د ناديه الفخرانى Dr Nadia El Fakhrany

30/11/2025

هل تعتقد إنك عارف كل حاجة عن تغذية مريض السكر؟ 🤔
الحقيقة… في تفاصيل صغيرة جدًا بتغيّر قراءات السكر بشكل كبير!
من طريقة نومك، لطريقة طهي الأكل، خطوات بسيطه ممكن تحسّن حساسية الإنسولين.

17/11/2025

🕰️ هل فكّرت يومًا... المصريون القدماء كانوا بيأكلوا إزاي؟
من آلاف السنين، قبل ما نسمع عن السعرات والبروتين والكيتو…
كان فيه نظام غذائي متكامل، ساعدهم يعيشوا بصحة قوية ويبْنوا حضارة مفيش زيها 💪
⚖️ كان سر قوتهم؟ التوازن والبساطة
ما كانش فيه وجبات ضخمة أو أكل بين الوجبات.
كانوا ياكلوا عند الجوع ويمشوا كتير خلال اليوم.
تعالو نكتشف أسرار أكلهم واللي ممكن نرجع نطبّقها النهارده 👇
#الفراعنه 🇪🇬❤️

15/11/2025

لسه بتحتارى على وصفات لانش بوكس للأولاد.
الولاد زهقو من الأفكار التقليديه و كمان مبقتش تغذيهم كويس
🎒💚 لانش بوكس صحي = يوم أخف، طاقة أعلى، ومزاج أحسن!
لو محتارة تحضّري إيه كل يوم… جمعّتلك أفكار سريعة ومتوازنة، تنفع للشغل أو الجامعة أو للأطفال فى الريل ده 👇
اكتبى فى كومنت كلمة وصفه و هابعتلك افكار سهله و مغذية و مشبعه

12/11/2025

ازاى تقدمى لطفلك غذاء صحى فى فترة المدارس

25/10/2025

19/10/2025

فى انتظاركم تنورونا 💟🤍💜🧡

🌿✨ و اخيرا هيلثى داى في مركز الفخراني ✨🌿

جاهزين ليوم يهتم بصحتكم من كل الجوانب؟ 🤍
يوم مميز هنبدأه بطاقة إيجابية، ونختمه بمعلومات جديدة، وهدايا وخصومات هتخليكم تطلعوا مبسوطين وشايفين فرق حقيقي في صحتكم وجمالكم 💪💚

🎯 تعالوا عيشوا يوم مختلف.. كله طاقة حلوة وصحة وهدايا 🎁:
💫 قياس المعادن والفيتامينات في الجسم مجانًا
🎁 هدايا مجانية وخصومات خاصة على منتجات براكسو فارما و أطلنتس فارما
🔥 سحب على جلسات نحت القوام من مركز الفخراني
👩‍⚕️ محاضرة مجانية مع د. نادية الفخراني بعنوان
“تغذية الأم والطفل – أساس البيت الصحي” 💕
يوم الاربعاء ٢٢ اكتوبر ٢٠٢٥ من ٤ ل ٨
📅 احجزوا مكانكم من دلوقتي، الأماكن محدودة!
📍 مركز الفخراني للتغذية العلاجية
📞 للحجز والاستفسار: 01115544059

06/10/2025

01/10/2025

نقص الكالسيوم فى الجسم زيه زى نقص الحديد ممكن يضعف الحرق 🔥
ده غير خطر هشاشه العظام و طبعا اللبن من اغنى مصادر الكالسيوم و الجسم بيقدر يستفيد منه بشكل كويس ....الدراسات الحديثه اثبتت ان نزول الوزن السريع سواء ب دايت غلط او عمليات جراحات السمنه على المدى البعيد بتسبب هشاشه العظام لأنها بتخلق بيئة داخليه لتفريغ العظام .... الجسم بيحتاج حوالى ٨٠٠ ملجم فى اليوم و الحوامل و المرضعات بيحتاجو حوالى ١٠٠٠ ل ١٢٠٠ ملجم عشان كده لازم نظامك الغذائي يحتوي على من ١:٢ كوب لبن او زبادى يوميا و الحوامل و المرضعات من ٢ :٣ كوب يوميا لتغطية احتياجاتك من الكالسيوم.
لو عاوزين تعرفو اكتر عن العلاقه بين الكالسيوم و نزول الوزن تابعونا فى المنشورات القادمه
#الكالسيوم

28/09/2025

https://www.instagram.com/dr_nadia_elfakhrany?igsh=ZnF1cnlnbmZqbXZk

22/09/2025

ازازة ديتوكس ايه اللى عاوزه تحطيها مع اللانش بوكس بتاع الواد 😐🤔😄هو رايح الجيم😂

20/09/2025

🎒✨ العودة للمدارس = بداية جديدة لعادات صحية ✨🎒

مع بداية الدراسة.. أهم حاجة نفكر فيها إزاي نوفر لأولادنا طاقة وتركيز طول اليوم 👩‍👩‍👦
والسر ببساطة في لانش بوكس صحي ومتوازن 🥗

💡 مكونات اللانش بوكس المثالي:
1️⃣ بروتين: بيض مسلوق – شريحة جبنة – تونة أو فراخ مشوية 🥚🧀🐟
2️⃣ كربوهيدرات صحية: عيش بلدي أو توست أسمر أو شوفان 🍞
3️⃣ خضار ملون: خيار – جزر – طماطم شيري 🥒🥕🍅
4️⃣ فاكهة: تفاحة – موزة – عنب – برتقال 🍎🍌🍊
5️⃣ Snack صحي: مكسرات غير مملحة – فشار بدون زيت 🍿🥜
6️⃣ مياه: أهم عنصر للحيوية والتركيز 💧

✅ التوازن ده بيدّي طفلك:

طاقة كافية طول اليوم ⚡

تركيز أفضل في المذاكرة 🧠

مناعة قوية 💪

🌟 خلي لانش بوكس ابنك/بنتك مصدر طاقة وصحة.. مش مجرد وجبة!

19/09/2025

مش كل الأطعمة قيمتها بتقل بعد الطبخ!
في أكلات بالعكس بتبقى أكثر فائدة بعد التسوية ✨👇
تكمن الفائدة فى تعزيز بعض المواد و بالتالي يزيد امتصاصها أو تكسير بعض المواد التى تعوق امتصاص الفيتامينات و الأملاح المعدنيه و بالتالي تمتص بشكل أفضل و يستفيد منها الجسم
🔹مثل :

🥕 الجزر: الغليان أو التسوية الخفيفة بتزود تركيز مادة البيتا كاروتين، اللي جسمنا بيحوّلها لفيتامين A مهم للبصر والمناعة.

🍅 الطماطم: الطهي بيضاعف امتصاص مادة الليكوبين، مضاد أكسدة قوي يحمي القلب ويقلل خطر بعض أنواع السرطان.

🍄 المشروم: بعد الطهي بيزيد تركيز مضادات الأكسدة اللي بتساعد على مقاومة الالتهابات والشيخوخة.

🥦 البروكلي: التسوية على البخار بتساعد الجسم يمتص مركبات مهمة لصحة الكبد ومضادة للسرطان.

🥬 السبانخ والسلقيات: بتحتوي على أوكسالات بتقلل امتصاص الكالسيوم والحديد… الطهي بيكسر جزء منها وبيخلي الجسم يستفيد أكتر.

💡 الخلاصة: الطهي مش عدو الفيتامينات زي ما ناس فاكرة… أوقات كتير هو وسيلة علشان نستفيد أكتر ونقلل ضرر.

التنويع هو الأساس—خد حصتك من الخضار والفواكه نيّ وكمان مطبوخة علشان تستفيد بأقصى قدر من الفيتامينات والمعادن.

#دايت