Gehan said Al khshin

08/11/2024

تم بحمد الله تعالى افتتاح عيادة الدكورة جيهان سعيد الخشن استشاري امراض الباطنة
بمدينة الصف خلف موقف حلوان امام مركز ام القرى برج الحكمة.

المواعيد الجمعة و السبت و الاحد و الاثنين

من الساعة 2 الى الساعة 5

الدكتورة جيهان تهتم بمعرفة وعلاج اسباب الامراض وتقوية جهاز المناعة

لمقاومة الامراض و ليس علاج الاعراض فقط .

العيادة تستقبل حالات

الامراض المزمنة الضغط والسكر والربو و الكبد والامعاء والقولون و الانيميا وسوء التغذية.

امراض الغدة والارهاق العام وارتفاع الدهون .

يوجد رسم قلب و جلسات النفس و قياس الاكسجين والسكر

23/03/2024

السكر انواع ولكل منها طريق علاج و متابعة خاصة لمعرفة وجود مضاعفات من عدمه استشر طبيبك لمعرفة نوع السكر وطرق علاجه والوقاية من المضاعفات ....
عيادة دكتورة
جيهان سعيد
(استشاري امراض الباطنة)

#السكروسنينه
من الإصابة بالسكر

مركز الصف، مدينة الصف، برج الحكمة (موقف القبابات) خلف موقف حلوان امام مركز ام القرى
للحجز والإستعلام ت/01101250437

17/03/2024

#الغدةالدرقية
زيادة هرمون الغدة الدرقية سهل تتشخص و تتعالج لتلافي مضاعفات المرض

10/03/2024

رمضان كرييييييم🙋‍♀️👩‍⚕️
تغذية مرضى الضغط والسكر و الامراض المزمنة( قلب كلي كبد اورام) في رمضان
القاعدة هنا هي
👈 الخروج بدون خسائر بل و الحصول علي اكثر فوائد الصيام
ركّز معي ي صديقي الجميل🙋‍♀️🕵️‍♀️👩‍⚕️

اولا المرضى
🙋‍♀️ كبار السن
🙋‍♀️ و اللي ماشيين علي انسولين
🙋‍♀️ المرضى اللي بيعانوا من أكثر من مرض
🙋‍♀️ مرضي الغسيل
🙋‍♀️ مرضي الكبد المراحل المتقدمة
🙋‍♀️ مرضى الربو اللي ماشيين علي جلسات وبخاخات ضرورية في النهار
🙋‍♀️ و المرضى اللي عندهم مضاعفات ف اخر تلات اشهر
🙋‍♀️ أو المعرضين لحدوث مضاعفات حاليا
🙋‍♀️🙏 الحوامل و المرضعات اول ستة أشهر

جواب نهائي

🙅ممنوع الصيام🙅

ولازم يزوروا الطبيب لمتابعة حالتهم لاستعادة التحكم في المرض و مضاعفاته قول نهائي

ثانياً
المرضي اللي متحكمين تماما في المرض تبعهم وما بيعانوا من اي مضاعفات أو لو فيه مضاعفات حصلت لكن متحكمين فيها في اخر تلات شهور او المرضعات بعد ستة اشهر
👈😍 دول ممكن يصوموا

🙋‍♀️🙋‍♀️🙋‍♀️ بعد استشارة الطبيب👩‍⚕️👩‍⚕️👩‍⚕️

( اللي بدوره هيدعبس ويفحص و يمحص علشان يقّيم الحالة ويعرف اذا فعلا ما في ضرر من
💥 الجفاف والجلطات
💥 أو لخبطة السكر
💥 او الضغط
💥 او ايونات وكهرباء الجسم
وكده يعني تمام)

🙋‍♀️ ويكون فيه جهاز سكر وجهاز ضغط بالبيت لمتابعة حالتهم

طيب خلاص
ظبطنا امورنا
تحاليلنا تمام
اشعاتنا اوكيه
الطبيب قال ينفع نصوم وهنصوم أن شاء الله

ايه بقي النظام اللي هنمشي عليه ؟؟؟؟؟
🤔🤔🤔🤔🤔🕵️🕵️👩‍⚕️👩‍⚕️

بالنسبة للضغط والسكر ( لانهم اكتر ناس بنشوفهم)

🤗 الفطار و السحور ويبنهم وجبة ف خلال
٣: ٤ ساعات من الافطار
🤗 البروتين الحيواني هيكون أساس فيه السمك لمدة شهر يوميا ويكون مسلوق او مشوي ( بدون زيت قلي) و ممكن طيور
🤗 السلطة كيلو ونص سلطة مشكلة من السحور إلى الفطار
🤗😍 الزيتون و زيت الزيتون هو اللاعب الرئيس في السحور و كل الأوقات
زيت الزيتون
الزيتون
زيت الزيتون
الزيتون........... لنهاية الصفحة 🙋‍♀️

🤗 الدهون الحيوانية السمن والزبدة و الدهن هي الأصل ( طيب السمنة النباتين والزيت الطعام للاسف لاء) إذا كان ولابد مافيش غير كده يبقي نخلطهم مع دهون حيوانية واهو نص جرعة مفيدة افضل من عدمه🤷‍♀️
🤗 الرايب والزبادي يكون بيتي كلام نهائي
نيجي بقي عند اهم نقطة
🤗 العيش او الخبز والمحاشي
من الاخر في شهر رمضان ( نظرا للظروف الاقتصادية و طبعا لانه مفيد عن الخبز العادي) هنستبدل الخبز العادي بعيش العدس سواء البلدي أو التوست ( نجهز كمية منه قبل رمضان شوفي اكتر من فيديو علشان تختاري الطريقة المناسبة ليكي)
و المحشي يتعمل بطريقة صحية فيديوهات كتيرة بتشرح ده علي النت المفترض أن معظم المرضي عارفينها وبالفعل ماشيين عليها

🙋‍♀️ المسألة ي صديقي الجميل انك مش هتيجي تضبط نمط التغذية تبعك ف رمضان راحوا فين ال ١١ شهر 🤷‍♀️🤗 تمام وبس
🤗 الفول المدمس المضروب بالخلاط والافضل منه الحمص المدمس مع البيض و الطحينة مع جبنة قريش سحور
🤗 الخضار اي نوع سواء شوربة او مشوي او سوتيه ف الافطار ( البطاطس تعتبر نشويات ي جماعة)
🤗 مرقة العظام أساسي في تجهيز الخضار المطبوخ و الشوربات أو حتي لوحدها

🤗 طيب البلح واحدة او تلاتة مع ربع كوب حليب بلدي و كوب ماء
🤗 السناك مكسرات و زبيب ( الكمية حسب السعرات اللي المفروض بتختلف من بني ادم التاني وعلي حسب النشاط و النوع و حالة المرض )

👈👻☠️ طيب الكنافة والقطايف والفطائر اللذيذة
شوف ي صديقي الجميل للتوضيح لو اكلت بالطريقة اللي قولت لك عليها دي ولسه لك نفس القطايف و الكنافة غالبا حضرتك بتعاني من مرض اسمه
👇
( الجوع العاطفي يعني عندك ضغط وتوتر وقلق يظهر في ميل الي السكريات دي بذات أو الاندومي خصوصا أو المقرمشات حصريا وهكذا) ده له علاج سلوكي و تغذوي مع أطباء التغذية العلاجية محبكتش ف رمضان

عموما ممكن تأكل حتة كنافة بقدر معين وتخصمها من باقي سعرات اليوم او تاكل براحتك لو عايز تحصل لك مضاعفات بقي و تفطر في رمضان ده اختيارك ي صديقي 👻

الأدوية تبعنا لازم نستشير الطبيب علشان نعرف اذا كان هيغير الجرعة والتوقيت وكده يعني

الماء 🙋‍♀️🙋‍♀️🙋‍♀️🙋‍♀️🙋‍♀️🙋‍♀️

علي عكس الصيام المتقطع اللي مسموح فيه بالسوائل صيام المسلمين ممنوع فيه السوايل بالنهار علشان كده هنعمل إرواء طوال فترة الليل كالاتي:
👈 مع كل صلاة نشرب كوب الي كوب ونصف 👈 ومع الافطار والسحور (نوزع شرب الماء علي فترة الافطار كاملة وليس عند الافطار والسحور فقط)
👈 طبق السلطة فيه خضروات ورقية و خيار ودي تعتبر بطاريات السوائل
👈 نقلل الملح وبلاش مخللات في وجبة السحور ( ملح الهيمالايا أو ملح البحر بديل صحي عن الملح الأبيض بس لازم نعوض بمكملات اليود) تمام كده.

المشي قبل الافطار نص ساعة للي مسموح له

اخير ي صديقي الجميل لو لاقيت الدنيا صعبت عليك قوي 😤😤😤🤦‍♀️

خلاص
🙋‍♀️ زي مانت ماشي في الأيام العادية
🙋‍♀️ بس هتعكس نهارك ليل وليلك نهار
( نومك بالنهار و شغلك بالليل)
🙋‍♀️ زود السوائل والسلطات وقلل الملح
🙋‍♀️ وفطارك هيكون المغرب و عشاك في السحور و غداك في خلال ٣: ٤ ساعات من المغرب
🙋‍♀️ اي وقت تشعر فيه انك مش تمام أفطر
🙋‍♀️ واذهب للطبيب فورا. وبس كده
دمتم بصحة وعافية 🙋‍♀️👩‍⚕️

03/03/2024

انواع الكحة وعلاجها

02/03/2024

كيف نشخص الحمى الروماتيزمية

18/02/2024

دعنا نتفق ي صديقي الجميل على قاعدة أن:

الدواء هو مادة دخيلة علي الجسم لها فوائدها ولها اضرارها يتم استعمالها بحكمة للحصول على اكثر فوائد وصفر اضرار قدر الإمكان. تمام كده 👩‍⚕️🤗

طيب هذا الاستعمال الحكيم بيتم ازااااي🕵️🤔

اولا) الطبيب المتخصص هو المسؤل الوحيد عن وصف
🙋‍♀️ نوع
🙋‍♀️ وكمية
🙋‍♀️ ومدة
🙋‍♀️ و طريقة استعمال الدواء

ثانيا) التزم بما وصفه الطبيب

ثالثا) كل ما يندرج تحت بند الطعام بكل مكوناته والمشروبات يعتبر بمثابة أدوية ايضا ولكن في صورة بدائية ( استخدمها بحكمة و باعتدال )

رابعا) السم احيانا يكون علاج لبعض الأمراض والدواء أيضا يكون سببا في الأمراض ( الامصال و الاثار الجانبية للادوية) 👻

خامساً) الدواء الذي كان سببا في شفاء صديقي قد يكون سببا في مرضك لذا ( ارجع دائماً لنقطة اولا)

سادساً) الوقاية خير من العلاج ؟؟؟؟ بجد والله
👈 الكمامة و الجوانتيات و المسافات الشخصية
👈 غسيل الأيدي
👈 الطعام البسيط عند اللزوم
👈 الرياضة المستمرة ولو قليلا
👈 الجسم ليس وسيلة للتخلص من التوتر والضغط ( التدخين النرفزة القولون العصبي وكده يعني)
👈 اعطي فرصة لجسمك أن يقاوم الأمراض البسيطة وارجع دايما للنقطة اولا قبل اي استعمال لاي دواء
دمتم بصحة وعافية 🙋‍♀️👩‍⚕️

17/02/2024

10/02/2024

👻👻👻 ضعف الجهاز الهضمي 👻👻👻

اتبع نظام الاكل المخصص لضعف القناة الهضمية لمدة شهر و شوف النتيجة
💥 الاكل مضروب بالخلاط بذات البروتينات والخضار( اللحوم والفول والعدس والسلطة كله مضروب بالخلاط)
💥 شوربة عظام ( يفضل ف قدرة التدميس علي مدار خمس الي سبع ساعات علي الاقل)
💥 شوربة خضار
💥 الاكل عامة مسلوق او سوتيه
💥 مشروبات شفافة بدون سكر
💥 الخبز و المعجنات لاء ( يعني عادي جدا ناكل البيض بدون خبز و الفول والبطاطس اقسم بالله انها بتتاكل عادي بدون خبز و باقي الخضار يجوز اكله بالملعقة عادي برضو)
💥 المحشي والكشري و الرز اوكيه لو مش بنتعب منه ويُحضّـر بالطريقة الصحية 🤗👻

💥 تمارين التنفس و الرياضة تزداد تدريجياً الي ساعة يومياً على الاقل
💥 مساج عميق للبطن والحوض و الظهر
💥 غسيل القولون مفيد حتي لو مرة كل شهر
💥 كل شيء بيدخل الفم ويكون متغلف أو مُصنع ممنوع (مواد حافظة الوان مكتسبات طعم و ريحة فركتوز أحادي صوديوم جلوتاميت *اللي ف الاندومي و كتير من المنتجات*) مترحش السوبرماركت
💥 افضل الدهون :
الحيوانية (السمن والدهن و القشطة )
زيت الزيتون
جوز الهند والسمسم والحار ( استعمال علي البارد)
لو ما فيش قلل علي قد ما تقدر الزيوت النباتية غير اللي فوق دي بلاش سمن نباتي ده ممنوع تماما
💥 الأدوية و المكملات لها دور مؤقت لكنه مهم جدا حسب ارشادات الطبيب بعد اخذ تاريخ مرضّي مفصّل والتحاليل والأشعة اللازمة
💥 الصيام حل جميل و صحي لمعظم مسائل الجهاز الهضمي
المعدة بقي تقريبا نفس النظام مع تغيرات أن شاء الله نلتقي في بوست اخر عن المعدة والجرثومة و اوهام الميكروب الحلزوني
دمتم بصحة وعافية 🙋‍♀️👩‍⚕️