07/11/2025
• صبـاح الخير ..
" البـروتين "
- فائدته ؟ - اضراره ؟ افضل انواعه ؟
• اول حاجة : ايه اشهر اشكال البروتين الموجودة حوالينا ...
نوعين :
1- بروتين حيوانى : لحوم .. اسماك .. دجاج .. بيض .. تونه .. الخ
2- بروتين نباتى : فول .. عدس .. كينوا .. حمص .. لوبيا .. فاصوليا .. شوفان
" ملحوظة صغيرة " النشويات نفسها فيها بروتين بردو " لكن دول الأشهر .
اول سؤال .. ايه النوع الأفضل فيهم ؟
• قـولا واحدا : الحيوانى .. البروتين النباتى تقيل جدا جدا ع المعده .
---------
- ايه فوائد البروتين عموما بقى ؟
• البروتين هو احد المكونات الرئيسية لنواقل الكوليسترول الـ LDL و الـ HDL اللى ليهم دور حيوي جدا فى تقليل الإلتهابات .. تصنيع الهرمونات .. تجديد الخلايا الخاصة بالجسم .
• البروتين احد المكونات الرئيسية لتصنيع الكولاجين واللى يعتبر عنصر رئيسى للعظام .
- تحسين المزاج العام لانه بيدخل فى تكوين السيروتونين و الدوبامين هرمونات النشاط و السعادة .
• تنظيم توازن السوائل فى الجسم وهام لتصنيع الألبيومين .
دا جزء يسير من فوائد البروتين ..
- - لكن الجزء المنسى .. هو البروتين ده ممكن يكون له اضرار ؟؟
• فى حـالة الإفراط الزائد فى تناول البروتين بشكل " يومي او بكميات كبيرة " الجسم بيكون معرض للمشاكل التالية .
1- اول شئ إضطرابات الجهاز الهضمي : لان البروتين من المواد التقيلة فى عملية الهضم و متعب للجسم فى حالة زيادته و الإفراط فيه .
2- الإمساك : زيادته هيتسبب فى غازات و إمساك شديد و خلل فى توازن الأمعاء .
3- إجهاد الكلي بشكل كبير .
4- ارتفاع الأمونيا .
5- ارتفاع الإلتهابات فى الجسم بشكل عالي وبالتالى ممكن تلاحظ اعراض زى توش ذهنى .. رعشة فى الأطراف و تنميل .. حرقان فى القدم .
6- الإفراط فيه قد يؤدى الى جفاف و هبوط .
7- زيادة قابليه الجسم لتكوين حصوات زى حصوات الكلي .
دى بردو جزء يسير من اضراره فى حالة الإفراط فيه ...
= طاب هو الإفراط يعنى ايه ؟ او ايه الكمية المناسبة ؟
• بيتوقف على عوامل كتير ومنها النشاط البدنى " الرياضى " المبذول ..
لكن بإختصـار .. غير مفضـل ان يكون البروتين يوميا " بكل اشكالة " يعنى الأفضـل دايما يوم بعد يوم او 4 ايام فى الإسبوع ..
لسبب اخر كمان ان البروتين هو واحد من اكثـر الأكلات حاليا اللى بيتم اللعب فيها هرمونيا اما فى علف الحيوانات او بالحقن و بالتالى من مثيرات الإلتهابات فى الجسم ..
و لذلك الأفضل دايما يكون كالتالى
- ممكن يومين فى الإسبوع سمك
- يوم واحد لحمة او كبده
- يوم فراخ
فى الفطار : يومين فى الإسبوع بيض ..و يوم تونه ... وهكذا .
وبكده انت غطيت إحتاجك من البروتين بدون الدخـول فى مشاكل صحيـة .
-----------
= طاب انا الحالة المادية عندى مش افضـل شئ و البروتين معروف انه سعره فى العموم غالي ؟
- يوم او اتنين فى الإسبوع فقط سمك يكفى احتياج جسمك بالكامل ..
------------
= طاب انا شخص رياضى المفروض اكل براحتى ؟
• الإفراط فى البروتين هيسببلك المشاكل اللى فوق او احدهم و بالتالى بردو حضرتك مطالب بالإعتدال .. و المسئول الرئيسي عن " بناء " العضلات ليس البروتين فى المقام الأول بل الجلوكوز المتمثل فى النشويات .. يعنى البروتين ماهو الا عنصر تكميلى معاك .
• طاب هل البروتين النباتى واحده يغنى عن البروتين الحيوانى ؟
- على المدي البعيد هيدخلك فى مشاكل كتير نقص البروتين الحيوانى زى نقص فيتامين ب 12 .. ضعف الأعصاب .. مشاكل القولون و الجهاز الهضمى الشديدة .
( ملحوظة اخيرة سريعه ) فى بعض الناس انواع معينه من البروتين بتسببلها حساسيات و مشاكل و بيكون مش واخد باله ..
فى ناس بتاكل سمك يحصلها هرش .. فى ناس البيض بيزود الجيوب الأنفيه معاها .. فى ناس اللحوم بتسببلها حرقان و تنميل و سخونية فى الجسم .. فى ناس الفراخ بتعملها مغص شديد ... علشان كده تانى الإعتدال و عدم الإفراط مهم .
ده بإختصـار شديد و للتبسيط ..
و
