صحتك أولا

20/09/2025

هل تعرف ما هى الأمراض المعدية الأكثر شيوعا في الشتاء؟
1-الأنفلونزا
2-الجديرى المائى
3-النكاف
وهى أمراض فيروسية تنتقل عن طريق الرذاذ ونتيجة الازدحام فى التجمعات مثل المدارس

19/09/2025

معلومه تساوى حياه

دي مش صورة واحد بيلعب
دي صورة واحد بيتشنج...
والسبب كل الناس بتستهون بيه خاصة في الارياف..
لو دخل في رجلك مسمار.. او اي حاجه في الطين ..
وسيبكم بقي من الاسطورة اللي بتقول لو جابت دم مش مشكله..
عشان في الواقع لو جابت دم ده اصل المشكله..
واليكم الموضوع بالتفصيل..

#التيتانوس

هذه البكتيريا إسمها تيتانوس_الكزاز ( )من صنف ... البكتريا موجبة الجرام... لا تعرف الرحمة .. توجد هذه البكتيريا في التربة .
هذه البكتيريا تهاجم جسم الإنسان و تجعل كل عضلة من عضلاته تتقلص فتتكسر عظامه... حتى ضوء الشمس و أصوات الأحبة يزيدون المريض ألما... فيكون علاجها بتركه في غرفة مظلمة هادئة... ألم رهيب يحل به... قد يبكي من ألم رهيب تارة و قد يبكي من الوحدة تارة أخرى... و أسوء ما في الأمر أنه يبقى واعياً مدركاً لما يحل به... إلى أن تتقلص عضلات حنجرته... فيغرر غرغرته الأخيرة و يموت
_____________________________________

هذه البكتيريا تأتي فقط عند تعرضك ل #جرح بمسمار قديم ( فيه الصدأ ) أو أي أداة في التربة وخصوصا الحقول والمناطق الزراعية لذلك لا تستهين عند تعرضك لجرح عميق بما سبق بالذهاب إلى طوارئ المستشفى و أخذ مصل التيتانوس الذي لايضرك لكن ينفعك في حالة أصبت بهذه البكتيريا التي تؤدي للموت ✋

18/05/2021

التطعيمات ال متوفرة فى مصر نوعين
* المصل الصينى( Sinopharm vaccine ):
ودة فكرته ببساطة انى باخد الفيرس الميت ال غير نشط ( killed vaccine ) واحقنه فى جسم الإنسان وبكدا الجسم هيبدأ يكون أجسام مضادة هتكون قادرة فيما بعد للتصدى للفيرس الحقيقى النشط والمحصلة ف الأخر انك بقيت محمى من العدوى ودة فكرة اغلب الامصال ال موجودة عندنا فى مصر
* مصل AstraZeneca ودة ال صنعته حامعة Oxford فى بريطانيا:
ودة فكرته متقدمه شوية انهم بياخدو جزء من الحمض النووى (spike protein ) للفيرس الحى ويحقنوه بطريقه معينة فى جسم الإنسان ( live attenuated vaccine ) وبعدها برضه الجسم يبدأ يكون أجسام مضادة تقدر تكون قادرة ومستعدة لمواجهة فيرس الكورونا فيما بعد .
نستعرض الأسئلة بقا 🎤📞:
اى هى اهم الفئات ال مفروض تاخد المصل ؟؟
فى ظل تزايد الاعداد حاليا كله مفروض ياخده انما برضه الأولوية للطاقم الطبى واصحاب الأمراض المزمنة من الضغط والسكر وخلافه وكبار السن
أنا اتصبت بكورونا هل أخد المصل وامتى ؟؟
أه حضرتك تاخد المصل بس مش أقل من ٣ شهور من الإصابة ..لانه ببساطة الاصابة كونت عندك اجسام مضادة مفروض تستمر ٣ شهور..
أنا عندى دور برد هل أخد المصل؟
ممنوع تاخد المصل وانت عندك دور برد الا بعد ما تتاكد تماما انه الدور دة مش كورونا وكمان الاعراض تنتهى عندك تمام
أخد كام جرعة ؟
التعطيمات بتكون على جرعتين بينهم من ٣ ل ٤ اسابيع
مصل AstraZeneca بيسبب تجلطات ؟ (هام جدا )
فى انجلترا لقى انه كل مليون اتطعمو بمصل AstraZeneca فيهم حوالى ٤ اشخاص تعرضو لجلطات وطبعا مش كلهم ماتو ودة كان سببه وجود اجسام مضادة للصفائح الدموية ولذلك النوع دة من التجلطات لو انا خدتله مضادات التجلطات ال هو من عائلة Heparin كما هو شائع هتكون الحالة قاتلة لانه كدا عدد الصفائح هتقل اكتر... يعنى ناخده ولا لأ ؟؟ ايوة خده لانه انا بكلمك عن ٤ حالات لكل مليون ومش كل ال ٤ حالات قاتلة وانجلترا الى الان شغاله تطعيم ومبطلتش والمصدر هتلاقيه ف التعليقات تحت 👇
هل ممكن اخد مضادات تجلط او أسبرين احتياطيا بعد مصل AstraZeneca؟
ملوش لازمة حضرتك
اى الافضل الصينى ولا AstraZeneca؟
الاتنين كويسين بس فى تفاوت بسيط فى تكوين الأجسام المضادة الصينى حوالى ٨٤% و AstraZeneca حوالى ٩٢%
حضرتك انا اخدت المصل وظهر عندى اعراض سخونة وتكسير وهمدان ذى اعراض الكورونا بالظبط اى تفسير دة وحله ؟
لا حضرتك دى اعراض عادية للمصل. (constitutional symptoms) متقلقش منها اهم حاجة الزم الراحة والسوايل الكتير وخد باراسيتامول قرصين / ٨ ساعات لحين اختفاء الأعراض
هل الحوامل تاخد المصل؟
لا
هل ف تحليل معين ممكن اعمله قبل المصل ؟؟
والله حضرتك بعض الدول بتعمل وانت حضرتك لو عايز تعمل اعمل
IgG
ودة ال هيثبت انك عندك اجسام مضادة وبالتالى المصل مش هيكون له قيمة ف الوقت الحالى
IgM
ودة ال هيثبت انه عندك عدوى حديثة لسة موجودة
(recent infection)
وبالتالى مينفعش ناخد المصل( flaring of infection )
بس من فضلك لو عايز تعمل دول اعملهم ELISA مش Rapid
المصل هيدينى مناعة لمدة كام ؟
الأجسام المضادة بتفضل ف الجسم لشهور معظم الابحاث بتقول من ٤ ل ٦ شهور انما بقا بعد الفترة دى فى خلية محترمة بتفضل موجودة لفترة اطول بكتير يقال انها بتفضل لسنوات ودى برضة يتساعد ف المناعة والخلية دى اسمها Memory B cell
والمصدر برضه هيكون موجود ف التعليقات 👇👇
أخيرا :
الكورونا حاليا تضرب بضراوة ولا تستثنى أحد ومفيش ادامك غير انك تاخد المصل ..أنت أمام حاجتين مرض قتل اكتر من ٣ مليون ف العالم كله ولسة شغال يقتل ومصل ممكن ينقذ حياتك عدد الوفيات بعده لا تتجاوز ٥٠٠ حالة على مستوى العالم والله اعلم ان كانت من المصل او لا اصلا ...اختار أنت بقا ..
المصل مش هيقلبنا قرود او هيلعب فى الجينات بتاعتنا والكلام الفارغ ال احنا بنسمعه ديما
وسائل الإنقاذ حاليا ليك ول غيرك بتتمثل فى : المصل + الكمامة + التباعد الاجتماعى ..
أعقلها وتوكل
أنا الحمد لله حجزت على موقع الوزارة وهاخد المصل قريبا
دمتم بعافية وسلام 🙏🤲
د/ مجدى شهدى طه
مدرس م الأمراض الصدرية ..كلية طب الأزهر بالقاهرة

22/10/2020

1-M. elMalt 2- الصفحة على الفيس بوك ( ابو عبدالرحمن الملط) 3- الصفحة على تويتر ( محمد على ) جهات الاتصال : 01140375817

01/02/2020

بالإنفوجراف... طرق الوقاية من فيروس "كورونا" المستجد

تزامناً مع الإجراءات الوقائية والاحترازية التي اتخذتها الدولة المصرية للتصدي لفيروس "كورونا" المستجد ومنع دخوله إلى البلاد، وحرصاً على صحة وسلامة جميع المواطنين، نشر المركز الإعلامي لمجلس الوزراء، إنفوجرافاً يسلط من خلاله الضوء على طرق الوقاية من هذا الفيروس.

وجاء في الانفوجراف، أنه يجب المداومة على غسل اليدين جيداً بالماء والصابون أو المواد المطهرة الأخرى التي تستخدم لغسيل اليدين، خصوصاً بعد السعال أو العطس، بجانب استخدام المناديل عند السعال أو العطس والتخلص منها في سلة النفايات على أن يتم غسل اليدين جيداً، في حين يمكن استخدم أعلى الذراع وليس اليدين إذا لم تتوافر المناديل، مع محاولة تجنب ملامسة العينين والأنف والفم باليدين.

وأوضح الإنفوجراف، أنه في إطار الوقاية من فيروس "كورونا" أيضاً، يجب المحافظة على النظافة الشخصية والحرص على نظافة الأسطح والأرضيات، مع تجنب الاحتكاك المباشر بالمصابين ومشاركتهم أدواتهم الشخصية، وارتداء الكمامات عند التعامل مع حالات مشتبه بإصابتها.

كما أكد الإنفوجراف، على أهمية المحافظة على العادات الصحية الأخرى كالتوازن الغذائي والنشاط البدني وأخذ قسط كافٍ من النوم، مشدداً على ضرورة التوجه إلى أقرب مستشفى عند الشعور بأعراض شديدة.

13/12/2019