عيادة دكتور / عبد القادر الجمال - طب الأطفال وأمراض الحميات

06/07/2022

لوحظ في اليومين اللي فاتوا زيادة في معدل حالات ارتفاع الحرارة وتكسير الجسم والهمدان
الزيادة ملحوظة وواضحة ولا تنكرها العين

طبعا هناك اسباب كتير منها :

*تغيير الجو والتكييفات والمصايف سبب لايمكن تجاهله

*الهربس واخواته موجودين ومعلمين علي كتير من الاطفال

*التهاب اللوز الصديدي زياده شويتين مع معدل زيادة شرب المياه الساقعه والآيس كريم .

*النزلات المعوية الفيروسية

لكن الاهم ....

منستبعدش الكورونا لأنها ماختفتش من الكوكب .. موجودة عادي وحالها زي كل الفيروسات دوره وتعدي وطبعا زايدة الفتره دي علشان تجمعات الصيف

المهم نحافظ بقدر الامكان واحنا داخلين علي عيد علشان التجمعات واللي تعبان يرتاح ويشرب سوايل دافية وياخد علاجه وبلاش مخالطة

الف سلامه علي الجميع 🌷

10/10/2021

مواعيد عمل العيادة الفترة القادمة
من الساعة ٤ عصرا حتى الساعة ٩ مساء
يوميا ماعدا الجمعة

26/12/2020

مراحل الإصابة بالكورونا
فيديو مهم جدا حتى نفهم الطريقة المناسبة للتعامل مع المراحل المختلفة للإصابة بكورونا
شير حتى يستفيد غيرك

24/12/2020

ازاي أشك اني عندي كورونا وايه طرق الوقاية

23/12/2020

إن شاء الله بدءاً من السبت القادم 26 ديسمبر
سيتم تخصيص فترة من الساعة 3 عصراً إلى الساعة 5 بالعيادة لاستقبال حالات الأطفال
ومن الساعة 5 سيتم استقبال حالات الكبار

21/12/2020

18/10/2020

فحص الأذن من الأشياء المهمة جدا عند الكشف على الأطفال خصوصا الأطفال التي تعاني من ارتفاع الحرارة لأن التهاب الاذن الوسطى من أكثر الأسباب شيوعا لارتفاع الحرارة في الأطفال

علشان كده وفرنا في العيادة منظار الاذن الديجيتال لسهولة ودقة فحص الاذن

17/10/2020

إن شاء الله بدءاً من الغد ستكون مواعيد العيادة من الساعة 4عصراً حتى الساعة 9 مساءا
يومياً ما عدا الجمعة

06/10/2020

✍️ علاقة الصفراء بالختان
كتير من الأمهات بتشتكي أن طبيب الجراحة أجل الختان علشان فيه صفراء عند الطفل فهل فعلا الافضل تأجيل الختان لبعد اختفاء الصفراء 🤔

🌹 ارتفاع نسبه الصفرا الفسيولوجية ميمنعش طهاره اللى يمنع الطهاره الصفرا التكسريه ودى الطفل بيكون محجوز فى حضانه أصلا . وبالتالي مفيش داعي لتأجيل الختان في حالة وجود الصفراء الفسيولوجية .
وفي جميع الأحوال يجب عمل تحاليل سرعه نزف وتجلط قبل عمليه الختان

05/10/2020

اول ما الأهل يعرفوا أن المولود ولد بيكون اكتر سؤال بيتردد هو :
🤔أمته اطاهر ابنى يادكتور؟

🌹 اول ثلاث أيام من عمر الطفل هو الوقت المناسب لختان المولود الذكر او تأجيل الختان الى مابعد أربعين يوم ..
وذلك بسبب ارتفاع نسبه عوامل التجلط ومنع النزف لدى المولود فى اول 72ساعه بعد الميلاد ثم هبوطها تدريجيا الى ان ترتفع مره اخرى بعد 40 يوم من الميلاد

04/10/2020

بشرى سارة 🌟💥🎇🎆🎊

متوفر الان بالعيادة جهاز قياس الصفراء بدون أخذ عينة دم من الأطفال حديثي الولادة
يمتاز الجهاز بالدقة وتجنب أخذ عينات دم من الطفل أكثر من مرة وبالتالي يمكن متابعة الصفراء بكل سهولة وبدون الم لطفلك