What are the opening hours?

Monday 3pm - 11pm Tuesday 3pm - 11pm Wednesday 3pm - 11pm Thursday 3pm - 11pm Saturday 3pm - 11pm Sunday 3pm - 11pm

https://www.facebook.com/313410862782144/

عيادة د.محمود صلاح مدرس الباطنة والصدر والحساسية بطب الازهر -م

Home
Egypt
Faqous
عيادة د.محمود صلاح مدرس الباطنة والصدر والحساسية بطب الازهر -م

د.محمود صلاح
العنوان: فاقوس ش الدروس. برج فخر امام بنك مصر الدور الثاني علوي أعلي صيدلية طيبة
للحجز والاستعلام ت : 01060640645

23/10/2022

لو لسه بتشرب دخان من اي نوع الفيديو ده مهم جدا ليك
هيفرق معاك جدا
#صحتكم #بالدنيا🌹
#احذروا #التدخين 👽

19/10/2022

السلام عليكم جميعااا
اليوم هنتكلم عن موضوع يهم كل أسرة او بيت وتوعية ضرورية لكل أسرة 👌👌

✍️ اسباب تهيج الشعب
الهوائية فى مرضى الربو :
١.ريش أو شعر الحيوانات،

٢.عث الغبار (يوجد أيضا في السجاد ومكيفات النوافذ التي لا تنظف دوريا

٣.غبار الطلع

٤. الأطعمة مثل السمك والمحار والبيض.

٥.المثيرات في الهواء: السجائر أو السيجار والشيشة، دخان الشوي بالفحم، رائحة الطلاء والوقود، الملوثات مثل عوادم السيارات ومداخن المصانع.

٦. الطقس: الهواء البارد والجاف والرطوبة العالية أو التغيرات المفاجئة بالطقس

٧.المواد المهيجة: الغبار والأبخرة من منتجات التنظيف.

٨. الالتهابات الفيروسية مثل الزكام/الرشح، الانفلونزا،التهابات الحلق والجيوب الأنفية تعتبر من المهيجات الشائعة للربو لدى الأطفال.

٩. التمارين الرياضية: التمارين الرياضية مهيجات شائعة للربو. ويمكن أن تحدث لدى كل الأشخاص المصابين بعد أداء تمارين رياضية عنيفة لمدة 5 دقائق على الأقل. أما الألعاب الرياضية مثل السباحة فهي أقل المهيجات للربو، بينما الجري لمسافات طويلة وكرة القدم عادة ما تؤدي إلى حدوث نوبة الربو عند المعرضين للإصابة.

١٠. التغييرات العاطفية: الضحك والبكاء والخوف والصراخ والسعال يمكن أن تتسبب في أعراض الربو.

دمتم بصحة وعافية
#دمحمودصلاح

17/10/2022

✍️ ازاي نكتشف الحساسية مبكرا عند الأطفال؟ 🤔🤔

✍️ العطس والسعال.
حكة في الأنف أو الحلق. صعوبة بالتنفس.
حكة أو احمرار في العين، وتسمى هذه الحالة التهاب الملتحمة

✍️ أعراض الحساسية الطعام أو الأدوية أو الحشرات تكون كما يأتي:
القيء والإسهال.
ألم في المعدة.
ضيق في التنفس.
الأكزيما.
حكة وتورم في العين.
سعال وبحة بالصوت.
فقدان الوعي والتوازن بسبب انخفاض ضغط الدم.

✍️ وايه طرق علاجها الممكنة؟
لازم العلاج في اسرع وقت
بالعرض علي أخصائي الصدر والحساسية والمناعة

✔️علاج أمراض الصدر والربو

✔️الحساسية وحساسية الطعام والجلد

✔️ متابعة كفاءة ووظائف الرئة والكشف المبكر عن التليف الرئوي

دمتم بصحة عافية

#دمحمودصلاح

16/10/2022

📌 الالتهاب الرئوي 🫁

✍️ يُعد الالتهاب الرئوي عدوى تؤدي إلى التهاب الحويصلات الهوائية في إحدى الرئتين أو كلتيهما . قد تُملأ الحويصلات الهوائية بالسوائل أو بالصديد ، الأمر الذي يسبب السعال المصحوب بالبلغم أو الصديد، والحمى أو القشعريرة، وصعوبة في التنفس.

✍️ العلامات و الاعراض
- الم في الصدر
- سعال
- ضيق في النفس
- بلغم
- الحمى
- الغثيان و الارهاق

🟢✍️ عوامل الخطر
-الاطفال الرضع و من هم دون سن ٥ سنوات
-كبار السن و من هم فوق ٧٠ سنة

🟠✍️ المضاعفات
-في الالتهاب الحاد قد يحدث تسمم الدم
- صعوبة شدية في التنفس
- خراج الرئة
- تجمع السوائل حول الرئة

⚪️ ✍️العلاج
- المضادات الحيوية وأدوية اخري حسب رؤية الطبيب وحسب حالة المريض

📌✍️ الوقاية
- تلقي تطعيم ضد الانفلونزا و خصوصاً لدى الاطفال
-عدم التدخين
-تقوية الجهاز المناعي من خلال التغذية الجيدة
-الحفاظ على النظافة الشخصية

دمتم بصحة وعافية

#دمحمودصلاح

11/10/2022

السلام عليكم جميعا
هتكلم النهاردة عن مرض المفروض انه نادر الحدوث ولكن الان اصبحنا نراه بكثرة ...
✍️ التليف_الرئوي

✍️ايه_التليف_الرئوي؟؟
هو مرض غالبا مزمن يصيب الخلايا_البينية في الرئة واللي هي بين الحويصلات الهوائية والاوعية الدموية وده بيعمل تليفات تؤدي الي تيبس_الرئة و ضعف_استخلاص_الاكسجين وبالتالي ضعف توصيل الاكسجين الي باقي اجزاء الجسم .

✍️ اسبابه ؟؟؟
لايوجد سبب واضح ولكن قد يحدث نتيجة التدخين او بسبب تناول بعض الادوية او حساسية شديدة لبعض المواد أو نتيجة تربية_الطيور او كجزء من بعض الامراض_المناعية. .

✍️ التشخيص ...
يتم التشخيص
عن طريق الاعراض طبعا ثم الاشعة_المقطعيه_عالية_الايضاح ثم وظائف_التنفس ..

✍️ العلاج ....
علاج هذه الحالات ..
في الحالات المتقدمة للاسف ملوش علاج الا استخدام الاكسجين مدي الحياه او زراعة_رئة جديدة ..
في الحالات البسيطة وبداية المرض فيه علاجات بتحافظ_علي_خلايا_الرئة الباقية و بتمنع_تطور المرض ودي بتعتمد علي الكورتيزون و مثبطات_المناعة.
و حديثا تم اكتشاف علاجات يمكنها تحديث وتجديد خلايا الرئة ولكنها غالية جدا وتحت التجارب.

مع تمنياتي لكم بحياة اكتر حيوية ونشاط 🌹
#دمحمودصلاح

09/10/2022

السلام عليكم جميعا ....
موضوع النهاردة هو عن حاجة اسمها الكروب croup او الخناق او التهاب الحلق والحنجرة والجزء العلوى من القصبة الهوائية والمسمى خطئا السعال_الديكى
كتير جدا بنلاقى اولادنا وخصوصا فى فترة الخريف والشتا يكونوا نايمين كويس ويصحوا من النوم على كرشة نفس شديدة وصوت حشرجة وكحة خشنة وبعض الاهالى يقولوا عليها سعال_ديكى. يروحوا يكشفوا يتقالهم ده التهاب رئوى حاد وحساسية ويتعملهم جلسات؟؟!!!!!!!
1- طبعا هو مش سعال ديكى خالص دى تسمية خاطئة لان السعال الديكى مرض مختلف وليه تطعيم بيتاخد مع التطعيمات الاجبارية الخاصة بالوحدة الصحية.
2-الحالة دى بتحصل من سن 5 شهور الى 6 سنوات ونادرا مابتطول الى 15 سنة .
3- بيكون سببها عدوى فيروسية واحيانا حساسية فى الحلق والحنجرة .
4- بتسبب التهاب فى الجزء العلوى اللى هو فيه الحنجرة والاحبال الصوتية والجزء الاعلى من القصبة الهوائية وده بيؤدى الى تضخم الجزء ده وانسداد جزئى فى مجرى الهوا من فوق
الحالة دي علطول نروح طوارئ اي مستشفي عشان ناخد علاج الطوارئ المناسب لها في اسرع وقت عشان ميحصلش مضاعفات للحالة
دمتم بصحة وعافية ....
#دمحمودصلاح

06/10/2022

السلام عليكم جميعا.....
النهاردة هتكلم عن حاجة مهمة جدا وغامضة على اغلب الناس وهى الفرق بين الانفلونزا_influenza و نزلة_البرد_common_cold
و عشان الناس تكون فاهمة الفرق وكمان تكون فاهمة ان تطعيم_الانفلونزا للوقاية من الانفلونزا وليس نزلة_البرد .

وارجوا ان الناس كلها تتطعم ضد الانفلونزا .... فالوقاية خير من العلاج

مع تمنياتى لكم بتنفس اكتر راحة وعافية تدوم
#دمحمودصلاح

29/09/2022

السلام عليكم جميعا ..
هنتكلم فى البوست ده عن حاجة مهمة جداا , تهم كل مرضى الحساسية سواء كانت حساسية صدر او انف او جلد وهى الحساسية_الموسمية :

الفتره دى من كل سنه اللى هى من الفترات المزعجه جدا لمرضى الحساسية واسرهم وبيعتبروها مأساه وبيكونوا شايلين همها جدا .
الشخص الطبيعى جسمه بيتاقلم مع تغيرات الجو والاتربة وحبوب اللقاح ،
اما مريض الحساسية تفاعل جسمة بيكون مختلف شوية و جسمه بيتفاعل مع الحاجات دى على انها شىء غريب ومش طبيعى وبالتالى بيعمل اجسام مضاده ناحيتها اللى بنسميها #(Ig E)
واللى بدورها بتتفاعل مع الجسم وبتخليه يفرز مضادات للحساسية زى الهستامين و الليكوترايين وحاجات تانية كتير مش عاوز اصدع دماغكم بيها .
وعشان كده فيه مرضى بتكون طول السنه كويسه ومابتاخدش اى علاج وبتيجى فى الفترات دى وتبدأ تتعب ، وحتى المريض نفسه بيقول انا بيجيلى الدور ده كل سنه يا دكتور ،وده اللى بنسميه الحساسيه_الموسميه .
وزى المثل ما بيقول الوقايه خير من العلاج ، فالمفروض المرضى دول ياخدوا احتياطتهم
اقولكم ازاى ؟؟؟ :
*تجنب الاتربه والدخان .
*تجنب الخروج من المنزل فى حاله وجود اتربه او مطر .
*مصل الانفلونزا الموسميه بدايه شهر سبتمبر من كل سنه .
*اقراص مضادات الحساسيه مثلا اول متبدا تظهر اعراض الرشح والزكام او عطس او حكه فى الانف.
*اخد البخاخات الموسعه للشعب ومضادات الالتهابات فى بداية ظهور اعراض كحة وضيق نفس .
*فى حاله حساسية الانف استخدام بخاخات الانف زى
*من الممكن عمل اختبارات_حساسيه عن طريق الجلد عشان نعرف نوع المهيجات للحساسية سواء حبوب لقاح او عته الفراش او اطعمه معينه والابتعاد عنها او عمل امصال لزياده مناعه الجسم .
دمتم سالمين غانمين
#دمحمودصلاح

28/09/2022

السلام عليكم جميعا ...
هتكلم النهاردة عن النزلات_الشعبية او الالتهاب_الرئوى او التهاب_الشعيبات_الهوائية ...

هى التهاب يسببه فيروس غالبا وممكن برضه بكتيريا، وهى كمان العدوى التنفسية الأكثر شيوعا لدى الأطفال الرضع...حوالي واحد_من_كل_ثلاثة_رضع يتعرضون للنزلات الشُعَبية في السنة الاولى من العمر .

اعراضها: ارتفاع درجة حرارة ... رشح ... صعوبة_تنفس .. ضعف_رضاعة .

القرار: على طول نكشف_بدون_اجتهاد .. اه هى ممكن تخف مع الوقت فى بعض الحالات .. بس كمان خطيرة جدا فى الاغلب
العلاج: طبعا اللى يقرره الدكتور ... خافض .. نقط_للانف .. مذيب_للبلغم ... مضاد .. وكمان الجلسات ...

الجلسات_مهمة جدا و تنقذ_حياة_الكثير من الرضع والاطفال .. ممكن نعملها كل 10 دقايق وكل ساعتين وبعد كده بنقلل مع الوقت ..
الله يخليكم بلاش_تسمعوا_كلام_الناس عن الجلسات ... الجلسة مش هتموت ... انما الالتهاب الرئوى قاتل ...
مع تمنياتى للجميع بالصحة والعافية
#دمحمودصلاح

26/09/2022

النظافة_الزائدة او وسواس_النظافه قد يضر

ممكن يكون العنوان صادم شوية ، وطبعا هيبقى عليه جدل كتير ولكن هذه هى الحقيقة 🤔👌
من الاشياء المعروفة إن النظافة الشخصية من الحاجات الاساسية المهمة جدّا في الحفاظ على مظهرنا وشكلنا النظيف وكمان المحافظة على الجسم من الميكروبات والبكتيريا والأمراض. ودي طبعا حاجة مفيهاش خلاف ولا جدال.
ولكن في بعض الأحيان ممكن الاهتمام بالنظافة الشخصية زيادة عن اللزوم لدرجة الوسواس وعدم تعرض #الأطفال تماما لأي نوع من البكتريا بيضعف #مناعة الجسم ويخلى الجسم غير قادر على مواجهة المكيروبات والفيروسات الأقوى؛ لأن جهازه المناعي مابيكونش عنده ذاكرة لاى نوع من الميكروبات ومش مستعد ومش متعرف على أنواع كثيرة من المكيروبات.

بالظبط كدا زي ما يكون عندك فلاشة أو طابعة وبتوصلها بالكمبيوتر لأول مرة وبتعملها تعريف و Set upلكن تاني مرة بتوصلها عادي جدا من غير أي تعريف وفي ثواني،

ودا بالظبط اللي بيحصل مع التطعيمات في الأطفال، فأنا بدخل للطفل أنواع من البكتيريا سواء حية بس ضعيفة جدًا، أو ميتة بحيث أخلى جهازه المناعي يتعرف عليها ويكون أجسام مضادة لها ويتفاعل معها أسرع.
زي مصل و #الحصبة و و #الدرن.. كل دول قايمين على نفس الفكرة.

بس طبعا مش كل المكيروبات و البكتيريا لها تطعيمات ممكن الطفل ياخدها، لكن بيتم اختيار المكيروبات الأخطر واللي ممكن تكون سبب لمضاعفات شديدة وكانت زمان بتؤدى الى الوفاة وبنديها للطفل ... ودا اللي بنسميه التطعيم الإجباري اللي الأطفال بتاخده أول ما تتولد في الوحدات الصحية أو مراكز طب الأسرة لأن الطفل في الوقت دا لسه معندوش أي أجسام مضادة لأي ميكروب وميعرفش الأخطار اللي ممكن تواجهه للأسف.

ومش معنى دا على فكرة أننا منهتمش بالنظافة الشخصية أو غسيل الأيدي لا طبعا ، ولكن الاعتدال مطلوب، ومافيهاش مشكله يعنى لو الطفل جاله مره دور برد عادى ومنستعجلش على اعطاء الطفل ادويه كتير ومضادات حيوية لمجرد عدوى فيروسيه ممكن تروح بالراحه والتغذية الكويسه واكون اديت فرصه لجهازه المناعى ينشط ويشتغل.

وحتى فيه مجموعة مستشفيات شهيرة فى امريكا اسمها Mayo Clinic مايو كلينيك ودى من اشهر المستشفيات على مستوى العالم نشرة مقالة على صفحتها تحت عنوان
Let Them Eat Dirt (or At least play in It)
ومعنى عنوان المقالة دى بالبلدى كدة سيبوهم ياكلوا طين او على الاقل يلعبوا فيه😂😂🤣
وده من ضمن النصايح اللى بيقدموها عشان يرفعوا من مناعة الاطفال .. وده لينك الموضوع للى حابب يتاكد
https://newsnetwork.mayoclinic.org/discussion/in-the-loop-let-them-eat-dirt-or-at-least-play-in-it/

وطبعا احنا سبقناهم فى المجال ده من زمااااان , ده حتى عندنا مثل من مئات السنين بيقول (ابن الهبلة بيعيش اكتر ) 🤣😂..
دمتم جميعا سالمين وبصحة جيدة 🥰
#دمحمودصلاح

24/09/2022

كتير بيحصلنا كتمة
وضيق ف التنفس 🥹😔
يا تري بتعمل ايه وقتها ؟؟🤔 💯✔️
الفيديو ده هيفيدك باذن الله🥰♥️

17/09/2022

لو عندك اعراض زي الكحة وحصلك فجأة
دم مع الكحة😒🤔
الفيديو ده هيفيدك جدا👌✔️
#الكحةالدموية
#دمحمودصلاح

Address

شارع الدروس. برج فخر . أمام بنك مصر . أعلي صيدلية طيبة
Faqous

Opening Hours

Monday	3pm - 11pm
Tuesday	3pm - 11pm
Wednesday	3pm - 11pm
Thursday	3pm - 11pm
Saturday	3pm - 11pm
Sunday	3pm - 11pm

Telephone

+201007976446

Website

facebook.com

Alerts

Be the first to know and let us send you an email when عيادة د.محمود صلاح مدرس الباطنة والصدر والحساسية بطب الازهر -م posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة د.محمود صلاح مدرس الباطنة والصدر والحساسية بطب الازهر -م:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Faqous?