09/01/2026
"جسمك مش محتاج دايت أقسى… جسمك محتاج فهم أكتر"
كتير من الناس فاكرة إن الحرمان هو الطريق الأسرع للنزول،
فتلغي وجبات، وتقلل السعرات بشكل مبالغ فيه، وتدخل في صراع دائم مع الأكل.
لكن اللي بيحصل علميًا إن الجسم لما يحس بنقص الطاقة لفترة طويلة،
بيدخل في حالة اسمها Adaptive Thermogenesis
يعني الجسم يقلل معدل الحرق علشان يحمي نفسه من الجوع.
ومع استمرار الحرمان،
الجسم يبدأ يحافظ على الدهون ويكسر العضلات،
وده مش بس يبطّأ النزول،
ده كمان يخلي استرجاع الوزن أسهل وأسرع أول ما الدايت يخلص.
كمان الحرمان المستمر بيرفع هرمونات الجوع زي Ghrelin
وبيقلل هرمونات الشبع زي Leptin،
وده يفسر ليه بعد فترة من المنع بيحصل اشتهاء شديد للأكل
ونوبات أكل عاطفي أو شراهة…
وده مش ضعف إرادة، دي استجابة طبيعية من جسمك.
الأكل مش العدو ❌
العدو الحقيقي هو:
الأكل أقل من احتياجك لفترة طويلة
أو الأكل من غير توازن
أو اتباع نظام مش مناسب لطبيعة جسمك ولا حالتك الصحية
جسمك محتاج أكل علشان: ✔️ يحافظ على معدل الحرق
✔️ الهرمونات تشتغل بشكل سليم
✔️ العضلات تفضل قوية
النظام الغذائي الصح مش حرمان،
لكن:
توزيع ذكي للسعرات
توازن بين البروتين والكربوهيدرات والدهون
توقيت أكل مناسب
نظام مرن تقدري تعيشي بيه من غير إحساس بالذنب أو الفشل
الخلاصة 👇
لما تبطلي تحاربي الأكل وتبدأي تفهمي جسمك،
النزول بيبقى أهدى،
الحرق أعلى،
والنتيجة بتكمّل…
لأن الدايت اللي بينجح هو اللي تقدري تكمّلي عليه،
مش اللي يكسّرك 💚
