08/09/2025
ليه الشعر ساعات يفضل يقع حتى بعد ما نبدأ العلاج؟
كتير من الناس لما يبدأوا علاج تساقط الشعر بيتخضّوا لما يلاقوا الشعر لسه بيقع، وأوقات كمان يزيد شوية في الأول وده طبيعي جدًا ومش معناه إن العلاج فشل 👌.
📌 السبب العلمي:
الشعر بيمر بدورة حياة:
●مرحلة النمو (Anagen): دي أطول مرحلة وبيكون الشعر نشط.
●مرحلة التوقف (Catagen): البصيلة بتبدأ تريح.
●مرحلة التساقط (Telogen): الشعر بيتهيأ يقع عشان يسيب مكان لشعر جديد.
لما نبدأ علاج، العلاج بيحفّز البصيلات ويدفع الشعر الضعيف أو اللي خلاص قرب يخلص دورته إنه يقع أسرع، عشان يدي فرصة لشعر جديد أقوى يطلع مكانه.
يعني اللي بيقع ده في الأغلب شعر “قديم” كان لازم يسيب مكانه🫠
إمتى أشوف نتيجة؟
●غالبًا بعد 3 شهور يبدأ الشعر الجديد يبان كبيبي هير.
●النتايج الكاملة ممكن تحتاج 6–12 شهر حسب الحالة ونوع العلاج.
نصائح مهمة أثناء العلاج:
•الصبر والاستمرارية أهم من أي حاجة.
•التغذية السليمة والمكملات لو محتاجها بتدعم العلاج.
•لازم نتابع مع دكتور جلدية يتأكد إن السبب مش مرضي (زي نقص فيتامينات، هرمونات، أو أمراض مناعية).
