https://www.facebook.com/992080577506099/

Dr Samar Fathi Pharmacy, El-'Asafra, Ad Daqahliyah, El Mataria (2026)

26/05/2020

ازاى اعمل غرفة عزل ف بيتى ؟
اولا وحضرتك بتختار الغرفة خليك حريص أن يكون فيها مصدر للشمس لانها مهمة جدا
ثانيا هتحط ف الغرفة أكياس زبالة بقدر كافى
ثالثا هتحط فيها جونتات وماسكات ومناديل وكحول بقدر كافى
رابعا هتحط فيها فوط وملابس وملايات للشخص المعزول بقدر كافى
خامسا لو فيه امكانية لوسيلة للتسلية للشخص المعزول زى شاشة تليفزيون أو لاب توب
سادسا العلاج اللى الشخص هيستخدمه
سابعا ترمومتر ديجتل
لو تقدر تفصل الحمام اللى هيستخدمه الشخص المعزول عن باقى الاسرة يبقى تمام جدا
طب ازاى نتعامل مع الشخص المعزول داخل الغرفة؟
حضرتك هتقدمله الاكل الكافى يوميا ف اطباق كرتونية من اللى بتستخدم مرة وتترمى ف كيس قدام الغرفة وف نهاية كل يوم الشخص هيحط كل البواقى ف كيس ويربطه ويحطه ف كيس تانى ويحطه قدام الغرفة حضرتك وانت لابس كل سبل الوقاية هتاخد الكيس ترشه كلور من برة وترميه ف الاماكن المخصصة فورا
ازاى هيروح الحمام قبل ما يخرج هيتصل بحضراتكم هتفضوا الطريق للحمام وهو خارج بالماسك والجوانتى وأيده جانبه مش بيلمس اى حاجة هيستخدم الحمام وبعدين حد من حضراتكم هيلبس الوقاية ويطهر الطرقة والحمام بتركيز الكلور اللى متفقين عليه
طب ازاى هتابع حالته الصحية ؟
هيبقى معه تليفون وهنعلمه يقيس الحرارة بالجهاز الدجيتل ويبلغنا الحرارة كل ٨ ساعات ولو فيه أى أعراض جديدة
طب افرض أنه اللبس اللى معه احتاج غسيل ؟
هيحطه ف كيس بلاستيك ويقفله كويس وهيحطه قدام الغرفة وحد منكم هيلبس لبس الوقاية وياخد الكيس يجرى بيه ع الغسالة وبعد ما يغسل الهدوم الغسالة تاخد دورة كلور التعقيم
طب افرض واحشنا؟
فيه اختراع اسمه الفيديو كولز جميل والله هدفك ف العزل المنزلى أن باقى أفراد الأسرة ما تتصابش عشان مش كل ما واحد يقرب يخف الإصابة تتجدد معلش نتحمل شوية
والاختراع بتاع الفيديو هتحولوا تشركوا بيه الشخص المعزول ف كل حاجة بتعملوها عشان نفسيته
ربنا هيزيح الغمة بس خدوا بالاسباب شوية رجاءا
دعواتكم

عشان ناس كتير سالتنى عن الغسيل بالنسبة للبس المريض درجة الحرارة العالية والمسحوق كافيين جدا للتعقيم
بالنسبة لتعقيم الغسالة نفسها بعد غسيل المريض دى دورة الكلور اللى بقول لحضراتكم عليها اننا هنشغل الغسالة ع اقصر برنامج وهى فيها قطعة قماش وحدة مش محتاجنها ونحط مع المسحوق كلور أو كلوركس.
Cpd
عافانا الله واياكم

19/05/2020

السلام عليكم ...
عشان نحط النقط على الحروف ...

بعد حديث رئيس الوزراء اليوم عن الكمامات القطن، وبعد ما شركة قطونيل نزلت كمامة قطن الخ الخ.

- معلومة مكنتش احب اقولها للعامة نظرا للظروف اللى احنا فيها وكنت بحتفظ بيها لنفسي او بقولها لاى حد فى الوسط الطبي .. ولكن جه الوقت انى اقولها ولكن هرجع اعقب عليها ..

* الكمامة الجراحية "الأصلية" اللى هيا الكمامة العادية مشكوك فى فعاليتها ضد الحماية من الفيروس وان ممكن الفيروس يخرج منها فى حالة وجود قوة دفع زى العطس من مريض.

حجم فيروس SARS–CoV
اللى هو بتاع مرض SARS اللى ظهر من 2002–2004
مثبت حجمة من 0.08 الى 0.14 ميكرو. (Ksiazek et al., 2003)

وبالتالى بشكل كبير فيروس كورونا المستجد اللى هو SARS–CoV2 نفس الحجم لانه مقارب جدا جدا للفيروس القديم.

الكمامة الجراحية بتفلتر اقل حجم 3 ميكرو
اصغر من كدا بيعدى خاصة لو فى قوة زى العطس.

الكمامة القطن (طبقة واحدة) التنقية بتاعتها اقل بكتير من الكمامة الجراحية.

- اما الكمامة N95 ودى درجة حمايتها 95% وبتفلتر اقل حجم 0.3 ميكرو.

معنى كدا ان رقم 1 فى الحماية
كمامات N95 بعدها الكمامة الجراحية
بعد كدا الكمامة القطن
او كم القميص
او تلف التيشيرت على وشك
او حتى اى قماش.

الوباء اللى احنا فيه حاليا وباء عالمي pandemic

ونقص الكمامات موجود فى كل الدول وهنا اى حاجة موجودة هتنفع على الاقل لو الفيروس وصل لأيدك وحركت ايدك على وشك الكمامة ممكن تحميك فى الحالة دى.

حاليا لبس الكمامة هيكون شرط انك تركب مواصلة
او تمشى حتى فى الشارع ..
ومستحيل يكون فى كمامات N95 او جراحية تكفى الشعب كله ..

وفى حالة انتشار الوباء فى كل مكان حوليا هيكون افضل من انى امشى كدا بدون كمامة انى احط اى حاجة على وشى زى كمامة قطن او ماشابه.

ملحوظة:

** ممنوع ممنوع ممنوع استخدام الكمامة القطن بواسطة العاملين فى مستشفيات الحجر او اى حد هيخالط المرضى .. ويجب استخدام كمامة عالية الفعالية (2 كمامة جراحية) او كمامة N95

** ممكن تكون الكمامة مصدر للعدوي !!
عشان كدا لبس الكمامة مش هزار او موضة او للعب ..
ممكن ايدك تلامس سطح علية فيروس وحضرتك كل شوية تلعب بإيدك بالكمامة وهنا يلتصق الفيروس بالكمامة لفترة زمنية كبيرة ينتظر انه يعدى اى حد ..
ودا يؤكد على اهمية غسل الإيد بإستمرار بالماء والصابون او كحول ان لم يتوفر الماء والصابون
ولو هتلبس جوانتي (gloves) دا مش معناه ان ايدك مش هتعقمها
لبست او ملبستش لازم مع اى تعامل تعقم ايدك.

شركة فاين منزلة كمامة قطن بفلتر بتقنية N95
Fine Guard Face Mask
بتتغسل ل 30 مرة وفعالة لأكثر من عام .. نزلت امريكا والإمارات واتسحبت كلها اعتقد دا افضل حل بس لو نزلت مصر هتكون غالية مش اقل من 700 جنية

الكمامة القطن ممكن تتعمل بتقنية فلترة كويسة ولكن دا هيعتمد على عدد الطبقات او إدخال طبقات من أنسجة أخرى زى البوليستر وسط الطبقات القطنية

فى النهاية محدش عارف العدوي ممكن توصل له ازاى ..

وللأسف مفيش حل للفيروس من وجهة نظرى سوى حلين:

1) ان الفيروس يحصلة تحور Mutation ويكون سلالة ضعيفة فى الاعراض والعدوي.
2) ان يكون فى مصل ودا امر حدوثة محتاج وقت كبير.

كل الأدوية ال Antiviral المكتشفة او اللى هيتم اكتشافها بتقلل من نسبة الوفاة والمضاعفات كمان بتقلل من فترة وجود الفيروس فى الجسم وفعاليتها بتعتمد على سرعة استخدامها مع بداية ظهور الأعراض.

اى دواء جديد بيعتمد على منع ارتباط الفيروس spike protein بمستقبل ACE2
ك (monoclonal antibody)
محتاج وقت كبير للموافقة علية ومستحيل تصنيعة وتوفيرة بكميات كبيرة ولو اتوفر هيكون مكلف جدا. Cpd

الامل كله فى ايد ربنا ان الفيروس نفسة من انتشارة يحصلة تحور.

ربنا يحمينا ويخلصنا من هذا الوباء

08/05/2020

السلام عليكم
من أكتر الأسئلة اللي بتقابلني في الصيدلية من الأمهات:
بنتي/ ابني بلع اقراص منع الحمل😱😱 اعمل ايه يا دكتور؟
والسؤال الاكتر قلقا من الأمهات.. هيأثر بعد كده علي الطفل؟؟
🌸🌸 بقولك اطمني ياست الكل..
الحبوب دي عبارة عن هرمونات تأثيرها علي جسم الطفل خفيف جدا لحين خروجها من الجسم
👧👧 لو البنوتة خدته ممكن يحصل نزيف بسيط في بعض الحالات وفي خلال ٧٢ ساعة من تناول الاقراص
🧑🧑 لو الولد خد الحبوب دي .. مش هتأثر في حاجة

💥ممكن في بعض الحالات البسيطة يحصل دوخة أو ترجيع عادي جدا لأنها زي ماقلنا هرمونات

💥لو الطفل خد اكتر من شريط كامل ساعتها ممكن نحتاج غسيل معدة في خلال ساعتين لتلاتة من تناولها

💥في كل الحالات مفيش داعي للقلق بإذن الله.. مش بيسيب أي تأثير علي الطفل بعد كده علي المدي البعيد

وطبعا الوقاية أفضل لو اتبعنا التعليمات بحفظ الأدوية بعيدا عن متناول الأطفال..
دمتم في حفظ الله

04/05/2020

السلام عليكم
طبعا الفترة دي معظمنا بنخزن الملابس وبعضنا بنستعمل النفتالين لحفظ الملابس
الشكوي المتكررة .. ابني بلع النفتالين 😱😱
ظنا منه انه نوع حلوي...
النفتالين بيسبب مشكلة كبيرة خصوصا للناس اللي عندها انيميا الفول لأنه بيسبب تكسّر خلايا الدم الحمراء وتلف الدماغ عافانا الله واياكم
اذا اكل الطفل النفتالين
💥تاكدي من أعراض التسمم بالنفتالين :
تشنجات في البطن, وغثيان, وقىء, وألم حارق في البول,تغير لون البول الي اللون الاحمر خلال ٢٤ ساعة، وتغير لون اللسان, وخمود عقلي, وتشنجات وفقدان الوعي.
💥ما يجب عمله:
يتطلب العلاج المبكر إفراغ المعدة بالحث على التقيوء, ثم إعطاء المصاب كميات كبيربة من السوائل لتخفيض تركيز السم في الكليتين.
🔥🔥🔥تجنب إعطاء المصاب مواداً زيتية أو دهنية عن طريق الفم, كذلك زيت الخروع والأطعمة الغنية بالدهون.
ونقله فورا لاقرب مستشفى...................................
عافانا الله واياكم
انشروها لتعم الفائدة

04/05/2020

نقلاً عن الدكتورة ندى علاء... احدى طبيبات العزل

السلام عليكم ورحمة الله وبركاته
أوصيكم بنشر البوست ده حتى ابرء بذمتى أمام الله

من داخل الحجر الصحى.....
انصحكم..... اى حد يظهرعليه اعراض برد عادى رجاءا اتعاملوا على انها كورونا.

يعمل ايه ساعتها؟!
يعزل نفسه ف البيت مدام الأعراض بسيطة.
ياخد باندول الازرق تلات مرات يوميا.
فيثامين C تلات مرات يوميا.
ماياخدش حاجة اكتر من كده

كلنا نبدء نتعامل اننا هيجيلنا وماندخلش ف زعر بسبب ده
اهم حاجة نفسيتك تبقى كويسة.

النصائح اللي من جوا العزل.....
كل كويس جدا
نام كويس جدا
يوميا ساعة تتعرض فيها للشمس
كل حاجات فيها فيتامين C كتير زى الجوافة والبرتقان والليمون والاناناس والتفاح.
اشرب عصائر ومشروبات روحانية كتير زى النعناع والليمون والينسون.

ف حالة أن الأعراض زادت....
حضرتك هتتوجه لأقرب حميات
وانت رايح لابس كل الوقاية الشخصية
عامل حسابك ف لبس يكفيك غ الأقل يومين

طيب افرض أن اعراضى بسيطة وعملت عزل ف البيت والاعراض اتحسنت بعد يومين..... كمل العزل والمسافة الآمنة ع الأقل ١٤ يوم

رجاءا....
ابعد عن كبار السن
ابعد عن الحوامل
ابعد عن أصحاب الأمراض المزمنة

خدوا بالكم بنسبة كبيرة جدا الاطفال الصغيرة وخصوصا أقل من ٤ سنوات مش هيظهر عليهم أى أعراض وهم اخطر ناقل للمرض لأنهم بيتحركوا كتير ولأننا ما بيهونش علينا المسافات الآمنة معهم فغالبا الطفل نفسه الإصابة مش هتضره ضرر جسيم الخوف كله أنه ينقل لكبار السن.

المرحله بتاعت اصل مش مخالط لحد ايجابى اصل ما سافرتش خلصت ..... دلوقتى مابقناش عارفين اللى عندهم الإصابة جابوها منين..... ماتتعاملش مع حد أنه خالى من المرض.

ابوس ايديكم الإصابات ف مصر بتزيد
الخوف مش من الكورنا الخوف أن مؤسسات الصحية كلها عمالة تقفل
دلوقت لو حد فيكم انكسر ولا لاقدر الله جاله جلطة أو اى وضع صحى صعب مهما كان وسطته..... حرفيا هيحس أنه عاجز ف أنه يلاقى مكان يعالج فيه نفسه.

لو سمحتم عاوزين الغمة تنزاح بقى عشان الناس اللى بيوتها اتخربت..... لو سمحتم اصبروا شوية

بالنسبة لتطهير البيوت
حضرتك هتحط ربع لتر كلور ع ١٠ لتر ماية وترش بيهم صباحا ومساء
ماتخفش ده مش هيضر الأقمشة والاسطح ف حاجة

طب افرض أن فيه حاجة اتعاملت معها وانا شاكك انى مريض؟!
هتعقمها بانك هتحط لتر كلور ع 9 او 10 لتر مية وتستخدم التركيز ده ف التطهير.

طب ايدى؟!
اغسل ايدك كتير بالصابون مش لازم كحول ولا كلور بس كتير جدا بالصابون

فيه مكملات غذائية ممتازة ويتدخل ف العلاج بتاع المصابين......
فيتامين ب١٢
وفيتامين سى
وفيتامين د
لو فيه امكانية تاخد منهم خد
خلى عندك ترمومتر ديجتل ف البيت عقموه بالكحول باستمرار واى اعراض اعياء حتى لو بسيطة قيسوا الحرارة زيادة اطمئنان

اللهم ارفع عنا البلاء
دعواتكم🥰

28/10/2016

تطعيم الإنفلونزا الموسمية
==============

1. ما هو فيروس الإنفلونزا؟
فيروسات الإنفلونزا هي فيروسات فئة RNA وتنقسم لثلاثة سلالاتA، B ،C.
الغالبية العظمى من الأعراض تسببها السلالتان A،B.
تنقسم فيروسات الإنفلونزا سلالة A إلى العديد من الأنواع الفرعية، ولكن عادة ما ينتشر نوعان فرعيان على نحو أوسع خلال الموسم الواحد.
لذا تسمى لقاحات الإنفلونزا لقاحات ثلاثية السلالة؛ لأنها تحمي من نوعين فرعيين من فيروسات الإنفلونزا A ونوع واحد من فيروس الإنفلونزا B الذي لا ينقسم إلى نوعيات فرعية، لذلك يسمى لقاح الإنفلونزا الثلاثي.
وتتميز فيروسات الإنفلونزا بالطفرات المتعددة، تلك الطفرات تتسبب في تغيير شكل الفيروس مما يمكنها من خداع الجهاز المناعي للإنسان، وعادة ما تحدث تلك الطفرات سنويًّا، ولمواكبة هذه الطفرات تتغير لقاحات الإنفلونزا الموسمية سنويًّا؛ لتتناسب مع السلالات المنتشرة كل شتاء، وبالتالي يصبح لقاح العام السابق لا يناسب هذا العام.

2. هل هناك فرق بين أعراض الإنفلونزا ونزلات البرد أم لا؟
يخلط البعض بين مرض الإنفلونزا ونزلات البرد الخفيفة (الزكام) مما يجعل البعض يتهاون بمرض الإنفلونزا، وهذا غير صحيح بالمرة؛ حيث إن الإنفلونزا على عكس نزلات البرد يمكن أن تسبب مضاعفات خطيرة وقد تصل في بعض الأحيان إلى الوفاة. وقد ثبت علميًّا أن الإنفلونزا الموسمية تصيب سنويًّا حوالي 600 مليون شخص، ويموت بسببها ما يصل إلى 500,000.

وهو ما دعا مجلس الصحة الأوروبي للقول بأن مرض الإنفلونزا الموسمية يحصد من الأرواح سنويًّا في أوروبا وحدها أكثر مما تسببه حوادث الطرق.
تراوح فترة حضانة فيروس الإنفلونزا بين 1-4 أيام. تبدأ الأعراض عادة في الظهور في اليوم الثاني من العدوى. يتميز مرض الإنفلونزا بحمى مفاجئة، التهاب في الحلق، صداع شديد، ألم عضلي، رعشة، وتعب شديد. بعض هذه الأعراض يمكن أن تميز الإنفلونزا من نزلات البرد الشائعة العادية.

3. هل هناك تطعيم للوقاية من الإنفلونزا الموسمية؟
لقاح الإنفلونزا الموسمية هو لقاح الإنفلونزا المعطل (يشتمل على جزيئات من فيروسات الإنفلونزا) والذي يحمي بإذن الله من السلالات الثلاثة الموجودة هذا الموسم. السلالات الثلاثة المدرجة في اللقاح هي تلك التي أوصت بها منظمة الصحة العالمية لموسم الشتاء لهذا العام.

4. هل يحمي تطعيم الإنفلونزا من نزلات البرد؟
قد يحمي بشكل غير مباشر من الإصابة بنزلات البرد؛ وذلك نظرًا لأن الإصابة بالإنفلونزا تضعف جهاز المناعة مؤقتًا؛ مما قد يجعل الشخص عرضة للعدوى بالميكروبات والفيروسات الأخرى التي تصيب الجهاز التنفسي، كنزلات البرد وغيرها.

5. ما طريقة عمل تطعيم الإنفلونزا؟
بإعطاء التطعيم نقوم بحقن الشخص بأجزاء مشتقة من فيروسات الإنفلونزا الأكثر شيوعًا، يقوم بعدها جهاز المناعة بإنتاج الأجسام المضادة (المضادات المناعية) ضد هذه السلالات. قد تستغرق هذه العملية مدة أسبوعين يكتسب بعدها الشخص حماية ضد هذه السلالات.

6. ما الفئات الأكثر عرضة لخطورة مضاعفات الإنفلونزا؟
على الرغم من أن الإنفلونزا يمكن أن تصيب جميع الأشخاص، إلا أن النساء الحوامل والأشخاص الذين يعانون بعض الأمراض المزمنة هم الأكثر خطورة للمضاعفات والوفيات المرتبطة بالإنفلونزا، وتشمل هذه الأمراض أمراض الرئة المزمنة كالربو وأمراض القلب والسكري، والمرضى الذين يعانون ضعف المناعة الوراثية والمكتسبة، وأمراض الجهاز العصبي، وكذلك المقيمون في بيوت التمريض ومرافق الرعاية طويلة الأجل.

7. ما الفئات الواجب عليها التطعيم ضد الإنفلونزا؟
المجموعات التالية هي المجموعات المستهدفة للتطعيم ضد الإنفلونزا الموسمية:
مرضى السكري.
المرضى الذين يعانون الربو أو الأمراض الرئوية المزمنة الأخرى.
المصابين بأمراض القلب المزمنة.
المصابين بأمراض الكلى المزمنة.
المصابين بأمراض الكبد المزمنة.
أمراض الجهاز العصبي المركزي.
المصابين بضعف جهاز المناعة سواء الوراثي أو المكتسب (كالأورام وبعض الأدوية والعقاقير مثل الكورتيزون).
السمنة المفرطة.
النساء الحوامل.
الأطفال من 6 أشهر إلى 18 سنة، الذين يتناولون علاج الأسبرين لفترة طويلة.
الأطفال من سن 6 أشهر إلى 5 سنوات.
الفئة العمرية 50 سنة فأكثر.
جميع العاملين في الرعاية الصحية من أطباء وفنيين وطاقم التمريض.

الفئات السالف ذكرها هي نفس الفئات التي أوصت بها اللجنة الاستشارية الأمريكية للتطعيمات "ACIP" وهي أعلى سلطة لوضع سياسة التطعيم في الولايات المتحدة، وكذلك أوصت بها منظمة الصحة العالمية.

8. هل يمكن للنساء الحوامل والمرضعات التطعيم بلقاح الإنفلونزا؟
النوع المستخدم من لقاح الإنفلونزا في وزارة الصحة آمن خلال فترة الحمل والرضاعة. ويوصى به بشدة للحوامل.

9. هل يجب على المرأة الحامل أخذ تطعيم الإنفلونزا؟ ولماذا؟
نعم، يجب على المرأة الحامل أخذ تطعيم الإنفلونزا، وذلك حماية لها خلال فترة الحمل، وحماية لطفلها حتى عمر ستة أشهر بعد ولادته (حيث إن الأطفال أقل من 6 أشهر لم يسمح بإعطائهم التطعيم حتى الآن وذلك لصغر سنهم). وقد أثبتت الدراسات أن إعطاء تطعيم الإنفلونزا للسيدات الحوامل يقلل من تنويم أطفالهن في المستشفى بعد ولادتهم بنسبة تصل إلى 92% مقارنة بأطفال الحوامل اللاتي لم يأخذن التطعيم خلال فترة الحمل.

10. هل تطعيم أصحاب الأمراض المزمنة كالربو والسكري وأمراض القلب بلقاح الإنفلونزا آمن وفعال؟
ليس فقط آمنًا وفعالًا، وإنما موصى به بشدة لأصحاب تلك الأمراض وبضرورة التطعيم.

11. هل هناك احتمالية أن أصاب بالإنفلونزا بالرغم من أخذي التطعيم هذا العام؟
التطعيم لا يحمي تمامًا من الإصابة، لا يزال هناك احتمالية إصابة بعض الأشخاص المطعمّين، ولكنها احتمالية أقل من الأشخاص غير المطعمين. وهذا يعتمد على عدة عوامل، منها: عمر الشخص المطعم وحالته الصحية، ومدى التطابق بين السلالات الموجودة في تركيبة اللقاح وبين السلالات السارية في المنطقة (يحمي بنسبة قد تصل إلى 90%).

12. لماذا يجب عليّ أخذ تطعيم الإنفلونزا؟
لحمايتك من المرض، وكذلك حماية عائلتك والأشخاص الذين يعيشون معك، وخصوصًا الأشخاص المعرضين لمضاعفات الإنفلونزا. أخذك تطعيم الإنفلونزا قد يجعل إصابتك خفيفة في حالة تعرضك للعدوى، ويقلل من دواعي التنويم في المستشفى بسبب مضاعفات الإنفلونزا والوفاة.

13. لماذا يجب علي أخذ تطعيم الإنفلونزا سنويًّا؟
لأن تركيبة اللقاح تتغير كل عام من قبل منظمة الصحة العالمية؛ وذلك لمطابقة سلالات الفيروس المتغيرة كل عام وذلك حسب نوع سلالات الفيروس الشائعة.

14. متى يجب عليّ أخذ التطعيم؟ (في أي وقت من السنة)؟
يجب أخذ اللقاح متى توفر، عادة يكون متوفرًا في شهر أكتوبر، ولكن يجب الاستمرار بأخذ اللقاح في أي وقت طوال فصل الشتاء مادامت فيروسات الإنفلونزا سارية ومنتشرة حتى في شهر يناير.

15. أين يمكن الحصول على التطعيم؟
اللقاح متوفر فى الصيدليات العامه بسعر 35 جنيه

16. ما موانع أخذ التطعيم؟
هناك بعض الأشخاص الذين لا يُعطى لهم التطعيم إلا بعد استشارة الطبيب، وهؤلاء هم:
من لديهم حساسية شديدة من البيض.
من لديهم حساسية شديدة ضد تطعيم الإنفلونزا في وقت سابق.
من ظهرت لديهم متلازمة غيلان باري (Guillain Barre Syndrome) في وقت سابق بعد أخذ التطعيم.
الأطفال الذين تقل أعمارهم عن 6 أشهر.
الأشخاص الذين لديهم ارتفاع شديد أو متوسط في درجة الحرارة (ولكن يمكنهم أخذ التطعيم بعد أن تستقر لديهم درجة الحرارة).

17. هل هناك موانع مؤقتة لاستعمال تطعيم الإنفلونزا؟
تطعيم الإنفلونزا كما هو الحال في معظم التطعيمات الأخرى يجب تأجيل التطعيم به في حال وجود أي عدوى حادة أو أي مرض مصحوب بارتفاع شديد أو متوسط في درجة الحرارة.

18. ما الأعراض الجانبية المصاحبة لاستخدام تطعيم الإنفلونزا؟
تطعيم الإنفلونزا آمن وجيد التحمل، ولكن من الممكن أن تصاحبه بعض الأعراض الموضعية المؤقتة، وعادة ما تختفي في غضون 48 ساعة بعد الحقن دون الحاجة للعلاج.
من الآثار الجانبية الأكثر شيوعًا:
احمرار أو تورم بسيط في موضع الحقن.
ارتفاع طفيف في درجة الحرارة.
آلام طفيفة في الجسم.
احتقان في الحلق.

19. هل يحمي تطعيم الإنفلونزا الموسمية من الإصابة بإنفلونزا الطيور؟
- إنفلونزا الطيورH5N1(bird flu).
تسببها سلالة مختلفة عن السلالات التي تسبب الإنفلونزا الموسمية، وهي لا تنتقل بين البشر، إنما تنتقل عن طريق الاتصال المباشر بالدواجن( المصابة أو الميتة)، نسبة الوفيات بين المصابين مرتفعة تصل إلى 60%. تطعيم الإنفلونزا لا يشتمل على هذه السلالة ولا يحمي من الإصابة بها، ولكن بأخذك تطعيم الإنفلونزا الموسمية تكون محميًا بإذن الله من الإصابة بالإنفلونزا الموسمية التي تضعف الجهاز المناعي لديك وتجعلك معرضًا لخطر الإصابة بالميكروبات الأخرى، والتي من ضمنها إنفلونزا الطيور.

20. لماذا يُسمى تطعيم الإنفلونزا تطعيمًا سنويًّا وموسميًّا؟
يُسمى تطعيمًا سنويًّا لأن تركيبته تتغير كل عام لمطابقة سلالات الفيروس المتغيرة كل عام. هو أيضًا تطعيم موسمي؛ لأن التطعيم به يكون خلال موسم الشتاء في الفترة من سبتمبر إلى مارس من كل عام

21. بما أن التطعيم تتغير تركيبته سنويًّا فمن الذي يحدد تركيبته كل عام؟
يتم تحديد ذلك سنويًّا من منظمة الصحة العالمية؛ للتأكد من أنه فعال ضد السلالات المنتشرة. يتم عزل هذه السلالات سنويًّا عن طريق شبكة المراقبة العالمية التي أنشئت عام 1948، وتقع في العديد من البلدان في جميع أنحاء العالم، وتتكرر هذه العملية كل عام.

22. ما تركيبة التطعيم المستخدم في وزارة الصحة؟
التطعيم المتوفر هو تطعيم الإنفلونزا ثلاثي السلالة يشتمل على نوعين من إنفلونزا A و نوع من إنفلونزا B، عند حقنه في جسم الإنسان ينشط جهاز المناعة لإنتاج أجسام مضادة للسلالات الثلاث السالف ذكرها. تلك الأجسام المضادة تكون مستعدة داخل الجسم لمنع العدوى في حالة التعرض للفيروس.

23. ما شروط تخزين تطعيم الإنفلونزا؟
مثل معظم اللقاحات الأخرى، ينبغي تخزينها في الثلاجة في درجه حرارة تراوح بين 2-8 درجات مئوية، بعيدًا عن الضوء، وينبغي ألا يتم تجميده. ولكن قبل الاستخدام يُفضل أن يصل إلى درجة حرارة الغرفة.

24. كيف يتم حقن التطعيم؟
يُعطى عن طريق الحقن العضلي في أعلى الذراع. في الأطفال الصغار أقل من عمر السنة يعطى في الفخذ.

25. هل يوجد تعارض بين هذا التطعيم و أي تطعيمات روتينية أخرى؟
يمكن إعطاؤه في نفس الوقت مع تطعيمات أخرى.

26. ما تأثير الجرعة الزائدة من تطعيم الإنفلونزا؟
من غير المُرجح أن تتسبب الجرعة الزائدة في أي آثار غير مرغوبة.

27. ما الشكل الصيدلاني للّقاح؟
يتوفر في شكل سائل 0,5 مل معبأ في حقنة جاهزة للحقن.

28. هل هناك اختلاف بين الجرعة التي تُعطى للطفل والتي تُعطى للبالغين؟
نعم هناك اختلاف؛ حيث يُعطى الأطفال (من 6 أشهر إلى 8 سنوات) والذين لم يسبق أن أخذوا اللقاح من قبل جرعتين؛ بحيث تكون الفترة الزمنية الفاصلة بين الجرعتين 4 أسابيع. هذا بالإضافة إلى أن الطفل (من 6 أشهر إلى 3 سنوات) يُعطى نصف الجرعة المقررة للشخص البالغ.

يُنصح للأطفال في عمر 8 سنوات أو أقل بأخذ جرعتين إذا كان الطفل يأخذ تطعيم الإنفلونزا لأول مرة في عمره، على أن تكون الفترة الزمنية بين الجرعتين شهرًا أو أكثر.

Dr Samar Fathi Pharmacy

26/05/2020

19/05/2020

08/05/2020

04/05/2020

04/05/2020

28/10/2016

Address

Telephone

Website

Alerts

Shortcuts

Share