous
طب ازاى التحليل بيدعم انة تضخم حميد ولا خبيث؟
احنا عندنا PSA free
يعنى اية free
يعنى not bounded مش مرتبط ببروتين
ودائما ف وجود تضخم خبيث ف البروستاتا بيحصل mild elevated ف free psa
يعنى بترتفع اة بس ارتفاع طفيف
مقارنة بال psa total الى بترتفع اكتر بكتير ( وهى بتقيس الجزء المرتبط بالبروتين + الجزء ال free)
عشان لما نيجى نخسب ال ratio
الى هى نقسم ال free /total
تطلع النسبة اقل من 0.25
الى بترجح انة يكون malignant tumor
مع طبعا الأشعة لو أظهرت وجود خلايا غريبة
واخيرا لو لاقدر الله كان هناك تضخم خبيث ف إما الجراحة وإما ال chemotheraby
شفا الله جميع مرضانا
بس كدة
ماتشوفش شر 💚

25/12/2025

ازيكم 💚
تحليل ال
ACTH stimulation test
مفترض اول م يجيلك التحليل ده تبقى عارف الطبيب شاكك ف ايه اصلاً؟
هنا الطبيب شاكك ف adrenal insufficient نقص فى افراز هرمونات الغده الكظريه سواء ال cortisol بس او ال cortisol وال aldesteron
طب ليه التحليل دة؟
لان دة gold standard test ف إنة يفرقلك بين ال primary adrenal insufficient وال secondary adrenal insufficient
يعنى هيفرق اذا كان النقص ده بسبب مناعى إن الغده الكظريه نفسها حدث لها خلل او تكسير ف لا تقدر على انها تفرز cortisol وال aldesteron الى هو مرض اديسون
ولا الغده الكظريه تمام والمشكله ف الغده النخامية هى الى بتفرز كميات غير كافيه من هرمون لل ACTH المحفز لافراز الكورتيزول ف الكورتيزول قل وهنا طبعا ال aldesteron مش هيتاثر لان الغده الكظريه سليمه والمحفز ليه اصلاً ال angotensin ف هو ملوش علاقه من قريب او من بعيد بال ACTH تمام ؟
تمام إن شاء الله ...
طيب هو انا لو جايلى مريض addison أو الطبيب شاكك ف كده مفروض يكون معايا النتائج شكلها اية ؟
هيبقى معايا cortisol صباحا ومساءً منخفض لا منخفض جدا ⬇️ مع وجود اعراض زى انخفاض ضغط الدم الشريانى جدا انخفاض السكر جدا دخول ف هبوطات او إغمائات متكرره بسبب طبعا الكورتزول المنخفض
هيبقى معايا ACTH مرتفع ⬆️ بسبب feed back inhibation وقولنا ف الفديوهات السابقة إن ارتفاع ال ACTH بيخرج معاه هرمون ال MSH المسؤل عن خروج صبغه الميلانين من خلايا ال melanocytes طب ده يعمل ايه ؟يعمل غمقان ملحوظ ف جلد المريض وبتبقى علامه مميزه ف التشخيص
طب كمان هنلاقى الاجسام المضاده 21 hydroxylase ab ايجابيه لانها هى الاجسام المضاده الى هاجمت القشره الخارجيه للغده الكظريه ودمرتها عشان كده ده مرض مناعى نادر🙅طب هل هنا ال aldesteron هيتأثر ؟طبعا طبعا هيقل لانه بيخرج من نفس القشره الى ادمرت ف هلاقى اختلال ف نسبة ال Na وال K
طب كده مع التحاليل دى والنتائج دى والاعراض المصاحبة اقدر اقول ان ده مريض adisson بنسبة كبيره
هيفضل تحليل اخير اجزم بيه التشخيص ....
طيب لو جايلى مريض نتائجة كالتالي
cortisol ⬇️
وعنده برضو اعراض الكوتيزول المنخفض بس لاقية ال ACTH normal او قليل بنسبة بسيطه ايه ده بقى ؟ازاى Cortisol مرتفع وال ACTH طبيعى او يمكن قليل ؟
احنا هنا امام حضره ال secondary adrenal insufficient بسبب الغده النخاميه ...انها للاسف مش قادره تفرز كميات كافيه من ACTH المسؤل عن تحفيز افراز الكورتيزول ف عشان كده ال cortisol قل مع ان الغده الكظريه سليمة تماماً طب تتوقع هنا ال aldesteron يتأثر ؟
طبعا لا "الله وانا مالى يالمبى "ال aldesteron لا يقع تحت تاثير اى ACTH اصلا ولكن الى بيحفزه ال angotensin زى م قولنا والغده الكظريه سليمه اذن افرازه لا ولن يتأثر وبتالى نسب ال Na وال k هتبقى تمام تمام ؟باذن الله
طيب انا لو عاوز اتاكد 100%ان انا ف اى نوع اعمل ايه ؟
بالظبط هاتعمل الصح
ACTH stimulation test
1 هجيب المريض اسحب منه عينة cortisol basline
2 هعطى المريض synthetic ACTH زى الى بيتفرز من الغده النخامية بالظبط بجرعة بيحددها الطبيب المعالج
3 ببتدى اسحب عينه cortisol بعد التحفيز بنصف ساعه او ساعه او ساعتين زى م يحدد برضو الطبيب
بس كده ...
* ال cortisol لو علي بعد التحفيز اذن المشكله كانت ان الغده النخاميه مابطلعش كميات كافيه وماكتتش قادره تحفز ال cortisol على الخروج اذن دى secondary وممكن كمان اعمل MRI على الغده النخامية ..

* ال cortisol لو متأثرش وكان تقريبا قبل التحفيز قريب ف نتايجه من بعد التحفيز اذن المشكله ف الغده الكظريه نفسها ان خلايا القشره بتاعتها بتتكسر ولا تستطيع افراز ال cortisol بشكل مناسب يعنى primary يعنى اديسون وممكن نعمل CT غالغده الكظريه ..
بوست طويل بس لعلة يكون مفيد لأحدهم.....
بص على الحالة دى
اتشخصت secondary adrenal insufficient
cortisol⬇️
ACTH ⬇️
tsh ⬇️
مع عمل MRI تأكد التشخيص
ان المشكلة ف الغدة النخامية
ماتشوفش شر 💚

15/12/2025

ازيكم 💚
female 25y pregnant
محولة من طبيبة نسا
مطلوب عمل
glucose tolerance test (after one hour from taking 50 gm glucose)
هنا الطبيبة حددت الجرعة لأن احياناً ممكن تطلب 75or 100gm
وممكن برضو تطلب ساعة واحدة بعد الجرعة او ساعتين
هنا طالبة 50gm ونقيس بعد ساعة واحدة من الجرعة
هنا الطبيبة شاكة ان يكون فى سكر حمل الى بالمناسبة بيتدى يظهر ف الثلث التانى من الحمل تحديداً ف الاسبوع ال 24 الى 28
لما المشيمة تبتدى تفرز هرمونات تعاكس عمل الأنسولين الى من أشهرها اللاكتوجين (human placental lactogen) المسؤل عن بدء ادرار اللبن
وكمان لو الطبيب ف السونار استشعر وجود ماية زايدة حول الجنين
كل دة يخلية يشك ف سكر الحمل
طب شك يطلب اية ؟
بالظبط glucose tolerance test
طب لية مايطلبش hba1c ؟
لان مشاكلة كتير جداً مع الحوامل الى معظمهم إن لم يكن جميعهم بيبكون عندهم أنميا والى غالباً بتكون diluted anemia أنميا تخفيفية
بسبب زيادة حجم البلازما ف الدم ودة بيأثر جدا على التركمى ويخلية مش الخيار الأفضل على الأطلاق
طب تمام هنعمل glucose tolerance test هنعملة ازاى بقى؟
أولا : الحالة بتكون صايمة 8 ساعات وبنسحب عينة FBG عادى جدا
ومعاها عينة بول بنقيس فيها السكر وكذلك ال acetone
ولو ظهرو بنسبة ولو بسيطة ف البول لازم نعمل التجارب التأكيدية ليهم
ثانيا : بنبتدى نعطى المريضة الجرعة الى الطبيب محددها وليكن هنا الطبيب عاوز 50gm
اديهم للمريضة ازاى ؟
مبدأياً اوعى تفكر تدى سكر مائدة لية؟
لانة مش pure glucose لا ده
مليان كمان فراكتوز وحاجات اخري
نعمل اية ؟
انا اقولك
قدامنا حلين اننا نجيب محلول glucoe 5% من الصيدلية
يعنى اية 5%
يعنى 5gm glucose لكل
100ml
ف عشان ادى الحالة 50gm محتاج اشربها 1000ml
يعنى عبوتين محلول 😂
وطبعاً ده صعب جداً ك كمية ناهيك عن طعم الجلوكوز السيئ جداً
طب هنعمل اية ؟
هندور على بديل الى هو محلول جلوكوز 25%
هحط صورة لية ف الكومنتس
ده عبارة عن 25gm glucose لكل 100ml
ف عشان ادى المريضة 50gm
هشربها 200ml بس
يعنى تقريباً كوب والله يعينها عالطعم
وممكن ايضاً استخدم بودر الجلوكوز الأحادى لو كان متوفر
وأوزن منة الجرعة المحددة
وابتدى احسب ساعة من اخد الجرعة واسحب عينة اخري وبرضو معاها عينة بول اقيس في السكر والاسيتون
ولو الطبيب كان طالب الساعة التانية كنا هنسحب عينة اخري بعد ساعتين وشكل الكيرڤ طبعاً هيتغير
واحنا هنا بناخد عينات بول عشان نطمن على ال renal threshold
الى يعرف بعتبة التحمل الكلوى
مفترض ان عتبة التحمل الكلوى 180mg/dl
يعنى الكلى مابتبتديش تنزل السكر ف البول إلا لو ذاد ف الدم عن 180
ولكن الموضوع ف الحوامل مختلف لان ف الحمل بتنخفض عتبة التحمل الكلوى بسبب ضغط الجنين عالكلية ف مككن نلاقى traces ف البول من الجلوكوز على الرغم انة ف الدم طبيعى
بس كدة
ماتشوفش شر 💚

13/12/2025

ازيكم 💚
حد غيري بيضايق لما يلاقى تقارير معملية مكتوب فيها ال ESR
second hour ?
طب لية الساعة التانية ملهاش اى قيمة تشخيصية ؟ودة الى موضحينة للطبيب المعالج ف الكومنت
ببساطة ال ESR هو اختصار ل
erythrocytes sedimentation rate يعنى معدل ترسيب كرات الدم الحمرا
طب لية اصلاً كل مامعدل الترسيب يذيد اقول ان فى inflammation او التهاب وطبعا تحديد نوع الالتهاب وسببة دة مش من التحليل ولكن بالكشف الاكلينيكى ومراجعة شكوة المريض وال symptoms الى ظاهرة علية
ولكن الموضوع ببساطة ان ال rbcs ف الدم بتحمل شحنة سالبة ودى حاجة مهمه جداً لية ؟
عشان الشحنات المتشابهه بتتنافر ودة مهم جدا جدا عشان مايحصلش collapsed لكرات الدم الحمرا
طيب اية علاقة الالتهاب برضو ؟
ف الالتهاب بيخرج بروتين ال fibrinogen وبيذيد ف الدم
المشكله ف الفبرونوچين انة بيتدى يترسب على سطح ال rbcs ف بيقلل ظهور الشحنة السالبة ف اية الى يحصل ؟
بالظبط معدل ترسيب ال rbcs بفعل الجاذبية يذيد
ف لما اسحب عينة دم واسبها وضع ال stand بفعل الجاذبية هتبتدى تترسب
وسرعة ترسيبها هتعتمد على قدر الألتهاب
طب لية ساعة واحدة كفاية ؟
لان اصلاً ال rouleax formation
بتاخد ساعة واحدة فقط
يعنى خطوات ان ال rbcs تبتدى تتجمع وتلزق ف بعض وتعمل شكل الريلو بتاخد 60 دقيقة فقط
phase 1 rbcs aggregation 10min
phase 2 sedimentation of rbcs 40 min
phase 3 packing of rbcs
10 min
so
total ESR time is 60 min
يبقى لية اعمل الساعة التانية ؟
ماتشوفش شر 💚

07/12/2025

بم إن أنا شخص لايحب الخصومات وتحديداً الخصومات الغير مبررة
ولكن بمناسبة وصول البيدچ ل 10 k متابع تزامناً مع اعتمادنا من وزارة الصحة
ف دلوقت بس تقدر تحصل على خصم حقيقى 15% من معمل هدير لاب
اليوم وغداً فقط
وخصم أخر لأى حالة بتابعنا على بيدچ المعمل
📞01026682172
ماتشوفش شر 💚

03/12/2025

اللهم لك الحمد ملئ السموات وملئ الأرض وملئ مابينهم
"معمل تحاليل طبية كميائية وبكتريولوچية حاصل على ترخيص من وزارة الصحة المصرية"
😂باين الفرحة ولا ابين اكتر ؟

23/11/2025